ၼႂ်းလိူၼ်ၵျုၼ်ႊ ဝူင်ႈထီႉသွင်ၼႆႉ သိုၵ်းမၢၼ်ႈ ၶဝ်ႈပၵ်းတပ်ႉပၢင်သဝ်း ဢိူင်ႇၵျွၵ်ႉၵူႇ ႁိမ်းဝဵင်းဢၢင်ႇတေႃး ၸႄႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်းသေ တဵၵ်းၸႂ်ႉၵူၼ်းဝၢၼ်ႈၼႂ်းပိုၼ်ႉတီႈ ၶၢႆႉဢွၵ်ႇဝၢၼ်ႈတင်းသဵင်ႈ။ ယၢမ်းလဵဝ် သိုၵ်းမၢၼ်ႈ ၶဝ်ႈဢဝ်တီႈယူႇ ပၵ်းတပ်ႉယူႇ ၸွမ်းၼႂ်းဝၢၼ်ႈၼႂ်းသူၼ် ဢိူင်ႇၵျွၵ်ႉၵူႇ ဢွၵ်ႇၶေႃႈၸီႉသင်ႇ ႁႂ်ႈၵူၼ်းဝၢၼ်ႈပူင်းဢိၼ်းလႄႈ လွႆႁွင်ႇ ဢွၵ်ႇဝၢၼ်ႈၵႂႃႇယူႇတၢင်းဝဵင်းဢၢင်ႇတေႃးၼႆ ၵူၼ်းၼႂ်း ပိုၼ်ႉတီႈ ဝဵင်းဢၢင်ႇတေႃးၵေႃႉၼိုင်ႈ လၢတ်ႈၼႄတီႈၽူႈတွႆႇႁွၵ်ႈၼင်ႇၼႆ။ “ယွၼ်ႉၶိူင်ႈမိၼ် မႃးပွႆႇမၢၵ်ႇသႂ်ႇတိၵ်းတိၵ်းလႄႈ...

ဝၢႆးလင် သိုၵ်းမၢၼ်ႈယိုတ်းဢႃႇၼႃႇမႃး ၶၢဝ်းတၢင်း 4 ပီပၢႆၼႆႉ လွင်ႈပႃႇထိူၼ်ႇမူၺ်ႉႁၢႆ ၼႂ်းမိူင်းႁူမ်ႈတုမ် ပတ်းပိုၼ်ႉၼႆႉ ယွမ်းလူင်းမႃးၵူႈပီ ဝႃႈၼႆ။ လွင်ႈၼႆႉ ႁူဝ်ၼႃႈသိုၵ်းမၢၼ်ႈယိုတ်းမိူင်း ၸွမ်ၸိၵ်းသိုၵ်း မိၼ်းဢွင်ႇလၢႆႇ လၢတ်ႈဝႃႈ - ပႃႇထိူၼ်ႇၼႂ်းမိူင်းႁူမ်ႈတုမ်ၼႆႉ မိူဝ်ႈပီ 2015 ၼၼ်ႉမီး 42.92%၊ ပီ 2020 သမ်ႉမီး 42.19%၊...

တႃႇၵုမ်းလႆႈၶိုၼ်း ဝဵင်းၾၢႆၶုၼ် မိူင်းပၢႆး လႅၼ်လိၼ်တႆး - ယၢင်းလႅင်ၼႆႉၼႆသေ တႄႇၵၢင်လိူၼ်ၵျႃၼ်ႊၼႆႉမႃး ၾၢႆႇတၢင်းသိုၵ်းမၢၼ်ႈ ထႅမ်ႁႅင်းသိုၵ်းၶိူဝ်းယႂ်း၊ ၸႂ်ႉၶိူင်ႈမိၼ် ၶိူင်ႈၵွင်ႈလူင် တရူၼ်ႊ ပိုတ်းယိုဝ်း၊ ပၢင်တိုၵ်းသိုပ်ႇပဵၼ်ဝႆႉႁၢဝ်ႈႁႅင်း တီႈၾၢႆႇတူၵ်းဝဵင်းၾၢႆၶုၼ် လုၵ်ႈဢွၼ်ႇ 2 ၵေႃႉ တီႈဝၢၼ်ႈလဢိ ၼႂ်းၸႄႈဝဵင်းၾၢႆၶုၼ် မၢတ်ႇၸဵပ်း။    မိူဝ်ႈၼႆႉ ဝၼ်းတီႈ 16/06/2025...

ၼႂ်းလိူၼ်ၼႃႈတေမႂ်ႇၼႆႉ ၸုမ်းသိုၵ်းယိုတ်းမိူင်း တေမီးလွင်ႈပိၼ်ႇလႅၵ်ႈယႂ်ႇယႂ်ႇလူင်လူင်၊ ဢဝ်ၸဵမ်ၸိုဝ်ႈသဵင် တေႃႇထိုင်တၼ်းႁဵင်းၸၼ်ႉၶုၼ်ၽွင်းလူင်လႄႈ ႁွင်ႈၵၢၼ်ၶိုဝ်းယမ်လႂ် ၸိူဝ်းၼႆႉ တေမႄးပူၶိုၼ်းမူတ်း ငိၼ်းဝႃႈၼႆလႄႈ ၸိူဝ်းၶုၼ်ၽွင်းတၢင် ၵမ်ႈၽွင်ႈၵေႃႈ ဢွၼ်တိုၼ်ႇတဵၼ်ႈသူၼ်ၸႂ်လူင် လၢင်ဝႆႉယဝ်ႉ။ ၸိူဝ်းၶိုပ်ႈႁူႉလၢမ်းႁၼ်ၸွမ်း လွၵ်းလဵၼ်ႈၸုမ်းသိုၵ်းတႄႉ ဢမ်ႇယုမ်ႇဝႃႈ တေမီးလွင်ႈလၢၵ်ႇလၢႆလူင် လၢင်။ ၼမ်ၼႃႇၵေႃႈ တေလုၵ်ႉတီႈ SAC လႅၵ်ႈႁဵတ်းၶိုၼ်း ၶွင်ႇသီႇၾၢႆႇၵႅတ်ႇၶႄလႄႈ ၾၢႆႇႁူမ်ႇလူမ်ႈၸိုင်ႈမိူင်း ဢၼ်ၶဝ်ႁွင်ႉဝႃႈ...

ၼႂ်းဝူင်ႈၼႆႉ မီးၶၢဝ်ႇၼႂ်းတူင်ႇဝူင်းသိုၵ်းမၢၼ်ႈ လိုဝ်းဢွၵ်ႇမႃးဝႃႈ ၽူႈၵွၼ်းတပ်ႉၸုမ်းလူင် (တပ်ႉမ) - 99 ၵႅမ်ၸွမ်ႁၢၼ် တိၼ်ႇမွင်ႇၵျေႃႇ ၺႃးသိုၵ်းမၢၼ်ႈ တီႉၺွပ်းၶိုၼ်းသေ ပူတ်းၸၼ်ႉပႅတ်ႈ ဝႃႈၼႆ။ မၼ်းၸၢႆး ၺႃးတီႉၺွပ်း ၼႂ်းႁၢင်လိူၼ်မေႊပူၼ်ႉမႃးၼႆႉ ၵွၼ်ႈၼႃႈ ပႆႇၺႃးတီႉၺွပ်းၼၼ်ႉ မီးၶၢဝ်ႇလိုဝ်းဢွၵ်ႇဝႆႉဝႃႈ တေလုၵ်ႉၽိုၼ်ႉတပ်ႉသိုၵ်းမၢၼ်ႈၶိုၼ်းသေ တေယွၼ်းႁူမ်ႈၸွမ်း  ၸုမ်းသိုၵ်းရၶႅင်ႇ AA။ ဝၢႆးၼၼ်ႉဢမ်ႇႁိုင် ၺႃးတီႉၺွပ်းပူတ်းၸၼ်ႉပႅတ်ႈသေ...

တႄႇသိုၵ်းမၢၼ်ႈ ၶဝ်ႈၵုမ်းၶိုၼ်း ၼႂ်းဝဵင်းလႃႈသဵဝ်ႈၼႆႉ ၵူၼ်းမိူင်းၸိူဝ်းၶၢႆၵုၼ်ႇ ယူႇၼႂ်းၵၢတ်ႇလူင်လႄႈ ပိုတ်ႇႁၢၼ်ႉၶၢႆၵုၼ်ႇယွႆႈ၊ ၽၵ်းယိူဝ်ႈၼၢင်းၶဵဝ်၊ ၶဝ်ႈၽၵ်းသုၵ်း ဢွၼ်ၵၼ်ၶင်းပွင်ႉဝႃႈ ဢမ်ႇၶၢႆလီ မိူၼ်ဢွၼ်တၢင်း ႁဵတ်းႁႂ်ႈတုမ်ႉတိူဝ်ႉၵူၼ်းမိူင်းလႃႈသဵဝ်ႈ ၸိုင်ႈတႆးပွတ်းႁွင်ႇ ႁူပ်ႉတၢင်းယၢပ်ႇၽိုတ်ႇလၢႆလွင်ႈ။ ၵူၼ်းၶၢႆၶူဝ်းၵုၼ်ႇ ၼႂ်းၵၢတ်ႇလူင် ဝဵင်းလႃႈသဵဝ်ႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“မၢင်ဝၼ်း ယင်းဢမ်ႇလႆႈႁူဝ်မၢၼ်မၼ်းၵွၼ်ႇ။ ၶၼ်ၵုၼ်ႇၵေႃႈ သမ်ႉၶိုၼ်ႈၼႃႇ။ ၵၢၼ်ၵေႃႈႁႃယၢပ်ႇႁႄၼႆ ၵူၼ်းသိုဝ်ႉၶူဝ်း၊ ၵူၼ်းလႄႇၵၢတ်ႇၼႆႉ...

သိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း 4 ပီပၢႆၼႆႉ လွင်ႈလူႉသုမ်းၵေႃႈၶဝ်မီး လွင်ႈဢွင်ႇမၢၼ်ၵေႃႈ ၶဝ်လႆႈမိူၼ်ၵၼ်။ ၵၢၼ်တိုၵ်းတေႃးတႄႉ သိုၵ်းမၢၼ်ႈ မီးလွင်ႈတုမ်ႉတိူဝ်ႉလူႉသုမ်းၼမ်သေတႃႉ ၾၢႆႇၵုမ်း ထတ်းၵူၼ်းမိူင်းတႄႉ သိုၵ်းမၢၼ်ႈသမ်ႉ တိုၵ်ႉပၼ်ႇၵၢၼ်လႆႈလီ။ ၸုမ်းႁဵတ်းၵၢၼ်မိူင်း ၸုမ်းလုၵ်ႉၽိုၼ်ႉသၢၼ်ၶတ်းသိုၵ်းမၢၼ်ႈၸိူဝ်းၼႆႉ ၵမ်ႈၼမ်တႄႉ လႆႈဝႃႈ သိုၵ်း မၢၼ်ႈ ၵုမ်းလႆႈတႄႉလႄႈ ၸိူဝ်းလႆႈ ပၢႆႈၵေႃႈပၢႆႈ ၸိူဝ်းၺႃးတူၵ်းၶွၵ်ႈၵေႃႈတူၵ်း။...

တပ်ႉသိုၵ်းၼႆႉ တိုၼ်းတေဢမ်ႇလႆႈၶဝ်ႈပႃးၼႂ်းၵၢၼ်မိူင်း၊ တပ်ႉသိုၵ်းၼႆႉ တေလႆႈၵႅတ်ႇၶႄႁႄႉၵင်ႈမၢၼ်ႈမိူင်းပိူင်လဵဝ်ၵူၺ်း။ ဢဝ်ၸဵမ်ၵၢၼ်မၢၵ်ႈမီးလႄႈ ၼႃႈၵၢၼ်ပိူင်ၵူၼ်းတင်းသဵင်ႈ တေဢမ်ႇလႆႈၶဝ်ႈၵႅဝ်ပႃးၸွမ်း။ တပ်ႉသိုၵ်းဢမ်ႇၵႃး ပႃးၸဵမ်ၸုမ်းယိပ်းၵွင်ႈၵၢင်ႇတင်းသဵင်ႈၼႆႉ တၵ်းလႆႈယူႇတႂ်ႈၵုမ်းၸတ်း လူင်ပွင်ၸိုင်ႈၽၵ်းၵႃႇ ဢၼ်ၵူၼ်းမိူင်း ႁူမ်ႈလိူၵ်ႈတင်ႈလူၺ်ႈ လၢႆးတၢင်းတီႊမူဝ်ႊၶရေႊၸီႊၼၼ်ႉ မိူၼ်ၵၼ်။ ဢၼ်ၼႆႉပဵၼ်ၶေႃႈၵၢင်ၸႂ် ၸုမ်းၸၢဝ်းၶတ်းၶၢၼ်ႉလုၵ်ႉၽိုၼ်ႉၶဝ် ႁူမ်ႈလႆႈၸႂ်တူၵ်းလူင်းၵၼ်ဝႆႉ ပိူဝ်ႈတႃႇ တမ်းပဵၼ်လၵ်းၼမ်းမိူင်းႁူမ်ႈတုမ်မႂ်ႇ ဝႃႈၼႆယဝ်ႉ။ မိူဝ်ႈၸင်ႇတႄႇၵၢၼ်လုၵ်ႉၽိုၼ်ႉတႄႉ PDF ၸိူဝ်းယူႇတႂ်ႈ NUG လႄႈ ၸိူဝ်းၸုၵ်းၸင်ႈႁင်းၵူၺ်းၶဝ်ၼၼ်ႉ...

မိူဝ်ႈၼႆႉ ဝၼ်းတီႈ 12/06/2025 ယၢမ်းၵၢင်ၼႂ်ၸဝ်ႉမွၵ်ႈ 1:25 မူင်းၼၼ်ႉ သိုၵ်းမၢၼ်ႈ ၸႂ်ႉတိုဝ်းၶိူင်ႈမိၼ်တိုၵ်း (Jet fighter) သေ ပွႆႇမၢၵ်ႇလူင် ႁႅင်း 500 ပွၼ်ႊ သႂ်ႇတီႈၵျွင်းမုၼ်ၸဝ်ႈလႄႈ ႁူင်းႁဵၼ်း သွင်လုၵ်ႈ တီႈမၢၼ်ႈလီႈ ၼႂ်းၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ။ ယၢမ်းလဵဝ် ၼႂ်းၸႄႈဝဵင်းၼမ်ႉတူႈ တီႈမၢၼ်ႈလီႈၼႆႉ ဢမ်ႇမီးပၢင်တိုၵ်းသင်...

ယၢမ်းလဵဝ် ၼႂ်းမိူင်းတႆးၼႆႉ ၾၢႆႇပလိၵ်ႈၵုမ်းထိင်းရူတ်ႉၵႃး ၵူတ်ႇထတ်းတီႉၺွပ်းရူတ်ႉၵႃး ဢမ်ႇမီးဝႂ်လၢႆႊ သိၼ်ႊႁၢဝ်ႈႁႅင်း တီႈၶူဝ်ၼမ်ႉၶူင်း (တႃႈၵေႃႈ) ၼၼ်ႉၵေႃႈ သိုၵ်းမၢၼ်ႈ ၵူတ်ႇထတ်းတီႉၺွပ်းၶူဝ်းၵုၼ်ႇ ဢၼ်လုၵ်ႉတၢင်းမိူင်းထႆးမႃးထႅင်ႈ ႁဵတ်းႁႂ်ႈတုမ်ႉတိူဝ်ႉၵူၼ်းႁေႃႈရူတ်ႉၵႃး - ၵူၼ်းၵႃႉၶဝ် ထူပ်းတၢင်းယၢပ်ႇ။   ၵူၼ်းႁေႃႈရူတ်ႉၵႃး တူၼ်ႈတီး - တႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ - “မၢၼ်ႈၶဝ်ၼႆႉ ၶိုၼ်ႈၸႅတ်ႈၼိူဝ်...

ဝၼ်းတီႈ 11/06/2025 ယၢမ်းၵၢင်ၼႂ်ၼႆႉ ၸုမ်းၶႃႈႁၢပ်ႇၵၢၼ် ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၵုမ်းၵမ်ၼၼ်ႉ ၸၢမ်းၸႂ်ႉတိုဝ်း ၶိူင်ႈၸၢၵ်ႈပၼ်ၶႅပ်းၵၢင်ၸႂ် ၼိူဝ်ဢွၼ်ႊလၢႆႊ (MEVM) တီႈႁွင်ႈပၢင်ၵုမ် လုမ်းၶႃႈႁၢပ်ႇၵၢၼ်ၸႄႈမိူင်းတႆး တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ ၼႂ်းပၢင်ၸၢမ်းၸႂ်ႉတူၺ်း ၸၢၵ်ႈပၼ်ၶႅပ်းၵၢင်ၸႂ် ၼိူဝ်ဢွၼ်ႊလၢႆးၼၼ်ႉ မီးၸွမ်ၽွင်းလူင်မိူင်းတႆး ဢူးဢွင်ႇဢွင်ႇ၊ ၽူႈၵွၼ်းတိူင်းသိုၵ်းပွတ်းဢွၵ်ႇ ၸွမ်ႁၢၼ် ၸေႃႇမိၼ်းလတ်ႉလႄႈ ၶႃႈႁၢပ်ႇၵၢၼ် ၼႂ်းၸုမ်းၶွမ်ႊမသျိၼ်ႊၵၢၼ်လိူၵ်ႈတင်ႈမိူင်းႁူမ်ႈတုမ် ၶဝ်ႈႁူမ်ႈၸွမ်းၵႂႃႇ ၼႆယဝ်ႉ။ ၼင်ႇႁိုဝ်...

ဝၼ်းတီႈ 10/06/2025 ယၢမ်းၵၢင်ဝၼ်း 12:15 မိၼိတ်ႉ တပ်ႉသိုၵ်းပူတ်းပွႆႇၵူၼ်းမိူင်း PLA လႆႈပိုတ်းယိုဝ်း ၶိူင်ႈမိၼ် ၵျႅတ်ႉၾၢႆႇတိူဝ်ႇသိုၵ်းမၢၼ်ႈ တူၵ်းလမ်းၼိုင်ႈ ၽွင်းၶဝ်ႈတိုၵ်းတပ်ႉပလိၵ်ႈမၢၼ်ႈ ၼႂ်းၸႄႈဝဵင်းပလႄး တိူင်းၸႄႈၵႅင်း ဝႃႈၼႆ။ တႄႇဢဝ်ဝၼ်းတီႈ 02/06/2025 ၼၼ်ႉမႃး PLA တင်း တပ်ႉႁူမ်ႈႁွမ်း ထူဝ်းသိုၵ်းၶဝ်ႈတိုၵ်း ႁူင်းပလိၵ်ႈမၢၼ်ႈၵၢၼ်ႉတွၵ်ႉ ဢၼ်မီးဝႆႉတီႈၼိူဝ်သဵၼ်ႈတၢင်းပလႄး -...

မိူဝ်ႈၼႆႉ ဝၼ်းတီႈ 11/06/2025 ယၢမ်းၵၢင်ၼႂ်မွၵ်ႈ 10 မူင်းပၢႆ ၸုမ်းၵူၼ်းၼုမ်ႇၾၢႆၶုၼ် ပိုၼ်ၽၢဝ်ႇ ဢွၵ်ႇဝႃႈ လွင်ႈသိုၵ်းမၢၼ်ႈတင်း ၸုမ်းပျီႇတူႉၸိတ်ႉပဢူဝ်း PNO ႁေႃႈလိုပ်ႈၵူၼ်းဝၢၼ်ႈ ထုင်ႉၼွင်ထဝ် 6,000 ၵေႃႉ ၼႂ်းၸႄႈဝဵင်းသီႇသႅင်ႇၼႆႉ ပဵၼ်ၵၢၼ်လူလၢႆၵူၼ်းမိူင်းလႄႈ ပူၼ်ႉပႅၼ်သုၼ်ႇလႆႈသုၼ်ႇပဵၼ်ၵူၼ်း၊ ပဵၼ်ပိူင် ၾၢင်ႁၢင်ႈၵေႃႇၵၢၼ်ႁၢႆႉ ၼႆယဝ်ႉ။ ၼႂ်းထုင်ႉၼွင်ထဝ်ၼႆႉ မီးဝၢၼ်ႈတႆးလႄႈ ဝၢၼ်ႈၸၢဝ်းပဢူဝ်းယူႇသဝ်းဝႆႉသေ...

ပလိၵ်ႈမၢၼ်ႈ ၵေႃႉၼိုင်ႈ တီႈႁူင်းပလိၵ်ႈၵျၢႆႉထူဝ်ႇ မိူင်းမွၼ်း လၼ်ႇၵွင်ႈယိုဝ်း ၶႃႈတူဝ်တၢႆၵႂႃႇ တီႈႁွင်ႈယူႇသဝ်းမၼ်းၸၢႆး ၼႂ်းဝၼ်းတီႈ 08/06/2025 ၼႆႉ။ ဝၼ်းၼၼ်ႉ ယၢမ်းၵၢင်ၼႂ် ၽွင်းမၼ်းၸၢႆး မီးယူႇတီႈႁွင်ႈထႅဝ်ၵေႃႉလဵဝ် ၼႂ်းဝၢင်းလုမ်းပလိၵ်ႈ ၼၼ်ႉသေ ၶႃႈတူဝ်တၢႆၵႂႃႇ။ ပူၼ်ႉမႃးပႆႇပေႃးႁိုင်ၼၼ်ႉ မၼ်းၸၢႆး တီႉၺွပ်းၵူၼ်းႁိူၼ်း ဢၼ်ၸမ်ၸႂ်ၵၼ်တင်း တပ်ႉသိုၵ်းသေ ယွၼ်းငိုၼ်း 400 သႅၼ်၊...

ပၢင်တိုၵ်း သိုၵ်းမၢၼ်ႈတင်း သိုၵ်းတဢၢင်း ၼႂ်းၸႄႈဝဵင်းၼွင်ၶဵဝ် ယင်းပႆႇယဝ်ႉတူဝ်ႈ ပႆႇလႆႈႁူႉတႅတ်ႈတေႃး ဝႃႈၽႂ်ပေႉၽႂ်သုမ်းၼႆ ၽွင်းတိုၵ်ႉပဵၼ်ၶၢဝ်း တင်းသွင်ၾၢႆႇႁိမ်ၼႃႈတီႈၵၼ်သေ ယိုဝ်းၵၼ်ႁၢဝ်ႈႁႅင်းယူႇၼၼ်ႉ ၾၢႆႇသိုၵ်းတဢၢင်း ပိုၼ်ၽၢဝ်ႇဢွၵ်ႇဝႃႈ တႅပ်းတတ်းတႃႇၽွတ်ႈႁႅၼ်း ၶွမ်ႊမတီႊၸၼ်ႉၵၢၼ်မိူင်း သုင်သုတ်း ဝႃႈၼႆ။ ၼႂ်းၶွမ်ႊမတီႊ တိူင်ႇပၢင်ႇလွင်ႈၵၢၼ်မိူင်းတဢၢင်း (TPCC) ဢၼ်ၽွတ်ႈႁႅၼ်းမႃး မိူဝ်ႈဝၼ်းတီႈ 24/03/2021 ၼၼ်ႉ ၶဝ်ႈပႃးဝႆႉ ပႃႇတီႇၸိူဝ်ႉၸၢတ်ႈတဢၢင်း...