ဝၼ်းတီႈ 16/05/2025 ယၢမ်းၵၢင်ၼႂ် ယူႇတီႈ ၵေႃလိၵ်ႈလၢႆးလႄႈ ၾိင်ႈငႄႈတႆးတင်း ၸုမ်းၵူၼ်းၼုမ်ႇတႆး T.Y.O သေ ႁူမ်ႈၵၼ် ၸတ်းႁဵတ်းပွႆးလူင်းပၢင်သွၼ်လိၵ်ႈတႆး ၶၢဝ်းမႆႈ တီႈႁူင်းႁေႃ ၵေႃလိၵ်ႈလၢႆး ဢိူင်ႇႁွင်ႈလိုၵ်ႉ ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း မီးသင်ၶ ၊ လုၵ်ႈႁဵၼ်း ၊ မေႃသွၼ်လႄႈ ၽူႈယႂ်ႇၵူၼ်းလူင် ၶဝ်ႈႁူမ်ႈဢမ်ႇယွမ်း 1,000 ။
ၵူၼ်းၼုမ်ႇတႆး ဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ – “ယိူင်းဢၢၼ်းတႄႉ ၶႂ်ႈႁႂ်ႈလုၵ်ႈလၢၼ်တႆးႁဝ်း မေႃလိၵ်ႈတႆးႁဝ်းၼမ်ၼမ် ႁူႉၾိင်ႈထုင်းတႆးႁဝ်းၼမ်ၼမ် ၶႂ်ႈတိုၵ်းသူၼ်းပႃးထႅင်ႈ ၵဵဝ်ႇၵပ်းၽူႈမီးပုၼ်ႈၽွၼ်း ၽူႈဢုပ်ႉပိူင်ႇပွၵ်ႉ ပူႇသႅၼ်ဝၢၼ်ႈ ပေႃႈမႄႈလုၵ်ႈဢွၼ်ႇ ႁႂ်ႈဢဝ်ၸႂ်သႂ်ႇတိုၵ်းသူၼ်းပၼ် လုၵ်ႈဢွၼ်ႇ သွၼ်ပၼ်လိၵ်ႈတႆးႁဝ်းၼမ်ၼမ်ၶႃႈ”- ဝႃႈ ၼႆ။
ပၢင်သွၼ်လိၵ်ႈတႆး ၶၢဝ်းမႆႈ တီႈဝဵင်းတႃႈၶီႈလဵၵ်း ပီၼႆႉ လႆႈပိုတ်ႇပူင်သွၼ်မႃး မိူၼ်ၼင်ႇ ဢိူင်ႇမိူင်းၵူဝ်း၊ ဢိူင်းမိူင်းၽူင်း ပွၵ်ႈသိူဝ်ၶမ်းလႄႈ ဢိူင်ႇႁွင်ႈလိုၵ်ႉ တင်းမူတ်း လုၵ်ႈႁဵၼ်းမေႃသွၼ်မီးမွၵ်ႈ 800 ၵေႃႉ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ