မိူဝ်ႈဝၼ်းတီႈ 3 လိူၼ်မၢတ်ႉၶျ် သိုၵ်းမၢၼ်ႈယိုတ်းမိူင်းပိုၼ်ၽၢဝ်ႇဢွၵ်ႇဝႃႈ တီႉၺွပ်းဢဝ်လႆႈ ၵူၼ်းမိူင်းၶႄႇ ႁဵတ်းၵၢၼ်လွၵ်ႇလႅၼ်လိၼ်ငိုၼ်းတင်းဢွၼ်ႊလၢႆႊ (ၵျႃႊၽျႅၼ်ႉ) ယူႇတီႈပွၵ်ႉ 2 မႄႈၶွင် ဝဵင်းတႃႈၶီႈလဵၵ်း တႃႇ 390 ၵေႃႉ ၼႆယဝ်ႉ။ ၸုမ်းပလိၵ်ႈ လႄႈ သိုၵ်းမၢၼ်ႈ ၸိူဝ်းတူင်ႉၼိုင်ပၼ်ႇၵၢၼ်ၽွင်းငမ်းဝႆႉၼႂ်းဝဵင်းတႃႈၶီႈလဵၵ်း ႁူမ်ႈၵၼ် ၶဝ်ႈၵႂႃႇၵူတ်ႇထတ်းသွၵ်ႈတဝ် ၼႂ်းႁူင်းႁႅမ်းဢၼ်ဢမ်ႇတၢင်ႇမၢႆၾၢင်ဝႆႉၼၼ်ႉသေ ထူပ်းႁၼ် ၵူၼ်းမိူင်းၼွၵ်ႈ...

မိူဝ်ႈၼႆႉ ဝၼ်းတီႈ 3 လိူၼ်ၾႅပ်ႉပိဝ်ႊရီႇ တႃႇသိုဝ်ႉလႆႈ ၼမ်ႉမၼ်းၸၢၵ်ႈၼၼ်ႉ ၵူၼ်းမိူင်းၸိူဝ်းယူႇၼႂ်းၸႄႈဝဵင်းတူၼ်ႈတီး လႆႈၵႂႃႇၶဝ်ႈထႅဝ်ၵၼ်သေ ပႂ်ႉသိုဝ်ႉတီႈႁၢၼ်ႉၶၢႆၼမ်ႉမၼ်းၸၢၵ်ႈယူႇ ၼႆယဝ်ႉ။ ယွၼ်ႉၵူဝ်ဢမ်ႇသိုဝ်ႉလႆႈၼမ်ႉမၼ်းၸၢၵ်ႈမူတ်းသေ လႆႈၵႂႃႇပႂ်ႉၸႅၼ်ႇထႅဝ်ၵၼ်၊ ႁိမ်ၵၼ်သိုဝ်ႉၼမ်ႉမၼ်းၸၢၵ်ႈ လႄႈ ႁဵတ်းႁႂ်ႈၵႃႈၶၼ်ၼမ်ႉမၼ်းၸၢၵ်ႈ ပုင်ႈၶိုၼ်ႈၼမ်လိူဝ်ၵဝ်ႇ ၼႆ ယဝ်ႉ။ ၵူၼ်းမိူင်းဝဵင်းတူၼ်ႈတီးၵေႃႉၼိုင်ႈလၢတ်ႈဝႃႈ “မိူဝ်ႈလဵဝ် ဢွၼ်ၵၼ်မႆႈၸႂ်ဝႃႈ ၵူဝ်ၼမ်ႉမၼ်းၶၢတ်ႇၼႆႁႄ ဢွၼ်ၵၼ်မႃးပႂ်ႉၶဝ်ႈထႅဝ်၊ ႁိမ်ၵၼ်သိုဝ်ႉ။ ၵမ်ႈၽွင်ႈပႃးပုင်းယႂ်ႇပုင်းလူင်ႁႄ...

ၼၢင်းယိင်းဢွၼ်ႇ ဢႃႇယု 21 ပီ ၵေႃႉၼိုင်ႈ ယူႇပႃႇလႅင် ပွၵ်ႉ 1 ဝဵင်းတႃႈၶီႈလဵၵ်း ၵႂႃႇဢႅဝ်ႇႁူင်းပျေႃႇမူၼ်ႈ KTV သေ ႁႆၢၵႂႃႇလႆႈ 3 ဝၼ်း ၽိူဝ်ႇထူပ်းၵၼ်ၶိုၼ်း ၶၢပ်ႈတူဝ်တၢႆ ၺႃးၽဝ်ဝႆႉ ၵူၼ်းႁိူၼ်းဢမ်ႇႁူႉတေလႆႈၸႂ်ယႂ်ႇပိုင်ႈဢိင်ၽႂ်။ မိူဝ်ႈဝၼ်းတီႈ 13/2/2026 ၼၢင်းယိင်းဢွၼ်ႇဢႃႇယု 21 ပီ ၵေႃႉၼိုင်ႈ...

ယႃႈမဝ်းၵမ်ၼႂ်းမိူင်းတႆးပွတ်းဢွၵ်ႇ ၸွမ်းလႅၼ်လိၼ် လိူင်ႇၼမ်မႃးႁႅင်း - ပိူဝ်ႉထူင်ယႃႈၵႂႃႇမႃးၼိူဝ်သဵၼ်ႈတၢင်းလူင် တီႈဢိူင်ႇမိူင်းၽူင်း - ၺႃးပလိၵ်ႈမၢၼ်ႈလမ်းယိုဝ်းသေ တီႉၺွပ်းလႆႈတင်းၵူၼ်းတင်းယႃႈ။ မိူဝ်ႈဝၼ်းတီႈ 29/1/2026 ယၢမ်းတၢမ်းၶမ်ႈ ၵူၼ်းၸၢႆးမွၵ်ႈ 10 ၵေႃႉ ပႃးထူင်ပိူဝ်ႉလမ်လတ်းမႃးၸွမ်းသဵၼ်ႈတၢင်း ႁိမ်းသူၼ်ယၢင်တင်ရႃႇပႃႇ ဝၢၼ်ႈသီဝုၼ်းထွင်း ၸႄႈဝဵင်းတႃႈၶီႈလဵၵ်း ပလိၵ်ႈမၢၼ်ႈႁႄႉ ၶဝ်ဢမ်ႇၵိုတ်းလႄႈ လႆႈပိုတ်းယိုဝ်းၵၼ် သဵင်ၵွင်ႈတႅၵ်ႇၵႂႃႇၵမ်းၼိုင်ႈၼႆယဝ်ႉ။ ၵူၼ်းၸၢႆးၸိူဝ်းၼၼ်ႉ ဢဝ်ထူင်ပိူဝ်ႉၶဝ် ထိုမ်ႈပႅတ်ႈသေ...

တႄႇၼႂ်းႁၢင်လိူၼ် ၵျႅၼ်ႊၼိဝ်ႊရီႊၼႆႉမႃး ၼႂ်းၶၢဝ်းတၢင်းဝူင်ႈလဵဝ် ၵူၼ်းဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ 2 ၵေႃႉ ၺႃးတီႉၺွပ်း ယွၼ်းၵႃႈထုတ်ႇတူဝ် ဢၢၼ်ႇႁူဝ်လၢၼ်ႉ ဝႃႈၼႆ ။ မိူဝ်ႈဝႃး ဝၼ်းတီႈ 24/1/2026 ယၢမ်းၵၢင်ၼႂ် ၼၢင်းၸၢမ်တိပ်ႉဢႃယု မွၵ်ႈ 50 ပီ ယူႇပွၵ်ႉသၼ်သၢႆး(ၵ) ထုၵ်ႇ ၵူၼ်းၸၢႆး 4 ၵေႃႉပူၵ်ႉၼႃႈပူၵ်ႉတႃ...

ယၢမ်းလဵဝ် တီႈလႅၼ်လိၼ်တႆး - ထႆး ၼႂ်းဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်းၼႆႉ လွင်ႈၵူတ်ႇထတ်း တီႉၺွပ်းရူတ်ႉၵႃး ဢမ်ႇမီးဝႂ်ၶွၼ်ႇ (လၢႆႊသိၼ်ႊ) တႄႉ လူတ်းယွမ်းလူင်းၵႂႃႇယဝ်ႉသေတႃႉ ၸွမ်းတၢင်းၶဝ်ႈဢွၵ်ႇဝဵင်းတႄႉ သိုၵ်းမၢၼ်ႈ ယိုတ်းမိူင်းၶဝ် တိုၵ်ႉၵူတ်ႉထတ်းယွၼ်းငိုၼ်းယူႇ။ ၵူၼ်းပိုၼ်ႉတီႈ ဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ - “ၼႂ်းဝဵင်းတႄႉ ၶဝ်ဢမ်ႇပေႃးၵူတ်ႇထတ်းယဝ်ႉ။ တေမီးၸွမ်းၶႅပ်ႇဝဵင်းၾၢႆႇၼွၵ်ႈ ၸိူဝ်းၼၼ်ႉၵမ်ႈၼမ်ၵူၺ်း။ မိူၼ်ၸိူင်ႉ...

တီႈဝဵင်းတႃႈၶီႈလဵၵ်း လႅၼ်လိၼ်တႆး - ထႆးၼႆႉ ၸဝ်ႈၵၢၼ်ပၢႆးမၢၵ်ႇမီးယႂ်ႇ ႁၢၼ်ႉၶၢႆၶမ်း ၵျီးမႅတ်ႉတေႃးသူၺ်ႇမိၼ်း မိတ်ႊသတိူဝ်ႊ ဢႃးၶျၢင်ႇၼႆႉ ပဵၼ်ၵူၼ်းၵႃႉယႃႈမိုဝ်းယႂ်ႇလႄႈ ၸုမ်းၾၢႆႇၽဵဝ်ႈမူၺ်ႉယႃႈ မဝ်းၵမ်မိူင်းထႆး ပိုၼ်ၽၢဝ်ႇတီႉၺွပ်းဝႆႉ။ ၼႂ်းဝၼ်းတီႈ 18/06/2025 ၼႆႉ ၸုမ်းၾၢႆႇၽဵဝ်ႈမူၺ်ႉယႃႈမဝ်းၵမ် မိူင်းထႆး Office of the Narcotics Board – ONCB...

မိူဝ်ႈဝႃး ဝၼ်းတီႈ 18/06/2025 ယၢမ်းၵၢင်ၼႂ် 6 မူင်းပၢႆ ၸၢႆးၸိူင်းႁၢၼ် ၽူႈတႅမ်ႈ/ ႁွင်ႉၽဵင်းၵႂၢမ်းတႆး ၸိုဝ်ႈသဵင်ယႂ်ႇ ၵိုင်ႉၵၢင်ႉဢမ်ႇယူႇလီသေ လႆႈသူင်ႇယူတ်းယႃတူဝ် တီႈႁူင်းယႃသျေႉသွင်ႇ (ရှေ့ဆောင်) ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆး။ ၼၢင်းမွၼ်းႁွမ် ၵေႃႉပဵၼ်ၼွင်ႉယိင်း ၸၢႆးၸိူင်းႁၢၼ် လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ...

လႅၼ်လိၼ်တႆး - ထႆး တီႈဝဵင်းတႃႈၶီႈလဵၵ်းၼႆႉ လွင်ႈၽူႈလၵ်ႉၸၵ်ႉၶုတ်ႈ ၶႃႈႁႅမ်ၵၼ် လိူင်ႇၼမ်မႃးၶိုၼ်း ၵူႈဝၼ်းလႄႈ ၸွမ်းသဵၼ်ႈတႃႈသၢႆတၢင်း ၾၢႆႇၼွၵ်ႈဝဵင်းၸိူဝ်းၼႆႉၵေႃႈ ၵႆႉမီးလွင်ႈပိုတ်းယိုဝ်းၶႃႈႁႅမ်ၵၼ် ၼႆယဝ်ႉ။ ဝၼ်းတီႈ 06/06/2025 ပူၼ်ႉမႃးၼႆႉ ၼႂ်းၵႄႈဝၢၼ်ႈႁူၺ်ႈလူႉ(ဟွေလု) လႄႈ ဝၢၼ်ႈၽၵ်းႁီႉ တီႈၵူၼ်းၵႂႃႇ မႃးႁၢင်ႇတီႈၼိုင်ႈ ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼႆႉ ထူပ်းႁၼ်တူဝ်တၢႆ ၼၢင်းယိင်း ၵေႃႉ...

ဝၼ်းတီႈ 27/05/2025 ယၢမ်းၵၢင်ၼႂ် 10 မူင်းပၢႆ ၸုမ်းပလိၵ်ႈၽဵဝ်ႈမူၺ်ႉယႃႈမဝ်းၵမ် တီႉၺွပ်းလႆႈယႃႈမႃႉ ၵိုင်ႇငိုၼ်း မွၵ်ႈ 3,000 သႅၼ်ပျႃး ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။ ၾၢႆႇပလိၵ်ႈၽဵဝ်ႈမူၺ်ႉယႃႈမဝ်းၵမ် တီႉၺွပ်းလႆႈ ၵူၼ်းၸၢႆးသွင်ၵေႃႉ ၶီႇရူတ်ႉၶိုင်ႈ မႃးၼႂ်းဢိူင်ႇဝၢၼ်ႈလူင်၊ ႁိမ်းဝၢၼ်ႈလွႆသထူင်ႇၼၼ်ႉသေ ၵူတ်ႇထတ်းလႆႈ ယႃႈမဝ်းၵမ် တႃႇငိုၼ်းမၢၼ်ႈ 5 ပၢၵ်ႇသႅၼ်ပျႃး၊ ၾူၼ်း...

ဝၼ်းတီႈ 16/05/2025 ယၢမ်းၵၢင်ၼႂ် ယူႇတီႈ ၵေႃလိၵ်ႈလၢႆးလႄႈ ၾိင်ႈငႄႈတႆးတင်း ၸုမ်းၵူၼ်းၼုမ်ႇတႆး T.Y.O သေ ႁူမ်ႈၵၼ် ၸတ်းႁဵတ်းပွႆးလူင်းပၢင်သွၼ်လိၵ်ႈတႆး ၶၢဝ်းမႆႈ တီႈႁူင်းႁေႃ ၵေႃလိၵ်ႈလၢႆး ဢိူင်ႇႁွင်ႈလိုၵ်ႉ ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း မီးသင်ၶ ၊ လုၵ်ႈႁဵၼ်း ၊ မေႃသွၼ်လႄႈ ၽူႈယႂ်ႇၵူၼ်းလူင် ၶဝ်ႈႁူမ်ႈဢမ်ႇယွမ်း...

ထဝ်ႈယိင်း ဢႃယု 60 ပၢႆၵေႃႉၼိုင်ႈ ယူႇဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ ၺႃးၸုမ်းဢမ်ႇႁူႉၾၢႆႇ တီႉၺွပ်းႁဵတ်းပဵၼ်တူဝ်ယိူဝ်ႇၵႂႃႇ ဝႃႈၼႆ။   ဝၼ်းတီႈ 10/03/2025 ယၢမ်းၵၢင်ၶမ်ႈမွၵ်ႈ 9 မူင်းၶိုင်ႈ မီးၵူၼ်းၸၢႆး 2 ၵေႃႉ ၶီႇၵႃး Crown သီလမ် လမ်းၼိုင်ႈ မႃးၵိုတ်းႁိမ်းႁိူၼ်း ပႃႈၸၢမ်သႅင်း ဢႃယု...

ၸဝ်ႈဢႃႇၼႃႇသိုၵ်းၼႆႉ မိူင်းလႂ်သေဢမ်ႇဝႃႈ ၵူၼ်းမိူင်းထတ်းသၢင်တိုၼ်းဢမ်ႇလႆႈ။ ၽႂ်ထတ်းသၢင် ၵေႃႈ ၺႃးလိုပ်ႈလမ်း တီႉၺွပ်းပၼ်တူတ်ႈတၢမ်ႇၶွၵ်ႈ တိၵ်းတိၵ်း။ ၸဝ်ႈဢႃႇၼႃႇသိုၵ်းမၢၼ်ႈ ယိင်ႈၶႅၼ်းတွၼ်း။ သူပ်းတႄႉဝႃႈ ၶႂ်ႈၵေႃႇသၢင်ႈ မိူင်းတီႊမူဝ်ႊၶရေႊသီႊ ဢၼ်မီးလွင်ႈၽဵင်ႇပဵင်းပဵၼ်ထမ်းၼႆသေတႃႉ ပေႃးပဵၼ်ၵူၼ်းထတ်းသၢင် လွင်ႈႁဵတ်းသၢင်ႈၶဝ်ၸိုင် မုၼ်ၸဝ်ႈ ၼၢင်းယိင်း လုၵ်ႈဢွၼ်ႇၶဝ် တိုၼ်းဢမ်ႇဝူၼ်ႉ - တီႉၺွပ်းပၼ်တူတ်ႈတၢမ်ႇၵႃႈဝႃႈၵႃႈပဵၼ်။ တီႈဝဵင်းတႃႈၶီႈလဵၵ်း ဢၼ်တိတ်းၸပ်းလႅၼ်လိၼ်ထႆးၼၼ်ႉၵေႃႈ ၼႄးဝႃႈ...

တႃႇၵမ်ၵိၼ်း ၸုမ်းႁဵတ်းၵၢၼ်ၵျႃးၽႅၼ်ႉ ဢၼ်လွၵ်ႇလႅၼ်ၵိၼ်ငိုၼ်းတၢင်းဢွၼ်ႊလၢႆႊၼႆသေ ၾၢႆႇမိူင်းထႆးပိုၼ်ၽၢဝ်ႇ တတ်းၾႆးၾႃႉ - ၼမ်ႉမၼ်းၸိူဝ်ႉၾႆး တေႃႇမိူင်းႁူမ်ႈတုမ်လႄႈ ႁဵတ်းႁႂ်ႈတုမ်ႉယွၼ်ႈ ၵူၼ်းမိူင်းတႆးတင်းၼမ်။ ဢၼ်တုမ်ႉယွၼ်ႈႁႅင်းတႄႉ ၸွမ်းလႅၼ်လိၼ်တႆး - ထႆး ၼၼ်ႉယဝ်ႉ။ ၵၢပ်ႈယၢမ်းလဵဝ် ၶိူင်ႈၸႂ်ႉတိုဝ်း ၼႂ်းၼႃႈၵၢၼ်ၵူႈလွင်ႈလွင်ႈၼႆႉ လႆႈၸႂ်ယႂ်ႇၾႆးၾႃႉ၊ တႃႇၵႂႃႇမႃးၸူးၵၼ် တႃႇတေႃႉၶူဝ်း ၵုၼ်ႇ တႄႇၵႂႃႇၸိူဝ်းၼႆႉၵေႃႈ လႆႈၸႂ်ယႂ်ႇၼမ်ႉမၼ်းၸိူဝ်ႉၾႆးလႄႈ ၾၢႆႇမိူင်းထႆးသမ်ႉ...

ၼႂ်းလိူၼ်ၾႅပ်ႊပိဝ်ႊရီႊ 2025 ၼႆႉ ႁွင်ႈၵၢၼ်ၾၢႆႇၵုမ်းရူတ်ႉၵႃး လူင်းတီႉရူတ်ႉၵႃး ၸိူဝ်းဢမ်ႇမီးဝႂ်လၢႆႊသိၼ်ႊ ၼႂ်းၸိုင်ႈတႆးပွတ်းဢွၵ်ႇ ႁဵတ်းႁႂ်ႈၵူၼ်းမိူင်း ၵႂႃႇမႃးယၢပ်ႇ။ ၵူၼ်းၸိူဝ်းလူဝ်ႇၵႃႉလူဝ်ႇၶၢႆၵေႃႈ ဢမ်ႇထၢင်ႈႁၢင်ႈ။ ဢၼ်ပၼ်ၶႂၢင်ႉ ဢ ၼုယၢတ်ႈဢဝ်ရူတ်ႉၵႃး ဢမ်ႇမီးဝႂ်ၶဝ်ႈၵေႃႈပဵၼ်ၶဝ်၊ ယၢမ်းလဵဝ် ဢၼ် လမ်းတီႉၶိုၼ်းၵေႃႈ ပဵၼ်ၶဝ်။ မိူၼ်တၢင်းၶႂ်ႈမိပ်ႇငႅၼ်းၵမ်ၵိၼ်းၵူၼ်းမိူင်းၵူၺ်း ဝႃႈၼႆ။     ၼႂ်းလိူၼ်ၵျႅၼ်ႊၼိဝ်ႊရီႊ 2025 ၼၼ်ႉ...