ပၢင်လိူၵ်ႈတင်ႈပွၵ်ႈၵမ်းသၢမ် ဝၼ်းလိုၼ်းသုတ်း ဢၼ်သိုၵ်းမၢၼ်ႈၸတ်းႁဵတ်း မိူဝ်ႈၼႆႉ 25/1/2026 တီႈၸႄႈဝဵင်းၵျွၵ်ႉမႄး တင်း ၸႄႈဝဵင်းသီႇပေႃႉၼႆႉ ပႃႇတီႇသိူဝ်ၽိူၵ်ႇ (SNDP) လႆႈၶႅပ်းၵၢင်ၸႂ် ၼမ်လိူဝ်ပိူၼ်ႈသုတ်းဝႆႉတီႈၼင်ႈ သၽႃးၵူၼ်းမိူင်း တီႈလဵဝ် ၼႆယဝ်ႉ။ ၼၢင်းယိင်းဢႃႇယု 30 ပီပၢႆ ၵေႃႉတူင်ႉၼိုင်ၸွႆႈထႅမ် ပႃႇတီႇသိူဝ်ၽိူၵ်ႇ SNDP တၢင်းမိူင်းတႆးပွတ်းႁွင်ႇ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “...

ၵွၼ်ႇၼႃႈတေထိုင်ဝၼ်းပၢင်လိူၵ်ႈတင်ႈ မိူဝ်ႈၽုၵ်ႈဝၼ်းတီႈ 25 လိူၼ်ၵျႅၼ်ႊၼိဝ်ႊရီႇၼႆႉ ပႃႇတီႇသၢင်ႇသီႈ ႁွင်ႉဢဝ်ပႃးၶႃႈႁၢပ်ႇၵၢၼ်ၶုၼ် ၾၢႆႇႁွင်ႈၵၢၼ်ၽွင်းငမ်း တႂ်ႈဢႃႇၼႃႇသိုၵ်းမၢၼ်ႈယိုတ်းမိူင်း လႄႈ ၸုမ်းၶွမ်ႊ မသျိၼ်ႊ ၵမ်ၵၢၼ်ပၢင်လိူၵ်ႈတင်ႈၶဝ် လူင်းႁဵတ်းၵၢၼ်သူၼ်းတုမ်ၸွမ်း ၼႆယဝ်ႉ။ တႄႇၵၢင်လိူၼ်ၵျႅၼ်ႊၼိဝ်ႊရီႇ ဝၢႆးပၢင်လိူၵ်ႈတင်ႈပွၵ်ႈၵမ်းသွင်ယဝ်ႉတူဝ်ႈၵႂႃႇၼၼ်ႉ ၸုမ်းပႃႇတီႇၵၢၼ်မိူင်း ၸိူဝ်းတေၶဝ်ႈပၢင်လိူၵ်ႈတင်ႈ ဢွၼ်ၵၼ်လူင်းႁဵတ်းၵၢၼ်သူၼ်းတုမ် ၼႂ်းၸႄႈဝဵင်းဢၼ်ပႃးၼႂ်းပွၵ်ႈၵမ်းသၢမ်။ တီႈၸႄႈဝဵင်းသီႇပေႃႉ ထုင်ႉၼမ်ႉလၼ်ႈၵေႃႈ ပႃႇတီႇသၢင်ႇသီႈလူင်းသူၼ်းတုမ် လႄႈ ၸတ်းပၢင်ၼႄလၢႆးၸႂ်ႉ ၶိူင်ႈၸၢၵ်ႈပၼ်သဵင်ယူႇသေတႃႉ...

မိူဝ်ႈဝႃး ဝၼ်းတီႈ 15/1/2026 ယၢမ်းဝၢႆးဝၼ်း 2 မူင်း သိုၵ်းမၢၼ်ႈယိုတ်းမိူင်း ႁူမ်ႈတင်းၸုမ်းပလိၵ်ႈသေ ၵႂႃႇထူပ်းႁၼ်ထႅင်ႈ ႁူင်းၵၢၼ်ႁုင်ယႃႈမဝ်းၵမ် ၼႂ်းၸႄႈဝဵင်းမိူင်းယႆ၊ ယိုတ်းလႆႈပႃး ၶိူင်ႈၸႂ်ႉတိုဝ်း ၼႂ်းၵၢၼ်ႁုင်ယႃႈၵူႈသႅၼ်းသႅၼ်းထႅင်ႈၼႆ ၸုမ်းပလိၵ်ႈမိူင်းႁူမ်ႈတုမ် တႂ်ႈ ဢၢမ်းၼၢတ်ႈ သိုၵ်းမၢၼ်ႈပိုၼ်ၽၢဝ်ႇဢွၵ်ႇဝႆႉ။ သိုၵ်းမၢၼ်ႈ တင်းပလိၵ်ႈမၢၼ်ႈ ၶဝ်ႈၵႂႃႇၵူတ်ႇထတ်းၼႂ်းပိုၼ်ႉတီႈသေ ဝၼ်းတီႈ 9 -10-11 /01/2026...

တႄႇဝၼ်းၶွမ်ႊမသျိၼ်ႊၵမ်ၵၢၼ်ပၢင်လိူၵ်ႈတင်ႈ မိူင်းႁူမ်ႈတုမ် ပဵၼ်ၽၢဝ်ႇဢွၵ်ႇဝႃႈ ပႃႇတီႇၵၢၼ်မိူင်းၸိူဝ်းတေ ၶဝ်ႈၶႅင်ႇ ၼႂ်းဝၼ်း ပၢင်လိူၵ်ႈတင်ႈ ႁဵတ်းလွင်ႈႁူၺ်းသူၼ်းလႆႈပဵၼ် တၢင်းၵၢၼ်ယဝ်ႉၼႆၼၼ်ႉမႃး ၼေႃႇၽွင်းတႅၼ်း တၢင်ႇပႃႇတီႇ သူၼ်းတုမ် တႃႇပၢင်လိူၵ်ႈတင်ႈ ၼႂ်းပိုၼ်ႉတီႈလႄႈ တင်းဢွၼ်ႊလၢႆႊသေတႃႉ ပႃႇတီႇသၢင်ႇသီႈတႄႉ ဢမ်ႇလူင်းပိုၼ်ႉတီႈ- ၵူၺ်းၵႃႈ သင်ႇၵၢင်ႉၵႄႇႁဵတ်းၵၢၼ်တႅၼ်းၶဝ်။ တႃႇၼေႃႇၽွင်းတႅၼ်းပႃႇတီႇသၢင်ႇသီႈ တေလႆႈၶႅပ်းမႄးၼမ်၊ ၼင်ႇႁိုဝ်ပႃႇတီႇသၢင်ႇသီႈ ပေႃးတေလႆႈဝၢၵ်ႈ (%)...

ႁူဝ်ပီ 2026 ၼႂ်းလိူၼ်ၵျႅၼ်ႊၼိဝ်ႊရီႊမႃးၼႆႉ သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ (MNDAA) ႁူပ်ႉဢုပ်ႇဢူဝ်း လႆႈၶေႃႈတူၵ်းလူင်းၵၼ်သေ သိုၵ်းၵဝ်ႈၵၢင်ႉ ၸိူဝ်းတင်ႈၵဵတ်ႉလၢၼ်ႇၸွမ်းသဵၼ်ႈတၢင်းလူင်ၵႄႈၵၢင် ဝဵင်းသီႇပေႃႉ လႄႈ ဝဵင်းလႃႈသဵဝ်ႈဝႆႉၼၼ်ႉ လႆႈထွၼ်ဢဝ်ႁႅင်းသိုၵ်းထွႆဢွၵ်ႇႁၢင်ႇ ၶဝ်ႈၵႂႃႇယူႇသဝ်းဝႆႉၶိုၼ်း ၸွမ်းဝၢၼ်ႈ ၸိူဝ်းႁၢင်ႇၵႆၵၼ်တင်း သဵၼ်ႈတၢင်းလူင်ႁၢႆးဝေးၼၼ်ႉ ဝႃႈၼႆ။ မိူဝ်ႈဝၼ်းတီႈ 2/12/2026 သိုၵ်းၵဝ်ႈၵၢင်ႉတႄႇထွၼ်သၢႆသိုၵ်းဢွၵ်ႇၵႂႃႇယူႇဝႆႉၸွမ်းဝၢၼ်ႈ ဢၼ်လုၵ်ႉတၢင်း ဝဵင်းသီႇပေႃႉ...

တႄႇဝၼ်းတီႈ 14 လိူၼ်ၼူဝ်ႊဝႅမ်ႊပိူဝ်ႊမႃး သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ ၶႅင်ႇၵၼ်ပိၵ်ႉၶူဝ်ဢိုတ်းသဵၼ်ႈတၢင်းလူင်ႁၢႆးဝေးတီႈဝဵင်းသီႇပေႃႉ ဢၼ်မီးၵႄႈၵၢင် ဝဵင်းလိူဝ်ႇ-လႃႈသဵဝ်ႈ- မူႇၸေႊၼၼ်ႉသေ ၵူၼ်းမိူင်း ၸိူဝ်း လႄႈ ၸဝ်ႈရူတ်ႉၵႃး ၸိူဝ်းၸႂ်ႉတိုဝ်းသဵၼ်ႈတၢင်းၼၼ်ႉ ဢွၼ်ၵၼ်ႁူပ်ႉတၢင်းယၢပ်ႇၽိုတ်ႇႁၢဝ်ႈႁႅင်း။ ႁၢၼ်ႉတေႃႇထိုင်ဝၼ်းမိူဝ်ႈၼႆႉ (22/11/2025) ၵေႃႉ ပႆႇပိုတ်ႇပၼ်သဵၼ်ႈတၢင်း ၼႆယဝ်ႉ။ မိူဝ်ႈဝၼ်းတီႈ 21 လိူၼ်ၼူဝ်ႊဝႅမ်ႊပိူဝ်ႊ ပလူင်ႈဢၼ်တေႃႉဢဝ်...

မိူဝ်ႈၼႆႉ ဝၼ်းတီႈ 14/11/2025 တႄႇယၢမ်းၵၢင်ၼႂ်ၸဝ်ႉ 6 မူင်း သိုၵ်းၵဝ်ႈၵၢင်ႉ (MNDAA) တင်း သိုၵ်းမၢၼ်ႈၵိုင်ႉၵၢင်ႉဢိုတ်းၶူဝ်လူင် ဝဵင်းသီႇပေႃႉပႅတ်ႈလႄႈ ၵူၼ်းမိူင်း ဢမ်ႇၸၢင်ႈ ၶၢမ်ႈၵႂႃႇမႃး။ ၸဝ်ႈရူတ်ႉၵႃး လႆႈၵိုတ်းပႂ်ႉဝႆႉ ၸွမ်းၼိူဝ်သဵၼ်ႈတၢင်းလူင်တင်းၼမ် ၼႆယဝ်ႉ။ ယွၼ်ႉသိုၵ်းၵဝ်ႈၵၢင်ႉ ၵိုင်ႉၵင်ႉ ဢဝ်ထူင်လိၼ် ထူင်သၢႆးဢိုတ်းၶူဝ်ပႅတ်ႈလႄႈ ၸဝ်ႈၵႃး...

ၵူၼ်းမိူင်းၸိူဝ်းလုၵ်ႉတၢင်း ဝဵင်းၼွင်ၶဵဝ်၊ ၼွင်ပိင်၊ ၵျွၵ်ႉမႄးသေ ပၢႆႈၽေးပၢင်တိုၵ်းၵႂႃႇသွၼ်ႈယူႇဝႆႉ ၼႂ်းၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ လူဝ်ႇတၢင်းၵမ်ႉၸွႆႈႁၢဝ်ႈႁႅင်း ၼႆယဝ်ႉ။ ယၢမ်းလဵဝ် ၵူၼ်းမိူင်း လဵၵ်ႉၼုမ်ႇထဝ်ႈယိင်းၸၢႆး တႃႇ 2000 ၵေႃႉပၢႆ ယၢပ်ႇၽိုတ်ႇတႃႇ ၶဝ်ႈၼမ်ႉတၢင်းၵိၼ်ႁၢဝ်ႈႁႅင်းယူႇ ၼႂ်းၸႄႈဝဵင်း သီႇပေႃႉၼႆ ၸုမ်းၾၢႆႇၸွႆႈထႅမ်ၵူၼ်းပၢႆႈၽေးပၢင်တိုၵ်း လၢတ်ႈၼႄတီႈၽူႈတွႆႇႁွၵ်ႈၼင်ႇၼႆ။ “လမ်ႇလွင်ႈသုတ်းတႄႉ ပဵၼ်ၶဝ်ႈၼမ်ႉတၢင်းၵိၼ်ဢေႃႈ။ ၵူၼ်းၸိူဝ်းၵမ်ႉၸွႆႈမႃး တိုၵ်ႉဢေႇႁႅင်းၼႃႇလႄႈ ၵိၼ်းၸႂ်ဝႆႉဢေႃႈ။...

မိူဝ်ႈႁၢင်လိူၼ်ဢေႃႊၵတ်ႊသ် ပူၼ်ႉမႃးၼႆႉ သိုၵ်းမၢၼ်ႈ ယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းၸႄႈဝဵင်းၵျွၵ်ႉမႄးသေ ႁဵတ်းႁႂ်ႈၵူၼ်းမိူင်း လႆႈပၢႆႈၽေးသိုၵ်းၵႂႃႇသွၼ်ႈဝႆႉ တီႈဝဵင်း သီႇပေႃႉ ၼပ်ႉႁူဝ်ပၢၵ်ႇ ယၢမ်းလဵဝ် ထူပ်းတၢင်းယၢပ်ႇၽိုတ်ႇဝႆႉ လွင်ႈၶဝ်ႈၼမ်ႉတၢင်းၵိၼ်လႄႈ ၶိူင်ႈၸႂ်ႉတိုဝ်းသုၼ်ႇတူဝ် ၼၢင်းယိင်း ၸိူဝ်းၼႆႉ။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝဵင်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ - “တၢင်းၸွႆႈထႅမ်ၼႆႉ လူဝ်ႇၼႃႇၶႃႈ...

မိူဝ်ႈၼႆႉ ဝၼ်းတီႈ 18/08/2025 ယၢမ်းၵၢင်ၼႂ် 9 မူင်းၶိုင်ႈ ႁိူဝ်းမိၼ်တိုၵ်းသိုၵ်းမၢၼ်ႈ ၵႂႃႇပွႆႇမၢၵ်ႇလူင်သႂ်ႇ ၼႂ်းပွၵ်ႉဝဵင်းၸၢၼ်းလႄႈ ပွၵ်ႉဢွၵ်ႇ ဝဵင်းသီႇပေႃႉ ၵူၼ်းမိူင်းတိူဝ်ႉမၢတ်ႇၸဵပ်း ၸွမ်းၵႂႃႇ 3 ၵေႃႉ ႁိူၼ်းယေး လူႉၵွႆၵႂႃႇၸွမ်း ဢမ်ႇယွမ်း 10 လင်။ ၵူၼ်းမိူင်းၸိူဝ်းၺႃးတိူဝ်ႉမၢတ်ႇၸဵပ်းၼႆႉ ပဵၼ်ၵူၼ်းၸၢႆး ဢႃယုမွၵ်ႈ 50 ပီ...

ၵူၼ်းၼုမ်ႇတႆး ဝဵင်းသီႇပေႃႉ ၽူႈတူင်ႉၼိုင်ၵၢၼ်ပရႁိတ ၵေႃႉၼိုင်ႈ လႆႈၶတ်းၸႂ်ၶဝ်ႈၶေႉၶဵင်ႇ ပဵၼ်မႃးၸၢႆးငၢမ်းသေ လႆႈတၢင်တူဝ်မိူင်းႁူမ်ႈတုမ်ၵႂႃႇ ၶဝ်ႈၶေႉၶဵင်ႇပၢင်ပွႆးၸၢႆးငၢမ်းလုမ်ႈ ၾႃႉ Mr. world တီႈမိူင်းဝႅတ်ႉၼၢမ်းသေ မၼ်းၸၢႆးလႆႈႁပ်ႉသူး Beauty with A Purpose မႃး။ ဢိင်ၼိူဝ်လွင်ႈၼႆႉ မၼ်းၸၢႆး လႆႈၶတ်းၸႂ်မႃးၸိူင်ႉႁိုဝ် မီးလွင်ႈၶဵင်ႇတႃႉၸိူင်ႉႁိုဝ်မႃး ဢၼ်ဝႃႈၼၼ်ႉ ယူႇတီႈ...

တင်ႈတႄႇ တပ်ႉသိုၵ်းၵဝ်ႈၵၢင်ႉ MNDAA ၶဝ်ႈမႃးၵုမ်းၵမ်ယူႇၸွမ်းပိုၼ်ႉတီႈ ၼႂ်းၸႄႈဝဵင်းသီႇပေႃႉမႃး ၶၢဝ်းတၢင်း 5 လိူၼ်ပၢႆၼႆႉ သိုၵ်းၶဝ်ပၼ်ၶႂၢင်ႉပိုတ်ႇပၢင်တေႃႇလွင်း ၸွမ်းဝၢၼ်ႈလၢႆတီႈလႄႈ ႁဵတ်းႁႂ်ႈၵူၼ်းမိူင်း တုမ်ႉတိူဝ်ႉၵၢၼ်ပၢႆးမၢၵ်ႈမီး ၵမ်ႈၽွင်ႈ ၾိင်ႈယၢမ်ႈလူႉ ၵၢမ်ႉၶူဝ်းၶွင်ႁိူၼ်းယေး ရူတ်ႉၵႃး ၸိူဝ်းၼႆႉထႅင်ႈ။ ၵူၼ်းပိုၼ်ႉတီႈ ဝဵင်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ - “ၵူၼ်းတၢင်းဝၢၼ်ႈႁဝ်းၼႆႉ ၵမ်ႈၽွင်ႈ တေႃႇ လွင်းသုမ်းမွၵ်ႈ...

မိူဝ်ႈဝၼ်းတီႈ 07/05/2025 ယၢမ်းၵၢင်ဝၼ်းမွၵ်ႈ 1 မူင်းၼႆႉ ၵူၼ်းဝၢၼ်ႈၵုင်းၸူင် ၵေႃႉၼိုင်ႈ ယဵပ်ႇၺႃးမၢၵ်ႇၾင်လိၼ် ၽွင်းၵႂႃႇႁႃၽိုၼ်း ၼႂ်းၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ။ ၵူၼ်းမိူင်း ၵေႃႉယဵပ်ႇၺႃးမၢၵ်ႇၾင်လိၼ်ၼႆႉ ပဵၼ်ၸၢႆးဢၢႆႈလၢဝ် ဢႃယု 32 ပီ မၼ်းၸၢႆး ၵႂႃႇႁႃၽိုၼ်းႁိမ်း တပ်ႉပၢင်သဝ်းၵဝ်ႇ သိုၵ်းမၢၼ်ႈ ခလယ 23 ဢၼ်မီးၾၢႆႇၸၢၼ်းလႄႈ ယၢၼ်ၵႆၵၼ်တင်း...

မိူဝ်ႈဝႃး ဝၼ်းတီႈ 29/04/2025 သိုၵ်းၵဝ်ႈၵၢင်ႉ MNDAA တင်း ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/ SSA ပဵၼ်ပၢင်တိုၵ်းၵၼ် ၼႂ်းထုင်ႉၼမ်ႉမလႄႈ ထုင်ႉသႅင်ၵႅဝ်ႉ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ ႁဵတ်းႁႂ်ႈၵူၼ်းမိူင်းတူၵ်းၸႂ် တိုၼ်ႇသၢၼ်ႈၵႂႃႇသေ မၢင်ၸိူဝ်းၵေႃႈ ထတ်းသၢင်ဝႃႈ သိုၵ်းတႆးတင်း သိုၵ်းၵဝ်ႈၵၢင်ႉၼႆႉ ပဵၼ်ဢူၺ်းလီၵၼ်ယူႇ။ ယွၼ်ႉသင်လႄႈ ထိုင်တီႈပေႃးလႆႈႁႂ်ႈသဵင်ၵွင်ႈၵၢင်ႇဢွၵ်ႇ...

မိူဝ်ႈၼႆႉ ဝၼ်းတီႈ 29/04/2025 ယၢမ်းၵၢင်ၼႂ်မွၵ်ႈ 10 မူင်း သိုၵ်းၵဝ်ႈၵၢင်ႉ MNDAA တင်း သိုၵ်းတႆး SSPP ပဵၼ်ပၢင်တိုၵ်းၵၼ်ႁၢဝ်ႈႁႅင်း ႁိမ်းဝၢၼ်ႈၼမ်ႉမ ၼႂ်းဢိူင်ႇၼမ်ႉမ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ လွင်ႈတၢင်းဢၼ် သိုၵ်းတင်းသွင်ၸုမ်း လႆႈၶဵင်ႈၶႅင်ၵၼ်သေ ၵိူတ်ႇပဵၼ်ပၢင်တိုၵ်းၼႆႉ ယွၼ်ႉသိုၵ်းၵဝ်ႈၵၢင်ႉ လုၵ်ႉတၢင်း ဝဵင်းလႃႈသဵဝ်ႈလႄႈ ၼမ်ႉပွင်ႈ...