တင်ႈတႄႇပဵၼ်ပၢင်တိုၵ်း ၽႅၼ်ၵၢၼ်ယၼ်ႇသိုၵ်း 1027 မႃး ယေးငိုၼ်း (ပၢၼ်ႇ) တီႈဝဵင်းလႃႈသဵဝ်ႈ လႆႈဢိုတ်းဝႆႉ ႁိုင်ၶၢဝ်းတၢင်းၸမ် 2 ပီလႄႈ ၸဝ်ႈၵၢၼ်ပၢႆးမၢၵ်ႈမီးဢွၼ်ႇ ၸိူဝ်းပဵၼ်ၵူၼ်းၵႃႉၵူၼ်းၶၢႆ၊ ၵူၼ်းလႅၵ်ႈငိုၼ်း ၼႂ်းမိူင်းတႆးပွတ်းႁွင်ႇ ႁူပ်ႉတၢင်းယၢပ်ႇ တႃႇလႆႈတူဝ်ငိုၼ်းလႄႈ ထွၼ်ထႅမ်သႂ်ႇငိုၼ်းၼႂ်းပၢၼ်ႇ ဝႃႈၼႆ။ တႃႇလႆႈတူဝ်ငိုၼ်း ဢမ်ႇၼၼ် ထႅမ်ထွၼ် လႅၵ်ႈငိုၼ်းသႂ်ႇၼႂ်းယေးငိုၼ်း ၸဝ်ႈၵဝ်ႇလႆႈၼၼ်ႉ ယၢပ်ႇၵိၼ်းႁႅင်းၼႃႇၼႆ...

ဢွၼ်ႇယိင်း ဢႃယုမွၵ်ႈ 17 ပီ ၵေႃႉၼိုင်ႈ ဢၼ်ပၢႆႈၽေးသိုၵ်းမႃးသွၼ်ႈယူႇဝႆႉ တီႈဝဵင်းလႃႈသဵဝ်ႈၼႆႉ ယၢမ်းလဵဝ် ထူပ်းတၢင်းယၢပ်ႇၽိုတ်ႇဝႆႉ တႃႇတေယူတ်းယႃတၢင်းပဵၼ်ၵွၵ်းႁူဝ်ယႂ်ႇ ၼႆႉ ယွၼ်ႉတၢင်းပဵၼ်ၼႆႉသေ သင်ဢမ်ႇၽႃႇတတ်းၸိုင် တေၸၢင်ႈႁၢဝ်ႈႁႅင်းမႃးလိူဝ်ၵဝ်ႇလႄႈ ၸၢင်ႈထူပ်းတၢင်းယၢပ်ႇၽိုတ်ႇၼမ် ၼႆယဝ်ႉ။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၵွၵ်းႁူဝ်ဢွၼ်ႇယိင်းၼၼ်ႉ ပႃးမႃးၸဵမ်မိူဝ်ႈၵိူတ်ႇယဝ်ႉ။ ယွၼ်ႉၵွၵ်းႁူဝ်ယႂ်ႇၼႆႉသေ တေၸၢင်ႈတုမ်ႉယွၼ်ႈၸပ်းမႃးၸွမ်းတိၼ်ၸွမ်းမိုဝ်း။...

ယၢမ်းလဵဝ် ၵူၼ်းမိူင်းၵျွၵ်ႉမႄး ၸိူဝ်းပၢႆႈၽေးသိုၵ်းႁွတ်ႈထိုင်မႃး တီႈဝဵင်းလႃႈသဵဝ်ႈၼႆႉ မီးပႃးမႄးမၢၼ်ႈ (မႄႈပႃးတွင်ႉ)လႄႈ မႄႈလုၵ်ႈဢွၼ်ႇလႅင် မိူဝ်ႈၽွင်းပၢႆႈမႃးၼၼ်ႉ ဢမ်ႇလႆႈဢဝ်သင်မႃးလႄႈ မီးလွင်ႈယၢပ်ႇၽိုတ်ႇဝႆႉ တင်းၼမ်။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “လုၵ်ႈဢွၼ်ႇၼႆႉ ၸိူဝ်းမီး ဢႃယု 4-5 ၶူပ်ႇ လူင်းတႂ်ႈၵေႃႈမီး၊ ၸိူဝ်းတိုၵ်ႉၵိူတ်ႇလႆႈ 4 ဝၼ်းၵေႃႈမီးၵေႃႉၼိုင်ႈ။...

ယၢမ်းလဵဝ် ၵူၼ်းပၢႆႈၽေးသိုၵ်းၵျွၵ်ႉမႄး ပၢႆႈႁွတ်ႈထိုင်ဝႆႉ တီႈဝဵင်းလႃႈသဵဝ်ႈ ႁူဝ်ၵူၼ်းမွၵ်ႈ 500 ၵေႃႉ ယၢပ်ႇၽိုတ်ႇဝႆႉ လွင်ႈၶဝ်ႈၼမ်ႉတၢင်းၵိၼ်လႄႈ လွင်ႈယူႇသဝ်း - ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝဵင်းလႃႈသဵဝ်ႈလၢတ်ႈ။ “ၵူၼ်းပၢႆႈၽေးသိုၵ်းႁဝ်းၶႃႈ မွၵ်ႈ 500 ၵေႃႉၼႆႉ ယၢပ်ႇၽိုတ်ႇဝႆႉ လွင်ႈတီႈယူႇသဝ်း၊ လွင်ႈၵိၼ်ယႅမ်ႉ ၸိူဝ်းၼႆႉဢေႃႈ။ တေႃႈလဵဝ် ၵူၼ်းပၢႆႈၽေးႁဝ်းၶႃႈ ယူႇဝႆႉၸွမ်းႁိူၼ်းယေးပီႈၼွင်ႉ...

ၵူၼ်းႁဝ်းၵေႃႉၼိုင်ႈလႄႈၵေႃႉၼိုင်ႈ ၵိူတ်ႇမႃးတူၼ်ႈထုၼ်းမၼ်းဢမ်ႇမိူၼ်ၵၼ် တူဝ်ထူပ်းဢမ်ႇမိူၼ်ၵၼ် မၢင်ၸိူဝ်းၵိူတ်ႇမႃးၵိၼ်ၼိူဝ်ငိုၼ်းၼွၼ်းၼိူဝ်ၶမ်းသေတႃႉ မၢင်ၸိူဝ်း ယႂ်ႇၸွမ်းလိၼ်ၵိၼ်ၸွမ်းသၢႆးမႃးၵူၺ်း။ ၵူၼ်းၸိူဝ်းတူၵ်းၵိၼ်းၶၢၼ်ၸႂ်ႁႅင်းၼႃႇဢႃးလႃးသေ ထိုင်တီႈယွမ်းၵၢၼ်ႉၸၢတ်ႈပၢၼ် ၵူၼ်းၵေႃႈ မီးမႃးၼမ်။ ၼႂ်းလိူၼ်ၼႆႉၵူၺ်း ပေႃႈၸဝ်ႈႁိူၼ်း ၵေႃႉၼိုင်ႈ တီႈလႃႈသဵဝ်ႈ လဵင်ႉယႃမိူဝ်ႇလုၵ်ႈလၢင်းၸဝ်ႈၵဝ်ႇတၢႆ 3 ၵေႃႉ၊ တူဝ်မၼ်းၵေႃႈ ၵိၼ်ၸွမ်းသေ တၢႆတင်းလုၵ်ႈတင်းပေႃႈ။ တႃႇတေၶႃႈတူဝ်ၵဝ်ႇလႄႈ လုၵ်ႈလၢင်းၸဝ်ႈၵဝ်ႇၼႆႉ ဢမ်ႇလႃႈလီႈမီးၽႂ်ႁတ်းႁဵတ်း။ ၵူၼ်းႁဝ်းၵူႈၵေႃႉၼႆႉ ယူႇၸွမ်းၼိူဝ်ႉၸွမ်းလိူတ်ႈၵၼ်ၵူႈၵေႃႉလႄႈ ၵေႃႉလႂ်ၵေႃႈ...

မိူဝ်ႈဝၼ်းတီႈ 10/08/2025 ယၢမ်းဝၢႆးဝၼ်း ၵူၼ်းမိူင်းၸိူဝ်းယူႇသဝ်း ၼႂ်းပွၵ်ႉ 7 ၵႂႃႇထူပ်းႁၼ်တူဝ်တၢႆ သီႇၵေႃႉပေႃႈလုၵ်ႈ တၢႆဝႆႉယူႇၼႂ်းႁိူၼ်းလင်ၼိုင်ႈ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ -“လႆႈငိၼ်းဝႃႈ ပဵၼ်ယွၼ်ႉၼီႈၼႆၼေႈ။ မၼ်းလဵင်ႉဢီႈယႃၼူလုၵ်ႈမၼ်းယဝ်ႉႁႄ တူဝ်မၼ်းၵေႃႈ ၶိုၼ်းၵိၼ်ယႃၼူႁႄ ဢွၼ်ၵၼ်တၢႆယူႇ ၼႂ်းႁိူၼ်းလင်ၼၼ်ႉၸွမ်းၵၼ်မူတ်း။ ၽွင်းၼၼ်ႉ မေးမၼ်းတိုၵ်ႉၵႂႃႇႁႆႈၼႆ။ ပွၵ်ႉ 7...

ဝၼ်းတီႈ 09/08/2025 ၼႆႉ ယူႇတီႈ တပ်ႉသိုၵ်းၵဝ်ႈၵၢင်ႉ MNDAA ႁွင်ႉဢဝ်ႁွင်ႈၵၢၼ် ၾၢႆႇၵူတ်ႇထတ်း ၵူၼ်းၶဝ်ႈမိူင်း မႃးၵဵပ်းသဵၼ်ႈသၢႆမၢႆ ၵူၼ်းၼႂ်းဝၢၼ်ႈႁူဝ်ပိုၵ်ႉ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ တႃႇႁၢင်ႈႁႅၼ်းႁဵတ်းမၢႆၾၢင်ပၼ်ၵူၼ်းပိုၼ်ႉတီႈ။ ၵူၼ်းပိုၼ်ႉတီႈ ၸႄႈဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ -“ဢၼ်မႃးၸႂ်ႉႁဵတ်းမၢႆၾၢင်ၼႆႉ ပဵၼ်ၵဝ်ႈၵၢင်ႉၶဝ်။ ပေႃးၶႂ်ႈႁဵတ်းမၢႆၾၢင်မၢၼ်ႈၼႆ ႁႂ်ႈၵႂႃႇႁဵတ်းတီႈလုမ်း မိူဝ်ႈလဵဝ် ၶဝ်ယွၼ်းတၢင်းၸွႆႈထႅမ်ဝႆႉႁႂ်ႈ ႁဵတ်းပၼ်ၵူၼ်းမိူင်းၼႆၶႃႈဢေႃႈ။ ၵူၺ်းၵႃႈ...

ႁူဝ်လိူၼ်ဢေႃႊၵတ်ႊသ်ၼႆႉ ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် တႂ်ႈၵုမ်းၵမ်သိုၵ်းမၢၼ်ႈယိုတ်းမိူင်း ပႂ်ႉၸွမ်းသဵၼ်ႈတၢင်းလႄႈ ၶဝ်ႈသွၵ်ႈထိုင် ၼႂ်းႁိူၼ်းယေး ၵူၼ်းၸိူဝ်းမီးလွင်ႈထၢင်ႇထိူမ်ႇ ၼႂ်းၸႄႈဝဵင်းလႃႈသဵဝ်ႈ၊ ၸႄႈဝဵင်းၵဵင်းတုင်လႄႈ ၸႄႈဝဵင်းတူၼ်ႈတီး ၸိူဝ်းၼႆႉသေ တီႉၺွပ်းလႆႈယႃႈမဝ်းၵမ်ၸမ် 4 မိုၼ်ႇမဵတ်ႉ ၼႆယဝ်ႉ။ ယႃႈမဝ်းၵမ်ၸိူဝ်းတီႉၺွပ်းလႆႈ ၼႂ်းၶၢဝ်းတၢင်းသွင်ဝၼ်း တႃႇသၢမ်ၸႄႈဝဵင်းၼႆႉ မီးယူႇ 36,800 မဵတ်ႉသေ ၵိုင်ႇငိုၼ်းတႃႇ 204 သႅၼ်ပျႃး။ ၵူၼ်းၸိူဝ်းၺႃးတီႉၺွပ်း...

ဝၢႆးသိုၵ်းမၢၼ်ႈ ၶဝ်ႈၵုမ်းဝဵင်းလႃႈသဵဝ်ႈၼႆႉမႃး ယိင်ႈၶႅၼ်းႁဵတ်းႁႂ်ႈၽူႈလၵ်ႉၸၵ်ႉၶုတ်ႈ လိူင်ႇၼမ်မႃး မၢင်ၸိူဝ်း တတ်းဢဝ်သၢႆၾႆးၾႃႉ ၵႂႃႇၶၢႆၵေႃႈမီးလႄႈ ႁဵတ်းႁႂ်ႈၵူၼ်းမိူင်း ဢွၼ်ၵၼ်မႆႈၸႂ်လွင်ႈႁူမ်ႇလူမ်ႈ ၼႆယဝ်ႉ။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၽူႈလၵ်ႉၼႆႉ ၵမ်ႈၼမ် ၶဝ်တေလၵ်ႉသၢႆၾႆးဢေႃႈ။ ၶဝ်တေဢဝ် သၢႆတွင်းၼႂ်းမၼ်းၵႂႃႇၶၢႆ။ ၽူႈလၵ်းၸိူဝ်းၼၼ်ႉၵေႃႈ ပဵၼ်ၶီႈယႃႈ ၶဝ်ဢမ်ႇမီးၵႃႈယႃႈလႄႈ ၸင်ႇမႃးလၵ်ႉသၢႆၾႆးၵႂႃႇၶၢႆ။ ၸွမ်းႁိူၼ်းယေး ၸိူဝ်းၼႆႉ...

ၼႂ်းႁၢင်လိူၼ်ၵျူႊလၢႆႊၼႆႉ သိုၵ်းမၢၼ်ႈယိုတ်းမိူင်း တင်း ပလိၵ်ႈၾၢႆႇၵူတ်ႇထတ်းရူတ်ႉၵႃး ႁူမ်ႈၵၼ် တေပႂ်ႉတီႉၺွပ်းဢဝ် ရူတ်ႉၵႃးၸိူဝ်း ဢမ်ႇမီးဝႂ်လၢႆႊသိၼ်ႊ ၸွမ်းၵၢင် ဝဵင်းလူင်လႃႈသဵဝ်ႈ လႄႈ ၸွမ်းသဵၼ်ႈတၢင်းလူင် ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ဝႃႈၼႆ။ ၾၢႆႇၸဝ်ႈၼႃႈတီႈၶဝ် ပၼ်ၾၢင်ႉ ၵူၼ်းၼႂ်းပိုၼ်ႉတီႈၸိူဝ်းၸမ်ၸႂ်ၵၼ်တင်းၶဝ်ၼၼ်ႉဝႆႉဝႃႈ တႄႇဝၼ်းတီႈ 23 လိူၼ်ၵျူႊလၢႆႊ 9 မူင်းတေႃႇ တၢမ်းၶမ်ႈ 5...

ဝဵင်းလႃႈသဵဝ်ႈၼႆႉ ပဵၼ်ငဝ်ႈဝဵင်းလူင် မိူင်းတႆးပွတ်းႁွင်ႇသေ ၵူၼ်းမိူင်းႁဵတ်းၵၢၼ်ၵႃႉငၢႆႈၶၢႆလီမႃး။ တင်ႈတႄႇသိုၵ်းမၢၼ်ႈယိုတ်းဢႃႇၼႃႇ ဝၢၼ်ႈမိူင်း ၸုမ်းသိုၵ်းၸၢဝ်းၶိူဝ်း ၽႅၼ်ယၼ်ႇသိုၵ်းသေ ပိုတ်ႇပၢင်တိုၵ်းယိုဝ်းသိုၵ်းမၢၼ်ႈ လိုပ်ႈဢွၵ်ႇဝဵင်းလၢႆလၢႆတီႈ ယဝ်ႉ ၵူၼ်းမိူင်းၸိူဝ်းယူႇၼႂ်းပိုၼ်ႉတီႈ ၸႄႈဝဵင်းမိူင်းတႆးပွတ်းႁွင်ႇၵမ်ႈၼမ်ၵေႃႈ သုမ်းတိုဝ်ႉတၢင်းသုၼ်ႇလႆႈၵၢၼ်ၵႃႉၶၢႆ၊ သုမ်းသုၼ်ႇ လႆႈၵူၼ်းမႃးၼမ်ႁႅင်းတေႉတေႉ။ ယၢမ်းလဵဝ် ၼႂ်းဝဵင်းလႃႈသဵဝ်ႈၼႆႉ မီးၶၢဝ်ႇႁူင်လိုဝ်းဝႃႈ သိုၵ်းမၢၼ်ႈၽိူမ်ႉႁႅင်းသိုၵ်း လႄႈ ၶိူင်ႈၵွင်ႈလူင် ဢိၵ်ႇပႃး ၵႃးတႅင်ႉ၊ ၵႃးၵၢပ်ႇလဵၵ်း...

တႄႇၵၢင်လိူၼ်ဢေႊပရိူဝ်ႊ ဝၢႆးလင်ပီမႂ်ႇသွၼ်းၼမ်ႉယဝ်ႉ သိုၵ်းမၢၼ်ႈႁႅၼ်းသိုၵ်း ၶဝ်ႈပၵ်းတပ်ႉၶိုၼ်း ၼႂ်းဝဵင်းလႃႈသဵဝ်ႈ တႃႇ 12 ပွၵ်ႉသေ သိုၵ်းၵဝ်ႈၵၢင်ႉလႆႈထွႆဢွၵ်ႇၵႂႃႇပၵ်းတပ်ႉပၢင်သဝ်းၶိုၼ်း ၼွၵ်ႈဝဵင်းလႄႈ ၸွမ်းသၢပ်ႇဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ယၢမ်းၼၼ်ႉ သိုၵ်းၵဝ်ႈၵၢင်ႉ တေႃႉဢဝ်ၶူဝ်းၶွင်မီးၵႃႈၶၼ်ယႂ်ႇ ဢွၵ်ႇၵႂႃႇၸွမ်းတင်းသဵင်ႈသေ ပၢင်တေႃႇလွင်းလႄႈ ႁူင်းပျေႃႇမူၼ်ႈ ဢၼ်သိုၵ်းၵဝ်ႈၵၢင်ႉ ပၼ်ၶႂၢင်ႉပိုတ်ႇဝႆႉပဵၼ်တၢင်း ၵၢၼ် ၸိူဝ်းၼၼ်ႉၵေႃႈ ၵူၼ်းမိူင်းၼႂ်းပိုၼ်ႉတီႈထၢင်ႇဝႃႈ တေလႆႈဢိုတ်းၶိုၼ်းတင်းသဵင်ႈ ဢမ်ႇၼၼ်...

တႄႇႁူဝ်လိူၼ်ၵျူႊလၢႆႊၼႆႉမႃး သိုၵ်းၵဝ်ႈၵၢင်ႉ (MNDAA) ၸိူဝ်းၵုမ်းၵမ်ယူႇဝႆႉၼႂ်းပိုၼ်ႉတီႈၸွမ်းသၢပ်ႇဝဵင်းလႄႈ ၼွၵ်ႈဝဵင်းလႃႈသဵဝ်ႈ ဢိၵ်ႇပႃးဝဵင်းသႅၼ်ဝီ၊ ၵုၼ်လူင်၊ ႁူဝ်ပၢင်ႇ တေႃႇပေႃးထိုင် ဝဵင်းၼမ်ႉၽႃႈ (ၶျိၼ်ႊသူၺ်ႇႁေႃႇ) ၼႆႉ ဢမ်ႇမီးငဝ်းလၢႆးတႃႇထွႆဢွၵ်ႇပၼ်ၶိုၼ်းသိုၵ်းမၢၼ်ႈ ၸွမ်းၼင်ႇ ၶၢဝ်ႇႁူင်လိုဝ်းၵၼ်ၵူၺ်းဢမ်ႇၵႃး ယင်းပၢႆၵဵပ်းသိုၵ်းမႂ်ႇ ယွၼ်းၵူၼ်း ၼုမ်ႇ တႃႇၶဝ်ႈႁၢပ်ႇထၢမ်းၵၢၼ်သိုၵ်း တီႈၵူၼ်းမိူင်းထႅင်ႈၵွၼ်ႇ ၼႆယဝ်ႉ။ မိူဝ်ႈဝၼ်းတီႈ 02/07/2025 ပူၼ်ႉမႃးၼႆႉ သိုၵ်းၵဝ်ႈၵၢင်ႉ...

တႄႇလိူၼ်ၵျုၼ်ႊၼႆႉမႃး သိုၵ်းၵဝ်ႈၵၢင်ႉ MNDAA ၸိူဝ်းပၵ်းတပ်ႉ ၵုမ်းၵမ်ယူႇၼႂ်းထုင်ႉၼမ်ႉပွင်ႈလႄႈ ၼွၵ်ႈဝဵင်းလႃႈသဵဝ်ႈၼၼ်ႉ ဢွၵ်ႇၶေႃႈၸီႉသင်ႇ တီႈၵၢင်ႉၵႄႇၸွမ်းဝၢၼ်ႈၸွမ်းသူၼ် ႁႂ်ႈႁႃပၼ်ၵူၼ်းတႃႇ ၶဝ်ႈႁဵတ်းသိုၵ်းၼိုင်ႈဝၢၼ်ႈလႂ် ဢေႇသုတ်းၼိုင်ႈၵေႃႉ ဝႃႈၼႆ။ ဝၢႆးလင် သိုၵ်းၵဝ်ႈၵၢင်ႉ လႆႈထွႆဢွၵ်ႇၼႂ်းဝဵင်းလႃႈသဵဝ်ႈ ပၼ်သိုၵ်းမၢၼ်ႈယဝ်ႉၼၼ်ႉ သိုၵ်းၵဝ်ႈၵၢင်ႉ ဢွၵ်ႇ ၶေႃႈၸီႉသင်ႇ တေႃႇၵူၼ်းမိူင်း ၸိူဝ်းယူႇၸွမ်းသၢပ်ႇဝဵင်းလႃႈသဵဝ်ႈလႄႈ ထုင်ႉၼမ်ႉပွင်ႈၼၼ်ႉ ႁႂ်ႈႁႃၵူၼ်း သေ ဢဝ်သဵၼ်ႈမၢႆၵူၼ်း...

ဝၼ်းတီႈ 21/06/2025 ၼႆႉ သိုၵ်းမၢၼ်ႈ ယိုတ်းမိူင်း တေႃႉဢဝ်ႁႅင်းၵူၼ်းသိုၵ်းၸမ်ႁူဝ်ႁဵင်ၵေႃႉလႄႈ ႁႅင်းၶိူင်ႈၵွင်ႈလူင် လၢႆလၢႆသႅၼ်း ၶဝ်ႈၵႂႃႇဢဝ်ဢွင်ႈတီႈ တင်ႈဝႆႉၶိုၼ်းၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ဝၼ်းၼၼ်ႉ သၢႆၵႃးသိုၵ်းမၢၼ်ႈ လုၵ်ႉတၢင်းၼွၵ်ႈ ၶဝ်ႈမႃးၼႂ်းဝဵင်းမီးမွၵ်ႈ 50 လမ်း ပႃးတင်းၵူၼ်းသိုၵ်း တဵမ်ၵႃး မွၵ်ႈၼိုင်ႈႁဵင်ၵေႃႉ။ ၵွၼ်ႇသိုၵ်းမၢၼ်ႈပႆႇတေႃႉဢဝ် ၵူၼ်းသိုၵ်းလႄႈ ၶိူင်ႈၸႂ်ႉတိုဝ်းၼႂ်းပၢင်တိုၵ်း ၶဝ်ႈမႃး ၼႂ်းဝဵင်းၼႆႉ...