ၽွင်းတဵင်ႈၶိုၼ်းၸၢႆႉ ၶၢဝ်းလပ်းၶၢဝ်းၼွၼ်း ၽွင်းယၢမ်းမွၵ်ႈ 1 မူင်း တေႃႇထိုင် 2 မူင်း ၼႂ်းဝၼ်းမိူဝ်ႈၼႆႉ ဝၼ်းတီႈ 27/08/2024 သိုၵ်းမၢၼ်ႈ ဢဝ်ၶိူင်ႈမိၼ် မႃးပွႆႇမၢၵ်ႇထပ်းၵၼ် တီႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၵူၼ်းမိူင်း လူႉတၢႆ 2 ၵေႃႉ။ သိုၵ်းမၢၼ်ႈဢဝ် ႁိူဝ်းမိၼ် Jet Fighter တပ်ႉၾၢႆႇတေႃႉသူင်ႇၵမ်ႉၸွႆႈ...

တီႈဝဵင်းသီႇပေႃႉ ၸိုင်ႈတႆးပွတ်းႁွင်ႇၼၼ်ႉ သိုၵ်းမၢၼ်ႈ ဢဝ်ၶိူင်ႈမိၼ်မႃးပွႆႇမၢၵ်ႇသႂ်ႇလႄႈ တိူဝ်ႉၺႃးႁိူၼ်းယေး ၵူၼ်းမိူင်းလူႉၵွႆၼမ် ၵူၼ်းမိူင်းမၢတ်ႇၸဵပ်း လုၵ်ႈဢွၼ်ႇ ဢႃယု 10 ၶူပ်ႇ ၺႃးၸၢၵ်ႇမၢၵ်ႇ သဵၼ်ၶဝ်ႈႁိမ်းပဵမ်ႉ။ ဝၼ်းတီႈ 26/08/2024 ယၢမ်းၵၢင်ၼႂ် 4 မူင်းၶိုင်ႈ သိုၵ်းမၢၼ်ႈ ဢဝ်ၶိူင်ႈမိၼ်မႃးပွႆႇမၢၵ်ႇ တီႈဝၢၼ်ႈၼႃးမၢၵ်ႇၶေႃ ဝဵင်းသီႇပေႃႉ။ ၵူၼ်းပိုၼ်ႉတီႈ ဝၢၼ်ႈၼႃးမၢၵ်ႇၶေႃ ၵေႃႉၼိုင်ႈ လၢတ်ႈၽူႈတွႆႇႁွၵ်ႈဝႃႈ...

သိုၵ်းၵဝ်ႈၵၢင်ႉ MNDAA ႁႅၼ်းသိုၵ်းလေႃႇတိုၵ်း တပ်ႉသိုၵ်းမၢၼ်ႈၶလယ 147 မႃးႁၢဝ်ႈႁႅင်း တီႈဝဵင်းသီႇပေႃႉ ၶၢဝ်းတၢင်း ၸမ်လိူၼ်ယဝ်ႉ ၸင်ႇယိုတ်းၵုမ်းလႆႈ ၽူႈၵွၼ်းတပ်ႉတႄႉ ပၢႆႈလွတ်ႈဝႆႉ ဝႃႈၼႆ။ ဝၼ်းတီႈ 21/08/2024 ယၢမ်းၵၢင်ၼႂ်ၸဝ်ႉ သိုၵ်းၵဝ်ႈၵၢင်ႉ ယိုတ်းၵုမ်းလႆႈ တပ်ႉသိုၵ်းမၢၼ်ႈ ၶလယ 147 ဢၼ်ပၵ်းဝႆႉ တီႈၼႂ်းဢိူင်ႇၼွင်ၵေႃႈလူင် ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ...

ဝၼ်းတီႈ 19/08/2024 ယၢမ်းၵၢင်ၼႂ်မွၵ်ႈ 11 မူင်းၶိုင်ႈၼႆႉ မၢၵ်ႇလူင်တူၵ်းတႅၵ်ႇ ထင်ၼမ်ႉမၼ်းၸိူဝ်ႉၾႆး AAA ၼႂ်းဝဵင်းသီႇပေႃႉ ၸိုင်ႈတႆးပွတ်းႁွင်ႇ ၺႃးၾႆးမႆႈလူႉၵွႆ မီးလွင်ႈလူႉသုမ်းၼမ် ဝႃႈၼႆ။ ၽွင်းၾႆးမႆႈၼၼ်ႉ ၵူၼ်းပိုၼ်ႉတီႈလႄႈ ၸုမ်းပရႁိတ ႁူမ်ႈၵၼ် ၸွႆႈယိုတ်းၾႆး ႁိုင်ၶၢဝ်းတၢင်း 3 မူင်းပၢႆ ၾႆးၸင်ႇမွတ်ႇ ၵႂႃႇ။ ယၢမ်းလဵဝ် တီႈဝဵင်းသီႇပေႃႉ သဵင်ၵွင်ႈယဵၼ်ဝႆႉသေတႃႉ...

သိုၵ်းမၢၼ်ႈ ပွႆႇမၢၵ်ႇတူၵ်းသႂ်ႇႁိူၼ်းယေးၵူၼ်းမိူင်း ဝဵင်းသီႇပေႃႉ လူႉၵွႆ 3 လင် ထဝ်ႈယိင်း လူႉတၢႆၵေႃႉၼိုင်ႈ။ ဝၼ်းတီႈ 19/08/2024 ယၢမ်းၵၢင်ၼႂ် 2 မူင်း သိုၵ်းမၢၼ်ႈ ဢဝ်ၶိူင်ႈမိၼ် ပွႆႇမၢၵ်ႇလႄႈ တူၵ်းတိူဝ်ႉႁိူၼ်းၵူၼ်းမိူင်း ဢၼ်မီးတီႈဝၢၼ်ႈၺွင်ႇၵဝ်ႈတူၼ်ႈ လူႉၵွႆ 3 လင် ၵူၼ်းတၢႆ  1 ၵေႃႉ မၢတ်ႇၸဵပ်းၵေႃႈမီး...

ယၢမ်းလဵဝ် ၼႂ်းၸႄႈဝဵင်းသီႇပေႃႉ သိုၵ်းမၢၼ်ႈတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် ႁၢဝ်ႈႁႅင်း သိုၵ်းတင်းသွင်ၾၢႆႇ ၸႂ်ႉၶိူင်ႈၵွင်ႈလူင် ပိုတ်းယိုဝ်းတေႃႇၵၼ် ၾၢႆႇသိုၵ်းမၢၼ်ႈ ဢဝ်ၶိူင်ႈမိၼ်တိုၵ်းမႃး ပွႆႇမၢၵ်ႇတင်းၶိုၼ်းတင်းဝၼ်း ဝႃႈ ၼႆ။ ၵဵဝ်ႇလူၺ်ႈ လွင်ႈၼႆႉ ၵူၼ်းမိူင်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ -“တီႈသီႇပေႃႉၼႆႉ ယိုဝ်းၵၼ်တင်းၶိုၼ်းတင်းဝၼ်း။ မိူဝ်ႈဝႃး ၵၢင်ၶမ်ႈၵေႃႈ သိုၵ်းမၢၼ်ႈ ဢဝ်ၶိူင်ႈမိၼ်...

သိုၵ်းမၢၼ်ႈယိုတ်းမိူင်း တင်း ၸုမ်းဢူၺ်းလီပွတ်းႁွင်ႇ ပဵၼ်ပၢင်တိုၵ်းၵၼ် ၼႂ်းၸႄႈဝဵင်းသီႇပေႃႉ 3 ဝၼ်းထပ်းၵၼ်မႃး ၼႆႉ သွင်ၾၢႆႇမီးလွင်ႈမၢတ်ႇၸဵပ်းလူႉတၢႆၼမ်။ တႄႇဢဝ် ဝၼ်းတီႈ 28 - 31/07/2024 ၼႆႉ ၸုမ်းဢူၺ်းလီပွတ်းႁွင်ႇ ဢၼ်ပႃးသိုၵ်းၵဝ်ႈၵၢင်ႉ MNDAA  ၼၼ်ႉ လေႃႇတိုၵ်း တပ်ႉသိုၵ်းမၢၼ်ႈ ၶမယ 147 ဢၼ်ပၵ်းတပ်ႉဝႆႉ တီႈဝၢၼ်ႈၼွင်ၵေႃႈ...

သိုၵ်းမၢၼ်ႈ ယိုတ်းမိူင်းတင်း သိုၵ်းၵဝ်ႈၵၢင်ႉ MNDAA ယိုဝ်းၵၼ် တီႈဢိူင်ႇၼွင်ၵေႃႈ ၸႄႈဝဵင်းသီႇပေႃႉ ႁၢဝ်ႈႁႅင်း ႁၢၼ်ႉတေႃႇထိုင်ယၢမ်းလဵဝ် သဵင်ၵွင်ႈပႆႇယဵၼ်။ ဝၼ်းတီႈ 28/07/2024 တႄႇဢဝ်ယၢမ်းၵၢင်ၼႂ်ထိုင် ႁူဝ်ၶမ်ႈ သိုၵ်းၵဝ်ႈၵၢင်ႉ ႁႅၼ်းသိုၵ်းလေႃႇတိုၵ်း တပ်ႉသိုၵ်းမၢၼ်ႈ တပ်ႉၵွင် 147 ဢၼ်ပၵ်းဝႆႉတီႈဢိူင်ႇဝၢၼ်ႈၼွင်ၵေႃႈလႄႈ တပ်ႉၵႃးၵၢပ်ႇလဵၵ်း ဢၼ်မီးဝႆႉတီႈ ဝၢၼ်ႈၼႃးၵၢင် ၼႂ်းၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး...

ႁၢၼ်ႉၶၢႆၾူၼ်း တီႈဝၢၼ်ႈသွင်ၵေး ၸႄႈဝဵင်းသီႇပေႃႉ ၺႃးသွၵ်ႈတဝ် သုမ်းၵႂႃႇၾူၼ်း 30 လုၵ်ႈ မႅၼ်ႈငိုၼ်း မွၵ်ႈ 100 သႅၼ်ပျႃး။ ႁၢင်လိူၼ်ၵျူႊလၢႆႊ 2024 ၼႆႉ ႁၢၼ်ႉၶၢႆၾူၼ်း SK Mobile ဢၼ်ပိုတ်ႇၶၢႆဝႆႉ တီႈဝၢၼ်ႈသွင်ၵေး ဢိူင်ႇသႅင်ၵႅဝ်ႉ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၺႃးၵူၼ်းၶဝ်ႈသွၵ်ႈတဝ်ၼႂ်းႁၢၼ်ႉ လႆႈၵႂႃႇၾူၼ်း...

တီႈဝဵင်းသီႇပေႃႉ ၸိုင်ႈတႆးပွတ်းႁွင်ႇၼႆႉ သိုၵ်းမၢၼ်ႈ ယိုတ်းမိူင်းလႄႈ သိုၵ်း TNLA ႁူမ်းတင်း PDF ပိုတ်းယိုဝ်း တိုၵ်းတေႃးၵၼ် ႁၢဝ်ႈႁႅင်း တႄႇႁၢင်လိူၼ်ၵျုၼ်ႊမႃး တေႃႇထိုင်ဝၼ်းမိူဝ်ႈၼႆႉ သဵင်ၵွင်ႈပႆႇ ယဵၼ်သိုၵ်း TNLA တင်း PDF ဢဝ်ၻရူၼ်ႊမႃးပွႆႇမၢၵ်ႇ။ သိုၵ်းမၢၼ်ႈသမ်ႉ ဢဝ်ၵွင်ႈလူင်လၢမ်းလိမ်းပိုတ်းယိုဝ်း တူၵ်းသႂ်ႇႁိူၼ်းယေး ၵူၼ်းမိူင်း ဝတ်ႉမုၼ်ၸဝ်ႈ လႄႈ...

ၵူၼ်းပၢႆႈၽေးသိုၵ်း တီႈဝဵင်းသီႇပေႃႉ ႁူဝ်ၵူၼ်း 1,000 ပၢႆ ယၢမ်းလဵဝ် လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ် ယွၼ်ႉသဵၼ်ႈတႃႈသၢႆတၢင်း ထုၵ်ႇပိၵ်ႉဢိုတ်း ဝႃႈၼႆ။ တႄႇဢဝ် ဝၼ်းတီႈ 25/06/2024 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် တီႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၵူၼ်းၼႂ်းဝဵင်းသီႇပေႃႉ ဢွၼ်ၵၼ်ပၢႆႈၽေးသိုၵ်း ႁွတ်ႈထိုင်ဝႆႉ ၸွမ်းဝတ်ႉဝႃးၽႃသိူဝ်ႇ ႁူဝ်ၵူၼ်း 1,000...

မၢၵ်ႇလူင် တူၵ်းသႂ်ႇ ၵူၼ်းမိူင်းသီႇပေႃႉ လႆႈတိူဝ်ႉမၢတ်ႇၸဵပ်း 5 ၵေႃႉ ၼႂ်းၼၼ်ႉ တႃႇ 2 ၵေႃႉ လႆႈမၢတ်ႇၸဵပ်းႁႅင်း။ ဝၼ်းတီႈ 01/07/2024 ယၢမ်းႁူဝ်ၶမ်ႈမွၵ်ႈ 6 မူင်း မၢၵ်ႇလူင်တူၵ်းသႂ်ႇ တီႈၼႂ်းပွၵ်ႉၸၢမ်ၽိူၵ်ႇ ဝဵင်းသီႇပေႃႉ ၸႄႈတွၼ်ႈ ၵျွၵ်ႉမႄး ၸိုင်ႈတႆးပွတ်းႁွင်ႇ ၸၢၵ်ႇမၢၵ်ႇတိူဝ်ႉသႂ်ႇ ၵူၼ်းမိူင်းမၢတ်ႇၸဵပ်း 5...

မိူဝ်ႈၼႆႉ 29/06/2024 ယၢမ်းၵၢင်ဝၼ်း 12 မူင်း သိုၵ်းမၢၼ်ႈ ယိုတ်းမိူင်း တီႈတပ်ႉၶမယ 503 - 504 ဢဝ်မၢၵ်ႇလူင် သႅၼ်း 120 mm သွင်လုၵ်ႈ ယိုဝ်းမႃးတူၵ်းသႂ်ႇ ၼႂ်းဝၢၼ်ႈၼမ်ႉႁူးၼွႆႉ ဢိူင်ႇၵၢင်ႉမေႃႇ ၸႄႈဝဵင်းသီႇပေႃႉ ၸႄႈတွၼ်ႈ ၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယဝ်ႉ။ ၵူၼ်းမိူင်းသီႇပေႃႉ...

မိူဝ်ႈၼႆႉ ဝၼ်းတီႈ 28/06/2024 ယၢမ်းၵၢင်ဝၼ်း ၸၢၵ်ႇမၢၵ်ႇတိူဝ်ႉၺႃး ၸၢႆးၼေႃႇၶမ်းႁၢၼ် ဢႃယု 12 ၶူပ်ႇ တီႈၼႂ်းထဵင် သူၼ်ၶဝ်ႈၵၢပ်ႇ (ၶဝ်ႈၶႄႇ) ႁိမ်းဝၢၼ်ႈၵုင်းသႃႇ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆး ပွတ်းႁွင်ႇ လႆႈတိူဝ်ႉမၢတ်ႇၸဵပ်းႁႅင်း ထိုင်တီႈသူင်ႇယူတ်းယႃလႃႈသဵဝ်ႈ ဝႃႈၼႆ။ ၵူၼ်းပိုၼ်ႉတီႈ ဝဵင်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ - “ပဵၼ်မၢၵ်ႇၸုမ်းလႂ်...

ထဝ်ႈၸၢႆး ဢႃယုမွၵ်ႈ 50 ပီ ယဵပ်ႇၺႃးမၢၵ်ႇမႅင်းၾင်လိၼ် ႁိမ်းတပ်ႉသိုၵ်းမၢၼ်ႈ တီႈဝဵင်းသီႇပေႃႉ ထိုင်တီႈၶႃပုတ်းမၢတ်ႇၸဵပ်းႁႅင်း ယၢမ်းလဵဝ် ယၢပ်ႇၽိုတ်ႇတႃႇၵႃႈယူတ်းယႃတူဝ် ဝႃႈၼႆ။    ဝၼ်းတီႈ 22/05/2024 ယၢမ်းၵၢင်ဝၼ်း မွၵ်ႈ 12 မူင်း ဢူးတၢၼ်းဝိၼ်း ဢႃယုမွၵ်ႈ 50 ပီ ၵူၼ်းပွၵ်ႉပတဵင်ႇ တွင်ႇ ၵႂႃႇယဵပ်ႇၺႃး...