ၼႂ်းၶၢဝ်းတၢင်းလိူၼ်ၵျုၼ်ႊ လိူၼ်လဵဝ်ၵူၺ်း ၼၢင်းယိင်းလူႉတၢႆ ယွၼ်ႉသိုၵ်းမၢၼ်ႈ ယိုဝ်းတိုၵ်းသေ လူႉတၢႆၵႂႃႇ 34 ၵေႃႉၼႆ – ၸုမ်းၼၢင်းယိင်း BWU ၵဵပ်းၶေႃႈမုလ်း ႁၢႆးငၢၼ်းဢွၵ်ႇမႃး ၼႂ်းဝၼ်းတီႈ 10/07/2025 ၼႆႉၼင်ႇၼႆ။
ၼႂ်းလိူၼ်ၵျုၼ်ႊပူၼ်ႉမႃးၼႆႉ ယွၼ်ႉသိုၵ်းမၢၼ်ႈ ၸႂ်ႉႁိူဝ်းမိၼ်ပွႆႇမၢၵ်ႇ၊ ၸႂ်ႉၶိူင်ႈၵွင်ႈလူင်ယိုဝ်း၊ တီႉၺွပ်းၶႃႈတၢႆ၊ မၢင်ၵေႃႉသမ်ႉ ၽႃႇၺႃးမၢၵ်ႇမႅင်းၾင်လိၼ်သေ ၵူၼ်းမိူင်းလူႉတၢႆၵႂႃႇ 34 ၵေႃႉ၊ ၼႂ်းၼၼ်ႉ တႃႇ 4 ၵေႃႉတႄႉ ဢႃယုယင်းပႆႇတဵမ် 18 ပီ။ လိူဝ်ၼၼ်ႉ ၵူၼ်းမိူင်းမၢတ်ႇၸဵပ်းထႅင်ႈ 49 ၵေႃႉ။
ၵူၼ်းမိူင်း ဢၼ်ၺႃးၸုမ်းသိုၵ်းမၢၼ်ႈ ႁဵတ်းႁၢႆႉၶႃႈတၢႆၼႆႉ ၼမ်သုတ်း ပဵၼ်ၼႂ်းတိူင်းၸႄႈၵႅင်း၊ ၼမ်သုတ်းထီႉသွင်သမ်ႉ ပဵၼ်ၼႂ်းမိူင်းတႆး၊ မိူင်းယၢင်းလႅင်လႄႈ တိူင်းဝဵင်းလိူဝ်ႇ ၸိူဝ်းၼႆႉ။
မိူဝ်ႈၼႂ်းလိူၼ်ၵျုၼ်ႊၼၼ်ႉ တီႈၼႂ်းမိူင်းယၢင်းတီႈလဵဝ် ယွၼ်ႉသိုၵ်းမၢၼ်ႈႁဵတ်းႁၢႆႉသေ ၵူၼ်းမိူင်းလူႉတၢႆထိုင် 12 ၵေႃႉ မၢတ်ႇၸဵပ်း 46 ၵေႃႉၼႆ – ၸုမ်းသုၼ်ႇလႆႈသုၼ်ႇပဵၼ်ယၢင်းလႅင် (KnHRG) ပိုၼ်ၽၢဝ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ