ဝဵင်းတႃႈၶီႈလဵၵ်း

ၼႂ်းၶၢဝ်းတၢင်းၼိုင်ႈဝူင်ႈမႃးၼႆႉ တီႉၺွပ်းလႆႈယႃႈမဝ်းၵမ် ၼႂ်းမိူင်းတႆးလၢႆလၢႆတီႈ ၵိုင်ႇငိုၼ်း ၼပ်ႉႁူဝ်ပၢၵ်ႇ ပီႊလီႊယၼ်ႊ ငိုၼ်းမၢၼ်ႈ - ပလိၵ်ႈၾၢႆႇၵႂၢတ်ႇလၢင်ႉ ၽဵဝ်ႈမူၺ်ႉယႃႈမဝ်းၵမ် တႂ်ႈသိုၵ်းမၢၼ်ႈ ပိုၼ်ၽၢဝ်ႇဝႆႉၼင်ႇၼႆ။ ဝၼ်းတီႈ 6/1/2025 ၼႆႉ တီႉၺွပ်းလႆႈ Happy Water ၊ Ecstasy(E) လႄႈ Methamphetamine တီႈဝဵင်း တႃႈၶီႈလဵၵ်း ၵိုင်ႇငိုၼ်း...

မိူဝ်ႈၼႆႉ ဝၼ်းတီႈ 19/12/2024 ယၢမ်းၵၢင်ၼႂ် 6:47 မူင်း မီးၽူႈၸၢႆးသွင်ၵေႃႉ လၢၵ်ႈၸၼ်ထူင်ငိုၼ်း ၼၢင်းယိင်းၼုမ်ႇ ၵေႃႉၼိုင်ႈ တီႈၼႃႈႁိူၼ်း ပွၵ်ႉသၼ်သၢႆး (ၵ) ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆး။ ၵူၼ်းတႃႈၶီႈလဵၵ်း ၽူႈၸၢႆး ဢႃယုမွၵ်ႈ 30 ၵေႃႉၼိုင်ႈ လၢတ်ႈၽူႈတွႆႇႁွၵ်ႈဝႃႈ -...

ၼႂ်းပီ 2024 ၼႆႉ ၼမ်ႉလုပ်ႇထူမ်ႈၼႂ်းဝဵင်းတႃႈၶီႈလဵၵ်းမႃး ဢမ်ႇယွမ်း 9 ပွၵ်ႈယဝ်ႉ ပွၵ်ႈၼႆႉ ၼမ်ႉၾူၼ် ယိုင်ႈၼွင်းထူမ်ႈထႅင်ႈ ယွၼ်ႉတေႃႈလွတ်ႇၼမ်ႉတၼ် ႁဵတ်းႁႂ်ႈၼမ်ႉဢမ်ႇၸၢင်ႈလႆလူင်းၼႂ်းမႄႈၼမ်ႉ။   ၼႂ်းဝၼ်းတီႈ 15/12/2024 ယၢမ်းဝၢႆးဝၼ်း ၼမ်ႉၾူၼ်ယိုင်ႈၼွင်းထူမ်ႈ ၸွမ်းပွၵ်ႉသၼ်သၢႆးလႄႈ ၸွမ်းပိုၼ်ႉတီႈၶူင်ႈယၢၼ်း ၼႂ်းဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆး ႁဵတ်းႁႂ်ႈၵူၼ်း...

မိူဝ်ႈၼႆႉ ဝၼ်းတီႈ 13/12/2024 ယၢမ်းၵၢင်ၼႂ် 6:04 မူင်း ၸဝ်ႈၶွင်ႁၢၼ်ႉလႅၵ်ႈငိုၼ်း ထဝ်ႈၸၢႆးၵေႃႉၼိုင်ႈ ၺႃးၸုမ်းဢမ်ႇႁူႉၾၢႆႇ တီႉၺွပ်းဢဝ်ပဵၼ်တူဝ်ယိူဝ်ႇ တီႈၼႃႈႁိူၼ်းမၼ်းၸၢႆး ၾၢႆႇၼႃႈယေးငိုၼ်း (ပၢၼ်ႇ) KBZ မၢႆ 2 ပွၵ်ႉမႄႈၶၢဝ် ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆး။ ၵူၼ်းဝဵင်းတႃႈၶီႈလဵၵ်း ၽူႈယိင်း ဢႃယု...

ဝၼ်းတီႈ 10/12/2024 ယၢမ်းၵၢင်ၼႂ်မွၵ်ႈ 9 မူင်း ၸဝ်ႈၼႃႈတီႈ တီႉၺွပ်းလႆႈ ၵူၼ်းမိူင်းၶႄႇ 50 ပၢႆ ၼႂ်းသူၼ်တီႈၼိုင်ႈ ဝၢၼ်ႈလွႆသထူင်ႇ ဢိူင်ႇဝၢၼ်ႈလူင် ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။ ၵူၼ်းမိူင်းၶႄႇ 50 ပၢႆၼၼ်ႉ ၵမ်ႈၼမ် ပဵၼ်ၽူႈၸၢႆး၊ ၼၢင်းယိင်းၵေႃႈ ပႃးၽွင်ႈ။ ၵူၼ်းပိုၼ်ႉတီႈလၢတ်ႈဝႃႈ ၸိူဝ်းၶဝ်ပဵၼ် ၵူၼ်းမိူင်းၶႄႇ...

ဝၢႆးသိုၵ်းမၢၼ်ႈ ယိုတ်းမိူင်းသေ ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼႆႉ ၵူၼ်းတိူဝ်းၼမ်လိူဝ်မႃး ပႃးၸဵမ်ၵူၼ်းတင်ႈၸႂ် မႃးၵေႃႇၵၢၼ်ႁၢႆႉၵေႃႈမီး ၼမ်လၢႆ။ ၵူၼ်းမိူင်း ၺႃးလၵ်ႉၺႃး ၸူၼ်ယူႇၵူႈလိူၼ် ပႆႇမီးၸုမ်းလႂ် ဢဝ်ပုၼ်ႈၽွၼ်း ၵႄႈလိတ်ႈပၼ်။ ႁၢင်လိူၼ်ၼူဝ်ႊဝိမ်ႊပိူဝ်ႊၼႆႉ တီႉၺွပ်းလႆႈ ၵူၼ်းလွၵ်ႇၵိၼ်ငိုၼ်း ဢမ်ႇယွမ်း 10 ၵေႃႉသေတႃႉ ၾၢႆႇသိုၵ်းမၢၼ်ႈသမ်ႉ ပိုၼ်ၽၢဝ်ႇ တီႉၺွပ်းလႆႈ 8 ၵေႃႉၵူၺ်း...

ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼႆႉ ၸဵမ်မိူဝ်ႈသိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃးထိုင် ဝၼ်းမိူဝ်ႈၼႆႉ ၽူႈလၵ်ႉၸၵ်ႉၶုတ်ႈလိူင်ႇၼမ်။ မီးၵူၼ်းၶဝ်ႈၸူၼ် ၶဝ်ႈလၵ်ႉ  ႁိူၼ်းယေးဢိၵ်ႇပႃးႁၢၼ်ႉ ၶၢႆၵုၼ်ႇၵူႈသႅၼ်း။ ၼႂ်းလိူၼ်ၼႆႉၵေႃႈ ၸူၼ်ၶဝ်ႈႁၢၼ်ႉၾူၼ်း ၼႂ်းပွၵ်ႉပႃႇလႅင် ႁၢၼ်ႉၼိုင်ႈ ယိုဝ်းသႂ်ႇၵူၼ်းၶၢႆၶူဝ်း တၢႆၵေႃႉၼိုင်ႈ။ ဝၢႆး ၼၼ်ႉ ပလိၵ်ႈလႄႈ ၽူႈမီးပုၼ်ႈၽွၼ်း လူင်းပိုၼ်ႉတီႈလမ်းၸွမ်းတႃႇတီႉၺွပ်း။ ၵူၺ်းၵႃႈ ၾၢႆႇတၢင်းၵူၼ်းၸူၼ် ၶိုၼ်းယိုဝ်းသႂ်ႇလႄႈ...

ၸဝ်ႈသိလ်ထမ်း ၶူးဝႃးဝုၼ်းၸုမ်ႉ လုၵ်ႉမိူင်းပူႊတၢၼ်ႊ ယေႃးၶိင်းႁွတ်ႈထိုင်ၶိုၼ်းမိူင်းၽူင်း ၸႄႈဝဵင်းတႃႈၶီႈလဵၵ်းယဝ်ႉ ဝႃႈၼႆ။ ဝၼ်းတီႈ 20/11/2024 ယၢမ်းဝၢႆးဝၼ်း 2 မူင်း ၸဝ်ႈသိလ်ထမ်းၶူးဝႃးဝုၼ်းၸုမ်ႉ ယေႃးၶိင်းပွၵ်ႈမႃးၶိုၼ်း ဝတ်ႉၽရႃႉထၢတ်ႈ သီႊတွၼ်ႊရိူင်း (သီရိတွၼ်းႁိူင်း) ဢိူင်ႇမိူင်းၽူင်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်းသေ ၶူးဝႃးၸဝ်ႈ ႁေႃးတြႃးပွၼ်ႈထမ်းပၼ်ပႃး တၵ်ႉၵႃႇသတ်ႉထႃးၵူၼ်းမိူင်း ၸိူဝ်းမႃးပႂ်ႉႁပ်ႉၸဝ်ႈတင်းၼမ် ၼႆယဝ်ႉ။ ၸဝ်ႈၶူးလူင် ၺႃႇၼသီႇရိ...

မိူဝ်ႈၼႆႉ ဝၼ်းတီႈ 13/11/2024 ယၢမ်းၵၢင်ၼႂ်မွၵ်ႈ 10 မူင်း မီးၸုမ်းဢမ်ႇႁူႉၾၢႆႇ ၽူႈၸၢႆး 4 ၵေႃႉ သွၼ်ႉရူတ်ႉၶိူင်ႈ မႃး ၸွမ်းသွင်လမ်း ၶဝ်ႈၸူၼ်ၼႂ်းႁၢၼ်ႉၶၢႆၾူၼ်း First Rate ဢၼ်ပိုတ်ႇဝႆႉတီႈပွၵ်ႉပႃႇလႅင် ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆး ၵူၼ်းႁဵတ်းၵၢၼ်တီႈႁၢၼ်ႉၶၢႆၾူၼ်းၼၼ်ႉ ၺႃးယိုဝ်းတၢႆ...

ယၢမ်းလဵဝ် ၵူၼ်းဝဵင်းတႃႈၶီႈလဵၵ်း ဢွၼ်ၵၼ်ၶၢင်းပွင်ႉ ထူပ်းတၢင်းယၢပ်ႇၽိုတ်ႇႁႅင်း ယွၼ်ႉၶီႈၵူမ်ႇၶီႈငႂ်ႈ တိုၵ်ႉၵိုတ်းဢုင်ၼမ် ၸွမ်းၼႂ်းပွၵ်ႉယွမ်ႇ ယွၼ်ႉၾၢႆႇလိူမ်ႈလႆႇ ဢမ်ႇပတ်းၽဵဝ်ႈႁဵတ်းလွင်ႈမူတ်းသႂ်ပၼ်။ တႄႇဢဝ် ဝၼ်းတီႈ 10/09/2024 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် မီးၶၢဝ်းတၢင်း 2 လိူၼ်ပၢႆယဝ်ႉ ၾၢႆႇလိူမ်ႈလႆႇ ဢမ်ႇပတ်းၽဵဝ်ႈပၼ် ၶီႈၵူမ်ႇၶီႈငႂ်ႈ ဢၼ်တိုၵ်ႉၵိုတ်းဢုင်ဝႆႉ ၸွမ်းၼႂ်းပွၵ်ႉၼႂ်းယွမ်ႇ တၢင်းၵၢတ်ႇတႃႈလေႃႉ၊ ပွၵ်ႉပုင်းထုၼ်း၊ ပွၵ်ႉသၼ်သၢႆး...

မိူဝ်ႈၼႆႉ ဝၼ်းတီႈ 14/10/2024 ယၢမ်းၵၢင်ၼႂ် ၽူႈယိင်းဢွၼ်ႇ 2 ၵေႃႉ သွၼ်ႉရူတ်ႉၶိူင်ႈ မႃးၸွမ်းၵၼ် လမ်းၼိုင်ႈသေ ပဵၼ်ၽေးၵိုင်ႉၵၢင်ႉ ပလၢတ်ႈလူမ်ႉ တီႈသဵၼ်ႈလူင် လွႆသထူင်ႇ ၼႂ်းဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ လႅၼ်လိၼ်တႆး - ထႆး ၵေႃႉသွၼ်ႉတၢင်းလင်ၼၼ်ႉ ၺႃးၵႃးၽႃႇသႂ်ႇ လူႉတၢႆထင်တီႈ။ ၵူၼ်းပိုၼ်ႉတီႈ ဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ...

ၶၢဝ်းတၢင်း သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းမႃး 3 ပီပၢႆၼႆႉ ၵၢၼ်ဝၢၼ်ႈၵၢၼ်မိူင်းဢမ်ႇၼိမ်သဝ်း ႁဵတ်းႁႂ်ႈၵူၼ်းၼႂ်းမိူင်းမၢၼ်ႈ ပတ်းပိုၼ်ႉ ႁႃၵိၼ်လဵင်ႉတွင်ႉယၢပ်ႇ ႁဵတ်းႁႂ်ႈၽူႈလၵ်ႉၸၵ်ႉၶုတ်ႈ လိူင်ႇၼမ်မႃး။ ၼႂ်းၶၢဝ်းတၢင်း လိူၼ်သွင်လိူၼ်မႃးၼႆႉ တီႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ ၾူၼ်တူၵ်းထပ်းၵၼ် ႁႅင်းၼမ်ႉသၢႆ ၼွင်းလူၼ်ႉၾင်ႇ လုပ်ႇၼွင်းထူမ်ႈ ၼႂ်းဝဵင်းတႃႈၶီႈလဵၵ်း ၵူၼ်းပိုၼ်ႉတီႈ ပဵၼ်ဢၼ်ယၢပ်ႇၸႂ် တႃႇႁႃၵိၼ်လဵင်ႉတွင်ႉ ၵူၺ်းဢမ်ႇၵႃး ယၢမ်းလဵဝ်...

မိူဝ်ႈၼႆႉ ဝၼ်းတီႈ 03/10/2024 ယၢမ်းၵၢင်ၼႂ် 1 မူင်းပၢႆ ၼမ်ႉသၢႆ တႄႇၼွင်းထူမ်ႈ တီႈပွၵ်ႉပုင်းထုၼ်၊ သၼ်သၢႆး၊ မႄႈ ၶၢဝ်လႄႈ ၸိူဝ်းပိုၼ်ႉတီႈ ၶူင်ႈယၢၼ်း ၼႂ်းဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆးထႅင်ႈ ၼႆယဝ်ႉ။   ၵူၼ်းပိုၼ်ႉတီႈ ဝဵင်းတႃႈၶီႈလဵၵ်း ၽူႈယိင်း ဢႃယု...

ပီၼႆႉ ၼမ်ႉသၢႆလူၼ်ႉၾင်ႇ ၼွင်းထူမ်ႈ ၼႂ်းဝဵင်းတႃႈၶီႈလဵၵ်း ႁၢဝ်ႈႁႅင်း ဢမ်ႇယွမ်း 7 ပွၵ်ႈယဝ်ႉ ဝၢႆးၼမ်ႉယူပ်ႈလူင်းယဝ်ႉ ႁဵတ်းႁႂ်ႈၵူၼ်းမိူင်းထူပ်းတၢင်းယၢပ်ႇၽိုတ်ႇ တႃႇပတ်းၽဵဝ်ႈၶီႈၵူမ်ႇၶီႈငႂ်ႈ ဢၼ်ၵိုတ်းၶမ်ဝႆႉ ၸိူဝ်းၼၼ်ႉ။ ယၢမ်းလဵဝ် ၼႂ်းဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆးၼႆႉ မၢင်ပွၵ်ႉမၢင်ယွမ်ႇ ၼမ်ႉယွမ်းလူင်းယဝ်ႉသေတႃႉ မၢင်ပွၵ်ႉတႄႉ တိုၵ်ႉထူမ်ႈဝႆႉယူႇလႄႈ ပွၵ်ႈၼႆႉ ယွၼ်ႉၼမ်ႉထူမ်ႈႁႅင်း...

သွင်ဝၼ်းထပ်းၵၼ်မႃးၼႆႉ မႄႈၼမ်ႉသၢႆ ၼွင်းလုပ်ႇထူမ်ႈ ၼႂ်းဝဵင်းတႃႈၶီႈလဵၵ်း - မႄႈသၢႆ လႅၼ်လိၼ်တႆး - ထႆး ႁၢဝ်ႈႁႅင်း မၢင်ဢွင်ႈတီႈ ၼမ်ႉလိုၵ်ႉပူၼ်ႉႁူဝ်ၵူၼ်းလႄႈ ၸွမ်ႁိူၼ်း ၸိူဝ်းၼႆႉ။ တႄႇဢဝ် ဝၼ်းတီႈ 10/09/2024 ယၢမ်းၵၢင်ၼႂ် တေႃႇထိုင် မိူဝ်ႈၼႆႉ ဝၼ်းတီႈ 11 မႄႈၼမ်ႉသၢႆ ၼွင်းလုပ်ႇ ထူမ်ႈ...