ဝၢႆးလင် ၸုမ်းယိပ်းၵွင်ႈၵၢင်ႇၸၢဝ်းၶိူဝ်း တပ်ႉသိုၵ်းၵဝ်ႈၵၢင်ႉ (MNDAA) ၊ ရၶႅင်ႇ (AA)၊ တဢၢင်း (TNLA) ၸတ်းၽႅၼ်ယၼ်ႇသိုၵ်း 1027 သေ ဢဝ်ၶေႃႈဢၢင်ႈ တႃႇလိုပ်ႈလမ်းၸုမ်း ၵျႃးၽႅၼ်ႉယဝ်ႉ တႄႇပၢင်တိုၵ်း လိုပ်ႈလမ်းသိုၵ်းမၢၼ်ႈ ယိုတ်းမိူင်း ဢွၵ်ႇၼႂ်းမိူင်းတႆးပွတ်းႁွင်ႇ ၵၢၼ်ပၢႆးမၢၵ်ႈမီးၼႂ်းမိူင်းတႆးပွတ်းႁွင်ႇၵေႃႈ တူၵ်းလူင်းမႃးလိူဝ်ၵဝ်ႇ ၵူၼ်းမိူင်းဢမ်ႇလႆႈ ၼမ်ႉတွၼ်း ၼင်ႇဢၼ်မုင်ႈမွင်းဝႆႉ...

ၵူၼ်းၼုမ်ႇတႆး ဝဵင်းသီႇပေႃႉ ၽူႈတူင်ႉၼိုင်ၵၢၼ်ပရႁိတ ၵေႃႉၼိုင်ႈ လႆႈၶတ်းၸႂ်ၶဝ်ႈၶေႉၶဵင်ႇ ပဵၼ်မႃးၸၢႆးငၢမ်းသေ လႆႈတၢင်တူဝ်မိူင်းႁူမ်ႈတုမ်ၵႂႃႇ ၶဝ်ႈၶေႉၶဵင်ႇပၢင်ပွႆးၸၢႆးငၢမ်းလုမ်ႈ ၾႃႉ Mr. world တီႈမိူင်းဝႅတ်ႉၼၢမ်းသေ မၼ်းၸၢႆးလႆႈႁပ်ႉသူး Beauty with A Purpose မႃး။ ဢိင်ၼိူဝ်လွင်ႈၼႆႉ မၼ်းၸၢႆး လႆႈၶတ်းၸႂ်မႃးၸိူင်ႉႁိုဝ် မီးလွင်ႈၶဵင်ႇတႃႉၸိူင်ႉႁိုဝ်မႃး ဢၼ်ဝႃႈၼၼ်ႉ ယူႇတီႈ...

ၵူၼ်းပၢႆႈၽေးသိုၵ်း 70 ပၢႆ ဢၼ်ပၢႆႈၽေးႁွတ်ႈဝႆႉ တီႈပွၵ်ႉ 5 ၼႂ်းဝဵင်းၵႃလီႉ ၸိုင်ႈတႆးပွတ်းၸၢၼ်းၼႆႉ ယၢမ်းလဵဝ် ထူပ်းတၢင်းယၢပ်ႇလွင်ႈၾႆးတႆႈ၊ ၸွမ်းသုမ်ႉ ၸွမ်းသဵၼ်ႈတၢင်းၸိူဝ်းၼႆႉၵေႃႈ ၾႆးတႆႈဢမ်ႇမီးၵုမ်ႇထူၼ်ႈလႄႈ ၵမ်ႈၽွင်ႈလႆႈယူႇလပ်းသိင်ႇဝႆႉၸိူင်ႉၼၼ်ၵေႃႈမီး။ ၽူႈၶဝ်ႈႁူမ်ႈၸွႆႈထႅမ် ၵူၼ်းပၢႆႈၽေး ၼႂ်းဝဵင်းၵႃလီႉ လၢတ်ႈတီႈၽူႈတွႆႇႁွၵ်ႈဝႃႈ -“မိူဝ်ႈလဵဝ်ၾႆးၼႂ်းဝၢၼ်ႈ ၶဝ်ၼၼ်ႉ မၼ်းပႆႇမီး၊ မီးဝႆႉၾႆးၼႂ်းႁိူၼ်းသေ လႅင်းဝႆႉၵူၺ်း။ မိူဝ်ႈလဵဝ်တႄႉ သူဝ်ႊလႃႊ...

ဝၼ်းတီႈ 04/07/2025 ႁွင်ႈၵၢၼ် ၾၢႆႇၸွႆႈထႅမ်ပူၵ်းပွင် တူင်ႇဝူင်းၵူၼ်းၸိုင်ႈထႆး ၸႄႈတွၼ်ႈၵဵင်းႁၢႆး လႆႈလဵပ်ႈႁဵၼ်းငဝ်းလၢႆး ႁူဝ်ၼမ်ႉသၢႆ (တီႈတႄႇလႆၶဝ်ႈလႅၼ်လိၼ်) သေ ပိုၼ်ၽၢဝ်ႇဢွၵ်ႇမႃးဝႃႈ - ဢိင်ၼိူဝ် ၾူၼ်တူၵ်းႁႅင်းတၢင်းမိူင်းတႆးသေ ၼမ်ႉသၢႆၸၢင်ႈၼွင်းလူၼ်ႉၾင်ႇ။ ၵွပ်ႈၼႆလႄႈ ဢၼ်လီမႆႈၸႂ်ၼႆႉ ပဵၼ်ၾင်ႇၾၢႆႇထႆး ပဵၼ်ၼႂ်းပွၵ်ႉသၢႆလူမ်းၵျွႆး မူႇ 1 ဢိူင်ႇဝဵင်းၽၢင်းၶမ်း၊ ပွၵ်ႉၵေႃႇသၢႆး မူႇ 7...

ဝၼ်းတီႈ 03/07/2025 ယၢမ်းႁူဝ်ၶမ်ႈ ၾူၼ်တူၵ်းႁၢဝ်ႈႁႅင်းသေ ၼမ်ႉၼွင်းလူၼ်ႉ ၾၢႆၵိုင်ႉၵၢင်ႉၵူၼ်ႇပင်း လုပ်ႇထူမ်ႈသႂ်ႇဝၢၼ်ႈပွင်ႊပွင်ႊလႄႈ ဝၢၼ်ႈသျီး ၵူၼ်းမိူင်းလႆလွင်ႈၵႂႃႇၸွမ်းၼမ်ႉ 3 ၵေႃႉသေ ၸူမ်ၼမ်ႉတၢႆ တီႈဝဵင်းလၢဝ်ႇၵၢႆး (လဝ်ႉၵႆႇ) ၼႂ်းၼႃႈတီႈသိုၵ်းၵဝ်ႈၵၢင်ႉၵုမ်းၵမ် ၸိုင်ႈတႆးပွတ်းႁွင်ႇ။ ၵူၼ်းမိူင်းၸိူဝ်း လွင်ႈၵႂႃႇၸွမ်းၼမ်ႉသၢမ်ၵေႃႉၼၼ်ႉ ပဵၼ်သွင်ၵေႃႉၽူဝ်မေးလႄႈ လုၵ်ႈဢွၼ်ႇသႅၼ်း ဢႃယုမွၵ်ႈ 8 ၶူပ်ႇ ၵေႃႉၼိုင်ႈ လွင်ႈပႃးၵႂႃႇၸွမ်းၼမ်ႉၸႅဝ်ႈၵူၺ်းဢမ်ႇၵႃး...

မိူင်းဢၼ်ဢမ်ႇၵတ်းယဵၼ်ၼိမ်တဵင်ႈၼႆႉ ၵူၼ်းမိူင်းဢမ်ႇၸၢင်ႈႁႃသဵၼ်ႈတၢင်းၶိုၼ်ႈယႂ်ႇ။ ၵူၼ်းမိူင်းၵွတ်းၽၢၼ် ငိုၼ်းၶမ်းၵူၺ်းဢမ်ႇၵႃး ၵွတ်းၽၢၼ်ပႃးတၢင်းႁူႉ။ လိုၼ်းလၢႆးဝၢႆးမႃးယဵၼ်းပဵၼ်မိူင်းဢၼ်တူၵ်းတႅမ်ႇသေပိူၼ်ႈ ၼႂ်းလုမ်ႈၾႃႉ။ မိူၼ်ၼင်ႇ မိူင်းတႆး ပႃးၸဵမ်လၢႆမိူင်းၼႂ်းမိူင်းႁူမ်ႈတုမ် ယၢမ်းလဵဝ် ၵူၼ်းမိူင်းသဵၼ်ႈတၢင်းတိူၵ်ႈတၼ်ဝႆႉ။ လဵၵ်ႉယႂ်ႇၼုမ်ႇထဝ်ႈ လႆႈၵူဝ်သိုၵ်းသိူဝ်။ မၢင်ၸိူဝ်းၵေႃႈ ၶမ်ယူႇၼႂ်းၵႄႈယႃႈမဝ်းၵမ်။ ၸိူဝ်းဢၼ် သူင်လဵၼ်ႈၵဵမ်းဢွၼ်ႊလၢႆႊ သလွတ်ႊၵဵမ်း Slots game သေ ၾိင်ႈယၢမ်ႈလူႉၵေႃႈ မီးတင်းၼမ်။ ပၢၼ်ဢၢႆႊထီႊ IT...

သိုၵ်းၵဝ်ႈၵၢင်ႉ MNDAA  ၵဵပ်းၶွၼ်ႇရူတ်ႉၵႃးၵႂႃႇမႃး တီႈၵဵတ်ႉလၢၼ်ႇ ၼိူဝ်သဵၼ်ႈတၢင်းလႃးသဵဝ်ႈ - မိူင်းယႆ ၸိုင်ႈတႆးပွတ်းႁွင်ႇႁၢဝ်ႈႁႅင်း ႁဵတ်းႁႂ်ႈၸဝ်ႈၵႃးၵႂႃႇမႃး ႁႃၵိၼ်လဵင်ႉတွင်ႉယၢပ်ႇၽိုတ်ႇ ဝႃႈၼႆ။ တႄႇႁူဝ်လိူၼ်ၵျႃၼ်ႊၼႆႉမႃး သိုၵ်းၵဝ်ႈၵၢင်ႉ MNDAA ၵူတ်ႇထတ်းၵႃးၵႂႃႇမႃး ၵဵပ်းငိုၼ်းယွၼ်းၶွၼ်ႇၼမ်ႁႅင်း တီႈၵဵတ်ႉလၢၼ်ႇ ဝၢၼ်ႈလွႆငိုၼ်း ဢၼ်မီးၼႂ်းၵႄႈၼမ်ႉပွင်ႈလႄႈ ႁူဝ်ယ ႁဵတ်းႁႂ်ႈၸဝ်ႈၵႃးတေႃႉသူင်ႇၵုၼ်ႇ ယၢပ်ႇၽိုတ်ႇၵိၼ်းၸႂ် ဝႃႈၼႆ။ ၸဝ်ႈၵႃး ဢၼ်တေႃႉၵုၼ်ႇလႅၼ်ႈသၢႆသဵၼ်ႈတၢင်းၼၼ်ႉ လၢတ်ႈၽူႈတွႆႇႁွၵ်ႈဝႃႈ...

တႄႇႁၢင်လိူၼ်ၵျုၼ်ႊၼႆႉမႃး သိုၵ်းမၢၼ်ႈ ယိုတ်းမိူင်းတင်း ၸုမ်းပျီႇတုၸိတ်ႉပဢူဝ်း (PNA) ႁူမ်ႈၵၼ် ႁႅၼ်းသိုၵ်းလေႃႇတိုၵ်း တပ်ႉသိုၵ်းယၢင်းလႅင် ဢၢၼ်းလူမ်ႇတိုၵ်းထိုင်ၼႂ်းဝဵင်းမိူင်းပၢႆးသေ ၸတ်းငႃးသိုၵ်း လၢႆၾၢႆႇမုင်ႈၼႃႈၶဝ်ႈၸူး ထိုင်တီႈၸုမ်းလုၵ်ႉၽိုၼ်ႉၶဝ် ပိုၼ်ၽၢဝ်ႇပိၵ်ႉဢိုတ်းသဵၼ်ႈတၢင်းဝႆႉ ၸူဝ်ႈၶၢဝ်း မိူဝ်ႈဝၼ်းတီႈ 30/06/2025 ၼႆယဝ်ႉ။ ၸုမ်းသိုၵ်းမၢၼ်ႈယိုတ်းမိူင်းလႄႈ ၸုမ်းပျီႇတုၸိတ်ႉပဢူဝ်း ႁူမ်ႈၵၼ် ပွႆႇမၢၵ်ႇလူင်ၵႂႃႇတူၵ်းသႂ်ႇထိုင် ၼႂ်း ဝဵင်းမိူင်းပၢႆးသေ ႁဵတ်းႁႂ်ႈတိူဝ်ႉၵူၼ်းမိူင်းမၢတ်ႇၸဵပ်းလူႉတၢႆပႃးၼႆ ၽူႈၼမ်း...

ၼႂ်းႁၢင်လိူၼ်ၵျုၼ်ႊၼႆႉ သိုၵ်းမၢၼ်ႈၸႂ်ႉၶိူင်ႈမိၼ်တိုၵ်း ပွႆႇမၢၵ်ႇသႂ်ႇ ၼႂ်းဝဵင်းၵျွၵ်ႉမႄးထပ်းၵၼ် ဢမ်ႇယွမ်း 8 ပွၵ်ႈ တိူဝ်ႉၺႃးၵူၼ်းမိူင်း လူႉတၢႆ 5 ၵေႃႉ မၢတ်ႇၸဵပ်း 10 ပၢႆလႄႈ ႁဵတ်းႁႂ်ႈၵူၼ်းမိူင်းၼႂ်းပိုၼ်ႉတီႈလႆႈပၢႆႈ ဢွၵ်ႇဝၢၼ်ႈၵႂႃႇယူႇသဝ်း ဢွင်ႈတီႈလွတ်ႈၽေးဝႆႉ ၼႂ်းၵႄႈၵၢင်ၸႄႈဝဵင်းၵျွၵ်ႉမႄးတင်း ၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ မိူဝ်ႈဝၼ်းတီႈ 24/06/2025 ယၢမ်းႁူဝ်ၶမ်ႈ သိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း...

မိူဝ်ႈဝႃး ဝၼ်းတီႈ 29/06/2025 ယၢမ်းဝၢႆးဝၼ်း 2 မူင်း သိုၵ်းမၢၼ်ႈ ယိုတ်းမိူင်း တင်ႈၸႂ် ဢဝ်ၶိူင်ႈမိၼ် Jet Fighter မႃးပွႆႇမၢၵ်ႇ တီႈပွၵ်ႉ 1 လႄႈ တီႈၵျွင်းတႆးၵၢမ်ႇပေႃးၸ ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ယွၼ်ႉမၢၵ်ႇ ၶိူင်ႈမိၼ်သိုၵ်းမၢၼ်ႈၼႆႉသေ တိူဝ်ႉၺႃးၵူၼ်းမိူင်းမၢတ်ႇၸဵပ်း 5 ၵေႃႉ...

တႄႇႁူဝ်ပီ 2025 မႃးၼႆႉ ၼႂ်းၸႄႈဝဵင်းလၢႆးၶႃႈ၊ ၸႄႈဝဵင်းမိူင်းၵိုင်လႄႈ ၸႄႈဝဵင်းၵေးသီး ၵူၼ်းၸၢဝ်းၶႄႇ မႃးတင်ႈပဵၼ်ၸုမ်းၵျႃးၽႅၼ်ႉသေ ႁဵတ်းၵၢၼ်လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ၊ ပိုတ်ႇႁူင်းလဵၼ်ႈၵဵမ်း၊ ပၢင်တေႃႇလွင်းၼိူဝ်ဢွၼ်ႊလၢႆႊၸိူဝ်းၼႆႉ ၼမ်ႁႅင်းမႃးလိူဝ်ၵဝ်ႇသေ မီးၸုမ်းယိပ်းၵွင်ႈၵၢင်ႇၶဝ် ပႂ်ႉဢဝ်ႁူမ်ႇလူမ်ႈပၼ်ပႃး ဝႃႈၼႆ။   ၼႂ်းပိုၼ်ႉတီႈၸွမ်းသၢႆၼမ်ႉတဵင်း ၸိူဝ်းထႅဝ်ၸႄႈဝဵင်းလၢႆးၶႃႈ၊ ၸႄႈဝဵင်းမိူင်းၵိုင်လႄႈ ၸႄႈဝဵင်းၵေးသီးၼႆႉ မီးၸုမ်းသိုၵ်းတႆးလႄႈ ၸုမ်းပျီႇတူႉၸိတ်ႉ ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၶဝ် တူင်ႉၼိုင်ၵႂႃႇမႃးဝႆႉၼႆ ၵူၼ်းမိူင်းၼႂ်းပိုၼ်ႉတီႈ...

ဝၼ်းတီႈ 21/06/2025 ၼႆႉ သိုၵ်းမၢၼ်ႈ ယိုတ်းမိူင်း တေႃႉဢဝ်ႁႅင်းၵူၼ်းသိုၵ်းၸမ်ႁူဝ်ႁဵင်ၵေႃႉလႄႈ ႁႅင်းၶိူင်ႈၵွင်ႈလူင် လၢႆလၢႆသႅၼ်း ၶဝ်ႈၵႂႃႇဢဝ်ဢွင်ႈတီႈ တင်ႈဝႆႉၶိုၼ်းၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ဝၼ်းၼၼ်ႉ သၢႆၵႃးသိုၵ်းမၢၼ်ႈ လုၵ်ႉတၢင်းၼွၵ်ႈ ၶဝ်ႈမႃးၼႂ်းဝဵင်းမီးမွၵ်ႈ 50 လမ်း ပႃးတင်းၵူၼ်းသိုၵ်း တဵမ်ၵႃး မွၵ်ႈၼိုင်ႈႁဵင်ၵေႃႉ။ ၵွၼ်ႇသိုၵ်းမၢၼ်ႈပႆႇတေႃႉဢဝ် ၵူၼ်းသိုၵ်းလႄႈ ၶိူင်ႈၸႂ်ႉတိုဝ်းၼႂ်းပၢင်တိုၵ်း ၶဝ်ႈမႃး ၼႂ်းဝဵင်းၼႆႉ...

တီႈလႅၼ်လိၼ်မိူင်းတႆး−မိူင်းၶႄႇ ဢၼ်ၸုမ်းသိုၵ်းဝႃႉ UWSA ၵုမ်းၵမ် တီႈဝဵင်းမိူင်းပွၵ်ႉၼႆႉ ၵၢၼ်ၶုတ်းႁႄႈလိၼ်လိူင်ႇၼမ်မႃးႁႅင်း ပေႃးၼိူင်းတူၺ်း 10 ပီတီႈပူၼ်ႉမႃးၼႆ လႆႈဝႃႈၼမ်ၶိုၼ်ႈမႃးပဵၼ် 8 ပုၼ်ႈၼႆ - ၸုမ်းၵဝ်ႉငဝ်ႈသုၼ်ႇလႆႈၵူၼ်းၸိုင်းတႆး ပိုၼ်ၽၢဝ်ႇဝႆႉၼင်ႇၼႆ။ ၼႂ်းပီ 2015 ၼၼ်ႉ တီႈဝဵင်းမိူင်းပွၵ်ႉ ဢၼ်ၸုမ်းသိုၵ်းဝႃႉ UWSA ၵုမ်းၵမ် မီးၵၢၼ်ၶုတ်းႁႄႈလိၼ်ဢမ်ႇယွမ်း 3 တီႈ...

ၼႂ်းၵၢင်လိူၼ်ၵျုၼ်ႊၼႆႉ သိုၵ်းမၢၼ်ႈလႄႈ ပလိၵ်ႈၸိူဝ်းယူႇတႂ်ႈဢႃႇၼႃႇ သိုၵ်းမၢၼ်ႈၵုမ်းၵမ် ႁူမ်ႈၵၼ် ၶဝ်ႈသွၵ်ႈတီႉၺွပ်းဢဝ် ၵူၼ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ (ၵျႃးၽႅၼ်ႉ) ၼႂ်းပွၵ်ႉၵွင်းမူးတူင်ႈလႄႈ ပွၵ်ႉႁူဝ်ၼႃး တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ မိူဝ်ႈဝၼ်းတီႈ 17/06/2025 ၼႆႉ ၵူၼ်းႁဵတ်းၵၢၼ်ၵျႃးၽႅၼ်ႉ ၸိူဝ်းၺႃးသိုၵ်းမၢၼ်ႈတီႉၺွပ်းၵႂႃႇၼၼ်ႉ ပဵၼ်ၵူၼ်းမိူင်းၶႄႇ 80 ၵေႃႉပၢႆလႄႈ ၵူၼ်းမိူင်းမၢၼ်ႈ 20 ၵေႃႉပၢႆၼႆ ၵူၼ်းၼႂ်းပိုၼ်ႉတီႈ ဝဵင်းမူႇၸေႊၵေႃႉၼိုင်ႈ...

မိူဝ်ႈဝၼ်းတီႈ 16/06/2025 ယၢမ်းၵၢင်ၼႂ်မွၵ်ႈ 9 မူင်း ၽွင်းၵူၼ်းပၢႆႈၽေးသိုၵ်း ဢၼ်ယူႇတီႈဝၢၼ်ႈဢုမ်တီး တိုၵ်ႉႁၢင်ႈႁႅၼ်းၶူဝ်းလဵင်း တႃႇၶၢႆႉဢွင်ႈတီႈပၢႆႈပၢင်တိုၵ်းယူႇၼၼ်ႉ ၺႃးၸုမ်းယိပ်းၵွင်ႈၵၢင်ႇ ၸိူဝ်းယူႇႁိမ်း ၵျွင်းၶဵဝ်ၶမ်း ယိုဝ်းသႂ်ႇလႄႈ လႆႈမၢတ်ႇၸဵပ်းၵႂႃႇ ၵေႃႉၼိုင်ႈ ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ ၵူၼ်းၵေႃႉၺႃးယိုဝ်းၼႆႉ ပဵၼ်ၸၢဝ်းတႆး ၵူၼ်းၸၢႆးဢႃယု 38 ပီ မၢၵ်ႇၵွင်ႈတိူဝ်ႉၺႃးႁိမ်းပဵမ်ႉလႄႈ ၶႅၼ်မၼ်းၸၢႆးသေ လႆႈသူင်ႇၵႂႃႇယူတ်းယႃတူဝ်ဝႆႉတီႈ...