မိူဝ်ႈဝၼ်းတီႈ 14 လိူၼ်တီႊသႅမ်ႊပိူဝ်ႊ ယၢမ်းၵၢင်ၼႂ် သိုၵ်းမၢၼ်ႈယိုတ်းမိူင်း ၸတ်းပၢင်သပ်းၸႅင်ႈၶၢဝ်ႇ ၵဵဝ်ႇ လွင်ႈၵၢၼ်ၽဵဝ်ႈမူၺ်ႉ ၸုမ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊ (ၵျႃႊၽျႅၼ်ႉ) ၼႂ်းမိူင်းႁူမ်ႈတုမ် လႄႈ ၸွမ်းလႅၼ်လိၼ် မိူင်းမၢၼ်ႈ- မိူင်းထႆး။ ဢိင်ၼိူဝ် ၵၢၼ်ၽဵဝ်ႈမူၺ်ႉ ၸုမ်းၵျႃႊၽျႅၼ်ႉၼႆႉသေ သိုၵ်းမၢၼ်ႈယိုတ်းမိူင်း ဢိုပ်းပႅတ်ႈ မၢႆယေးငိုၼ်း (Bank Account) တႃႇ 149...

မိူဝ်ႈၼႆႉဝၼ်းတီႈ 15/12/2025 ပဵၼ်ဝၼ်းၸိူဝ်ႉၸၢတ်ႈမိူင်းရၶႅင်ႇ ၶွပ်ႈၶူပ်ႇ 51 ပီတဵမ် မိၼ်းဢွင်ႇလၢႆႇ ၸွမ်ၸိၵ်းသိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇ ၽိုၼ်လိၵ်ႈမၢႆတွင်း - ၼႂ်းၼၼ်ႉလၢတ်ႈဝႆႉပႃးဝႃႈ ႁႂ်ႈဝၢင်းၶိူင်ႈသေ မႃးဢုပ်ႇၵၼ် ၼိူဝ်ၽိူၼ် လူၺ်ႈလၢႆးတၢင်းၵႄႈလိတ်ႈပၼ်ႁႃၵၢၼ်မိူင်း ဝႃႈၼႆ။ ၼႂ်းလိၵ်ႈသူင်ႇယိုၼ်ႈထိုင်ၸူး မၢႆတွင်းဝၼ်းၸိူဝ်ႉၸၢတ်ႈမိူင်းရၶႅင်ႇ ၶွပ်ႈတဵမ် 51 ပီၼၼ်ႉ မိၼ်းဢွင်ႇလၢႆႇ လၢတ်ႈၵႂႃႇဝႃႈ -...

ပၢင်လိူၵ်ႈတင်ႈဢၼ်သိုၵ်းမၢၼ်ႈတေၶိၼ်ၸတ်း ၵိုတ်းသိပ်းဝၼ်းပၢႆၵူၺ်းယဝ်ႉသေတႃႉ ၾၢႆႇၼိုင်ႈၵေႃႈ သိုၵ်းမၢၼ်ႈတိုၵ်ႉဢဝ်မၢၵ်ႇလူင်မၢၵ်ႇဢွၼ်ႇၸွမ်းပွႆႇသႂ်ႇၼႃႈလိၼ်ၸုမ်းလုၵ်ႉၽိုၼ်ႉတူင်ႉၼိုင်ယူႇ ။ ဢၼ်တုမ်ႉတိူဝ်ႉမၢတ်ႇၸဵပ်းလူႉတၢႆသမ်ႉ ဢမ်ႇၸႂ်ႈၵူၼ်းသိုၵ်းၵူၺ်း ပဵၼ်ၵူၼ်းမိူင်းလွၼ်ႉလွၼ်ႉ ။ ဢိင်ၼိူဝ်လွင်ႈသိုၵ်းမၢၼ်ႈ ပႆႇၵိုတ်းလွင်ႈႁၢႆႉၸႃႉၸိူဝ်းၼႆႉသေ သမ်ႉတေၶိုင်ႁဵတ်းပၢင်လိူၵ်ႈတင်ႈယူႇလႄႈ ၵူၼ်းၼုမ်ႇၸိူဝ်းလုၵ်ႉၽိုၼ်ႉသိုၵ်းမၢၼ်ႈၼႂ်းမိူင်းတႆး ဢွၼ်ၵၼ်သၢၼ်ၶတ်း ။ ဢမ်ႇၶႂ်ႈႁႂ်ႈၵူၼ်းမိူင်းၵႂႃႇတွတ်ႈပၼ် ၶႅပ်းၵၢင်ၸႂ်ဢၼ်ဢမ်ႇထုၵ်ႇၸွမ်းၾိင်ႈမိူင်း ။ ဝၼ်းတီႈ 28/12/2025 ၼႆႉ သိုၵ်းမၢၼ်ႈ မၵ်းမၼ်ႈပဵၼ် ဝၼ်း ၸတ်းပၢင်လိူၵ်ႈတင်ႈ...

ၼႂ်းလိူၼ်တီႊသႅမ်ႊပိူဝ်ႊ ႁၢင်ပီ 2025 ၼႆႉ သိုၵ်းမၢၼ်ႈႁၢင်ႈႁႅၼ်း တေတႄႇၸတ်းႁဵတ်း ပၢင်လိူၵ်ႈတင်ႈ ၵႂႃႇ ၵမ်းၶၵ်ႉၵမ်းတွၼ်ႈ။ သိုၵ်းမၢၼ်ႈလၢတ်ႈဝႃႈ ပၢင်လိူၵ်ႈတင်ႈ ဢၼ်တေၸတ်းႁဵတ်းၵမ်းၼႆႉ ၼင်ႇႁိုဝ်ဝၢၼ်ႈမိူင်း တေမီးလွင်ႈ ၼိမ်ယဵၼ် ၊ ၼင်ႇႁိုဝ်ၽူႈဢွၼ်ႁူဝ်ၵူၼ်းမိူင်း တေၶဝ်ႈပႃးမႃးၶိုၼ်း တီႈၼႂ်းၵၢၼ်ဢုပ်ႉပိူင်ၽွင်းငမ်း လႄႈ ၼင်ႇႁိုဝ် တေႁွတ်ႈၵႂႃႇထိုင်ၶိုၼ်း တီႈၼိူဝ်သဵၼ်ႈတၢင်း တီႊမူဝ်ႊၶရေႊၸီႊ ဝႃႈၼႆ။ ၽူႈလဵပ်ႈႁဵၼ်းၶဝ်တႄႉ...

သိုၵ်းမၢၼ်ႈလွၵ်ႇငိုတ်ႈၵူၼ်းမိူင်းလွႆၶေႃ မိူင်းယၢင်းလႅင်ဝႃႈ တွၼ်ႈတႃႇပၢင်လိူၵ်ႈတင်ႈဢၼ်တေၸတ်းႁဵတ်းၼႂ်းႁၢင်လိူၼ်ၻီႊသႅမ်ႊပိူဝ်ႊၼႆႉ သင်ဢမ်ႇၵႂႃႇသႂ်ႇၶႅပ်းၵၢင်ၸႂ်ၼႆၸိုင် တေဢမ်ႇဢဝ်ပုၼ်ႈၽွၼ်းလွင်ႈႁူမ်ႇလူမ်ႈပၼ် ၼႆသေ ၸႂ်ႉၵႂႃႇပၼ်ၶႅပ်းၵၢင်ၸႂ်လူင်ႈၼႃႈၼႆယဝ်ႉ ။ တႄႇႁူဝ်လိူၼ် တီႊသႅမ်ႊပိူဝ်ႊ ၼႆႉမႃး ႁွင်ႈၵၢၼ်ၾၢႆႇၵူတ်ႇထတ်းၵူၼ်းၶဝ်ႈမိူင်း လဝၵ ၵဵပ်းဢဝ်သဵၼ်ႈမၢႆမုင်ႉႁေႃႁိူၼ်း ၵူၼ်းမိူင်းၼႂ်းဝဵင်းလွႆၶေႃသေ ပိုၼ်ၽၢဝ်ႇတႃႇမႃးပၼ်ၶႅပ်းၵၢင်ၸႂ် ၊ သင်ဢမ်ႇၵႂႃႇပၼ်ၶႅပ်းၵၢင်ၸႂ် တွၼ်ႈတႃႇပၢင်လိူၵ်ႈတင်ႈၼႆၸိုင် တေဢမ်ႇဢဝ်ပုၼ်ႈၽွၼ်းပၼ် လွင်ႈႁူမ်ႇလူမ်ႈသင်ၼႆ လွၵ်ႇငိုတ်ႈပႃးထႅင်ႈၼင်ႇၼႆ ။ ၼၢင်းယိင်းၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၵၢင်ႉၵႄႇၼႂ်းပွၵ်ႉလႄႇလမ်းႁႃလၢတ်ႈ မၢႆဢၼ်တေလႆႈၵႂႃႇ...

သိုၵ်းမၢၼ်ႈယိုတ်းမိူင်း လုၵ်ႉတၢင်းၾၢႆႇတူၵ်းဝဵင်းမိူင်းမိတ်ႈသေ ႁႅၼ်းသိုၵ်းၵႂႃႇတၢင်း ၵျွင်းဢွင်ႇတေႃႇမူႇ - ၸၢင်ႉသွင်တူဝ်ၼၼ်ႉသေ သဵင်ၵွင်ႈတႅၵ်ႇ ယိုဝ်းၵၼ်တင်း ၸုမ်းၵူၼ်းၼုမ်ႇမိူင်းမၢၼ်ႈထုင်ႉပဵင်း (PDF) ၸူဝ်ႈၵႅပ်ႉ ၼႂ်းၸႄႈဝဵင်းမိူင်းမိတ်ႈ မိူင်းတႆးပွတ်းႁွင်ႇ။ မိူဝ်ႈဝၼ်းတီႈ 11 လိူၼ်တီႊသႅမ်ႊပိူဝ်ႊ ယၢမ်းၵၢင်ၼႂ် သိုၵ်းမၢၼ်ႈလၢမ်းလိမ်းယိုဝ်း ၵွင်ႈဢမျွၵ်ႈၵႂႃႇၸွမ်းသဵၼ်ႈတၢင်းတုၼ်းငႄႇ (တွင်းငယ်) ၼၼ်ႉသေ မၢၵ်ႇၵႂႃႇတူၵ်းသႂ်ႇၼႂ်းထုင်ႉ ၼႃး ၵႄႈၵၢင်ဝၢၼ်ႈၼမ်ႉတူၵ်း တင်း...

ႁူဝ်ၼႃႈသိုၵ်းမၢၼ်ႈယိုတ်းမိူင်း ၸွမ်ၸိၵ်းသိုၵ်းမိၼ်းဢွင်ႇလၢႆႇ လၢတ်ႈဝႃႈ - ၼႂ်းလိူၼ်မၢတ်ႉၶျ် ပီ 2026 ပီၼႃႈၼႆႉ တေလႅၵ်ႈလၢႆႈလူင်ပွင်ၸိုင်ႈမႂ်ႇယဝ်ႉ ဝႃႈၼႆ။ လွင်ႈၼႆႉ မိၼ်းဢွင်ႇလၢႆႇ လၢတ်ႈၵႂႃႇ ၽွင်းမိူဝ်ႈႁူပ်ႉထူပ်းၵၼ်တင်း ၸုမ်းလူင်ပွင်ၸိုင်ႈတိူင်းယၢၼ်ႇၵုင်ႇ ၼႂ်းဝၼ်းတီႈ 11 လိူၼ်တီႊသႅမ်ႊပိူဝ်ႊ (မိူဝ်ႈဝႃး)ၼႆႉ။ ပၢင်လိူၵ်ႈတင်ႈ ဢၼ်သိုၵ်းမၢၼ်ႈတေဢွၼ်ၼမ်းၸတ်းႁဵတ်းၼႆႉ ၶၵ်ႉတွၼ်ႈၼိုင်ႈ တေပဵၼ် ဝၼ်းတီႈ 28...

သိုၵ်းမၢၼ်ႈၼႆႉ ႁူႉဝႃႈၶႂ်ႈၸတ်းႁဵတ်းပၢင်လိူၵ်ႈတင်ႈၵူၺ်း ဢမ်ႇဝူၼ်ႉသွၼ်ႇပၼ် လွင်ႈႁူမ်ႇလူမ်ႈလႄႈ လွင်ႈလွတ်ႈၽေး ၵူၼ်းမိူင်း ။ ၸုမ်းပႃႇတီႇၸိူဝ်းပၼ်သဵၼ်ႈမၢႆတေၶဝ်ႈလိူၵ်ႈတင်ႈၵေႃႈ ဢမ်ႇၸၢင်ႈႁႃသဵင်လီလီ ။ ၽူႈထတ်းသၢင်ၵၢၼ်မိူင်းၶဝ်လၢတ်ႈဝႃႈ သိုၵ်းယိုတ်းမိူင်းတေၸတ်းပၢင်လိူၵ်ႈတင်ႈၼႆႉ မၼ်းမိူၼ်ငဝ်းလၢႆးမိူဝ်ႈပီ 1951 – 1952 ။ တေၸႅၵ်ႇၸတ်းၵႂႃႇပဵၼ်ပွတ်းပဵၼ်တွၼ်ႈ ။ ပိူင်မၼ်းၵေႃႈယုင်ႈ ၊ လၢႆးသူၼ်းတုမ်ၵေႃႈ သိုၵ်းမၢၼ်ႈႁႄႉႁၢမ်ႈၵမ်ၵိၼ်းဝႆႉလၢႆလွင်ႈ ။ ယႃႇဝႃႈ...

တီႈၵဵတ်ႉလၢၼ်ႇ ၼိူဝ်သဵၼ်ႈတၢင်း ႁူဝ်ပူင်း - တူၼ်ႈတီးၸိုင်ႈတႆးပွတ်းၸၢၼ်းၼၼ်ႉ ပလိၵ်ႈမၢၼ်ႈ သိုၵ်းမၢၼ်ႈ ၵူတ်ႇထတ်းၶူဝ်းၵုၼ်ႇ  ဝႂ်လၢႆႊသိၼ်ႊရူတ်ႉၵႃးသေ ယွၼ်းငိုၼ်း ၸဝ်ႈၵႃးတၢင်ႇၵုၼ်ႇ ၼပ်ႉႁူဝ်သႅၼ်ပျႃး ဝႃႈၼႆ ။ တႄႇႁူဝ်လိူၼ် တီႊသႅမ်ႊပိူဝ်ႊ ၼႆႉမႃး သိုၵ်းမၢၼ်ႈပႂ်ႉႁိမ်းတူဝ်းၵဵတ်ႉ ၼိူဝ်သဵၼ်ႈတၢင်းႁူဝ်ပူင်း- တူၼ်ႈတီးသေ ပႂ်ႉၵူတ်ႇထတ်း ႁၢမ်ႈၵႃးတၢင်ႇၵုၼ်ႇယွႆႈၶဝ်ႈဢွၵ်ႇၵႂႃႇမႃး။ ပေႃးၵူတ်ႇထတ်းထူပ်းႁၼ်ၸိုင် ယွၼ်းငိုၼ်း   ၼိုင်ႈလမ်း...

မိူဝ်ႈဝႃး ဝၼ်းတီႈ 10/12/2025 ယၢမ်းၵၢင်ၶမ်ႈ 9 မူင်းပၢႆ သိုၵ်းမၢၼ်ႈယိုတ်းမိူင်း ဢဝ်ႁိူဝ်းမိၼ်တိုၵ်း ၵႂႃႇပွႆႇမၢၵ်ႇလူင်သႂ်ႇ ႁူင်းယႃလူင် တီႈဝဵင်းမျွၵ်ႉဢူး မိူင်းရၶႅင်ႇ ၵူၼ်းမိူင်းလူႉတၢႆ 33 ၵေႃႉ မၢတ်ႇၸဵပ်း 76 ၵေႃႉ ။ တေႃႇထိုင်ၼႂ်ၼႆႉ 11/12/2025 သဵၼ်ႈမၢႆဢွၵ်ႇမႃးဝႃႈ ၵူၼ်းၸိူဝ်းလူႉတၢႆၼႆႉ ပဵၼ်ၼၢင်းယိင်း 17...

တပ်ႉသိုၵ်းမၢၼ်ႈ တင်း တပ်ႉသိုၵ်းရတ်ႉသျႃႊ ႁူပ်ႉထူပ်းဢုပ်ႇဢူဝ်းၵၼ် တီႈၼေႇပျီႇတေႃႇသေ ၶွတ်ႇၽွတ်ႈၶွမ်ႊမတီႇ တႃႇႁူမ်ႈၵၼ်ၽဵဝ်ႈမူၺ်ႉ ၸုမ်းၵေႃႇၵၢၼ်ႁၢႆႉၵႂႃႇ ၼႆယဝ်ႉ။ မိူဝ်ႈဝၼ်းတီႈ 9 လိူၼ်တီႊသႅမ်ႊပိူဝ်ႊ ၾၢႆႇတပ်ႉသိုၵ်းမၢၼ်ႈ တူဝ်တႅၼ်းပဵၼ် ၸွမ်သိုၵ်း တၢၼ်းထၢႆႉ ယူႇၾၢႆႇလုမ်းႁဵတ်းၵၢၼ်ၵႅတ်ႇၶႄၸိုင်ႈမိူင်း (တပ်ႉပႆလိၼ်) သေ ၼမ်းၼႃႈလုၵ်ႈၼွင်ႉပွင်ႈပၢႆ ၶဝ်ႈႁူမ်ႈဢုပ်ႇဢူဝ်းၵၼ်တင်း ၵႅမ်ၽူႈၵုမ်းတပ်ႉပႆလိၼ် မိူင်းရတ်ႉသျႃႊ Colonel General...

မိူဝ်ႈႁူဝ်လိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈ တင်း ၸုမ်းသိုၵ်းလုၵ်ႉၽိုၼ်ႉ ယိုဝ်းၵၼ် ၼႂ်းၸႄႈဝဵင်းမိူင်းၵုတ်ႈ၊ ၸႄႈဝဵင်းမိူင်းမိတ်ႈသေ သိုၵ်းမၢၼ်ႈၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၵူၼ်းမိူင်းၼႂ်းပိုၼ်ႉတီႈ မၢတ်ႇၸဵပ်းလူႉတၢႆ ၼပ်ႉႁူဝ်သိပ်းၵေႃႉ ။ တႄႇဝၼ်းတီႈ 6 တေႃႇထိုင် ဝၼ်းတီႈ 9 ယၢမ်းၵၢင်ၶမ်ႈ 8 မူင်းၶိုင်ႈ သဵင်ၵွင်ႈယင်းတိုၵ်ႉတႅၵ်ႇပၼ်း လင်ယွၼ်ႈထိုင် ၸွမ်းၼႂ်းပွၵ်ႉဝၼ်းဢွၵ်ႇ ၸႄႈဝဵင်းမိူင်းၵုတ်ႈ...

လွင်ႈတုၵ်ႉလွင်ႈယၢပ်ႇ ၵူၼ်းၼိုင်ႈၵေႃႉၼၼ်ႉ ၽႂ်ၸမ်ၵေႃႈ မၼ်းၸွႆႈၵၼ်လႆႈ တိုတ်ႉတၢႆးၵၼ်လႆႈယူႇၼႆသေတႃႉ သင်ပဵၼ်မူႇပဵၼ်ၵေႃ ပဵၼ်ဝၢၼ်ႈပဵၼ်မိူင်းမႃးသမ်ႉ ယိင်ႈၶႅၼ်းလူဝ်ႇတၢင်းၸွႆႈထႅမ် တႃႇႁႂ်ႈၵုမ်ႇထူၼ်ႈ တူဝ်ႈထိုင် ၵူၼ်းၵူႈၵေႃႉၼၼ်ႉဢမ်ႇငၢႆႈ ။ ၸင်ႇၼၼ်လႄႈ ၵၢပ်ႈပၢၼ်မႂ်ႇၼႆႉ ၼင်ႇႁိုဝ် တေပိူင်းၼႄလႆႈ လွင်ႈတုၵ်ႉလွင်ႈၶီ လွင်ႈမႆႈလွင်ႈလိူတ်ႇ ၵူၼ်းတီႈလႂ်တီႈၼၼ်ႈၼၼ်ႉ ၸင်ႇဢွၼ်ၵၼ် ထၢႆႇငဝ်းတူင်ႉလႄႈသင် ၶႅပ်းႁၢင်ႈလႄႈသင် ၸိူဝ်းၼႆႉသေ ဢွၵ်ႇသဵင်တႅၼ်းပၼ်ၵူၼ်းၸိူဝ်းၼၼ်ႉမႃးၶိူဝ်းယႂ်း...

တွၵ်ႊတိူဝ်ႊဢွင်ႇၸေႇယၵႅမ်ၽွင်းလူင် ႁွင်ႈၵၢၼ်ၾၢႆႇပၢႆးသၢႆႊ လႄႈ ဢၢႆႊထီႊ (IT) မိူင်းႁူမ်ႈတုမ် တႂ်ႈသိုၵ်းမၢၼ်ႈယိုတ်းမိူင်းၵုမ်း ၵႂႃႇႁူပ်ႉထူပ်းတင်း Mr. Chen Gang ၶျိူၼ်ႊၵၢင်ႊ ၽူႈၼမ်းၼႂ်း ပႃႇတီႇၶွမ်ႊမိဝ်ႊၼိတ်ႉ မိူင်းၶႄႇ Communist Party of China (CPC) တီႈဝဵင်းၼၢင်ႊၼိင်ႊ မိူင်းၶႄႇ ဢုပ်ႇဢူဝ်းၵၼ် တႃႇၸႂ်ႉတိုဝ်း...

ႁိူဝ်းမိၼ်သိုၵ်းမၢၼ်ႈပွႆႇမၢၵ်ႇၼႂ်းၸႄႈဝဵင်းမိူင်းမိတ်ႈ တူၵ်းသႂ်ႇတီႈဝၢၼ်ႈမျိတ်ႉသူင်ႇ တိူဝ်ႉၵူၼ်းဝၢၼ်ႈလႄႈၵူၼ်းပၢႆႈၽေးသိုၵ်း တၢႆ 11 ၵေႃႉ။ ၼႂ်းဝၼ်းတီႈ 6/12/2025 ယၢမ်းၵၢင်ၼႂ် 9 မူင်း ႁိူဝ်းမိၼ်သိုၵ်းမၢၼ်ႈပွႆႇမၢၵ်ႇ တီႈဝၢၼ်ႈမိတ်ႉသူင်ႇ (မြစ်ဆုံရွာ) ဢၼ်မီးၼႂ်းၵႄႈ ဝဵင်းမိူင်းမိတ်ႈလႄႈ မၢၼ်ႈပဵင်း  ။ မၢၵ်ႇလူင်တူၵ်း 8 လုၵ်ႈ တႅၵ်ႇ 7 လုၵ်ႈ  တိူဝ်ႉၵူၼ်းတၢႆ 11...