ဝၼ်းတီႈ 27/05/2025 ယၢမ်းၵၢင်ၼႂ် 10 မူင်းပၢႆ ၸုမ်းပလိၵ်ႈၽဵဝ်ႈမူၺ်ႉယႃႈမဝ်းၵမ် တီႉၺွပ်းလႆႈယႃႈမႃႉ ၵိုင်ႇငိုၼ်း မွၵ်ႈ 3,000 သႅၼ်ပျႃး ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။
ၾၢႆႇပလိၵ်ႈၽဵဝ်ႈမူၺ်ႉယႃႈမဝ်းၵမ် တီႉၺွပ်းလႆႈ ၵူၼ်းၸၢႆးသွင်ၵေႃႉ ၶီႇရူတ်ႉၶိုင်ႈ မႃးၼႂ်းဢိူင်ႇဝၢၼ်ႈလူင်၊ ႁိမ်းဝၢၼ်ႈလွႆသထူင်ႇၼၼ်ႉသေ ၵူတ်ႇထတ်းလႆႈ ယႃႈမဝ်းၵမ် တႃႇငိုၼ်းမၢၼ်ႈ 5 ပၢၵ်ႇသႅၼ်ပျႃး၊ ၾူၼ်း 1 လုၵ်ႈ ပဵၼ်ၵူၼ်းၼုမ်ႇ သႅၼ်းဢႃယု 19 ပီ ဝႃႈၼႆ။
မိူဝ်ႈယၢမ်းဝၢႆးဝၼ်း 3 မူင်းၼၼ်ႉသမ်ႉ တီႉၺွပ်းလႆႈ ၵူၼ်းၸၢႆးထႅင်ႈသၢမ်ၵေႃႉ ၶီႇရူတ်ႉၶိူင်ႈမႃး 3 လမ်း ၼႂ်း ပွၵ်ႉဝဵင်းၵႅဝ်ႈ ဝၢၼ်ႈတူၼ်ႈၵေႃႉၼွၵ်ႈ (တေႃႇၵေႃႉၼွၵ်ႈ) တေႃႉဢဝ်ယႃႈဢႆႊသ်မႃး တႃႇ 5 ၵီႊလူဝ်ႊ ၵိုင်ႇ ငိုၼ်းမွၵ်ႈ 500 သႅၼ်ပျႃးလႄႈ ၾူၼ်း 3 လုၵ်ႈ။ ၵူၼ်းၸိူဝ်းတေႃႉယႃႈမဝ်းၵမ်မႃးၼႆႉ ပဵၼ်ၵူၼ်းၼုမ်ႇ သႅၼ်းဢႃယု 20 ပီၶိုၼ်ႈၼိူဝ်။
လႆႈႁူႉဝႃႈ ယၢမ်းလဵဝ် ပလိၵ်ႈၶဝ် တီႉၺွပ်းဢဝ်လိူင်ႈ လူၺ်ႈတၢင်းၽိတ်းယႃႈမဝ်းၵမ် ဝႆႉတီႈႁူင်းပလိၵ်ႈႁွင်ႈလိုၵ်ႉ ၸႄႈဝဵင်းတႃႈၶီႈလဵၵ်ႈ။ ၾၢႆႇၵူတ်ႇထတ်းၽဵဝ်ႈမူၺ်ႉယႃႈမဝ်းၵမ်ၶဝ် တေသိုပ်ႇသွၵ်ႈတၢမ်းႁႃ ၵူၼ်းၸိူဝ်းၵဵဝ်ႇၶွင်ႈၸွမ်း လိူင်ႈၼႆႉသေ ဢဝ်တၢင်းၽိတ်းၵႂႃႇ ဝႃႈၼႆ။
တႅမ်ႈ – ၽူၺ်းၼုမ်ႇ
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ