မိူင်းၶႄႇတင်း မိူင်းဢိၼ်ႊတီႊယိူဝ်ႊ တူၵ်းလူင်းလႆႈၸႂ်ၵၼ် တႃႇတေတႄႇလႅၼ်ႈၶိုၼ်း ၶၢဝ်းတၢင်းသၢႆၵၢၼ်မိၼ် ၵႂႃႇမႃးၵမ်းသိုဝ်ႈ ၼႂ်းၵႄႈၵၢင်သွင်ၸိုင်ႈမိူင်း ဝၢႆးသေၵိုတ်းလိုဝ်ႈဝႆႉ ႁိုင် ၶၢဝ်းတၢင်း 5 ပီ တႃႇႁူမ်ႈၵၼ်ႁဵတ်းသၢင်ႈ ယုၵ်ႉမုၼ်းၼႂ်းၵၢၼ်ပၢႆးမၢၵ်ႈမီးလႄႈ ၵၢၼ်လူင်းတိုၼ်းလၢင်း ဝႃႈၼႆ။ မိူင်းၶႄႇတင်း မိူင်းဢိၼ်ႊတီႊယိူဝ်ႊၼႆႉ ပဵၼ်မိူင်းဢၼ်မီးႁူဝ်ၼပ်ႉၵူၼ်းၼမ်လိူဝ်ပိူၼ်ႈ ၼႂ်းၵုၼ်ဢေးသျႃး၊ ၵူၺ်းၵႃႈ သွင်မိူင်းၼႆႉ မီးလွင်ႈၶဵင်ႈၶႅင် လွင်ႈၶေႉၶဵင်ႇၵၼ်ဝႆႉႁၢဝ်ႈႁႅင်း။ မိူဝ်ႈပီ...

သိုၵ်းမၢၼ်ႈယိုတ်းမိူင်းသေ ဝၢၼ်ႈမိူင်းသုၵ်ႉယုင်ႈဢူၼ်ၵဝ်း၊ ၸုမ်းသိုၵ်းၼႂ်းမိူင်းၼင်ႇၵၼ် ႁိမ်ၸိင်းဢွင်ႈတီႈၵၼ် ၸုမ်းလႂ်ၵေႃႈၶႂ်ႈမီးဢႃႇၼႃႇယႂ်ႇလူင်သေဢဝ်ပေႉပုၼ်ႈၵဝ်ပုၼ်ႈမႂ်း။ ၵူၼ်းမိူင်းတႄႉ တေယူႇၵေႃႈၵူဝ် တေပၢႆႈသမ်ႉဢမ်ႇလွတ်ႈတုၵ်ႉ။ မိူၼ်ၼင်ႇ ၵူၼ်းမိူင်းတႆးပွတ်းႁွင်ႇၼႆႉ ၸဵမ်မိူဝ်ႈၽႅၼ်ယၼ်ႇသိုၵ်း 1027 တႄႇၼၼ်ႉသေ ၵူၼ်းမိူင်းၵမ်ႈၼမ် ႁိူၼ်းဢမ်ႇလႆႈယူႇ ၵူႇဢမ်ႇလႆႈၼွၼ်း ၵုမ်ႇလႆႈပၢႆႈၽေးသိုၵ်းၵူၺ်း။ ၵၢၼ်ႁႃၵိၼ်လဵင်ႉတွင်ႉၵေႃႈ ဢမ်ႇၸၢင်ႈႁဵတ်းႁႃသင်လႄႈ ၸိူဝ်းပၢႆႈသွၼ်ႈယူႇၼႂ်းမိူင်းၶႄႇၵေႃႈ မီးတင်းၼမ်။ ၵူၼ်းၸိူဝ်းႁွတ်ႈ မိူင်းၶႄႇၵေႃႈ ဢမ်ႇလွတ်ႈတၢင်းမႆႈၸႂ်။ တႃႇတေယူႇလွတ်ႈလႆႈၵႂႃႇၵူႈဝၼ်းဝၼ်းၵေႃႈ...

ပေႃးထိုင်မႃး ဝၼ်းတီႈ 31/08/2025 ၼႆႉ မိူင်းၶႄႇ တေၸတ်းႁဵတ်းပၢင်ၵုမ်ၸိၵ်းၸွမ် ၸုမ်းၾၢႆႇ ႁူမ်ႈႁွမ်းသျႅၼ်ႊႁၢႆႊ SCO တီႈဝဵင်းတီႊယႅၼ်ႊၵျိၼ်ႊ၊ ႁူဝ်ၼႃႈ သိုၵ်းမၢၼ်ႈ ယိုတ်းမိူင်း ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တေၵႂႃႇၶဝ်ႈႁူမ်ႈ ဝႃႈၼႆ။ ၸုမ်းၾၢႆႇႁူမ်ႈႁွမ်းသျႅၼ်ႊႁၢႆႊ SCO ၼႆႉ ပဵၼ်ၸုမ်းလူင်ပွင်ၸိုင်ႈ ၵဵဝ်ႇၵပ်းပိုၼ်ႉတီႈ ဢၼ်ၵေႃႇတင်ႈမႃး တီႈဝဵင်းသျႅၼ်ႊႁၢႆႊ မိူဝ်ႈပီ...

ၾူၼ်တူၵ်းႁႅင်းသေ ၼမ်ႉၵိုင်ႉၵၢင်ႉလုပ်ႇၼွင်းထူမ်ႈ တီႈဝဵင်းလူင်ပေႇၵျိၼ်း မိူင်းၶႄႇ မီးၵူၼ်းလူႉတၢႆ ဢမ်ႇယွမ်း 30 ၵေႃႉယဝ်ႉ ဝႃႈၼႆ။ မိူဝ်ႈၽွင်း ၼမ်ႉလုပ်ႇၼွင်းထူမ်ႈ ၼႂ်းဝဵင်းပေႇၵျိၼ်းဝႆႉယူႇၼၼ်ႉ ၵူၼ်းမိူင်းၸိူဝ်းယူႇသဝ်း ၼႂ်းမိူင်းၶႄႇ ပွတ်းႁွင်ႇၵေႃႈ လႆႈႁူပ်ႉၺႃးၽေးၼမ်ႉၼွင်းထူမ်ႈဝႆႉ မိူၼ်ၵၼ်။ ၾၢႆႇၾိင်ႈၾႃႉရႃႇသီႇ လၢမ်းၶၢတ်ႈဝႆႉဝႃႈ ၾူၼ်တေတူၵ်းႁႅင်း တေႃႇထိုင်ဝၼ်းတီႈ 29 လိူၼ်ၵျူႊလၢႆႊၼႆလႄႈ ၸဝ်ႈၼႃႈတီႈမိူင်းၶႄၶဝ် လႆႈၸွႆႈထႅမ်ၵူၼ်းမိူင်း 8...

ၽွင်းသိုၵ်းမၢၼ်ႈ တင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ်၊ ၵူၼ်းမိူင်းၼႂ်းၸႄႈဝဵင်းၵျွၵ်ႉမႄး-ဝဵင်းသီႇ ပေႃႉၵေႃႈ ဢမ်ႇလႆႈယူႇသႃႇ ၺႃးသိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇ ၸွမ်းဝၢၼ်ႈ၊ ၸွမ်းဝဵင်း ဢွင်ႈတီႈဢၼ်ၶဝ် ၼပ်ႉသွၼ်ႇဝႃႈ မီးသိုၵ်းတဢၢင်းမူၵ်းယူႇသဝ်းဝႆႉၼႆလႄႈ ၵူၼ်းမိူင်းၸိူဝ်းလႆႈယူႇဝႆႉ ၼႂ်းၼႃႈတီႈသိုၵ်းတဢၢင်း ၵုမ်းၵမ်ၸူဝ်ႈၶၢဝ်းၵေႃႈ လႆႈတုၵ်ႉၶယၢပ်ႇၽိုတ်ႇၸွမ်း။ မိူၼ်ၼင်ႇ ၽွင်းပၢင်တိုၵ်းတိုၵ်ႉယုင်ႈယၢင်ႈ ၼႂ်းၸႄႈဝဵင်းၼွင်ၶဵဝ်ၼၼ်ႉ မီးၶၢဝ်ႇႁူင်လိုဝ်းဢွၵ်ႇမႃးဝႃႈ ပေႃးသိုၵ်းတဢၢင်း...

လူင်ပွင်ၸိုင်ႈမိူင်းၶႄႇလၢတ်ႈဝႃႈ ၼႂ်းဝၼ်းတီႈ 21/07/2025 ၼႆႉ လႆႈတႄႇသၢင်ႈ ၶူင်းၵၢၼ် ၵေႃႇသၢင်ႈၾၢႆၾႆးၾႃႉ ၼႂ်းပိုၼ်ႉတီႈတီႉပႅတ်ႉ (Tibet) ဢၼ်တေပဵၼ်မႃးၾၢႆ ယႂ်ႇလိူဝ်ပိူၼ်ႈသုတ်း ၼႂ်းလုမ်ႈၾႃႉ ဝႃႈၼႆ။ သိုဝ်ႇၶၢဝ်ႇၼႂ်းပိုၼ်ႉတီႈ မိူင်းၶႄႇ ႁၢႆးငၢၼ်းဝႆႉဝႃႈ - တူဝ်ၸွမ်ၽွင်းလူင် မိူင်းၶႄႇ လီႇၶျႅၼ်း ၵႂႃႇႁွတ်ႈထိုင်ဢွင်ႈတီႈ တေၵေႃႇသၢင်ႈၾၢႆၾႆးၾႃႉ ၼိူဝ်မႄႈၼမ်ႉ ယႃႇလုၼ်ႇသၢၼ်ႇပူဝ်ႇ (ယာလွန်ဆန်ပိုမြစ်)...

မိူဝ်ႈဝၼ်းတီႈ 15/07/2025 ၼႆႉ ၸွမ်ၸိုင်ႈမိူင်းၶႄႇ သျီႊၵျိၼ်ႊၽိင်ႊ Xi Jinping တင်း ၸွမ်ၽွင်းလူင် ၼွၵ်ႈမိူင်း မိူင်းရတ်ႉသျႃႊ သိူဝ်ႊၵျီႊ လႅပ်ႉၾ်လွပ်ႉ Sergey Lavrov ႁူပ်ႉဢုပ်ႇၵၼ် တီႈမိူင်းပေႊၵျိၼ်ႊ ၼႂ်းၸိုင်ႈမိူင်းၶႄႇ။ တီႈပၢင်ႁူပ်ႉထူပ်းၵၼ်ၼၼ်ႉ ဢုပ်ႇဢူဝ်းၵၼ် လွင်ႈၶၵ်ႉၵၢၼ်မၢၵ်ႈမီး လႄႈ လွင်ႈ...

ဝၼ်းတီႈ 04/07/2025 ၼႆႉ လုမ်းၽွင်းတၢင်မိူင်းၶႄႇ ဢၼ်ပၵ်းသဝ်းဝႆႉ ၼႂ်းမိူင်းထႆး ၸွႆႈထႅမ်လႆႈၸၢႆးၸိူင်း ၸိုဝ်ႈလိုဝ်း ၼႂ်းမိူင်းၶႄႇၵေႃႉၼိုင်ႈ ၸိုဝ်ႈ “ၵျွင်ႊ” (Zhong) ၵေႃႉဢၼ်မႃးထိုင်ဝၢင်းႁိူဝ်းမိၼ် ၻွၼ်းမိူင်း ၸိုင်ႈထႆးယဝ်ႉ ၺႃးလွၵ်ႇလႅၼ်ႁႂ်ႈၶၢမ်ႈလႅၼ်လိၼ်ထႆး ၶဝ်ႈၵႂႃႇၼႂ်းမိူင်းမၢၼ်ႈ ပိူဝ်ႈတႃႇထၢႆႇႁၢင်ႈသႂ်ႇၼႃႈ သိူဝ်ႈပပ်ႉမႅၵ်ႇၵသိၼ်း ဝႃႈၼႆ။ မိူဝ်ႈဝၼ်းတီႈ 13/06/2025 ပူၼ်ႉမႃးၼၼ်ႉ ၸၢႆးၸိူင်းၵေႃႉၺႃးလႅၼ်ၵႂႃႇၼႂ်းမိူင်းမၢၼ်ႈၼၼ်ႉ ႁွင်ႉ...

မိူင်းၶႄႇပိုၼ်ၽၢဝ်ႇဝႃႈ ၼႂ်းလိူၼ်သႅပ်ႊထိမ်ႊပိူဝ်ႊ ပီၼႆႉ တေၸတ်းႁဵတ်း ပၢင်ပွႆးၼႄ ၾၢင်ႁၢင်ႈသိုၵ်း ပိူဝ်ႈတႃႇပဵၼ်လွင်ႈမၢႆတွင်း ပၢင်တိုၵ်းသိုၵ်းလုမ်ႈၾႃႉယဝ်ႉတူဝ်ႈၵႂႃႇၶွပ်ႈတဵမ်  80 ပီ ဝႃႈၼႆ။ ပၢင်ၼႄၾၢင်ႁၢင်ႈသိုၵ်းၼႆႉ တေၸတ်းႁဵတ်းၼႂ်းဝၼ်းတီႈ 3 လိူၼ်သႅမ်ႊထိမ်ႊပိူဝ်ႊ တီႈဝဵင်းလူင်ပေႊၵျိၼ်ႊ၊ ၸွမ်ၸိုင်ႈမိူင်းၶႄႇ သျီႊၵျိၼ်ႊၽိင်ႊၵေႃႈတေၶဝ်ႈႁူမ်ႈၸွမ်းၼႆ - ၽူႈမီးၸၼ်ႉသုင် ၼႂ်းတပ်ႉသိုၵ်းမိူင်းၶႄႇ လၢတ်ႈၵႂႃႇ တီႈၼႂ်းပၢင်သပ်းၸႅင်ႈၶၢဝ်ႇၼင်ႇၼႆ။ တီႈၼႂ်းပၢင်ၼႄၾၢင်ႁၢင်ႈသိုၵ်းၼၼ်ႉ တေၼႄပႃးဢဵၼ်ႁႅင်းၾၢႆႇတပ်ႉလိၼ်၊ ၶိူင်ႈမိၼ်တိုၵ်း...

ၼႂ်းဝၼ်းတီႈ 13/06/2025 (ဝၼ်းသုၵ်း) ၼႆႉ လူမ်းလႅင်ႉတၢႆႇၾူၼ်း ဝူႇတိတ်ႉ ၽတ်ႉထွင်းၶဝ်ႈတီႈမိူင်းၶႄႇ ပွတ်းၸၢၼ်း ၵူၼ်းမိူင်းၼပ်ႉႁူဝ်မိုၼ်ႇ လႆႈငိူင်ႉပၢႆႈတီႈလွတ်ႈၽေးဝႆႉ၊ ႁူင်းႁဵၼ်း၊ သၢႆသဵၼ်ႈတၢင်းလႄႈ သၢႆ ၵၢၼ်မိၼ်ၵမ်ႈၼမ် လႆႈပိၵ်ႉဢိုတ်းဝႆႉ ဝႃႈၼႆ။ တီႈၸႄႈတွၼ်ႈလႄႈ ဝဵင်း 6 တီႈ ၼႂ်းမိူင်းၶႄႇ ႁူပ်ႉၽေးလူမ်းလႅင်ႉ တၢႆႇၾူၼ်းဝႆႉသေ ၾူၼ်တူၵ်းႁႃႇယႂ်ႇ။...

မိူဝ်ႈဝၼ်းတီႈ 10/06/2025 ၼႆႉ တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA တီႉၺွပ်းဢဝ် ၵူၼ်းႁဵတ်း ၵၢၼ်ၵျႃးၽႅၼ်ႉ လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ ၼႂ်းၸႄႈဝဵင်းၼမ်ႉၶမ်း၊ ၼမ်ႉတူႈလႄႈ ၵူတ်ႉၶၢႆ ၸိူဝ်းၼႆႉ သူင်ႇမွပ်ႈပၼ်ၶိုၼ်း ၼႂ်းမိုဝ်းပလိၵ်ႈမိူင်းၶႄႇ တႃႇ 12 ၵေႃႉ ဝႃႈၼႆ။ ၾၢႆႇႁွင်ႈၵၢၼ်ပိုၼ်ၽၢဝ်ႇ သိုၵ်းတဢၢင်းၶဝ် ပိုၼ်ၽၢဝ်ႇ ပဵၼ်တၢင်းၵၢၼ်ဝႆႉဝႃႈ - ၵူၼ်းၸိူဝ်းၺႃးသိုၵ်းတ...

ၼႂ်းဝူင်ႈဝၢင်ႈၼႆႉ ၸွမ်ၸိုင်ႈမိူင်းဢမေႊရိၵၼ်ႊ ၻူဝ်ႊၼေႃႊ ထရမ်ႉလႄႈ ၸွမ်ၸိုင်ႈမိူင်းၶႄႇ သျီၵျိၼ်ႉၽိင် တေဢုပ်ႇဢူဝ်းၵၼ် ၵဵဝ်ႇၵပ်းလွင်ႈ ၵၢၼ်ၵႃႉၶၢႆ ၼႂ်းၵႄႈသွင်ၸိုင်ႈမိူင်းၼႆ ၽူႈမီး ပုၼ်ႈၽွၼ်း တီႈႁိူၼ်းႁေႃၶၢဝ် ၵေႃႉၼိုင်ႈ ယိုၼ်ယၼ်လၢတ်ႈဝႆႉၼင်ႇၼႆ။ မိူဝ်ႈလိူၼ်မေႊ ပူၼ်ႉမႃးၼႆႉ ၵဵဝ်ႇၵပ်းလွင်ႈ ၵၢၼ်ၵႃႉၶၢႆသေ မိူင်းဢမေႊရိၵၼ်ႊတင်း မိူင်းၶႄႇ ႁူပ်ႉဢုပ်ႇၵၼ် တီႈၵျီႊၼီႊပႃ မိူင်းသုတ်ႊသလၼ်ႊ။ တီႈပၢင်ဢုပ်ႇဢူဝ်းၼၼ်ႉ...

ဝၼ်းတီႈ 25/05/2025 ၼႆႉ ၸွမ်ၽွင်းလူင် မိူင်းၶႄႇ လီႇၶျႅၼ်ႇတင်း ၸွမ်ၸိုင်ႈမိူင်းဢိၼ်ႇတူဝ်ႇၼီးသျႃး ပရႃႇပူဝ်ႇဝူဝ်ႇ သူႇပီႇယႅၼ်ႇတူဝ်ႇ ႁူပ်ႉဢုပ်ႇၵၼ် လွင်ႈတႃႇတိူဝ်းၶႂၢၵ်ႈၵၢၼ်ၵပ်းသိုပ်ႇၵႃႉၶၢႆလႄႈ ၵၢၼ်လူင်းတိုၼ်းလၢင်း ဝႃႈၼႆ။ ၸွမ်ၽွင်းလူင် မိူင်းၶႄႇ ႁွတ်ႈထိုင်တီႈဝဵင်းလူင်ၵျႃႇၵႃႇတႃႇ မိူင်းဢိၼ်ႇတူဝ်ႇၼီးသျႃး ၼႂ်းဝၼ်းတီႈ 24 ယၢမ်းဝၢႆးဝၼ်း။ တီႈၼႂ်းပၢင်ႁပ်ႉတွၼ်ႈ ၸဝ်ႈၵၢၼ်ပၢႆးမၢၵ်ႈမီး မိူင်းဢိၼ်ႇတူဝ်ႇ ၼီးသျႃး -...

ဝၼ်းတီႈ 20/05/2025 ၼႆႉ ၸုမ်းပၢႆးယူႇလီလုမ်ႈၾႃႉ WHO ၸတ်းပၢင်ၵုမ်လူင် ၺီႇလႃႇၶၢမ်ႇ တီႈဝဵင်းၵျႃႇၼီႇပႃႇၼၼ်ႉ ၵႅမ်ၸွမ်ၽွင်းလူင် မိူင်းၶႄႇ လီႊၵျူဝ်ႊၸူင်ႊ မွၵ်ႇလၢတ်ႈၵႂႃႇဝႃႈ တေၵမ်ႉၸွႆႈပၼ်ငိုၼ်း ၼႂ်းၶၵ်ႉၵၢၼ်ပၢႆးယူႇလီ 500 လၢၼ်ႉတေႃႊလႃႊ တႃႇၶၢဝ်းတၢင်း 5 ပီ ဝႃႈၼႆ။ ၸွမ်းၼင်ႇ ၶေႃႈတႅပ်းတတ်း ၸွမ်ၸိုင်ႈမိူင်းဢမေႊရိၵၼ်ႊ ၻူဝ်ႊၼေႃႊ ထရမ်ႉသေ...

ပိူဝ်ႈတႃႇလူတ်းယွမ်း လွင်ႈၶဵင်ႈၶႅင် ပၢင်တိုၵ်းၵၢၼ်ၵႃႉၶၢႆ ၼႂ်းၵႄႈသွင်ၸိုင်ႈမိူင်းၼႆသေ ဢမေႊရိၵၼ်ႊတင်း မိူင်းၶႄႇ တူၵ်းလူင်းလႆႈၸႂ်ၵၼ် တေလူတ်းယွမ်း လွင်ႈၵဵပ်းၶွၼ်ႇၶူဝ်းၵုၼ်ႇ တႃႇၶၢဝ်းတၢင်း 90 ဝၼ်း (3 လိူၼ်) ဝႃႈၼႆ။ ၸွမ်းၼင်ႇၶေႃႈတူၵ်းလူင်း သွင်ၸိုင်ႈမိူင်းၼၼ်ႉသေ တႄႇဝၼ်းတီႈ 14/05/2025 ၼႆႉၵႂႃႇ ဢမေႊရိၵၼ်ႊ တေလႆႈလူတ်းယွမ်း လွင်ႈၵဵပ်းၶွၼ်ႇၶူဝ်းၵုၼ်ႇမိူင်းၶႄႇ တႃႇ 30%...