သိုၵ်းမၢၼ်ႈ ယိုတ်းမိူင်း တင်ႈၸႂ် ယိုဝ်းမၢၵ်ႇလူင် တူၵ်းသႂ်ႇတီႈဝဵင်းသီႇပေႃႉ ၸၢၵ်ႇမၢၵ်ႇတိူဝ်ႉသႂ်ႇထဝ်ႈၸၢႆး လူႉတၢႆထင်တီႈ ၵေႃႉၼိုင်ႈလႄႈ ထဝ်ႈယိင်း ၵေႃႉၼိုင်ႈ လႆႈတိူဝ်ႉမၢတ်ႇၸဵပ်းႁႅင်း။
ဝၼ်းတီႈ 05/09/2024 ယၢမ်းၵၢင်ၼႂ်မွၵ်ႈ 9 မူင်း တပ်ႉသိုၵ်းမၢၼ်ႈ ၶမယ 506 ဢၼ်ပၵ်းဝႆႉတီႈဝၼ်းတီႈ 05/09/2024 ယၢမ်းၵၢင်ၼႂ်မွၵ်ႈ 9 မူင်း တပ်ႉသိုၵ်းမၢၼ်ႈ ၶမယ 506 ဢၼ်ပၵ်းဝႆႉတီႈဝဵင်းၼမ်ႉ လၼ်ႈၼၼ်ႉ ယိုဝ်းမၢၵ်ႇလူင် တူၵ်းသႂ်ႇ တီႈဝၢၼ်ႈၵျွင်းပဵင်း ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆး ပွတ်းႁွင်ႇ ၼႆယဝ်ႉ။ဝဵင်းၼမ်ႉလၼ်ႈၼၼ်ႉ ယိုဝ်းမၢၵ်ႇလူင် တူၵ်းသႂ်ႇ တီႈဝၢၼ်ႈၵျွင်းပဵင်း ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆး ပွတ်းႁွင်ႇ ၼႆယဝ်ႉ။
ၵူၼ်းပိုၼ်ႉတီႈ ဝဵင်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ – “သိုၵ်းမၢၼ်ႈ ဢၼ်ပၵ်းဝႆႉတီႈဝဵင်းၼမ်ႉလၼ်ႈ ၼၼ်ႉ ၵမ်းၵမ်းယိုဝ်းၵွင်ႈလူင် ၵႂႃႇၵူႈႁူးၵူႈတၢင်းလႄႈ မိူဝ်ႈဝႃး ယၢမ်းၵၢင်ၼႂ်မွၵ်ႈ 9 မူင်း မၢၵ်ႇၶဝ် မႃးတူၵ်း သႂ်ႇ ႁိူၼ်းၵူၼ်းဝၢၼ်ႈၵျွင်းပဵင်းလူႉၵွႆလင်ၼိုင်ႈ ယဝ်ႉၵေႃႈ တိူဝ်ႉၺႃးၵူၼ်းထဝ်ႈ သွင်ပူႇဢွၵ်ႇ တီႈႁိူၼ်း ၼၼ်ႉ ထဝ်ႈၸၢႆး လူႉတၢႆထင်တီႈလႄႈ ထဝ်ႈယိင်း လႆႈတိူဝ်ႉမၢတ်ႇၸဵပ်းႁၢဝ်ႈႁႅင်း”- ဝႃႈၼႆ။
ထဝ်ႈၸၢႆး ၵေႃႉလူႉတၢႆၵႂႃႇၼၼ်ႉ ၸိုဝ်ႈႁွင်ႉ လုင်းၸိၵ်ႉတ ဢႃယု 73 ပီ ။ ထဝ်ႈယိင်း ၵေႃႉမၢတ်ႇၸဵပ်း ၼၼ်ႉသမ်ႉ ၸိုဝ်ႈႁွင်ႉ ပႃႈယွတ်ႈလူႇ ဢႃယု 72 ပီ။ ယၢမ်းလဵဝ် ပႃႈယွတ်ႈလူႇၼႆႉ ၸၢၵ်ႇမၢၵ်ႇတိူဝ်ႉၺႃး ၸွမ်းတိၼ်၊ ၸွမ်းၶႃလႄႈ ၸွမ်းတူဝ်ၶိင်း ၸိူဝ်းၼႆႉသေ ယူႇတီႈ ၾၢႆႇၸွႆႈထႅမ်တူင်ႇဝူင်းၵူၼ်းၶဝ် လႆႈဢဝ် သူင်ႇယူတ်းယႃဝႆႉတီႈ ႁူင်းယႃသီႇပေႃႉယဝ်ႉ။
တႄႇဢဝ် ႁူဝ်လိူၼ်ဢေႃႊၵတ်ႊသ်ၼၼ်ႉမႃး တေႃႇထိုင်ယၢမ်းလဵဝ် ၶၢဝ်းတၢင်းၼိုင်ႈလိူၼ်ၼႆႉ ၵူၼ်းမိူင်း သီႇပေႃႉ ၺႃးၸၢၵ်ႇမၢၵ်ႇသိုၵ်းမၢၵ်ႈ လူႉတၢႆ ဢမ်ႇယွမ်း 25 ၵေႃႉ၊ မၢတ်ႇၸဵပ်း 57 ၵေႃႉယဝ်ႉ ဝႃႈၼႆ။
ယၢမ်းလဵဝ် ၼႂ်းဝဵင်းသီႇပေႃႉၼႆႉ ၵူၼ်းပၢႆႈၽေးသိုၵ်း တိုၵ်ႉၵိုတ်းဝႆႉႁဵင်ပၢႆ ၵမ်ႈၼမ် ဢွၼ်ၵၼ်သွၼ်ႈယူႇ ၸွမ်းဝတ်ႉဝႃး ၽႃသိူဝ်ႇလႄႈ ႁိူၼ်းယေးပီႈၼွင်ႉ ၸိူဝ်းၼႆႉ။ ယွၼ်ႉၼၼ် ၵူၼ်းမိူင်းတႄႉ ဢွၼ်ၵၼ်မႆႈၸႂ် သင်ပၢင်တိုၵ်းၼႆႉ တေသိုပ်ႇပဵၼ်ၵႂႃႇၶၢဝ်းယၢဝ်းၸိုင် လႆႈမႆႈၸႂ်ဝႆႉ ၵူဝ်ၺႃးၸၢၵ်ႇမၢၵ်ႇတူၵ်းတိူဝ်ႉသႂ်ႇႁိူၼ်းယေးထႅင်ႈလႄႈ ၵူဝ်လႆႈလူႉသုမ်း ၶူဝ်းၶွင်ႁိူၼ်းယေးတင်း သၢႆၸႂ်ၸဝ်ႈၵဝ်ႇထႅင်ႈ ဝႃႈၼႆ။
