သိုၵ်းမၢၼ်ႈပွႆႇမၢၵ်ႇ တီႈလႅၼ်ၶႅၼ်ႈ  မိူင်းယႆ - သီႇပေႃႉ တီႈဢၼ်သိုၵ်းၵဝ်ႈၵၢင်ႉယူႇသဝ်းဝႆႉၼၼ်ႉ ႁဵတ်းႁႂ်ႈၵူၼ်းမိူင်းမွၵ်ႈ 300 ၵေႃႉ လႆႈငိူင်ႉပၢႆႈၽေးသိုၵ်း- ယၢမ်းလဵဝ် တႄႉဢွၼ်ၵၼ်ပွၵ်ႈၶိုၼ်းႁိူၼ်းယေးယဝ်ႉဝႃႈၼႆ။ 9/1/2026 ယၢမ်းၵၢင်ၼႂ် 10 မူင်းၶိုင်ႈ သိုၵ်းမၢၼ်ႈဢဝ်ႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ႁိမ်းဝၢၼ်ႈ သႅၼ်တေႃ ဢၼ်မီးၼိူဝ်သဵၼ်ႈတၢင်းၸႄႈဝဵင်းမိူင်းယႆၵႂႃႇတၢင်း ဝဵင်းသီႇပေႃႉ ႁဵတ်းႁႂ်ႈၵူၼ်းမိူင်းလႆႈငိူင်ႉပၢႆႈၽေးသိုၵ်း ။...

ႁိူဝ်းမိၼ်သိုၵ်းမၢၼ်ႈပွႆႇမၢၵ်ႇၼႂ်းၸႄႈဝဵင်းမိူင်းမိတ်ႈ တူၵ်းသႂ်ႇတီႈဝၢၼ်ႈမျိတ်ႉသူင်ႇ တိူဝ်ႉၵူၼ်းဝၢၼ်ႈလႄႈၵူၼ်းပၢႆႈၽေးသိုၵ်း တၢႆ 11 ၵေႃႉ။ ၼႂ်းဝၼ်းတီႈ 6/12/2025 ယၢမ်းၵၢင်ၼႂ် 9 မူင်း ႁိူဝ်းမိၼ်သိုၵ်းမၢၼ်ႈပွႆႇမၢၵ်ႇ တီႈဝၢၼ်ႈမိတ်ႉသူင်ႇ (မြစ်ဆုံရွာ) ဢၼ်မီးၼႂ်းၵႄႈ ဝဵင်းမိူင်းမိတ်ႈလႄႈ မၢၼ်ႈပဵင်း  ။ မၢၵ်ႇလူင်တူၵ်း 8 လုၵ်ႈ တႅၵ်ႇ 7 လုၵ်ႈ  တိူဝ်ႉၵူၼ်းတၢႆ 11...

မိူဝ်ႈဝႃး ဝၼ်းတီႈ 23/10/2025 ယၢမ်းၵၢင်ၶမ်ႈမွၵ်ႈ 9 မူင်း ႁိူဝ်းမိၼ်တိုၵ်း  ပွႆႇမၢၵ်ႇသႂ်ႇ ၼႂ်းဝဵင်းၼမ်ႉတူႈ ၸိုင်ႈတႆးပွတ်းႁွင်ႇ တူၵ်းႁိမ်းႁူင်းၸၢၵ်ႈ ႁုင်ၸိုၼ်း တီႈသိုၵ်းလွႆတဢၢင်း ယၢမ်ႈလိုဝ်ႈသဝ်း။ ၼႂ်းလိူၼ်ဢွၵ်ႉထူဝ်ႊပိူဝ်ႊၼႆႉၵူၺ်း ႁိူဝ်းမိၼ်သိုၵ်းမၢၼ်ႈ ယိုဝ်းသႂ်ႇၼႂ်းဝဵင်းၼမ်ႉတူႈမီး  5 ပွၵ်ႈယဝ်ႉ။ ပွၵ်ႈၼႆႉ မၢၵ်ႇၵႂႃႇတူၵ်းသႂ်ႇ ၼႂ်းပွၵ်ႉဢၼ်ၶႃႈႁၢပ်ႇၵၢၼ်ၶုၼ်ၶွင်သိုၵ်းမၢၼ်ႈယၢမ်ႈယူႇသဝ်း။ ဝၢႆးလင်ပၢင်တိုၵ်းၽႅၼ်ယၼ်ႇသိုၵ်းယဝ်ႉဢမ်ႇႁိုင် သိုၵ်းတဢၢင်း သိုပ်ႇၶဝ်ႈၵုမ်းၵမ်...

မိူဝ်ႈၼႆႉ ဝၼ်းတီႈ 17/10/2025 ယၢမ်းၵၢင်ၼႂ် 7 မူင်းပၢႆ သိုၵ်းမၢၼ်ႈယိုတ်းမိူင်း ပွႆႇမၢၵ်ႇသႂ်ႇ တီႈဝၢၼ်ႈႁူဝ်မိူင်း ၸႄႈဝဵင်းၼမ်ႉသၼ်ႇ လႄႈ ၼႂ်းဝဵင်းၼမ်ႉတူႈ ဢွင်ႈတီႈသိုၵ်းတဢၢင်း TNLA  ၵုမ်းၵမ် ၼႂ်းမိူင်းတႆးပွတ်းႁွင်ႇ။ ယွၼ်ႉမၢၵ်ႇသိုၵ်းႁိူဝ်းမိၼ် တူၵ်းတႅၵ်ႇသႂ်ႇၺႃးႁိမ်းႁူင်းႁဵၼ်းသွၼ်လိၵ်ႈၸၼ်ႉသုင် မၢႆ (1) (အထက-၁)  ဝဵင်းၼမ်ႉတူႈသေ မၢတ်ႇ ၸဵပ်းၵႂႃႇ 4...

တႄႇႁူဝ်လိူၼ်ဢွၵ်ႇထူဝ်ႊပိူဝ်ႊ ဝၢႆးလင်သိုၵ်းမၢၼ်ႈယိုတ်းမိူင်း ၶဝ်ႈၵုမ်းၵမ်လႆႈၶိုၼ်း ၸႄႈဝဵင်းၵျွၵ်ႉမႄး တင်းသဵင်ႈယဝ်ႉ ဝဵင်းသီႇပေႃႉ လႄႈ ဝဵင်းမိူင်းၵုတ်ႈ ၺႃးပဵၼ်ပဝ်ႉမၢႆ ၼႂ်းၽႅၼ်ၵၢၼ် သိုၵ်းမၢၼ်ႈ မိၼ်းဢွင်ႇလၢႆႇ။ မိူဝ်ႈၼႆႉဝၼ်းတီႈ 16/10/2025 ယၢမ်းၵၢင်ၼႂ် 7 မူင်းၶိုင်ႈ ႁိူဝ်းမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇပွတ်းဢွၵ်ႇ ဝဵင်းမိူင်းၵုတ်ႈ ပွၵ်ႉၼိူဝ်ၵုင်းၺွင်ႇ (အထက်ညောင်ကုန်း) မၢၵ်ႇတူၵ်းတႅၵ်ႇသႂ်ႇ တီႈႁူင်းလဵင်ႉၵႆႇ ၼႂ်းၸႄႈဝဵင်းမိူင်းၵုတ်ႈ...

မိူဝ်ႈၼႆႉ ဝၼ်းတီႈ 14/10/2025 ယၢမ်းၵၢင်ၼႂ်ၸမ် 7 မူင်း သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ် ပွႆႇမၢၵ်ႇသႂ်ႇ တီႈဝၢၼ်ႈ ဢုမ်ႇၸွၼ်ႈ(အုမ်းစွမ်)ၼႂ်းဝဵင်းၼမ်ႉသၼ်ႇ ဢွင်ႈတီႈသိုၵ်းတဢၢင်းၵုမ်းၵမ် ၼၢင်းယိင်းဢွၼ်ႇ 2 ပီႈၼွင်ႉ မၢတ်ႇၸဵပ်း လႄႈလူႉတၢႆ ႁိူၼ်းယေးၵေႃႈ လူႉၵွႆ 8 လင်ဝႃႈၼႆ။ ယိင်းသၢဝ် သွင်ၵေႃႉပီႈၼွင်ႉ ၵေႃႉပီႈဢႃႇယု 17...

ဝၼ်းတီႈ 12/10/2025 ယၢမ်းတၢမ်းၶမ်ႈ 5 မူင်းပၢႆ သိုၵ်းမၢၼ်ႈယိုတ်းမိူင်း ၸႂ်ႉႁိုဝ်းမိၼ် ပွႆႇမၢၵ်ႇလူင် တူၵ်းသႂ်ႇႁိူၼ်းယေးၵူၼ်းမိူင်း ၸိူဝ်းယူႇသဝ်းၼႂ်းၵႄႈၵၢင် ဝဵင်းမိူင်းၵုတ်ႈ လႄႈ မိူင်းလူင် လူႉၵွႆၵႂႃႇႁၢဝ်ႈႁႅင်း။ မၢၵ်ႇလူင် တူၵ်းတႅၵ်ႇသႂ်ႇ ႁိမ်းဝၢၼ်ႈၼႃးလူင် လုၵ်ႈၼိုင်ႈ လႄႈ ႁိမ်းဝၢၼ်ႈပၸီႇ သွင်လုၵ်ႈၼႆ ၵူၼ်းမိူင်းပိုၼ်ႉတီႈ လၢတ်ႈၼႄၼင်ႇၼႆ။ “ဢွင်ႈတီႈမၢၵ်ႇလူင်ၵႂႃႇတူၵ်းတႅၵ်ႇသႂ်ႇၼႆႉ ပဵၼ်ဝႆႉမိူၼ်သဵၼ်ႈတၢင်းၽႄ။ ပေႃးလုၵ်ႉတၢင်းၼွင်ၶဵဝ်ၵႂႃႇၵေႃႈ...

သိုၵ်းမၢၼ်ႈဢဝ်ႁိူဝ်းမိၼ် ပွႆႇမၢၵ်ႇ တီႈၼႂ်းၸႄႈဝဵင်းမိူင်းမိတ်ႈ ၸိုင်ႈတႆးပွတ်းႁွင်ႇ ႁဵတ်းႁႂ်ႈ ၵူၼ်းမိူင်းလူႉတၢႆ 7ၵေႃႉ ၼႂ်းၼၼ်ႉ ပႃးလုၵ်ႈဢွၼ်ႇ 2 ၵေႃႉ မၢတ်ႇၸဵပ်းထႅင်ႈ 10 ၵေႃႉဝႃႈၼႆ ။ ၼႂ်းဝၼ်းတီႈ 9/10/2025 ယၢမ်းၵၢင်ၶမ်ႈ 7မူင်း ႁိူဝ်းမိၼ်သိုၵ်းမၢၼ်ႈပွႆႇမၢၵ်ႇ သႅၼ်း 250 ပွင်ႇပွႆႇသႂ်ႇ တီႈဝၢၼ်ႈဝႄးပွင်း  ၸႄႈဝဵင်းမိူင်းမိတ်ႈ...

ၼႂ်းဝၼ်းတီႈ 8/10/2025 ယၢမ်းတဵင်ႈၶိုၼ်း သိုၵ်းမၢၼ်ႈပွႆႇမၢၵ်ႇသႂ်ႇ တီႈဝၢၼ်ႈၼမ်ႉမင်း ၼႂ်းၵႄႈ ဝဵင်းၵျွၵ်ႉမႄး တင်း ဝဵင်းမိူင်းငေႃႉ ၸိုင်ႈတႆးပွတ်းႁွင်ႇ၊ မၢၵ်ႇတႅၵ်ႇတိူဝ်ႉၶူဝ်ၼမ်ႉမင်း လူႉၵွႆ ဝႃႈၼႆ။ ဝၢၼ်ႈၼမ်ႉမင်းၼႆႉ မီးၾၢႆႇႁွင်ႇဝဵင်းၵျွၵ်ႉမႄး မွၵ်ႈ 12 လၵ်း မီးၼိူဝ်သဵၼ်ႈတၢင်းၵႂႃႇဝဵင်းမိူင်းငေႃႉ ၼႃႈတီႈသိုၵ်းတဢၢင်း TNLA တူင်ႉၼိုင်ၵုမ်းၵမ်ဝႆႉ။ ၵူၼ်းဝၢၼ်ႈၼမ်ႉမင်း ဢၼ်ပၢႆႈၽေးမႃးယူႇသဝ်းဝႆႉတီႈ 11လၵ်းၼၼ်ႉ...

ဝၢႆးလင် သိုၵ်းမၢၼ်ႈ ယိုတ်းၵုမ်း  လႆႈၶိုၼ်းၸႄႈဝဵင်းၵျွၵ်ႉမႄးတီႈ သိုၵ်းတဢၢင်းယဝ်ႉ ဢမ်ႇႁိုင် သိုၵ်းမၢၼ်ႈ ၵိုင်ႉၵၢင်ႉၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းၵၢင်ဝဵင်းၼမ်ႉတူႈ ၸိုင်ႈတႆးပွတ်းႁွင်ႇ ႁဵတ်းႁႂ်ႈၵူၼ်းမိူင်း မႆႈၸႂ်လွင်ႈႁူမ်ႇလူမ်ႈ ငိူင်ႉပၢႆႈ ဝႃႈၼႆ ။ တႄႇဝၼ်းတီႈ 7/10/2025 ၼႆႉမႃးၵူၼ်းမိူင်းဝဵင်းၼမ်ႉတူႈ 200 ပၢႆ   မႆႈၸႂ်လွင်ႈႁူမ်ႇလူမ်ႈ ဢွၼ်ၵၼ်ငိူင်ႉပၢႆႈ ၵူဝ်သိုၵ်းမၢၼ်ႈမႃးပွႆႇမၢၵ်ႇထႅင်ႈ။  ယွၼ်ႉပိူဝ်ႈၼႂ်းၶၢဝ်းတၢင်း...

မိူဝ်ႈၼႆႉ ဝၼ်းတီႈ 6 တႄႇယၢမ်းၵၢင်ၼႂ် 7 မူင်းၶိုင်ႈ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ် (Jet Fighter) ပွႆႇမၢၵ်ႇသႂ်ႇ ၼႂ်းဝဵင်းၼမ်ႉတူႈ လႄႈ ဝဵင်းသီႇပေႃႉ ၼႃႈတီႈသိုၵ်းတဢၢင်းၵုမ်းၵမ်ၸူဝ်ႈၶၢဝ်း ဝၢႆးလင်ပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 ပွၵ်ႈၵမ်းသွင် ၸိုင်ႈတႆး ပွတ်းႁွင်ႇ။ ၶၢဝ်းယၢမ်းၵၢင်ၼႂ်ၸဝ်ႉ ၼႂ်းဝၼ်းဢွၵ်ႇဝႃႇ တႄႇမွၵ်ႈ 7 မူင်းၶိုင်ႈ...

မိူဝ်ႈၼႆႉဝၼ်းတီႈ 4/10/2025 ယၢမ်းၵၢင်ဝၼ်းတဵင်ႈ ႁိူဝ်းမိၼ်သိုၵ်းမၢၼ်ႈပွႆႇမၢၵ်ႇသႂ်ႇတီႈဝၢၼ်ႈၸႄႈတူၼ်ႈႁုင်း ၸႄႈဝဵင်းၼမ်ႉသၼ်ႇ ၸိုင်ႈတႆးပွတ်းႁွင်ႇ တူဝ်ႇမၢတ်ႇၵူၼ်းမိူင်း လုၵ်ႈဢွၼ်ႇ တၢႆ 2 ၵေႃႉ မၢတ်ႇၸဵပ်း 9 ၵေႃႉ။ လွင်ႈၼႆႉ ႁွင်ႈၵၢၼ်ၾၢႆႇပွင်ႇၶၢဝ်ႇ PSLF/TNLA ပိုၼ်ၽၢဝ်ႇမိူဝ်ႈယၢမ်းဝၢႆးဝၼ်းၼႆႉဝႃႈ - ပဵၼ်ႁိူဝ်းမိၼ်ၵျႅတ်ႊၾၢႆႊတႃႊ ပွႆႇမၢၵ်ႇသႅၼ်း 250 ပွၼ်ႊ 2 လုၵ်ႈ။...

မိူဝ်ႈၼႆႉ 4/10/2025 ယၢမ်းၵၢင်ၼႂ်ႁိမ်း 8 မူင်း ႁိူဝ်းမိၼ် သိုၵ်းမၢၼ်ႈ မိၼ်ဝၢႆႈ ပွႆႇမၢၵ်ႇသႂ်ႇ ၼႂ်းၸႄႈဝဵင်းသီႇပေႃႉ မၢၵ်ႇလူင်တူၵ်းသႂ်ႇ တၢင်းပွတ်းဝၢၼ်ႈဢုမ်ႇမူႉ တင်း တၢင်းၵႂႃႇၼမ်ႉတူၵ်းႁူးၼွႆႉ ၸိူဝ်းၼႆႉထႅင်ႈ။ ၵူၼ်းသီႇပေႃႉ ၵေႃႉၼိုင်ႈလၢတ်ႈတီႈ ၸုမ်းၶၢဝ်ႇၽူႈတွႆႇႁွၵ်ႈဝႃႈ - “သိုၵ်းမၢၼ်ႈမႃးပွႆႇမၢၵ်ႇသႂ်ႇ ႁိမ်းဢုမ်ႇမူႉလုၵ်ႈၼိုင်ႈ တၢင်းပွတ်းဝၢၼ်ႈၵေႃႇတၢၼ်ႇ တၢင်းၶိုၼ်ႈၵႂႃႇမိူဝ်း ၼမ်ႉႁူးၼွႆႉ ၼၼ်ႉလုၵ်ႈၼိုင်ႈဢေႃႈ။...

မိူဝ်ႈၼႆႉ ဝၼ်းတီႈ 1 လိူၼ်ဢွၵ်ႇထူဝ်ႊပိူဝ်ႊ ယၢမ်းၵၢင်ဝၼ်း 11 မူင်း သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၾၢႆႇဝၼ်းတူၵ်း ဝဵင်းမိူင်းၵုတ်ႈ တီႈပွၵ်ႉ ႁူဝ်ၼမ်ႉ (ရေထွက်ကြီး) တိူဝ်ႉၺႃးၵူၼ်းမိူင်း မၢတ်ႇၸဵပ်းၸွမ်း 2 ၵေႃႉ (တၢႆၵေႃႉၼိုင်ႈ မၢတ်ႇၸဵပ်းၵေႃႉၼိုင်ႈ) ၼႆယဝ်ႉ။ ၵူၼ်းမိူင်းပိုၼ်ႉတီႈ ဝဵင်းမိူင်းၵုတ်ႈလၢတ်ႈၼႄဝႃႈ...

တႄႇၵၢင်လိူၼ် သႅပ်ႊထႅမ်ႊပိူဝ်ႊ ဝၼ်းတီႈ 14  ၼႆႉမႃးသိုၵ်းမၢၼ်ႈဢဝ်ဢဵၼ်ႁႅင်းသိုၵ်း 200 ထူဝ်းသိုၵ်းၶဝ်ႈၼႂ်းဝၢၼ်ႈဢလႄႇၶျွင်း ၸႄႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်းသေ တီႉၺွပ်းၵႂႃႇ ၵူၼ်းဝၢၼ်ႈ 10 ၵေႃႉ ။ ၼႂ်းသိုၵ်းမၢၼ်ႈတီႉၺွပ်းၵႂႃႇၼၼ်ႉ ပႃးၼၢင်းယိင်း ဢႃယု ၸမ် 30  သွင်ၵေႃႉ ၊ ၵူၼ်းၸၢႆး 8 ၵေႃႉ...