ပေႃးဝႃႈ မုင်ႉႁေႃႁိူၼ်းလႂ် မီးၵူၼ်းဢၼ်ၾိင်ႈယၢမ်ႈလူႉၸိုင် ၼႃႈႁိူၼ်းၼၼ်ႉ တေဢမ်ႇမူၼ်း ၊ ၵူၼ်းႁူမ်ႈႁိူၼ်းၵေႃႈ ပဵၼ်ႁွၼ်ႉပဵၼ်မႆႈၸွမ်း ။ ဝၢၼ်ႈၼိုင်ႈဝၢၼ်ႈ မိူင်းၼိုင်ႈမိူင်းၼၼ်ႉ ပေႃးမီးၵူၼ်းၾိင်ႈယၢမ်ႈလူႉၼမ် ၵူၼ်းယူႇႁူမ်ႈဝၢၼ်ႈလဵဝ်မိူင်းလဵဝ်ၵၼ်ၵေႃႈ လႆႈသုၵ်ႉၸွမ်း ။ မိူၼ်ငဝ်းလၢႆးၵၢပ်ႈဝၢၼ်ႈပၢၼ်မိူင်းမိူဝ်ႈလဵဝ် ဢိင်ၼိူဝ် ၵူၼ်းၵေႃႇၵၢၼ်ႁၢႆႉၼမ်မႃးလႄႈ ၵူၼ်းၸိူဝ်းႁဵတ်းႁႃၵိၼ်သိုဝ်ႈယူဝ်းၵေႃႈ လႆႈယၢပ်ႇၸွမ်း ။ တီႈၶူဝ်ၶၢမ်ႈတႃႈၶီႈလဵၵ်း-မႄႈသၢႆၼႆႉ မီးၵူၼ်းၼႄၼႃႈတိူဝ်ႈဝႃႈ တေႃႉၶူဝ်းၵုၼ်ႇၼႆသေ...

ဝၼ်းတီႈ 5/7/2026 ၸဝ်ႈၼႃႈတီႈပလိၵ်ႈထႆးတီႈလၢၼ်ႇလႅၼ်လိၼ်ၶူဝ်မၢႆ 2 မႄႈသၢႆ တႃႈၶီႈလဵၵ်း ၵူတ်ႇထတ်းထူပ်းႁၼ်ယႃႈမဝ်းၵမ် (ယႃႈမႃႉ) 6 သႅၼ်မဵတ်ႉၼႂ်းရူတ်ႉသၢမ်လေႃႉလမ်း ၼိုင်ႈ ဢၼ်လုၵ်ႉတၢင်းဝဵင်းတႃႈၶီႈလဵၵ်းဢၢၼ်းၶဝ်ႈၼႂ်းဝဵင်းမႄႈသၢႆ မိူင်းထႆး ၼႆယဝ်ႉ။ ၸဝ်ႈၼႃႈတီႈပလိၵ်ႈထႆးပိုၼ်ၽၢဝ်ႇဝႃႈ -မၼ်းၸၢႆး ၶပ်းရူတ်ႉသၢမ်လေႃႉ တၢင်ႇမႃးၵွင်ႇၸေႈဢၼ်သႂ်ႇမၢၵ်ႇမႆႉမၢၵ်ႇတွၵ်ႇၼၼ်ႉသေ လုၵ်ႉၾင်ႇဝဵင်းတႃႈၶီႈလဵၵ်းသေၶၢမ်ႈၶူဝ်မၢႆ 2 မႃး။ ပလိၵ်ႈထႆးယွၼ်းၵူတ်ႇထတ်းလႄႈထူပ်းႁၼ်မႅၼ်ႈ ယႃႈမႃႉ 6 သႅၼ်မဵတ်ႉ...

မိူဝ်ႈၼႆႉဝၼ်းတီႈ 26 လိူၼ်ၵျုၼ်ႊ မႅၼ်ႈဝၼ်းသၢၼ်ၶတ်းယႃႈမဝ်းၵမ်လုမ်ႈၾႃႉ ၶွင်ႇသီႇဢဝ်ၶိုၼ်းၸိုင်ႈတႆး၊ တပ်ႉသိုၵ်းၸိုင်ႈတႆး (RCSS/SSA) လႄႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၼႂ်းမိူင်းတႆးပွတ်းႁွင်ႇ ၸတ်းႁဵတ်းပၢင်ၽဝ်ယႃႈမဝ်းၵမ်ၵႂႃႇ ၼႂ်းၼႃႈတီႈၵုမ်းၵမ် ၽႂ်မၼ်း။ ၾၢႆႇၶွင်ႇသီႇဢဝ်ၶိုၼ်းၸိုင်ႈတႆး၊ တပ်ႉသိုၵ်းၸိုင်ႈတႆး ႁဵတ်းလိၵ်ႈပိုၼ်ၽၢဝ်ႇဢွၵ်ႇ 3 ၶေႃႈ။ တူၵ်ႇတၵ်ႉလၢတ်ႈဝႃႈ - ၼႂ်းလၵ်းၼမ်း 6 ၶေႃႈ ဢၼ် RCSS...

ပလိၵ်ႈမၢၼ်ႈသိုၵ်းမၢၼ်ႈ  ဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၵူတ်ႇထတ်း တီႉၺွပ်း ၵူၼ်းလုတ်ႇလႅၼ်းယႃႈ ၾႆးၾႃႉ Vape -pod ၸွမ်းသဵၼ်ႈတၢင်းၵႂႃႇမႃးၼႂ်းပွၵ်ႉၼႂ်းယွမ်ႇ ႁၢဝ်ႈႁႅင်း  ။  ႁွင်ႈၵၢၼ်ၾၢႆႇပၢႆးယူႇလီ တႂ်ႈသိုၵ်းမၢၼ်ႈ  ပိုၼ်ၽၢဝ်ႇမိူဝ်ႈလိူၼ် ၾႅပ်ႉပိဝ်ႊရီႊ ႁူဝ်ပီ 2026 ၼႆႉဝႃႈ လႅၼ်းယႃႈ လႄႈ ၶူဝ်းၶွင်ဢၼ်ၵဵဝ်ႇၵပ်းလႅၼ်းယႃႈၵူႈသႅၼ်းသႅၼ်းၼႆႉ မၵ်းမၼ်ႈပဵၼ်သႅၼ်းယႃႈမဝ်းၵမ်ဝႆႉ။ ၵွပ်ႈၼႆ လႅၼ်းယႃႈၾႆးၾႃႉၵေႃႈပႃးၼႂ်းသႅၼ်းယႃႈမဝ်းၵမ်ဢၼ်ႁၢမ်ႈၵၼ်ဝႆႉ။...

တႄႇႁူဝ်လိူၼ်ၵျုၼ်ႊၼႆႉမႃး သိုၵ်းၶႄႇၵဝ်ႈၵၢင်ႉ (MNDAA) တင်း သိုၵ်းဝႃႉ (UWSA) ၸိူဝ်းပၼ်ႇၵၢၼ်ၽွင်းငမ်း တင်ႈၵဵတ်ႉလၢၼ်ႇဝႆႉ ၼိူဝ်သဵၼ်ႈတၢင်းလူင် လႃႈသဵဝ်ႈ- မိူင်းၵႅတ်ႈ- မိူင်းယေႃၼၼ်ႉ ပႂ်ႉၵူတ်ႇထတ်း ၵူၼ်းမိူင်း တီႉၺွပ်း ဢဝ်လိူင်ႈလူၺ်ႈယႃႈလမ် လႄႈ ယႃႈမဝ်းၵမ် ၵူႈသႅၼ်းသႅၼ်း ။ ၵူၼ်းမိူင်းထုင်ႉမိူင်းၵႅတ်ႈ ၵေႃႉၵႆႉလတ်းၽၢၼ်ႇၵႂႃႇမႃး ၼိူဝ်သဵၼ်ႈတၢင်းလူင် ဢၼ်မီးသိုၵ်းဝႃႉ တင်း...

ပျီႇတူႉၸိတ်ႉPNO တီႉၺွပ်းၵူၼ်းသူႇသမ်းယႃႈ ၼႂ်းၸႄႈဝဵင်းပၢင်လွင်း ၊ ထုင်ႉပူင်း ၸိုင်ႈတႆးပွတ်းၸၢၼ်း  ပေႃႉထုပ်ႉ မႂ်ငိုၼ်းယဝ်ႉ  ပွႆႇပၼ်ၶိုၼ်း   ။  ၵၢင်လိူၼ်မေႊၼႆႉမႃး ပျီႇတူႉၸိတ်ႉ PNO တီႉၺွပ်းၵူၼ်းၼုမ်ႇၼႂ်းဝၢၼ်ႈတၵူးမိုဝ်ႉ ( တကူးမွူး) သေပေႃႉထုပ်ႉ မႂ်ယွၼ်းငိုၼ်း  ။ ၵူၼ်းၸၢႆးဝဵင်းပၢင်လွင်းလၢတ်ႈၽူႈတွႆႇႁွၵ်ႈဝႃႈ -“ ၸုမ်းPNOၶဝ်ၼႆႉယိပ်းၵွင်ႈသေ ပေႉၵိၼ်ၵူၼ်းမိူင်းၼႃႇ ၊ ၼႂ်းဝဵင်းပၢင်လွင်းတႄႉ ၶဝ်ဢမ်ႇပေႃးႁဵတ်းတႄႉတႄႉ...

ဝၢႆးလင်သိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း 2021 မႃး ၼႂ်းမိူင်းတႆးပွတ်းဢွၵ်ႇ လႄႈ မိူင်းတႆးပွတ်းၸၢၼ်း ၵူၼ်းၵိၼ်ၼမ်ႉၵထွမ်ႉ ၵိုင်ႉၵၢင်ႉလိူင်ႇၼမ်မႃးႁႅင်း မီးပႃးၵူၼ်းၼုမ်ႇၸိူဝ်း ဢႃႇယုပႆႇတဵမ် 18 ။ ၼမ်ႉၵထွမ်ႉၼႆႉ ပဵၼ်သႅၼ်းယႃႈမဝ်းၵမ် မဵဝ်းၼိုင်ႈသေ မၢင်ၸိူဝ်း ဢဝ်သႂ်ႇလေႃး ၼမ်ႉဝၢၼ် ၼမ်ႉသူႇရႃႇ မိူၼ်ၼင်ႇ ပီႇယႃႇ လႄႈ လဝ်ႈၵူႈသႅၼ်းသႅၼ်းသေ ၵိၼ်ၵေႃႈမီး။ ယၢမ်းလဵဝ် ၼၢင်းယိင်းသႅၼ်းသိၵ်ႉႁိၵ်ႉ...

ၼႂ်းဝူင်ႈၼႆႉ သိုဝ်ႇၶၢဝ်ႇၼႂ်းမိူင်းထႆး Chiang Mai News ႁၢႆးငၢၼ်းဢွၵ်ႇမႃးဝႃႈ ၸဝ်ႈၼႃႈတီႈထႆးၵူတ်ႇထတ်းတီႉၺွပ်းလႆႈ ယႃႈမဝ်းၵမ် 5 လၢၼ်ႉပၢႆ ၼႂ်းၸႄႈတွၼ်ႈၵဵင်းႁၢႆး၊ တီႉလႆႈပႃး လုၵ်ႈဢွၼ်ႇၸၢႆး တိုၵ်ႉမီးဢႃယု 14-15 ပီ လၢႆလၢႆၵေႃႉ ဝႃႈၼႆ။ ပူၼ်ႉမႃးဝၼ်းတီႈ 4/5/2026 ႁူဝ်ၶမ်ႈမွၵ်ႈ 6 မူင်း ၸဝ်ႈၼႃႈတီႈၵူတ်ႇထတ်း ဢွၼ်ႇၸၢႆးၵေႃႉၼိုင်ႈ...

တီႈဝဵင်းသူၺ်ႇၺွင်ႇ ၸိုင်ႈတႆးပွတ်းၸၢၼ်းၼႆႉ ပဵၼ်ၵူၼ်းတၢင်းမိူင်းမၢၼ်ႈ တူင်ႈပဵင်း မႃးယူႇသဝ်း ၼမ် တပ်ႉတေႃႉတၢင်ႇသိုၵ်းမၢၼ်ႈလႄႈႁွင်ႈၵၢၼ် လၢႆလၢႆဢၼ်ၶွင်သိုၵ်းမၢၼ်ႈၵေႃႈမီးၼမ် လႄႈၵိုၼ်းၶွၼ်ႈယူႇတႃႇသေႇ။ ယၢမ်းလဵဝ် ၼႂ်းဝဵင်းသူၺ်ႇၺွင်ႇယႃႈမႃႉ ယႃႈမဝ်းၵမ်လိူင်ႇၼမ် ။ ဢၼ်သႂ်ႇထူင်သေပႆၵႂႃႇၸွမ်းတႃႈ ၸွမ်းတၢင်း ၵႂႃႇသူင်ႇၵႂႃႇၶၢႆၵေႃႈမီး။ ဝၼ်းတီႈ 1/5/2026 ယၢမ်းၵၢင်ၼႂ် 11 မူင်း မီးၼၢင်းယိင်းၵေႃႉၼိုင်ႈ ဢဝ်ယႃႈမႃႉ 1 ႁဵင်မဵတ်ႉ သႂ်ႇထူင်သေပႆတၢင်းမႃး...

ၵၢပ်ႈပၢၼ်မႂ်ႇၼႆႉ ၵူၼ်းတေႃႇၵူၼ်းၵေႃႈ ၶၢႆၵိၼ်ၵၼ်ၶိုၼ်း ၊ လူလၢႆၵၼ်ၶိုၼ်း ၶႃႈႁႅမ်ၵၼ်ၶိုၼ်း။ ပိူင်ပဵၼ်ၸိူဝ်းၼႆႉ မီးမႃးၶိူဝ်းယႂ်း ။ ပေႃးဢမ်ႇၾၢင်ႉ ၸၢင်ႈတူၵ်းပဵၼ်တူဝ်ယိူဝ်ႇၵူၼ်းၸိူဝ်းဢမ်ႇမီးသတိ ဢမ်ႇမီးပၢႆးဝူၼ်ႉလီ ။ သင်လူႉႁၢႆတၢႆယွၼ်ႉၸိူဝ်းၼႆႉမႃး ဢမ်ႇၸၢင်ႈႁွင်ႉႁႃတီႈပိုင်ႈ ။ မိူၼ်ၼင်ႇ ၼုမ်ႇယိင်း ဢႃယု 21 ပီၵေႃႉၼိုင်ႈ တီႈတႃႈၶီႈလဵၵ်း ၸိုင်ႈတႆးပွတ်းဢွၵ်ႇ ႁၢႆၵႂႃႇလၢႆဝၼ်းသေ...

မိူဝ်ႈဝႃး ဝၼ်းတီႈ 24 လိူၼ်ၾႅပ်ႉပိဝ်ႊရီႇ သိုၵ်းဝႃႉ (UWSA) ပွတ်းၸၢၼ်း ၼႃႈလိၼ်သိုၵ်း 171 ၸတ်းပၢင် မွပ်ႈယႃႈမဝ်းၵမ် လႄႈ ၵူၼ်းၸိူဝ်းၵဵဝ်ႇၶွင်ႈ ႁဵတ်းၵၢၼ်ၵႃႉၶၢႆယႃႈၼၼ်ႉပၼ်သိုၵ်းမၢၼ်ႈ တီႈဝၢၼ်ႈႁူၺ်ႈဢေႃႈ ၸႄႈဝဵင်းမိူင်းတူၼ် ပဵၼ်ပွၵ်ႈၵမ်း 25 ဝႃႈၼႆ။ ယႃႈမဝ်းၵမ်ဢၼ်သိုၵ်းဝႃႉ ပွတ်းၸၢၼ်း ဢဝ်မွပ်ႈပၼ်တီႈသိုၵ်းမၢၼ်ႈၼၼ်ႉ ပဵၼ်ဢၼ်တီႉၺွပ်းလႆႈ မိူဝ်ႈဝၼ်းတီႈ 15...

မိူဝ်ႈဝၼ်းတီႈ 16/2/2026 ၼၢင်းယိင်းသႅၼ်းဢႃႇယု 30 ပီ ၵေႃႉၵႂႃႇယူႇသဝ်းဝႆႉ တီႈဝဵင်းပၢင်သၢင်း ၵႂႃႇဢႅဝ်ႇႁၢၼ်ႉပျေႃႇမူၼ်ႈ KTV တီႈၼိုင်ႈသေ ဢိုၵ်ႉၼမ်ႉယႃႈမဝ်းၵမ် ဢၼ်ၵူၼ်းတင်းၼမ်ႁွင်ႉဝႃႈ K ဢမ်ႇၼၼ် Happy water ၼၼ်ႉ ၼမ်ထိုင် 5 ၵွၵ်းလႄႈ ထိုင်တီႈပဵၼ်သျွတ်ႉၵႂႃႇ ထိုင်သၢႆၸႂ်ပေႃး လူႉၵႂႃႇ ၼႆယဝ်ႉ။ ပိူင်ပဵၼ်...

ယႃႈမဝ်းၵမ်ၼႂ်းမိူင်းတႆးပွတ်းဢွၵ်ႇ ၸွမ်းလႅၼ်လိၼ် လိူင်ႇၼမ်မႃးႁႅင်း - ပိူဝ်ႉထူင်ယႃႈၵႂႃႇမႃးၼိူဝ်သဵၼ်ႈတၢင်းလူင် တီႈဢိူင်ႇမိူင်းၽူင်း - ၺႃးပလိၵ်ႈမၢၼ်ႈလမ်းယိုဝ်းသေ တီႉၺွပ်းလႆႈတင်းၵူၼ်းတင်းယႃႈ။ မိူဝ်ႈဝၼ်းတီႈ 29/1/2026 ယၢမ်းတၢမ်းၶမ်ႈ ၵူၼ်းၸၢႆးမွၵ်ႈ 10 ၵေႃႉ ပႃးထူင်ပိူဝ်ႉလမ်လတ်းမႃးၸွမ်းသဵၼ်ႈတၢင်း ႁိမ်းသူၼ်ယၢင်တင်ရႃႇပႃႇ ဝၢၼ်ႈသီဝုၼ်းထွင်း ၸႄႈဝဵင်းတႃႈၶီႈလဵၵ်း ပလိၵ်ႈမၢၼ်ႈႁႄႉ ၶဝ်ဢမ်ႇၵိုတ်းလႄႈ လႆႈပိုတ်းယိုဝ်းၵၼ် သဵင်ၵွင်ႈတႅၵ်ႇၵႂႃႇၵမ်းၼိုင်ႈၼႆယဝ်ႉ။ ၵူၼ်းၸၢႆးၸိူဝ်းၼၼ်ႉ ဢဝ်ထူင်ပိူဝ်ႉၶဝ် ထိုမ်ႈပႅတ်ႈသေ...

ၵူၼ်းမိူင်းတႆးၼႆႉ ၸဵမ်ပူႇပၢၼ်မွၼ်ႇၵေႃႈ မေႃလႄႇပႃႇတဝ်ထိူၼ်ႇသေ ႁႃၵိၼ်လဵင်ႉတွင်ႉလူၺ်ႈၸႂ်သိုဝ်ႈယူဝ်း ။ ယွတ်ႈ ၽၵ်း မွၵ်ႇမၢၵ်ႇႁၢၵ်ႈႁူဝ် ဢၼ်ဢွၵ်ႇၸွမ်း ၶၢဝ်းလႂ်ၶၢဝ်းၼၼ်ႉ ၼႂ်းထိူၼ်ႇၼႂ်းၶိူဝ်းၼၼ်ႉၵေႃႈ ၵူၼ်းမိူင်းတႆး တိုၼ်းမီးၾိင်ႈမေႃသွၵ်ႈတဝ် ဢဝ်မႃးပဵၼ်ဢႁႃရတၢင်းၵိၼ်လဵင်ႉသၢႆၸႂ်ၽႂ်မၼ်း ။ ၵူၺ်းၵႃႈ ၵၢပ်ႈယၢမ်းလဵဝ် ဢမ်ႇထၢင်ႇႁၢင်ႈလတ်းၶဝ်ႈ ထိူၼ်ႇၶိူဝ်းၽိူဝ်မႆႉ ။ ပေႃးၵႂႃႇႁိုၵ်ႉသႂ်ႇ ဢွင်ႈတီႈဢၼ်ၸုမ်းမီးဢႃၼႃၶဝ် ပၵ်းယူႇဝႆႉၼႆ လႆႈမႆႈၸႂ်...

ဝၢႆးသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း လင်ပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 မႃးၼႆႉ ႁူင်းပျေႃႇမူၼ်ႈၼမ်၊ ယႃႈမဝ်းၵမ်လိူင်ႇၶိုၼ်ႈမႃးၵူႈမိုဝ်ႉၵူႈဝၼ်းလႄႈ ၵူၼ်းၼုမ်ႇ ၸိူဝ်းမီးယူႇၼႂ်းၸႄႈဝဵင်းတၢင်ႉယၢၼ်း ၾိင်ႈယၢမ်ႈလူႉႁႅင်း ၼႆယဝ်ႉ။ ၼႂ်းဝဵင်းတၢင်ႉယၢၼ်းၼႆႉ ႁူင်းပျေႃႇမူၼ်ႈ KTV မီးၼပ်ႉထိုင် 100 တီႈပၢႆယဝ်ႉလႄႈ ယႃႈမဝ်းၵမ်၊ ၵၢၼ်လွၵ်ႇငိုတ်ႈ လႅၼ်ၵိၼ်ငိုၼ်းၵၼ်၊ ၽူႈလၵ်ႉၵူၼ်းၸူၼ်၊ ၵူၼ်းပႅၵ်ႇၼႃႈတၢင်ႇဝၢၼ်ႈတၢင်ႇဝဵင်း ၶဝ်ႈယူႇဝႆႉၼႂ်းဝဵင်းတၢင်ႉယၢၼ်းၼမ်ႁႅင်းတေႉတေႉၼႆ ၵူၼ်းမိူင်းပိုၼ်ႉတီၵေႃႉၼိုင်ႈလၢတ်ႈၼႄၼင်ႇၼႆ။ ၸၢႆးၼုမ်ႇ ဢႃႇယု 30...