မီႁေႃႇ ဢၼ်ၽုၵ်ႇ ၼႂ်းလိူၼ်မၢတ်ႉၶျ် ပီ 2025  ၼႂ်းထုင်ႉပူင်း ၸိုင်ႈတႆးပွတ်းၸၢၼ်း ၼၼ်ႉ ဢမ်ႇမီးၼမ်ႉတွၼ်း ဢမ်ႇမီးၵူၼ်းသိုဝ်ႉလႄႈ ၸဝ်ႈသူၼ်ၽၵ်းမီႁေႃ ဢမ်ႇၽုၵ်ႇထႅင်ႈသေ ထိုင်တီႈလႆႈပွႆႇသူၼ်ႁၢမ်းလၢႆပႅတ်ႈဝႃႈၼႆ။  တီႈထုင်ႉပူင်းၼႆႉ တႄႇၼႂ်းႁၢင် လိူၼ်ၼူဝ်ႊဝႅမ်ႊပိူဝ်ႊ ၼႆႉၵႂႃႇ ပဵၼ်ၶၢဝ်းၽုၵ်ႇၽၵ်းမီႇႁေႃ ၼႆသေတႃႉ ယွၼ်ႉၸဝ်ႈသူၼ်ႇၸိူဝ်းၽုၵ်ႇၽၵ်းမီႇႁေႃ ထူပ်းပၼ်ႁႃ ၽၵ်းမီႇႁေႃ ဢမ်ႇမီးၵႃႈၶၼ် ၊ ၵူၼ်းႁႃသိုဝ်ႉၵေႃႈ...

ဝၢႆးလင်သိုၵ်းမၢၼ်ႈလူင်းမိုဝ်း ႁဵတ်းၶိုၼ်းႁူင်းၸၢၵ်ႈၸိုၼ်း ပၢင်ပႅၵ်ႇၶိုၼ်းၼႆႉ ၼမ်ႉဝူၺ်ႇႁင်ႈ ႁူင်းၸၢၵ်ႈ လႆလူင်း ၼႂ်းထုင်ႉပူင်း ႁဵတ်းႁႂ်ႈၵူၼ်းဝၢၼ်ႈၼႂ်းဢိူင်ႇ 9 ဢိူင်ႇ ၼႂ်းထုင်ႉပူင်း ၸိုင်ႈတႆးပွတ်းၸၢၼ်း ယူႇယၢပ်ႇၵိၼ်းၸႂ်   ။ တႄႇၼႂ်းႁူဝ်လိူၼ် ၼူဝ်ႊဝႅမ်ႊပိူဝ်ႊ ၼႆႉမႃး ၼမ်ႉဝူၺ်ႇႁင်ႈႁူင်းၸၢၵ်ႈ ပၢင်ပႅၵ်ႇ ဢၼ်မီးၼႂ်းၸႄႈဝဵင်းတူၼ်ႈတီးၼၼ်ႉ  လႆလူင်း ၼႂ်း ဢိူင်ႇ 9 ဢိူင်ႇ...

ငိုၼ်းတႃႇၵမ်ႉထႅမ်ၵူၼ်းၸိူဝ်းၵႂႃႇၾိုၵ်းၵၢၼ်သိုၵ်းၼႆ သိုၵ်းမၢၼ်ႈၸႂ်ႉၵၢင်ႉၵႄႇၼႂ်းထုင်ႉပူင်း  ၵဵပ်းတီႈၵူၼ်းမိူင်းၵူႈလိူၼ်ယူႇၵေႃႈ ၵမ်းၼႆႉသမ်ႉဝႃႈဢမ်ႇမီးၵူၼ်းၵႂႃႇၾိုၵ်းၵၢၼ်သိုၵ်းယဝ်ႉၼႆသေ တေႁႂ်ႈၵူၼ်းသႂ်ႇငိုၼ်းၸိူဝ်းၼၼ်ႉမႃးၸူၵ်းမႄးတႃႇၵႂႃႇၾိုၵ်းၵၢၼ်သိုၵ်းၼႆထႅင်ႈ။ ၵၢင်ႉၵႄႇလၢတ်ႈဝႃႈ    တႄႇဢဝ်ၼႂ်းလိူၼ် တီႊသႅမ်ႊပိူဝ်ႊ ပီ 2025 ၼႆႉၵႂႃႇ ၵူၼ်းၸၢႆး ၼႂ်းထုင်ႉပူင်း ဢႃယု  18 ၶိုၼ်ႈၼိူဝ် တေလႆႈၸူၵ်းမႄး တႃႇၵႂႃႇႁၢပ်ႇ ၵၢၼ်သိုၵ်းမၢၼ်ႈ ။ ဢိူင်ႇဢၼ်တေလႆႈၸူၵ်းမႄးတႃႇၵႂႃႇႁၢပ်ႇၵၢၼ်သိုၵ်းမၢၼ်ႈၼၼ်ႉ ပဵၼ်ၼႂ်း ဢိူင်ႇဢတူင်းတေႃႇ ၊ ဢိူင်ႇၼႃးႁီး ၊...

ၼႂ်းပီ 2021 ၼၼ်ႉ သိုၵ်းမၢၼ်ႈ မၢပ်ႇၼႄးဝႃႈ ပၢင်လိူၵ်ႈတင်ႈ 2020 ဢၼ်ပႃႇတီႇၼူၵ်ႉယုင်းဢွင်ႇပေႉၼၼ်ႉ ဢမ်ႇမႅၼ်ႈၸွမ်းပၵ်းပိူင် ဢမ်ႇမီးလွင်ႈၽဵင်ႇပဵင်းၼႆသေ ယိုတ်းၵုမ်းမိူင်း။ ဢမ်ႇႁိုင်သင်ၼၼ်ႉၵူၺ်း ၸွမ်ၸိၵ်း သိုၵ်းမၢၼ်ႈ မိၼ်းဢွင်ႇလၢႆႇ ၶိၼ်ႁဵတ်းၵူႈလၢႆး ဢၼ်မၼ်းထၢင်ႇတေလႆႈၼမ်ႉမျၢတ်ႈၼမ်ႉတွၼ်း  ။ ပႃးၸဵမ် ၵၢၼ်ၶုတ်းႁႄႈၸိုၼ်း ငိုၼ်းၶမ်းၸိူဝ်းၼႆႉ မီးၽွၼ်း ႁၢႆႉၸႃႉသင်ဢမ်ႇတူၺ်း ၶႂ်ႈၶုတ်းၶႂ်ႈဢဝ်လူင်ၵႂႃႇၵူႈတီႈ...

ယၢမ်းလဵဝ် ၸဝ်ႈၼႃးၼႂ်းထုင်ႉပူင်း ၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ဢွၼ်ၵၼ်ထူပ်းတၢင်းယၢပ်ႇၽိုတ်ႇ တႃႇပၢတ်ႇၶဝ်ႈ ယွၼ်ႉၼမ်ႉထူမ်ႈၼမ်ႉၼွင်းဝႆႉ ဝႃႈၼႆ။   ၵူၼ်းပိုၼ်ႉတီႈ ထုင်ႉပူင်း လၢတ်ႈတီႈၽူႈတွႆႇႁွၵ်ႈဝႃႈ - “ပဵၼ်ၽွင်းပၢတ်ႇမၼ်းလီလီယဝ်ႉ မိူဝ်ႈလဵဝ်ၼႆႉ ၶဝ်ႁွင်ႉၶဝ်ႈၵၢင်ၼၼ်ႉၼႃႇ တူၼ်ႈၶဝ်ႈၼႆႉသမ်ႉ မၼ်းဢမ်ႇၶၢမ်ႇၼမ်ႉလႆႈ၊ ၼမ်ႉၵေႃႈ ဢမ်ႇမူတ်းသႂ်မိူၼ်ၵူႈ ပွၵ်ႈ ပဵၼ်ၼမ်ႉဝူၺ်ႇႁၢင်ႈဝႆႉ သမ်ႉၸႂ်ႉယႃၶႃႈလႄႈ ၵမ်ႈၽွင်ႈၵေႃႈၶူမ်း ပေႃးၵႂႃႇပၢတ်ႇၶဝ်ႈၼႆ၊...

25 ဝၢၼ်ႈ ၼႂ်းထုင်ႉပူင်း ၸိုင်ႈတႆးပွတ်းၸၢၼ်း ၸိူဝ်းၺႃးၽေးၼမ်ႉထူမ်ႈႁၢဝ်ႈႁႅင်းၼၼ်ႉ ႁဵတ်းႁႂ်ႈၶဝ်ႈၼႃးလူႉၵွႆမူတ်းထိုင်တီႈၽၼ်းၶဝ်ႈတႃႇၽုၵ်ႇမႂ်ႇထႅင်ႈပေႃးဢမ်ႇမီး။  ၼမ်ႉထူမ်ႈႁၢဝ်ႈႁႅင်းၽွင်းလိူၼ်ဢေႃႊၵတ်ႉသ် ပီ 2024 ပူၼ်ႉမႃးၼႆႉ ႁဵတ်းႁႂ်ႈလိၼ်သူၼ်ႁႆႈၼႃးထုင်ႉပူင်းလူႉသူမ်း လူႉၵွႆ 2 မိုၼ်ႇဢေႊၶိူဝ်ႊပၢႆ။တေႃႇထိုင်ယၢမ်းလဵဝ် ၵူၼ်းမိူင်းဢမ်ႇၸၢင်ႈလုမ်းလႃးလိၼ်ၼႃးၶိုၼ်းလႄႈ မႆႈၸႂ်တႃႇၽုၵ်ႇသွမ်ႈပီ 2025 ၼႆႉ။  ယၢမ်းလဵဝ် ၵူၼ်းပိုၼ့်တီႈလူဝ်ႇတင်းၸွႆႈထႅမ် ၸိူဝ့်ၽၼ်းတႃႇတေၽုၵ်ႇၶိုၼ်းလႄႈ  တႅမ်ႈသူင်ႇလိၵ်ႈၸူး ႁွင်ႈၵၢၼ်ၾၢႆႇၽုၵ်ႇသွမ်ႈၵေႃႈ ဢမ်ႇမီးၸုမ်းလႂ်ပွင်ႇၶၢဝ်ႇၶိုၼ်း ဝႃႈၼႆ ။ ၸၢႆးၼုမ်ႇၵူၼ်းထုင်ႉပူင်းလၢတ်ႈၽူႈတွႆႇႁွၵ်ႈဝႃႈ...

ၼႂ်းထုင်ႉပူင်းၼႆႉ ယၢမ်းလဵဝ် ၾူၼ်တူၵ်းထပ်းၵၼ်လၢႆဝၼ်းလႄႈ ႁဵတ်းႁႂ်ႈၼမ်ႉၼွင်းထူမ်ႈတူင်ႈၼႃး ၵူၼ်းမိူင်း ဢမ်ႇယွမ်းႁဵင်ဢေႊၶိူဝ်ႊ ၽွင်းၼႆႉသမ်ႉ ပဵၼ်ၽွင်းလူဝ်ႇပၢတ်ႇၶဝ်ႈလႄႈ ၸဝ်ႈၼႃးၶဝ် ထူပ်းလွင်ႈယၢပ်ႇၽိုတ်ႇ မီးလွင်ႈလူႉသုမ်းၼမ်။ ၸဝ်ႈၼႃး ၼႂ်းထုင်ႉပူင်း လၢတ်ႈတီႈၽူႈတွႆႇႁွၵ်ႈဝႃႈ - “ၼမ်ႉထူမ်ႈၼႃးၼႆႉ ၶႂ်ႈထူမ်ႈၵူႈဝၢၼ်ႈယဝ်ႉ။ ဢၼ်မီးၼႂ်းထုင်ႉပူင်းၼႆႉ မိူၼ်ၼင်ႇ တီႈဝၢၼ်ႈသၢႆလႄး၊ ၼွင်ၸၢင်ႉ၊ ၵုၼ်သၢႆးတင်း ဝၢၼ်ႈပူင်း ၸိူဝ်းၼႆႉ ၼမ်ႉထူမ်ႈၼမ်...

ထုင်ႉပူင်း (ဢမ်ႇၼၼ်) ထုင်ႉတၢမ်ၽၢၵ်ႇၼႆႉ တႅၵ်ႇပဵၼ်ဝႆႉ 3 တွၼ်ႈ ၊ တွၼ်ႈၼိုင်ႈ ယူႇၼႂ်းၸႄႈဝဵင်းႁူဝ်ပူင်း ၊ တွၼ်ႈ ၼိုင်ႈ ယူႇၼႂ်းၸႄႈဝဵင်းသီႇသႅင်ႇလႄႈ ထႅင်ႈတွၼ်ႈၼိုင်ႈသမ်ႉ ယူႇၼႂ်းၸႄႈဝဵင်းၵျွၵ်ႉတလူင်း ၸႄႈတွၼ်ႈတူၼ်ႈတီး ၸိုင်တႆးပွတ်းၸၢၼ်း ၼႆယဝ်ႉ။ တင်းသၢမ်တွၼ်ႈၼႆႉ ၺႃးၸုမ်းပျီႇတူႉၸိတ်ႉပဢူဝ်း PNO ၵဵပ်းၶွၼ်ႇ၊ ၺႃးသိုၵ်းမၢၼ်ႈ ၵဵပ်းသိုၵ်းလႄႈ ၵူၼ်းၼုမ်ႇ...

ႁၢင်လိူၼ်ၵျုၼ်ႊၼႆႉ ၸုမ်းပျီႇတူႉၸိတ်ႉ ပဢူဝ်း PNO ဢၼ်ယူႇတႂ်ႈသိုၵ်းမၢၼ်ႈ ယိုတ်းမိူင်း ၵုမ်းၵမ် ၸီႉသင်ႇ ၵၢင်ႉ ၵႄႇၼႂ်းထုင်ႉပူင်း ႁႂ်ႈသူင်ႇၵူၼ်းမႂ်ႇပၼ် တႃႇၾိုၵ်းၵၢၼ်သိုၵ်း ၼိုင်ႈဝၢၼ်ႈလႂ် တေဢမ်ႇလႆႈယွမ်း 4 ၵေႃႉ။ ဝၢၼ်ႈလႂ် ဢမ်ႇပၼ်လႆႈသမ်ႉ ၵဵပ်းငိုၼ်းၼပ်ႉႁူဝ်သိပ်းသႅၼ်ပျႃး။ ၼႂ်းငဝ်းလၢႆးၵၢၼ်သိုၵ်း ၵၢၼ်မိူင်းဢမ်ႇလီ ပၢႆးမၢၵ်ႈမီးတူၵ်း ႁႃၵိၼ်လဵင်ႉတွင်ႉယၢပ်ႇ ၸိူင်ႉၼႆ...

ၵူၼ်းထုင်ႉပူင်း ၵူၼ်းၸၢႆး ဢႃယုမွၵ်ႈ 48 ပီ ၵေႃႉၼိုင်ႈ ၽွင်းတိုၵ်ႉၶိုၼ်ႈမႄး ၼိူဝ်လင်ၶႃးႁိူၼ်းယူႇၼၼ်ႉ ၺႃးလူမ်းလႅင်ႉ ၽတ်ႉသႂ်ႇယၢတ်ႇတူၵ်းႁိူၼ်း ထိုင်တီႈလႆႈလူႉတၢႆ။   ဝၼ်းတီႈ 02/05/2024 ယၢမ်းၵၢင်ၶမ်ႈ 6 မူင်း ၾူၼ်ယႂ်ႇလူမ်းလႅင်း ၽတ်ႉသႂ်ႇ ၸၢႆးၵီႉ ဢႃယုမွၵ်ႈ 48 ပီ ၵူၼ်းဝၢၼ်ႈတူၼ်ႈမူင်ႈ ထုင်ႉပူင်း...

ၽွင်းၶၢဝ်းပွႆးၶေႉႁိူဝ်းတီႈထုင်ႉပူင်း ပီၼႆႉ ဢွၼ်ႇၸၢႆး ဢႃယု 13 ပီ ၵေႃႉၼိုင်ႈ လူင်းဢၢပ်ႇၼမ်ႉသေ ၸူမ်ၼမ်ႉလႆႈ 2 ဝၼ်းယဝ်ႉ ၸင်ႇထူပ်းႁၼ်တူဝ်တၢႆ ၶိုၼ်း ။ မိူဝ်ႈၼႆႉ ဝၼ်းတီႈ 10/10/2023 ယၢမ်းၵၢင်ၼႂ် 10 မူင်း ယူႇတီႈ ၽူႈမီးပုၼ်ႈၽွၼ်းလႄႈ ၽူႈၵွၼ်းဢိူင်ႇ ၼႂ်းပိုၼ်ႉတီႈ...

ၽူႈလၵ်ႉၸၵ်ႉၶုတ်ႈလိူင်ႇၼမ် ၶဝ်ႈၵျွင်းမုၼ်ၸဝ်ႈၼွင်ၸၢင်ႉ တီႈထုင်ႉပူင်း ယွၼ်းထႅမ်ႁႅင်းၾူၼ်းသေ လၵ်ႉဢဝ်ၾူၼ်းမုၼ်ၸဝ်ႈ ၸဝ်ႈသၢင်ႇၵႂႃႇ 6 လုၵ်ႈ ။ ဝၼ်းတီႈ 4/10/2023 ၵူၼ်းၸၢႆးပႅၵ်ႇၼႃႈပႅၵ်ႇတႃၵေႃႉၼိုင်ႈ ၶီႇရူတ်ႉၶိူင်ႈ ၶဝ်ႈဝၢင်းၵျွင်းမုၼ်ၸဝ်ႈဝၢၼ်ႈၼွင်ၸၢင်ႉ၊ ၽွင်းသင်ၶႃၸဝ်ႈၵႂႃႇသုင်းသွမ်းၼၼ်ႉ မၼ်းၸၢႆးဢဝ်ပႃးၾူၼ်းတီႈၵျွင်းမုၼ်ၸဝ်ႈသေဢွၵ်ႇမိူဝ်းၵႂႃႇ ဝႃႈၼႆ။ တၵ်ႉၵႃႇသတ်ႉထႃး ၵူၼ်းဝၢၼ်ႈၼွင်ၸၢင်ႉ ၼၢင်းယိင်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ “ မၼ်းၶဝ်ႈမႃးၼႂ်းၵျွင်းသေ ထၢမ်ႁႃထၢင်ၶီႈ၊ သမ်ႉလၢတ်ႈဝႃႈၶႂ်ႈထႅမ်ႁႅင်းၾူၼ်းၼႆ ၸဝ်ႈသၢင်ႇပေႃးၼိုင်ႈၵႂႃႇဢဝ်သၢႆထႅမ်ႁႅင်းၾူၼ်းမႃးပၼ်မၼ်းထႅမ်။ ၽွင်းၼၼ်ႉပဵၼ်ၶၢဝ်းသုင်းသွမ်းလႄႈ...

ပီၼႆႉ ပီႈၼွင်ႉထုင်ႉပူင်း တေႁူမ်ႈၵၼ် ၸတ်းႁဵတ်းပၢင်ပွႆးၶေႉႁိူဝ်း ၾိင်ႈထုင်းတႆး ၶိုၵ်ႉယႂ်ႇလူင် ပဵၼ်ပွၵ်ႈၵမ်း 7 တီႈဝၢၼ်ႈႁူဝ်တၢတ်ႇ ၸႄႈဝဵင်းတူၼ်ႈတီး။ ပေႃးထိုင်မႃး ဝၼ်းတီႈ 7/10/2023 တူၵ်းမႅၼ်ႈ ဝၼ်းလိူၼ်သိပ်းလွင်ႈ 8 ၶမ်ႈ (ဝၼ်းသဝ်) ယၢမ်းၵၢင်ၼႂ် 9 မူင်း ယူႇတီႈ သင်ၶၸဝ်ႈလႄႈ ၵူၼ်းပိုၼ်ႉတီႈ တေႁူမ်ႈၵၼ်...

ၸူဝ်ႈၵၢၼ်မိူင်းသုၵ်ႉ ပၢႆးမၢၵ်ႈမီးတုၵ်းၼႆႉ ၵူၼ်းထုင်ႉပူင်းဢွၼ်ၵၼ်ပၢႆႈၵႂႃႇႁဵတ်းၵၢၼ်တၢင်ႇဝၢၼ်ႈတၢင်ႇမိူင်းၼမ် ပီၼႆႉၼႂ်းတိူၵ်ႇႁႆႈလွၵ်းၼႃး လႆႈၸႂ်ႉၶိူင်ႈၸၢၵ်ႈႁဵတ်းၵၢၼ်တႅၼ်းၵူၼ်း၊ ၵႃႈၸႂ်ႉၸၢႆႇငိုၼ်းတိုၼ်းတူၵ်းၼမ်   ။  ၸိူဝ်းယၢပ်ႇၽိုတ်ႇငိုၼ်းတိုၼ်းၵေႃႈဢမ်ႇၸၢင်ႈႁဵတ်းၼႃးႁဵတ်းသူၼ် ပဵၼ်ဢၼ်ယၢပ်ႇတႃႇႁႃလဵင်ႉၼႃႈႁိူၼ်းတႃယေး။ ၸဝ်ႈၼႃးထုင့်ပူင်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “  ဢမ်ႇမီးႁႅင်းၵူၼ်းလႄႈ လႆႈၸၢင်ႈၸၢၵ်ႈမႃးႁဵတ်းၵၢၼ်၊ ယွၼ့်ၼၼ့် ပေႃးၸဝ်ႈၼႃးဢမ်ႇမီးတိုၼ်းလၢင်းၼၼ့် ဢမ်ႇၸၢင်ႈႁဵတ်းၼႃး မိူဝ်ႈၵူႈပွၵ်ႈတႄႉ ၵူၼ်းၼမ်လႄႈ ဢမ်ႇသင်ၵေႃႈ ၸွႆႈၵၼ်ႁဵတ်း ၶဵင်ႇၸွႆႈၵၼ်သေ ငိုၼ်းၵေႃႈ ဢမ်ႇပေႃးလႆႈ သဵင်ႈၼမ်” -...

လွၵ်းၵၢတ်ႇ သိုဝ်ႉၶၢႆပိင် တီႈထုင်ႉပူင်း ၸႄႈဝဵင်းတူၼ်ႈတီး ပဵၼ်ၵၢၼ်မႃးလႄႈ ၸဝ်ႈသူၼ်ၸဝ်ႈၼႃး ဢွၼ်ၵၼ်ႁႃပိင်ၶၢႆ  ။ ၼႂ်းလိူၼ်ၵျုၼ်ႊၼႆႉ ၼၢႆးၼႃႈ(ပွႆးၸႃး) မႃး ၵပ်းသိုပ်ႇသိုဝ်ႉပိင် တီႈထုင်ႉပူင်း ၸႄႈဝဵင်းတူၼ်ႈတီး ၸဝ်ႈသူၼ် ၸဝ်ႈၼႃး  ဢွၼ်ၵၼ် လူင်းတူင်ႈလူင်းၼႃးသေ ႁႃပိင်ၶၢႆ  လႆႈငိုၼ်းၶဝ်ႈၼိုင်ႈၾၢႆႇၼိုင်ႈတၢင်း။ ၼၢင်းယိင်းၵူၼ်း ထုင်ႉပူင်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈၵူႈပွၵ်ႈ ပိင်ၼႆႉမီးၶၢဝ်ႇမၼ်းဝႃႈ ၼိုင်ႈၸွႆႉလႂ်...