တီႈဝဵင်းသူၺ်ႇၺွင်ႇ ၸိုင်ႈတႆးပွတ်းၸၢၼ်းၼႆႉ ပဵၼ်ၵူၼ်းတၢင်းမိူင်းမၢၼ်ႈ တူင်ႈပဵင်း မႃးယူႇသဝ်း ၼမ် တပ်ႉတေႃႉတၢင်ႇသိုၵ်းမၢၼ်ႈလႄႈႁွင်ႈၵၢၼ် လၢႆလၢႆဢၼ်ၶွင်သိုၵ်းမၢၼ်ႈၵေႃႈမီးၼမ် လႄႈၵိုၼ်းၶွၼ်ႈယူႇတႃႇသေႇ။
ယၢမ်းလဵဝ် ၼႂ်းဝဵင်းသူၺ်ႇၺွင်ႇယႃႈမႃႉ ယႃႈမဝ်းၵမ်လိူင်ႇၼမ် ။ ဢၼ်သႂ်ႇထူင်သေပႆၵႂႃႇၸွမ်းတႃႈ ၸွမ်းတၢင်း ၵႂႃႇသူင်ႇၵႂႃႇၶၢႆၵေႃႈမီး။
ဝၼ်းတီႈ 1/5/2026 ယၢမ်းၵၢင်ၼႂ် 11 မူင်း မီးၼၢင်းယိင်းၵေႃႉၼိုင်ႈ ဢဝ်ယႃႈမႃႉ 1 ႁဵင်မဵတ်ႉ သႂ်ႇထူင်သေပႆတၢင်းမႃး တီႈပွၵ်ႉသူၺ်ႇပူင်ႇတႃႇ။ သမ်ႉမႅၼ်ႈၽွင်းပလိၵ်ႈမၢၼ်ႈ ဢႅဝ်ႇလဵပ်ႈ ၵူတ်ႇထတ်းၼႂ်းပွၵ်ႉၼႂ်းယွၼ်ႉသေ ႁၼ်မႅၼ်ႈမၼ်းၼၢင်းလႄႈ ႁႄႉထၢမ်- ယွၼ်းၵူတ်ႇထတ်း။ လႆႈႁၼ် ယႃႈမႃႉဢၼ်မီးမိၵ်ႈ WY ၼိုင်ႈႁဵင်မဵတ်ႉ ။
မၼ်းၼၢင်းၸိုဝ်ႈႁွင်ႉ တၢၼ်းတၢၼ်းဝိၼ်း ဢမ်ႇၼၼ် ၸိုဝ်ႈလဵၼ်ႉႁွင်ႉ ဢူႇဝႄး ။ ပလိၵ်ႈတီႉ မၼ်းၼၢင်းၵႂႃႇၵုမ်းၶင်ဝႆႉတီႈႁူင်းပလိၵ်ႈ သူၺ်ႇၺွင်ႇ- ဝႆႉဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ