လႅၼ်လိၼ် တႆး-ယၢင်းလႅင် ပဵၼ်ပၢင်တိုၵ်းႁၢဝ်ႈႁႅင်းလႄႈ ၵူၼ်းပၢႆႈၽေး ယၢပ်ႇၽိုတ်ႇ ယႃႈယႃလႄႈၶဝ်ႈၼမ်ႉတၢင်းၵိၼ်။ တႄႇဢဝ် ႁၢင်လိူၼ် ၾႅပ်ႊပိဝ်ႊရီႊၼၼ်ႉမႃး သိုၵ်းမၢၼ်ႈတင်း PDF ပိုတ်းယိုဝ်းၵၼ် တီႈလႅၼ်လိၼ် တႆး-ယၢင်းလႅင် ႁၢဝ်ႈႁႅင်းလႄႈ  ၵူၼ်းပၢႆႈၽေးတီႈၸႄႈဝဵင်းၾၢႆၶုၼ် ထူပ်းတၢင်းယၢပ်ႇၽိုတ်ႇ ယွၼ်ႉဢမ်ႇလႆႈႁပ်ႉ လွင်ႈၵမ်ႉထႅမ်ၶိုတ်းတၼ်း။ ၸုမ်းၸွႆႈတူင်ႇဝူင်းၵူၼ်းၵေႃႈ ဢမ်ႇၶဝ်ႈထိုင်လႆႈငၢႆႈငၢႆႈလႄႈ မိူဝ်ႈလဵဝ် ယၢပ်ႇၽိုတ်ႇ ၶဝ်ႈၼမ်ႉတၢင်းၵိၼ်လႄႈ ယႃႈယႃ...

သဵင်ၵွင်ႈတႅၵ်ႇၼႂ်းဝဵင်းၼမ်ႉလၼ်ႈ ၵူၼ်းမိူင်းတူၵ်းၸႂ် ပေႃးလႆႈပိၵ်ႉႁူင်းႁဵၼ်း၊ ၵၢတ်ႇလႄႈ ႁိူၼ်းယေး မိူင်းပေႃးယဵၼ်။ ဝၼ်းတီႈ 7/6/2023 ယၢမ်းၵၢင်ဝၼ်းမွၵ်ႈ 12 မူင်း သဵင်ၵွင်ႈတႅၵ်ႇ တၢင်းဝၢၼ်ႈၵွင်းလၢင်း၊ ဝၢၼ်ႈၼမ်ႉလုၵ်း၊ ဝၢၼ်ႈၵုင်းၺွင်ႇ၊ ပွၵ်ႉပၢင်သိမ်ႇလႄႈ ပွၵ်ႉၵတ်းယဵၼ် ၼႂ်းဝဵင်းၼမ်ႉလၼ်ႈ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ ၵူၼ်းဝဵင်းၼမ်ႉလၼ်ႈ လၢတ်ႈတီႈၽူႈတွႆႇႁွၵ်ႈဝႃႈ...

ဝၢႆးသေ ပၢင်ဢုပ်ႇၵုမ်တီႈမိူင်းလႃးယဝ်ႉတူဝ်ႈၼၼ်ႉ သိုၵ်းမၢၼ်ႈတင်းသိုၵ်းၵဝ်ႈၵၢင်ႉ MNDAA ပိုတ်းယိုဝ်းၵၼ်ႁၢဝ်ႈႁႅင်း။ ၸုမ်းဢူၺ်းလီ 3 ၸုမ်း မိူၼ်ၼင်ႇ တပ်ႉသိုၵ်း ၵဝ်ႈၵၢင်ႉ MNDAA ၊ တပ်ႉသိုၵ်း တဢၢင်း TNLA ၊ တပ်ႉသိုၵ်း ရၶႅင်ႇ AA  တႄႇႁူပ်ႉထူပ်းဢုပ်ႇဢူဝ်းၵၼ်တင်း ၵေႃႇမတီႇၾၢႆႇၵေႃႇသၢင်ႈ လွင်ႈၽွမ့်ႁူမ်ႈလႄႈ လွင်ႈငမ်းယဵၼ်ၸိူဝ့်ၸၢတ်ႈ NSPNC...

တႄႇဢဝ် ႁူဝ်လိူၼ်ၵျုၼ်ႊ 2023 ၼႆႉမႃး သိုၵ်း SSPP/SSA သင်ႇယွၼ်းၵူၼ်းသိုၵ်းမႂ်ႇ ၼႂ်းၸႄႈဝဵင်းမူႇၸေႊ သီႇပေႃႉ ႁၢဝ်ႈႁႅင်း ႁဵတ်းႁႂ်ႈၵူၼ်းမိူင်း ယၢပ်ႇၸႂ် ၽွင်းၶၢဝ်းႁႃၵိၼ်လဵင်ႉတွင်ႉယၢပ်ႇ။ ဝၼ်းတီႈ 5/6/2023 SSPP ၶဝ်ႈတီႉၵူၼ်းမိူင်းၼႂ်းဢိူင်ႇၼမ်ႉဢုၼ်ႇ ၸႄႈဝဵင်းမူႇၸေႊ ၵႂႃႇတင်းမူတ်း...

မိူဝ်ႈၼႆႉ ဝၼ်းတီႈ 5/6/2023 ယၢမ်းၵၢင်ၼႂ်ၸဝ်ႉ မွၵ်ႈ 3:50 မူင်း သိုၵ်းၵဝ်ႈၵၢင်ႉ MNDAA ၶဝ်ႈလူမ်ႇယိုဝ်း ႁူင်းပလိၵ်ႈမၢၼ်ႈ မၢႆ 2 တီႈပွၵ်ႉ 12 ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ႁၢဝ်ႈႁႅင်း။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ -“ပဵၼ်သိုၵ်းၵဝ်ႈၵၢင်ႉ ၶဝ်ႈလူမ်ႇယိုဝ်း တီႈႁူင်းပလိၵ်ႈမၢၼ်ႈ မၢႆ...

သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင် တူၵ်းသႂ်ႇ ၼႂ်းဝၢၼ်ႈလႄႈ ၵူၼ်းမိူင်းပၢႆး မၢတ်ႇၸဵပ်းႁၢဝ်ႈႁႅင်းသေ လူႉတၢႆၵေႃႉၼိုင်ႈ။ မိူဝ်ႈဝႃး ဝၼ်းတီႈ 3/6/2023 ယၢမ်းၵၢင်ၼႂ် 6 မူင်းၼၼ်ႉ သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင် တူၵ်းသႂ်ႇ ၼႂ်းဝၢင်းႁိူၼ်းလင်ၼိုင်ႈ ဢၼ်မီးၼႂ်း ပွၵ်ႉ 3 ၸႄႈဝဵင်းမိူင်းပၢႆးၼၼ်ႉ ၵူၼ်းမိူင်းမၢတ်ႇၸဵပ်းႁၢဝ်ႈႁႅင်းသေ လူႉတၢႆၵေႃႉၼိုင်ႈၼႆယဝ်ႉ။ ၵူၼ်းၼႂ်းပိုၼ်ႉတီႈ မိူင်းပၢႆးၵေႃႉၼိုင်ႈ လၢတ်ႈတီၽူႈတွႆႇႁွၵ်ႈဝႃႈ - “...

မိူဝ်ႈၼႆႉ ဝၼ်းတီႈ 2/6/2023 ယၢမ်းၵၢင်ၼႂ် 9 မူင်းပၢႆ ၶွင်ႇသီႇသိုၵ်းမၢၼ်ႈ ယိုတ်းမိူင်းတင်း သိုၵ်းၵဝ်ႈၵၢင်ႉ MNDAA ပဵၼ် ပၢင်တိုၵ်းၵၼ် ၼႂ်းဢိူင်ႇၼႃးၼၢင်း ၸဵင်ႇၸၢၼ်းဝၼ်းဢွၵ်ႇ ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၼႆယဝ်ႉ။ ၵူၼ်းပိုၼ်ႉတီႈ ထုင်ႉၼမ်ႉပွင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ပဵၼ်သိုၵ်းမၢၼ်ႈတင်း သိုၵ်းၵဝ်ႈၵၢင်ႉ ယိုဝ်း...

 ၵူၼ်းဝၢၼ်ႈလွႆယၢင်း ၸႄႈဝဵင်းမိူင်းၵိုင် ၵႂႃႇလဵင်ႉၵႂၢႆး ၽွင်းၼၼ်ႉမၢၵ်ႇသမ်ႉတႅၵ်ႇ၊ SSPP ႁႄႉၵူၼ်းလဵင်ႉၵႂၢႆးဢၢၼ်းၵူတ်ႇထတ်း သမ်ႉလႅၼ်ႈပၢႆႈလႄႈ ယိုဝ်း- တိူဝ်ႉၵူၼ်းလဵင်ႉၵႂၢႆးတၢႆ ဝႃႈၼႆ။ လွင်ႈၼႆႉပဵၼ်ၵႂႃႇမိူဝ်ႈဝၼ်းတီႈ 19/05/2023 တီႈႁိၼ်းဝၢၼ်ႈလွႆယၢင်း ၸႄႈဝဵင်းမိူင်းၵိုင် ၸိုင်ႈတႆး ပွတ်းၸၢၼ်း။ SSPP လၢတ်ႈဝႃႈ ယွမ်းႁပ်ႉလွင်ႈလႆႈယိုဝ်းမႅၼ်ႈ။ တုၵ်းယွၼ်းပႃးဝႃႈ  ပွၵ်ႈတေမႃး သင်ႁႄႉၵိုတ်း ယႃႇလႅၼ်ႈပၢႆႈသေၵမ်းဝႃႈၼႆ။ ၶုၼ်သိုၵ်းလူင်...

ၸုမ်းယိပ်းၵွင်ႈၵၢင်ႇၼႂ်းမိူင်းတႆး ၵဵပ်းၶွၼ်ႇယွၼ်းငိုၼ်း ၵဵပ်းသိုၵ်းၼႂ်းမိူင်းတႆး လၢႆပိုၼ့်တီႈ  ပႃးၸဵမ် ပွတ်းဝဵင်းၼမ်ႉ လၼ်ႈ ထိုင်တီႈဝဵင်းပေႃးယဵၼ်။ တီႈဝဵင်းၼမ်ႉလၼ်ႈၼႆႉ ပဵၼ်ႁၢဝ်ႈႁၢင်းၼႂ်း ႁၢင်လိူၼ် May ၊ ၸုမ်းယိပ်းၵွင်ႈ ၶဝ်ႈၵဵပ်းၵူၼ်းၼႂ်းဝၢၼ်ႈ ၶွပ်ႇဝဵင်း ၊ ပေႃးထိုင်ယၢမ်းႁူဝ်ၶမ်ႈ ဝဵင်းပေႃးယဵၼ်သီႇသီႇ၊ ၵမ်ႈၽွင်ႈပၢႆႈၵႂႃႇယူႇတၢင်ႇဝဵင်း၊ ၵမ်ႈၼမ်ပၢႆႈၵႂႃႇႁႃႁဵတ်းၵၢၼ်ႁႃငိုၼ်း မိူင်းထႆး-...

သိုၵ်းမၢၼ်ႈ ထႅမ်ႁႅင်းသိုၵ်းတူင်ႉၼိုင် ပိၵ်ႉဢိုတ်းသဵၼ်ႈတၢင်း တီႈဝၢၼ်ႈသၢင်း ၾၢႆႇဢွၵ်ႇဝဵင်းလၢႆးၶႃႈ မီးၶၢဝ်းတၢင်း 2-3 ဝၼ်းယဝ်ႉ ႁၢမ်ႈၵူၼ်းမိူင်း ၶဝ်ႈဢွၵ်ႇၵႂႃႇမႃး ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၵၢၼ်ႁႃၵိၼ်လဵင်ႉတွင်ႉ။ တႄႇဢဝ် ဝၼ်းတီႈ 29/5/2023 ၼႆႉမႃး ၶွင်ႇသီႇသိုၵ်းမၢၼ်ႈ ယိုတ်းမိူင်း ပိၵ်ႉဢိုတ်းသဵၼ်ႈတၢင်း တီႈဝၢၼ်ႈသၢင်း ဢိူင်ႇဝၢၼ်ႈ သၢင်း တၢင်းၾၢႆႇဢွၵ်ႇဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်းသေ ႁၢမ်ႈၵူၼ်းမိူင်းၵႂႃႇမႃး...

 သိုၵ်းမၢၼ်ႈတီႉၺွပ်း ၵူၼ်းသိုၵ်း SSPP   3 ၵေႃႉ ယိုဝ်းတၢႆ 1 ၵေႃႉ တီႈပၢင်သဝ်းဢၼ်မီးတီႈ ဢိူင်ႇမိူင်းယ ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ  ။ မိူဝ်ႈဝၼ်းတီႈ 19/5/2023  လုၵ်ႈၸုမ်း SSPP/SSA ဢၼ် ပၵ်းသဝ်းတူင်ႉၼိုင် တၢင်းဢိူင်ႇမိူင်းယ ဝဵင်းၵူတ်ႉၶၢႆၼၼ်ႉ ၵႂႃႇႁႃၽၵ်းယိူဝ်ႈၼၢင်းၶဵဝ်ၼႂ်းထိူၼ်ႇ ၼွၵ်ႈဝၢၼ်ႈ၊ ႁိုၵ်ႉၺႃးသိုၵ်းမၢၼ်ႈသေ ၺႃးတီႉၺွပ်းလႄႈယိုဝ်းတၢႆ...

ၶွင်ႇသီႇ သိုၵ်းမၢၼ်ႈ ယိုတ်းမိူင်း ဢဝ်ဢဵၼ်ႁႅင်းတင်းၼမ် ပႂ်ႉၸွမ်းၵဵတ်ႉ/ လၢၼ်ႇၵူတ်ႇထတ်း ၸႅတ်ႈထၢမ် ၵူၼ်းဢွၵ်ႇတႃႈပႆ တၢင်း ၸွမ်းတၢင်းၶဝ်ႈဢွၵ်ႇဝဵင်း ၼႂ်းၸိုင်ႈတႆး ပွတ်းႁွင်ႇ ႁၢဝ်ႈႁႅင်း ပိူင်လူင်ၵူတ်ႇထတ်းလွင်ႈ PDF လုၵ်ႉတၢင်းမိူင်းမၢၼ်ႈ ၶိုၼ်ႈမႃးတူင်ႉၼိုင်။ တႄႇဢဝ် ႁၢင်လိူၼ်မေႊ 2023 ၼႆႉမႃး သိုၵ်းမၢၼ်ႈ ပႂ်ႉၵူတ်ႇထတ်း...

ပၢင်တိုၵ်းတီႈလႅၼ်လိၼ်တႆး-ယၢင်းလႅင် ပဵၼ်ႁၢဝ်ႈႁႅင်း၊ သိုၵ်းမၢၼ်ႈမိူင်းတႆးပွတ်းၸၢၼ်းသူင်ႇႁႅင်းသိုၵ်းထႅမ်ႁႅင်းၶႂ်ႈဝႃႈ ၸမ်မူတ်း၊ သိုၵ်မၢၼ်ႈမိူင်းပွၼ်ၸၼ်ႉၶုၼ်သိုၵ်းလူင်ၵေႃႉၼိုင်ႈ ၸင်ႇႁႃတႄႇၼႃႈႁိူၼ်းယဝ်ႉလႆႈၶိုၼ်ႈၼႃႈသိုၵ်း တၢႆၼႂ်းပၢင်တိုၵ်းတေႃႇထိုင်ယၢမ်းလဵဝ် ဢမ်ႇလႆႈတူဝ်တၢႆမႃးၶိုၼ်း။ ပၢင်တိုၵ်းပဵၼ်ႁႅင်းမိူဝ်ႈဝၼ်းတီႈ  20/5/2023 ယၢမ်းၵၢင်ၼႂ် 5 မူင်း တၢင်းမိူင်းပၢႆးၾၢႆၶုၼ် လႅၼ်လိၼ်တႆးယၢင်းလႅင်။ သိုၵ်းမၢၼ်ႈၸၼ်ႉၶုၼ်သိုၵ်းလူင်  တပ်ႉ ၶမယ တပ်ႉတိၼ်ဝႆး 517 မိူၵ်းပွၼ် ၸိုဝ်ႈႁွင်ႉ မဵဝ်းသီႇႁ ၵႂႃႇတၢႆတီႈပၢင်တိုၵ်း ။...

ၼႃႈလိၼ်သိုၵ်းမၢႆ (1) RCSS တီႈလွႆၵေႃႇဝၼ်း ၸတ်းႁဵတ်းဝၼ်းလုၵ်ႉၾိုၼ်ႉ ၵႅတ်ႇၶႄဢဝ်ၶိုၼ်းၸိုင်ႈတႆး ၶွပ်ႈၶူပ်ႇ 65 ပီ ၶိုၵ်ႉယႂ်ႇ ပီၼႆႉ ယိုၼ်ႈမွပ်ႈဢၢပ်ႈပၼ် ဝႂ်ၶႂၢင်ႉၵိုတ်းလိုဝ်ႈသိုၵ်း ၸိူဝ်းႁၢပ်ႇထၢမ်းၵၢၼ်သိုၵ်း 5 ပီတဵမ် ၸိူဝ်းၼႆႉ။ ဝၼ်းတီႈ 21/5/2023 တူၵ်းမႅၼ်ႈ ဝၼ်းလုၵ်ႉၾိုၼ်ႉ ၵႅတ်ႇၶႄဢဝ်ၶိုၼ်းၸိုင်ႈတႆး ၶွပ်ႈၶူပ်ႇ 65 ပီတဵမ်သေ...

သဵင်ၵွင်ႈယဵၼ်ယဝ်ႉလႄႈ ၵူၼ်းမိူင်းၸႄႈဝဵင်းၼွင်ၶဵဝ် ၶိုၼ်းတႄႇႁဵတ်းၵၢၼ်သူၼ်ႁႆႈၼႃး သေတႃႉၵေႃႈ   တိုၵ်ႉလႆႈမႆႈၸႂ် ၵူဝ်ပဵၼ်ပၢင်တိုၵ်းၶိုၼ်းပဵၼ် ဢမ်ႇၼၼ် ၵူဝ်ယဵပ်ႇၺႃးမၢၵ်ႇမႅင်းၾင်လိၼ် ၸိူဝ်းၼႆႉ။ မိူဝ်ႈၼႂ်းလိူၼ်ဢေႊပရိူဝ်ႊပူၼ်ႉမႃးၼႆႉ သိုၵ်းမၢၼ်ႈတင်း သိုၵ်းတဢၢင်း TNLA ၊ ၸုမ်းၵႅတ်ႇၶႄၵူၼ်းမိူင်း PDF ပဵၼ်ပၢင်တိုၵ်းၵၼ်ႁၢဝ်ႈႁႅင်း တီႈဢိူင်ႇၶိူဝ်းၼိမ်း ၸႄႈဝဵင်းၼွင်ၶဵဝ်ၼၼ်ႉသေ ၵူၼ်းမိူင်းထူပ်းၽေးလၢႆလွင်ႈလၢႆဢၼ် ။ မိူဝ်ႈလဵဝ် ပၢင်တိုၵ်းယဵၼ်ယဝ်ႉ  ဝႃႈၼႆသေတႃႉၵူၼ်းမိူင်းၵူဝ်မၢၵ်ႇမႅင်းၾင်လိၼ် ။...