မိူဝ်ႈဝၼ်းတီႈ 26/12/2025 ၸုမ်းပၵ်းတႃပႂ်ႉတူၺ်းပၢင်လိူၵ်ႈတင်ႈ မိူင်းရတ်ႉသျႃႊ၊ မိူင်း ၶႄႇ၊ မိူင်းဢိၼ်ႊတီးယိူဝ်ႊ၊ မိူင်းၵႃႊသတၼ်ႊ၊ မိူင်းၵမ်ႊပူႊၶျႃႊ လႄႈ မိူင်းဝႅတ်ႉၼမ်း၊ မိူင်းပႄႊလႃႊရုတ်ႉသ်ၶဝ် ႁွတ်ႈၽႅဝ်ဝႆႉတီႈဝဵင်းတႃႈၵုင်ႈ တႃႇမႃးပႂ်ႉတူၺ်းၸွမ်း ငဝ်းလၢႆးပၢင်လိူၵ်ႈတင်ႈ ဢၼ်သိုၵ်း မၢၼ်ႈယိုတ်း မိူင်းတေၸတ်းႁဵတ်း ၼႆယဝ်ႉ။ တူဝ်တႅၼ်းၸိုင်ႈမိူင်းရတ်ႉသျႃႊ ပဵၼ် Mr.Kara-ool Sholban ၼမ်းၼႃႈမႃး၊ တူဝ်တႅၼ်းၸိုင်ႈ...

ၼႂ်းလိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈယိုတ်းမိူင်း လွၵ်ႇငိုတ်ႈတေႃႇၵူၼ်းမိူင်း ၸိူဝ်းယူႇၼႂ်းပိုၼ်ႉတီႈ ၸႄႈဝဵင်းတၢင်ႉယၢၼ်း၊ ၸႄႈဝဵင်းမူႇၸေႊ ႁႂ်ႈၵႂႃႇပၼ်သဵင်ၵၢင်ၸႂ် ၼႂ်းဝၼ်း ပၢင်လိူၵ်ႈတင်ႈ ၼႆယဝ်ႉ။ ပၢင်လိူၵ်ႈတင်ႈဢၼ်သိုၵ်းမၢၼ်ႈတေၼမ်းၸတ်းၼႆႉ ၵူၼ်းမိူင်းၸိူဝ်းယူႇၼႂ်းမိူင်းတႆး ဢမ်ႇသူၼ်ၸႂ်။ ၶႃႈႁၢပ်ႇၵၢၼ်ၶုၼ်တႂ်ႈသိုၵ်းမၢၼ်ႈယိုတ်းမိူင်း ႁဵတ်းၽိုၼ်ၸေႈဢွၵ်ႇသေ ၵႂႃႇ တိတ်းဝႆႉသဵၼ်ႈၸိုဝ်ႈ ၵူၼ်းၸိူဝ်းတေလႆႈၵႂႃႇပၼ်သဵင် (တွတ်ႈမႄး) ယူႇသေတႃႉ ဢမ်ႇမီးၽႂ်ၵႂႃႇတူၺ်း။ ၸၢႆးဢွင်ႇ...

ပေႃးတူၵ်ႇထိုင် ပၢင်လိူၵ်ႈတင်ႈၼႆ ၵမ်ႈၼမ်တေႁၼ်ဝႃႈ ပဵၼ်တိုဝ်ႉတၢင်းသုၼ်ႇလီဢၼ်ၼိုင်ႈ တႃႇတႅင်ႇတင်ႈလူင်ပွင်ၸိုင်ႈဢၼ်မႂ်ႇ ဢၼ်ထုၵ်ႇၸႂ်ၵူၼ်းမိူင်းၼႆၼၼ်ႉယူႇ ။ ၵူၺ်းၵႃႈ သင်ၶွမ်ႊမသျိၼ်ႊဢၼ်ၵုမ်းဝႆႉပၢင်လိူၵ်ႈတင်ႈၼၼ်ႉသမ်ႉ ဢမ်ႇပဵၼ်ၵၢင်သေ ၸပ်းၾၢႆႇဝႆႉတႄႉ လိူၵ်ႈတင်ႈ ပၼ်သဵင်ၸိူင်ႉႁိုဝ်ၵေႃႈ ဢမ်ႇဢွၵ်ႇမႃးၽွၼ်းပၢင်ႈဢၼ်လီတႃႇၵူၼ်းမိူင်း ။ ၵွပ်ႈဝႃႈ တွတ်ႈပၼ်ပႃႇတီႇသင်ၵေႃႈ ယဝ်ႉ ၵမ်းလိုၼ်း ပႃႇတီႇဢၼ်ၶွမ်ႊမသျိၼ်ႊတႅင်ႇတင်ႈဝႆႉၼၼ်ႉၵူၺ်း ဢၼ်တေလႆႈတီႈယူႇၼႂ်းသၽႃး ။ ၵွပ်ႈၼၼ် တေလိူၵ်ႈတင်ႈမိူဝ်ႈလႂ်...

ဝၼ်းတီႈ 25/12/2025 ယၢမ်းၵၢင်ၶမ်ႈ ၶွမ်ႊမသျိၼ်ႊၵမ်ၵၢၼ်ပၢင်လိူၵ်ႈတင်ႈ မိူင်းႁူမ်ႈတုမ် တႂ်ႈဢၢမ်းၼၢတ်ႈသိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ ပၢင်လိူၵ်ႈ တင်ႈ ၸုပ်ႈ 3 ၼႆႉ တေၸတ်းႁဵတ်းၵႂႃႇ ဝၼ်းတီႈ 25 လိူၼ်ၵျႅၼ်ႊၼိဝ်ႊရီႊ ပီ 2026 ၼႆယဝ်ႉ။ ပၢင်လိူၵ်ႈတင်ႈ ၸုပ်ႈ 3 ၼႆႉ တင်းမိူင်းႁူမ်ႈတုမ်ပတ်းပိုၼ်ႉ...

ႁႅင်းၵၢၼ်ၵူၼ်းမိူင်းႁူမ်ႈတုမ်မၢၼ်ႈ ၸိူဝ်းယူႇသဝ်းတီႈၼႂ်းမိူင်းထႆး မီးၼပ်ႉႁူဝ်လၢၼ်ႉၵေႃႉသေတႃႉ ၸိူဝ်းၵႂႃႇတွတ်ႈၶႅပ်းၵၢင်ၸႂ်လူင်ႈၼႃႈ တႃႇပၢင်လိူၵ်ႈတင်ႈ ဢၼ်သိုၵ်းမၢၼ်ႈတေၸတ်းႁဵတ်းၼၼ်ႉ မီးႁူဝ်ပၢၵ်ႇၵေႃႉၵူၺ်းၼႆ ၵူၼ်းၸမ်ၸႂ်တင်း လုမ်းၽွင်းတၢင်သိုၵ်းမၢၼ်ႈ တီႈၵုင်းထဵပ်ႈ မိူင်းထႆး လၢတ်ႈၼင်ႇၼႆ။ ၸွမ်းၼင်ႇၶေႃႈမုလ်း ၸုမ်း Media Intelligence Group (MIG) Thailand ၶဝ် ၵဵပ်းဝႆႉ ၼႂ်းပီ 2023-2024 သေ ႁူဝ်ၼပ်ႉႁႅင်းၵၢၼ်ၵူၼ်းမိူင်းႁူမ်ႈတုမ်မၢၼ်ႈ...

ၼင်ႇႁိုဝ်ပေႃးတေဢွၵ်ႇၾၢင်ႁၢင်ႈ မီးၵူၼ်းမိူင်းၵႂႃႇပၼ်သဵင်ၵၢင်ၸႂ် (တွၼ်ႈၶႅပ်းမႄး) ၼမ် ၼႂ်းဝၼ်းပၢင်လိူၵ်ႈတင်ႈ ဝၼ်းတီႈ 28 လိူၼ်တီႊသႅမ်ႊပိူဝ်ႊၼၼ်ႉ သိုၵ်းမၢၼ်ႈယိုတ်းမိူင်း ငူပ်ႉငီႉၵၼ်တင်း သိုၵ်းၵဝ်ႈၵၢင်ႉသေ ႁႂ်ႈၽူႈမီးပုၼ်ႈၽွၼ်းၼႂ်းၸုမ်းသိုၵ်းၵဝ်ႈၵၢင်ႉ တီႈထုင်ႉၼမ်ႉပွင်ႈ ၸႄႈဝဵင်းလႃႈသဵဝ်ႈ ပၢဝ်ႇသေႃႇထိုင်ၵူၼ်းမိူင်း တႃႇၵႂႃႇပၼ်သဵင်ၵၢင်ၸႂ်လူင်ႈၼႃႈ ၼႆယဝ်ႉ။ မိူဝ်ႈၼႆႉ ဝၼ်းတီႈ 25 လိူၼ်တီႊသႅမ်ႊပိူဝ်ႊ ၽူႈမီးပုၼ်ႈၽွၼ်း ၾၢႆႇၽွင်းငမ်း ၼႂ်းထုင်ႉၼမ်ႉပွင်ႈ...

ပေႃး​​ထၢမ်ၵၼ်ဝႃႈ ၼႂ်းၵၢၼ်မိူင်းၸၢဝ်းတႆး ၸွင်ႇပႃႈမီးဝႆႉသုၼ်ၵၢင်ၼႆၸိုင် ​​တေလႆႈတွပ်ႇဝႃႈ ပႆႇမီးၼႆယူႇ၊ မိူဝ်ႈၼၼ်ႉ ယၢမ်ႈမီးမႃး​​သေတႃႉ မိူဝ်ႈလဵဝ်ဢမ်ႇႁၼ်ႁဵတ်းၸွမ်းယဝ်ႉလူး။ တႃႈမုင်ႈၵၢၼ်မိူင်းၶွင်တႆးၼႆႉ ပဵၼ်ဢီႈသင်၊ ​​ၶေႃႈဢဵၼ်းဢၢၼ်းၵၢၼ်မိူင်းၶွင်တႆးၼႆႉ ပဵၼ်ဢၼ်လႂ်၊ လွင်ႈဢၼ်ဢမ်ႇယွမ်းတိူဝ်ႉလႆႈလႃးလႃးၼႆႉ ပဵၼ်ၸိူဝ်းလႂ်ၼႆ ယၢမ်ႈဢုပ်ႇၵၼ်မႃး၊ ယၢမ်ႈတူၵ်းလူင်းၵၼ်မႃး​​သေတႃႉ ထိုင်ၼႃႈၼႅၼ်ႈမႃး ဢမ်ႇမီးလွင်ႈႁပ်ႉႁဵတ်းပုၼ်ႈၽွၼ်း​​လႄႈ ၵႃ​​ၼေးၵဝ်ႉၵဝ်ႉ​​ၼေးၵႃ​​ႁေ မိူၼ်တင်ႈၸႂ်ႁဵတ်းႁႂ်ႈသ​​လေႇၸိူဝ်ႉၶိူဝ်း လူႉသုမ်းလၢႆလၢႆၵူၺ်းၼႆ​​ၵေႃႈ ယင်းဝႃႈလႆႈယဝ်ႉ။ မိူၼ်ဝႃႈ လွင်ႈဝႆႉ...

သိုၵ်းမၢၼ်ႈ လႄႈ ၶႃႈႁၢပ်ႇၵၢၼ်ၶုၼ် တႂ်ႈဢၢမ်းၼၢတ်ႈ သိုၵ်းမၢၼ်ႈယိုတ်းမိူင်း ၸိူဝ်းပႂ်ႉဝႆႉတီႈၵဵတ်ႉလၢၼ်ႇ တၢင်းၶဝ်ႈဝဵင်းပၢင်ႇဢူႈလူင် တဵၵ်းယွၼ်း မၢပ်ႇမႂ်ဢဝ်ငိုၼ်း တီႈၵူၼ်းမိူင်း ၵုတ်ႈ ၸိူဝ်းလတ်းၽၢၼ်ႇၵႂႃႇမႃးၼိူဝ် သဵၼ်ႈတၢင်းလူင် မိူင်းၵုတ်ႈ- ပၢင်ႇဢူႈ - ဝဵင်းလိူဝ်ႇ ။ ၵူၼ်းၸိူဝ်းၺႃးမၢပ်ႇငိုၼ်း ပဵၼ်ၵူၼ်းယိပ်းမၢႆၾၢင် ၸိူဝ်းယူႇဝဵင်းမိူင်းၵုတ်ႈၵမ်ႈၼမ်။ တႃႇလတ်းၽၢၼ်ႇ ၵဵတ်ႉလၢၼ်ႇၵႂႃႇလႆႈၼၼ်ႉ...

ၽွင်းၸမ်ထိုင်ဝၼ်းပၢင်လိူၵ်ႈတင်ႈ ထႅင်ႈမွၵ်ႈၼိုင်ႈဝူင်ႈၼႆႉ သိုၵ်းမၢၼ်ႈ ၸိူဝ်းႁပ်ႉၼႃႈတီႈပုၼ်ႈၽွၼ်း တူင်ႉၼိုင်ၵႂႃႇမႃးၼႂ်းဝဵင်းမူႇၸေႊ ႁူမ်ႈၵၼ်တင်း ၸုမ်းပလိၵ်ႈသေ တင်ႈၵဵတ်ႉလၢၼ်ႇ ပႂ်ႉၵူတ်ႇထတ်း ၵူၼ်းၶဝ်ႈ ၵူၼ်းဢွၵ်ႇ ၼိူဝ်သဵၼ်ႈတၢင်း ၼႂ်းဝဵင်းမူႇၸေႊႁၢဝ်ႈႁႅင်း ။ ဝၼ်းတီႈ 28 လိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈယိုတ်းမိူင်း တေၸတ်းႁဵတ်းပၢင်လိူၵ်ႈတင်ႈ ၼႂ်းဝဵင်းမူႇၸေႊ ၸုပ်ႈၼိုင်ႈၼႆလႄႈ ၽွင်းတိုၵ်ႉႁၢင်ႈႁႅၼ်း တႃႇၸတ်းပၢင်မၼ်းယူႇ ၼၼ်ႉ ရူတ်ႉၶိူင်ႈ...

မိူင်းထႆးႁၢင်ႈႁႅၼ်း တေသူင်ႇတူဝ်တႅၼ်းၵေႃႉၼိုင်ႈ တႃႇပႂ်ႉတူၺ်းၸွမ်း ပၢင်လိူၵ်ႈတင်ႈၼႂ်းမိူင်းႁူမ်ႈတုမ်မၢၼ်ႈ ဢၼ်တေၸတ်းႁဵတ်း ၼႂ်းႁၢင်လိူၼ်တီႊသႅမ်ႊပိူဝ်ႊၼႆႉ - ၽွင်းလူင် ၾၢႆႇၼွၵ်ႈမိူင်း မိူင်းထႆး တွပ်ႇလၢတ်ႈဝႆႉတီႈသိုဝ်ႇၶၢဝ်ႇ ၼင်ႇၼႆ။ တႃႇတေသုတ်ႉၶၢႆႉလႅၵ်ႈလၢႆႈၸူး ၵၢၼ်ၽွင်းငမ်းၵူၼ်းမိူင်းၼႆသေ သိုၵ်းမၢၼ်ႈပိုၼ်ၽၢဝ်ႇဝႆႉဝႃႈ တေၸတ်းႁဵတ်းပၢင်လိူၵ်ႈတင်ႈ ၶၵ်ႉတွၼ်ႈၼိုင်ႈၵႂႃႇ ၼႂ်းဝၼ်းတီႈ 28/12/2025။ ၽွင်းလူင် ၾၢႆႇၼွၵ်ႈမိူင်း မိူင်းထႆးလၢတ်ႈဝႃႈ - ဢိင်ၼိူဝ်ငဝ်းလၢႆးယၢမ်းလဵဝ်သေ ပၢင်လိူၵ်ႈတင်ႈ ဢၼ်သိုၵ်းမၢၼ်ႈတေၸတ်းႁဵတ်းၼႆႉ...

မိူဝ်ႈဝၼ်းတီႈ 23/12/2025 ၼႆႉ သိုဝ်ႇၶၢဝ်ႇထႆး Bangkok Post ႁၢႆးငၢၼ်းဝႃႈ ၸဝ်ႈၼႃႈတီႈ ပလိၵ်ႈထႆး တီႉၺွပ်းလႆႈ ၵူၼ်းမိူင်းမၢၼ်ႈသီႇၵေႃႉ တီႈႁူင်းႁႅမ်း ႁိမ်းဝၢင်းႁိူဝ်းမိၼ် သုဝၼၽုမ်း ဝဵင်းလူင်ၵုင်းထဵပ်ႈ ၸိူဝ်းၶဝ်ဢၢၼ်းတေႃႉဢဝ် ၶိူင်ႈၻရူၼ်ႊ မိူင်းၶႄႇ မိူဝ်းသူင်ႇပၼ်သိုၵ်းမၢၼ်ႈ တီႈမိူင်းမၢၼ်ႈ ဝႃႈၼႆ။ ၵူၼ်းၸိူဝ်းၺႃးတီႉၺွပ်းၼၼ်ႉ ပဵၼ်ၵူၼ်းၸၢႆး ဢႃႇယု 32...

ပၢင်တိုၵ်း ၽႅၼ်ယၼ်ႇသိုၵ်း 1027 ပွၵ်ႈၵမ်းသွင်ၼႆႉ သိုၵ်းတဢၢင်း ၵုမ်းလႆႈ ၸႄႈဝဵင်းသီႇပေႃႉ၊ ဝဵင်းၵျွၵ်ႉမႄး၊ ဝဵင်းၼွင်ၶဵဝ်၊ ဝဵင်းမိူင်းလူင်၊ ဝဵင်းမိူင်းငေႃႉ၊ ဝဵင်းမိူင်းမိတ်ႈ၊ ဝဵင်းၼမ်ႉသၼ်ႇ၊ ဝဵင်းမၢၼ်ႈတူင်ႈ၊ ဝဵင်းၵူတ်ႉၶၢႆ၊ ဝဵင်းၼမ်ႉၶမ်း လႄႈ ဝဵင်းၼမ်ႉတူႈ ၸဵမ်ၸိူဝ်းၼႆႉ။ ပိူင်ပဵၼ် လွင်ႈႁိမ်ၸိင်းၼႃႈတီႈၵၼ်ၸိူဝ်းၼႆႉ ၶႄႇၵေႃႈ တိုၼ်းပၵ်းတႃပႂ်ႉတူၺ်းယူႇတႃႇသေႇ။ ပေႃးလႅပ်ႈတေတုမ်ႉတိူဝ်ႉၽွၼ်းပၢင်ႈၶႄႇယဝ်ႉၼႆ ၶႄႇတေႁွင်ႉဢဝ်...

ၵွၼ်ႇၼႃႈတေထိုင် ဝၼ်းၸတ်းပၢင်လိူၵ်ႈတင်ႈၼႆႉ သိုၵ်းမၢၼ်ႈယိုတ်းမိူင်း တီႉၺွပ်းဢဝ်ၵူၼ်းမိူင်း ၸိူဝ်းၸႂ်ႉတိုဝ်း သိုဝ်ႇတူင်ႇဝူင်းၵူၼ်းသေ ႁဵတ်းသၢင်ႈၼႄၾၢင်ႁၢင်ႈ ႁႂ်ႈပဵၼ်ၵၢၼ်ယႃႉၵဝ်းပၢင်လိူၵ်ႈတင်ႈ လႄႈ ၵၢၼ်ၵမ်ႉထႅမ်ပၼ်ၸုမ်းၾၢႆႇၶတ်းၶၢၼ်ႉၶဝ်ၼၼ်ႉ ႁၢဝ်ႈႁၢဝ်ႈႁႅင်းႁႅင်း။ တႄႇၼႂ်းႁၢင်လိူၼ်ၼူဝ်ႊဝႅမ်ႊပိူဝ်ႊ ထိုင် ၵၢင်လိူၼ်တီႊသႅမ်ႊပိူဝ်ႊၼႆႉ ၵူၼ်းၸိူဝ်းၺႃးတီႉၺွပ်းၵႂႃႇ ယွၼ်ႉၵႂႃႇ ပၼ်ႁႅင်း (Like) ၊ ပိုၼ်ၽႄ (share) ၊ ပၼ်တၢင်းႁၼ်ထိုင် (Comment) ၼၼ်ႉ...

ၵူၼ်းပၢႆႈၽေးပၢင်တိုၵ်း 1000 ပၢႆ ၼႂ်းၸႄႈဝဵင်းဝၢၼ်ႈငႂ်ႈ (ယႂႃႇငၢၼ်ႇ) ၸိုင်ႈတႆးပွတ်းၸၢၼ်း လႆႈၶၢဝ်းတၢင်းၼိုင်ႈပီယဝ်ႉပႆႇၸၢင်ႈပွၵ်ႈၶိုၼ်းႁိူၼ်း လူဝ်ႇတၢင်းၸွႆႈထႅမ်ၶဝ်ႈၼမ်ႉတင်းၵိၼ်။ ပဵၼ်ၵူၼ်းဝၢၼ်ႈ ယၼႄး 500 ပၢႆ ဢၼ်ၺႃးသိုၵ်းမၢၼ်ႈၽဝ်ႈဝၢၼ်ႈပႅတ်ႈၽွင်းႁၢင်ပီ 2024 ပၢင်တိုၵ်းသိုၵ်းမၢၼ်ႈလႄႈ သိုၵ်းထၼူႉ DSNDA  လႄႈတင်း ၵူၼ်းဝၢၼ်ႈ ၵျွၵ်ႉတေႃးလႄႈ ဝၢၼ်ႈၺွင်ႇပိၼ်ႇသႃႇ 600 ပၢႆ  ဢၼ်ၺႃးသိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇသႂ်ႇဝၢၼ်ႈ ၽွင်းၵၢင်ပီ...

သိုၵ်းမၢၼ်ႈ ပလိၵ်ႈမၢၼ်ႈၼႂ်းၸႄႈတွၼ်ႈလွႆလႅမ် လူင်းပိုၼ်ႉတီႈ တီႇၽဵဝ်ႈသူၼ်ယႃႈႁၢမ်း ထၢႆႇႁၢင်ႈပိုၼ်ၽၢဝ်ႇၵွၼ်ႇၼႃႈပၢင်လိူၵ်ႈတင်ႈ ဝူင်ႈၼိုင်ႈ။ ဝၼ်းတီႈ 20/12/2025 ၼႆႉ ပလိၵ်ႈမၢၼ်ႈ သိုၵ်းမၢၼ်ႈ ၵႂႃႇတီႇၽဵဝ်ႈသူၼ်ယႃႈ ၼႂ်းဢိူင်ႇသငေႃး ၸႄႈဝဵင်းႁူဝ်ပူင်း တႃႇ 21 ဢေႊၶိူဝ်ႊ၊ တၢင်းဝၢၼ်ႈတွင်ႇလေး ၸႄႈဝဵင်းပၢင်လွင်းသမ်ႉ 75 ဢေႊၶိူဝ်ႊ သေ ပိုၼ်ၽၢဝ်ႇဢွၵ်ႇမႃးဝႃႈ - ၽဵဝ်ႈသူၼ်ယႃႈၼႂ်းၸႄႈဝဵင်း...