ပၢင်တိုၵ်း သိုၵ်းမၢၼ်ႈယိုတ်းမိူင်းတင်း ၸုမ်းႁူမ်ႈႁွမ်းသိုၵ်းၶၢင် တီႈဝဵင်းမၢၼ်ႈမေႃႇ ၸႄႈမိူင်းၶၢင်ၼၼ်ႉ တိုၵ်ႉသိုပ်ႇပဵၼ်ႁၢဝ်ႈႁႅင်း ၾၢႆႇသိုၵ်းမၢၼ်ႈ ၸႂ်ႉပႃးႁိူဝ်းမိၼ်တိုၵ်း ၶိူင်ႈၵွင်ႈလူင် ၶိူင်ႈတရူၼ်ႊ ၸိူဝ်းၼႆႉသေ လိူဝ်ၼၼ်ႉ ထူဝ်းႁႅင်းသိုၵ်းလေႃႇတိုၵ်းထႅင်ႈ ဝႃႈၼႆ။ တႄႇဢဝ်ဝၼ်းတီႈ 01/08/2025 ၼၼ်ႉမႃး ႁိူဝ်းသိုၵ်းမၢၼ်ႈ လုၵ်ႉတီႈသဵၼ်ႈတၢင်းၼမ်ႉသေ ထႅမ်ႁႅင်းသိုၵ်း ထိုင်မႃးတီႈဝဵင်းမၢၼ်ႈမေႃႇ။ ဝၢႆးၼၼ်ႉ ၸႂ်ႉႁိူဝ်းမိၼ်တင်း ၶိူင်ႈတရူၼ်ႊသေ ထူဝ်းသိုၵ်းလေႃႇတိုၵ်း...

ၸုမ်းလုၵ်ႉၽိုၼ်ႉထွႆႇဢွၵ်ႇ ဝဵင်းၾၢႆၶုၼ်ယဝ်ႉသေ သိုၵ်းမၢၼ်ႈတင်းပျီႇတူႉၸိတ်ႉပဢူဝ်း PNO ၶဝ်ႈပၵ်း တပ်ႉဝႆႉ ၼႂ်းဝၢၼ်ႈ ၼႂ်းႁိူၼ်းယေး ၵူၼ်းပိုၼ်ႉတီႈၵူၺ်းဢမ်ႇၵႃး ႁိူၼ်းယေးၸိူဝ်းဢၼ်ၶဝ်ဢမ်ႇယူႇၼၼ်ႉ သမ်ႉၽဝ်ပႅတ်ႈ မၢင်လင်မႆႈမူတ်း မၢင်လင်မႆႈၽွင်ႈဢမ်ႇၸၢင်ႈယူႇသဝ်း ၊ ႁဵတ်းႁႂ်ႈၵူၼ်းပၢႆႈၽေးသိုၵ်းၸိူဝ်းပွၵ်ႈႁိူၼ်းၶိုၼ်းၸိူဝ်းၼၼ်ႉဢမ်ႇမီးတီႈယူႇသဝ်း ပဵၼ်ဢၼ်ယၢပ်ႇၽိုတ်ႇ။ တႄႇၼႂ်းႁူဝ်လိူၼ် ဢေႃးၵတ်ႉသ် ၼႆႉမႃးၵူၼ်းဝၢၼ်ႈၼႃးၵူင်းလႄႈ ဝၢၼ်ႈၸၢင်ႈၸွႆႉ ၸိူဝ်းပၢႆႈၽေးသိုၵ်းၸိူဝ်းၼၼ်ႉဢွၼ်ၵၼ်ပွၵ်ႈၶိုၼ်းႁိူၼ်းယေးတႃႇ ႁူဝ်ၵူၼ်းမွၵ်ႈ 200 ၊ ၽိူဝ်ႇထိုင်ၶိုၼ်းဝၢၼ်ႈ...

သိုၵ်းမၢၼ်ႈယိုတ်းမိူင်း ၽႅၼ်ၸတ်းၵၢၼ်သိုၵ်း တိုၵ်းတပ်ႉသိုၵ်းတဢၢင်း TNLA သေ ယိုတ်းၵုမ်းဢဝ်လႆႈၶိုၼ်း ဝဵင်းၼွင်ၶဵဝ်တင်းသဵင်ႈယဝ်ႉၼၼ်ႉ ယၢမ်းလဵဝ် သိုပ်ႇၸတ်းငႃးသိုၵ်း လုၵ်ႉတၢင်းလႅၼ်လိၼ် ဝဵင်းပၢင်ႇဢူႈလူင် - ၼွင်ၶဵဝ် ၶိုၼ်ႈၸွမ်းသဵၼ်ႈတၢင်း ၵႂႃႇဝဵင်းမိူင်းၵုတ်ႈၼၼ်ႉလႄႈ ႁဵတ်းႁႂ်ႈပဵၼ်ပၢင်တိုၵ်းၵၼ်တင်း သိုၵ်းတဢၢင်း TNLA လႄႈ PDF ၸိူဝ်းတူင်ႉၼိုင်ယူႇ ၼႂ်းထုင်ႉၸႄႈဝဵင်းမိူင်းၵုတ်ႈၼၼ်ႉ ၼႆယဝ်ႉ။ တႄႇၵၢင်လိူၼ်ၵျူႊလၢႆႊၼၼ်ႉမႃး သိုၵ်းမၢၼ်ႈ...

ၵၢၼ်ပိုတ်းတိုၵ်းတေႃႇ ၶွင်ႇသီႇသိုၵ်းမၢၼ်ႈ ဢၼ်ၸႂ်ႉၸိုဝ်ႈၵၼ်ဝႃႈ Myanmar Spring Revolution ၼႆႉ ၽိူဝ်ႇယဵပ်ႇၶဝ်ႈမႃး ၼႂ်းသီႇပီပၢႆၶိုင်ႈၼႆ ဢဝ်ႁႅင်းပုင်ႈယေႃႈယူတ်ႇ ယိုဝ်ႈယိုတ်းထိူင်းထိူဝ်ႉၵႂႃႇပႅတ်ႈ ၼင်ႇႁူႉႁၼ်ငိၼ်းထိုင်ၵၼ်ယူႇယဝ်ႉ။ ၽိူဝ်ႇလႆႈပွႆႇပၼ် ၼွင်ၶဵဝ်၊ ၽိတ်ႉၶျၢင်း ၸင်ႇတူၵ်းၸႂ်လႂ်တိုၼ်ႇ မႃးႁႃၶိုၼ်းၸုမ်းဢူၺ်းလီ ၵၢၼ်သိုၵ်း ၵၢၼ်မိူင်းၵၼ်ႁိုဝ်ၼႆ ထွမ်ႇတူၺ်းၶၢဝ်ႇငၢဝ်း ပၢင်ၵုမ်ၼႂ်းၵႄႈ TNLA လႄႈ လုၵ်ႈၸုမ်း FPNCC...

ၽွင်းသိုၵ်းမၢၼ်ႈ တင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ်၊ ၵူၼ်းမိူင်းၼႂ်းၸႄႈဝဵင်းၵျွၵ်ႉမႄး-ဝဵင်းသီႇ ပေႃႉၵေႃႈ ဢမ်ႇလႆႈယူႇသႃႇ ၺႃးသိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇ ၸွမ်းဝၢၼ်ႈ၊ ၸွမ်းဝဵင်း ဢွင်ႈတီႈဢၼ်ၶဝ် ၼပ်ႉသွၼ်ႇဝႃႈ မီးသိုၵ်းတဢၢင်းမူၵ်းယူႇသဝ်းဝႆႉၼႆလႄႈ ၵူၼ်းမိူင်းၸိူဝ်းလႆႈယူႇဝႆႉ ၼႂ်းၼႃႈတီႈသိုၵ်းတဢၢင်း ၵုမ်းၵမ်ၸူဝ်ႈၶၢဝ်းၵေႃႈ လႆႈတုၵ်ႉၶ ယၢပ်ႇၽိုတ်ႇၸွမ်း။ မိူၼ်ၼင်ႇ ၽွင်းပၢင်တိုၵ်းတိုၵ်ႉယုင်ႈယၢင်ႈ ၼႂ်းၸႄႈဝဵင်းၼွင်ၶဵဝ်ၼၼ်ႉ မီးၶၢဝ်ႇႁူင်လိုဝ်းဢွၵ်ႇမႃးဝႃႈ...

မိူဝ်ႈဝၼ်းတီႈ 16/07/2025 ယၢမ်းၵၢင်ဝၼ်း 12 မူင်း သိုၵ်းမၢၼ်ႈ ပိုၼ်ၽၢဝ်ႇဢွၵ်ႇဝႃႈ ယိုတ်းၵုမ်းဢဝ်လႆႈ ၸႄႈဝဵင်းၼွင်ၶဵဝ်ၶိုၼ်းတင်းသဵင်ႈ ၼႂ်းမိုဝ်းတပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ယဝ်ႉ ဝႃႈၼႆ။ တႄႇႁၢင်လိူၼ်ၵျုၼ်ႊမႃး သိုၵ်းတဢၢင်းတင်း သိုၵ်းမၢၼ်ႈ ပဵၼ်ပၢင်တိုၵ်းၵၼ်မႃးၶိုၼ်းႁၢဝ်ႈႁႅင်း ၼႂ်းၸႄႈ ဝဵင်းၼွင်ၶဵဝ်သေ ပိူဝ်ႈတႃႇသိုၵ်းမၢၼ်ႈ တေယိုတ်းၵုမ်းဢဝ်လႆႈ ၶဝ်ႈထိုင် ၶိုၼ်း ၼႂ်းဝဵင်းၼွင်ၶဵဝ်ၼႆႉ ၾၢႆႇသိုၵ်းမၢၼ်ႈ...

တႄႇႁူဝ်လိူၼ်ၵျူႊလၢႆႊၼႆႉမႃး သိုၵ်းတဢၢင်းတင်း သိုၵ်းမၢၼ်ႈ ယိုတ်းမိူင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ်သေ ၵူၼ်းမိူင်းၼႂ်းပိုၼ်ႉတီႈ လႆႈဢွၵ်ႇယၢၼ်ႁိူၼ်းယေး ပၢႆႈၵႂႃႇယူႇတီႈဢွင်ႈလွတ်ႈၽေးၸူဝ်ႈၶၢဝ်း သဵၼ်ႈတၢင်းၵႂႃႇမႃး လႃႈသဵဝ်ႈ - ဝဵင်းလိူဝ်ႇၵေႃႈ ၺႃးဢိုတ်းဝႆႉ ၸဝ်ႈရူတ်ႉၵႃး ၵူၼ်းမိူင်းၸိူဝ်းမီးၽႅၼ် လူဝ်ႇဢွၵ်ႇၶၢဝ်းတၢင်းၼၼ်ႉ လႆႈဢွမ်ႈၵႂႃႇမႃးၸွမ်းသဵၼ်ႈတၢင်းလတ်းလႄႈ ပဵၼ်ဢၼ်ယၢပ်ႇၽိုတ်ႇလၢႆလၢႆလွင်ႈ။ ယွၼ်ႉသဵၼ်ႈတၢင်းလူင် လႃႈသဵဝ်ႈ - ဝဵင်းလိူဝ်ႇ ဢိုတ်းဝႆႉလႄႈ ၸဝ်ႈရူတ်ႉၵႃးၶဝ်...

တႄႇဝၼ်းတီႈ 14 လိူၼ်ၵျူႊလၢႆႊမႃး သိုၵ်းမၢၼ်ႈ တင်း သိုၵ်းၶၢင် ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၽႃၵၢၼ်ႉ တင်း ထုင်ႉၼွင် မႄႈမၢႆႈ (အင်းတော်ကြီးဒေသ)  သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇႁၢဝ်ႈႁႅင်း ၼႂ်းဝဵင်းၽႃၵၢၼ်ႉ ၼႃႈတီႈသိုၵ်း ၶၢင် KIA ၵုမ်းၵမ် ၼႂ်းမိူင်းၶၢင်။ ပၢင်တိုၵ်းၼႆႉ ပဵၼ်ၾၢႆႇတူၵ်းဝဵင်းၽႃၵၢၼ်ႉ တၢင်းဝၢၼ်ႈမေႃႇဝၼ်းလေး (မှော်ဝမ်းလေး)၊...

ၸဝ်ႈၸၢင်းတူၼ်ၼိုင်ႈ ယူႇဝဵင်းယႂႃႇငၢၼ်ႇၸိုင်ႈတႆးပွတ်းၸၢၼ်း ၵိုင်ႉၵၢင်ႉႁၢႆၵႂႃႇလႆႈၶၢဝ်းတၢင်း 10 ဝၼ်းပၢႆယဝ်ႉ ပႆႇႁၼ်ၶိုၼ်း ပဵၼ်ၽႂ်တီႉၵႂႃႇ - ႁၢႆၵႂႃႇမီးလႂ် ၽႂ်ပႆႇႁူႉငိူၼ်ႈငဝ်ႈမၼ်း - ဝႃႈၼႆ။   မုၼ်ၸဝ်ႈဢၼ်ႁၢႆၵႂႃႇၼႆႉ ဢႃယုမီးၸမ် 60 ပီယဝ်ႉ။ မၼ်းၸဝ်ႈပဵၼ်ၵူၼ်းဝၢၼ်ႈ တပိၼ်ႇပျေႃႇ ဝဵင်းယႂႃႇငၢၼ်ႇ။ ၸင်ႇႁႃၼုင်ႈသၢင်ႇၵၢၼ်းသေမႃးယူႇတီႈဝတ်ႉၵျွင်း လႆႈ 6 ပီၵူၺ်း ၊...

သိုၵ်းမၢၼ်ႈတင်း သိုၵ်းတဢၢင်း (TNLA) ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼိူဝ်သဵၼ်ႈတၢင်းလူင်ၵၢၼ်ၵႃႉၶၢႆ မိူင်းမၢၼ်ႈ - မိူင်းၶႄႇ သဵၼ်ႈတၢင်းဝဵင်းၼွင်ၶဵဝ် - ဝဵင်းၵျွၵ်ႉမႄးသေ ႁႅင်းတပ်ႉပႆလိၼ်သိုၵ်းမၢၼ်ႈ ၶဝ်ႈၽႅဝ်ထိုင်လႆႈတီႈပၢႆႉတၢင်းၶဝ်ႈဝဵင်းၼွင်ၶဵဝ် ယၢၼ်ၵႆၵၼ်တင်းဝဵင်းၼွင်ၶဵဝ်မွၵ်ႈ 3 လၵ်းယဝ်ႉ ဝႃႈၼႆ။ သိုၵ်းမၢၼ်ႈၸတ်းငႃးသိုၵ်း 3 ငႃး၊ ၸႂ်ႉႁႅင်းတပ်ႉပႆလိၼ် တပ်ႉမ 11 (အင်းတိုင်) ၊...

ဝဵင်းလႃႈသဵဝ်ႈၼႆႉ ပဵၼ်ငဝ်ႈဝဵင်းလူင် မိူင်းတႆးပွတ်းႁွင်ႇသေ ၵူၼ်းမိူင်းႁဵတ်းၵၢၼ်ၵႃႉငၢႆႈၶၢႆလီမႃး။ တင်ႈတႄႇသိုၵ်းမၢၼ်ႈယိုတ်းဢႃႇၼႃႇ ဝၢၼ်ႈမိူင်း ၸုမ်းသိုၵ်းၸၢဝ်းၶိူဝ်း ၽႅၼ်ယၼ်ႇသိုၵ်းသေ ပိုတ်ႇပၢင်တိုၵ်းယိုဝ်းသိုၵ်းမၢၼ်ႈ လိုပ်ႈဢွၵ်ႇဝဵင်းလၢႆလၢႆတီႈ ယဝ်ႉ ၵူၼ်းမိူင်းၸိူဝ်းယူႇၼႂ်းပိုၼ်ႉတီႈ ၸႄႈဝဵင်းမိူင်းတႆးပွတ်းႁွင်ႇၵမ်ႈၼမ်ၵေႃႈ သုမ်းတိုဝ်ႉတၢင်းသုၼ်ႇလႆႈၵၢၼ်ၵႃႉၶၢႆ၊ သုမ်းသုၼ်ႇ လႆႈၵူၼ်းမႃးၼမ်ႁႅင်းတေႉတေႉ။ ယၢမ်းလဵဝ် ၼႂ်းဝဵင်းလႃႈသဵဝ်ႈၼႆႉ မီးၶၢဝ်ႇႁူင်လိုဝ်းဝႃႈ သိုၵ်းမၢၼ်ႈၽိူမ်ႉႁႅင်းသိုၵ်း လႄႈ ၶိူင်ႈၵွင်ႈလူင် ဢိၵ်ႇပႃး ၵႃးတႅင်ႉ၊ ၵႃးၵၢပ်ႇလဵၵ်း...

ဝၼ်းတီႈ 09/07/2025 ၼႆႉ လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ (NUG) ဢွၵ်ႇလိၵ်ႈတိုၵ်းသူၼ်းႁႂ်ႈသိုၵ်းၶျၢင်း သွင်ၸုမ်း ၸႂ်ႉလၢႆးတၢင်းၵၢၼ်မိူင်း ႁူပ်ႉထူပ်းၵႄႈလိတ်ႈပၼ်ႁႃၵၢၼ်သိုၵ်းၵႂႃႇ လူၺ်ႈလၢႆးတၢင်းဢုပ်ႇဢူဝ်းငူပ်ႉငီႉၵၼ် ၼႆယဝ်ႉ။ ၵႅမ်ၸွမ်ၸိုင်ႈ NUG လၢတ်ႈၵႂႃႇဝႃႈ - “ထုၵ်ႇလီၵိုတ်းယိုတ်းဝႆႉ ၵၢၼ်ၸႂ်ႉတိုဝ်းၵွင်ႈၵၢင်ႇသေ ၵႄႈလိတ်ႈပၼ်ႁႃ ၼႂ်းၵႄႈၵၢင်ၸၢဝ်းၶိူဝ်းၼင်ႇၵၼ်သေ ၸႂ်ႉတိုဝ်းလၢႆးတၢင်းၶၵ်ႉၵၢၼ်ငမ်းယဵၼ် ဢၼ်ၵူၼ်းမိူင်းၶျၢင်းမုင်ႈမွင်းၶႂ်ႈလႆႈၶႂ်ႈပဵၼ်ၼၼ်ႉသေ ဢုပ်ႇဢူဝ်းငူပ်ႉငီႉ ႁႃၶေႃႈတွပ်ႇၵႄႈလိတ်ႈပၼ်ႁႃၵႂႃႇယူႇ”- ဝႃႈၼႆ။ ၼႂ်းၵႄႈၵၢင်ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၼႆႉ တေမီးတၢင်းႁၼ်ထိုင်ဢမ်ႇမိူၼ်ၵၼ်သေ...

တႄႇႁူဝ်လိူၼ်ၵျူႊလၢႆႊမႃးၼႆႉ သိုၵ်းၶျၢင်း CNO/CNDF လႄႈ သိုၵ်းၶျၢင်း CDF-Hualngoram ၶဵင်ႈၶႅင်ၵၢၼ်သိုၵ်းၵၼ်မႃးႁၢဝ်ႈႁႅင်း တီႈဝဵင်းရိၶေႃႊတႃႊ ၸႄႈဝဵင်းၾလမ်း (ဖလမ်းမြို့နယ်) ၸႄႈမိူင်းၶျၢင်း လႅၼ်လိၼ်ၶျၢင်း - ဢိၼ်ႊတီႊယိူဝ်ႊ။ ဝၼ်းတီႈ 05/07/2025 ယၢမ်းၵၢင်ၼႂ် သွင်ၾၢႆႇယိုဝ်းတိုၵ်းၵၼ်ႁၢဝ်ႈႁႅင်း ၵူၼ်းပိုၼ်ႉတီႈ ၸဵမ်ယိင်းၸၢႆး လုၵ်ႈဢွၼ်ႇၵူၼ်းထဝ်ႈ ဢွၼ်ၵၼ်ငိူင်ႉပၢႆႈ ၶၢမ်ႈၶူဝ်လႅၼ်လိၼ်သေ ၵႂႃႇသွၼ်ႈယူႇဝႆႉတီႈဝဵင်းၸူဝ်ႊၶေႃႊထႃး ၸႄႈမိူင်းမီႊၸူဝ်ႊရမ်ႊ...

တႄႇႁၢင်လိူၼ်ၵျုၼ်ႊၼႆႉမႃး သိုၵ်းမၢၼ်ႈ ယိုတ်းမိူင်းတင်း ၸုမ်းပျီႇတုၸိတ်ႉပဢူဝ်း (PNA) ႁူမ်ႈၵၼ် ႁႅၼ်းသိုၵ်းလေႃႇတိုၵ်း တပ်ႉသိုၵ်းယၢင်းလႅင် ဢၢၼ်းလူမ်ႇတိုၵ်းထိုင်ၼႂ်းဝဵင်းမိူင်းပၢႆးသေ ၸတ်းငႃးသိုၵ်း လၢႆၾၢႆႇမုင်ႈၼႃႈၶဝ်ႈၸူး ထိုင်တီႈၸုမ်းလုၵ်ႉၽိုၼ်ႉၶဝ် ပိုၼ်ၽၢဝ်ႇပိၵ်ႉဢိုတ်းသဵၼ်ႈတၢင်းဝႆႉ ၸူဝ်ႈၶၢဝ်း မိူဝ်ႈဝၼ်းတီႈ 30/06/2025 ၼႆယဝ်ႉ။ ၸုမ်းသိုၵ်းမၢၼ်ႈယိုတ်းမိူင်းလႄႈ ၸုမ်းပျီႇတုၸိတ်ႉပဢူဝ်း ႁူမ်ႈၵၼ် ပွႆႇမၢၵ်ႇလူင်ၵႂႃႇတူၵ်းသႂ်ႇထိုင် ၼႂ်း ဝဵင်းမိူင်းပၢႆးသေ ႁဵတ်းႁႂ်ႈတိူဝ်ႉၵူၼ်းမိူင်းမၢတ်ႇၸဵပ်းလူႉတၢႆပႃးၼႆ ၽူႈၼမ်း...

သိုၵ်းမၢၼ်ႈလႄႈ သိုၵ်းတဢၢင်း TNLA ထၼူႉ DPLA  ပိုတ်းယိုဝ်းတိုၵ်းတေႃးၵၼ်ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ ၽူႈမီးပုၼ်ႈၽွၼ်းၼႂ်းတပ်ႉသိုၵ်းထၼူႉ DPLA ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - ပၢင်တိုၵ်းၼႆႉတႄႇပဵၼ်ႁၢဝ်ႈႁႅင်းမႃးၼႂ်းဝၼ်းတီႈ 24/06/2025 ။ ပဵၼ်တီႈဝၢၼ်ႈသူၺ်ႇတုၼ်း။ ပၢင်တိုၵ်းၸၢင်ႈတေႁႅင်းလႄႈတေၵႂၢင်ႈထႅင်ႈ။ ပဵၼ်ၼိူဝ်သဵၼ်ႈတၢင်း ၼွင်ၶဵဝ် လွၵ်ႉၸွၵ်ႇ ပႃႉထူး။“- ဝႃႈၼႆ။   သိုၵ်းမၢၼ်ႈၵေႃႈဢဝ်ၶိူင်ႈမိၼ်မႃးပွႆႇမၢၵ်ႇလူင်းသႂ်ႇဝၢၼ်ႈသူၺ်ႇတုၼ်းဢမ်ႇယွမ်း 80 လုၵ်ႈယဝ်ႉၼႆ DPLA ပိုၼ်ၽၢဝ်ႇမိူဝ်ႈဝၼ်းတီႈ...