Saturday, June 22, 2024

သိုၵ်းမၢၼ်ႈသိုပ်ႇႁႅၼ်းသိုၵ်းလေႃႇတိုၵ်းသိုၵ်း MNDAA ဢမ်ႇထၢတ်ႇ

Must read

ဝၢႆးသေ ပၢင်ဢုပ်ႇၵုမ်တီႈမိူင်းလႃးယဝ်ႉတူဝ်ႈၼၼ်ႉ သိုၵ်းမၢၼ်ႈတင်းသိုၵ်းၵဝ်ႈၵၢင်ႉ MNDAA ပိုတ်းယိုဝ်းၵၼ်ႁၢဝ်ႈႁႅင်း။

ၸုမ်းဢူၺ်းလီ 3 ၸုမ်း မိူၼ်ၼင်ႇ တပ်ႉသိုၵ်း ၵဝ်ႈၵၢင်ႉ MNDAA ၊ တပ်ႉသိုၵ်း တဢၢင်း TNLA ၊ တပ်ႉသိုၵ်း ရၶႅင်ႇ AA  တႄႇႁူပ်ႉထူပ်းဢုပ်ႇဢူဝ်းၵၼ်တင်း ၵေႃႇမတီႇၾၢႆႇၵေႃႇသၢင်ႈ လွင်ႈၽွမ့်ႁူမ်ႈလႄႈ လွင်ႈငမ်းယဵၼ်ၸိူဝ့်ၸၢတ်ႈ NSPNC ၶွင်သိုၵ်းမၢၼ်ႈယိုတ်းမိူင်း တီႈမိူင်းလႃးသေ ဝၢႆးၼၼ်ႉ သိုၵ်းမၢၼ်ႈတင်းသိုၵ်းၵဝ်ႈၵၢင်ႉ MNDAA ပိုတ်းယိုဝ်းၵၼ်ႁၢဝ်ႈႁႅင်း တီႈၼႃႈလိၼ်ၽွင်းငမ်းတူဝ်ၵဝ်ႇၵဝ်ႈၵၢင်ႉ ၸႄႈဝဵင်းလၢဝ်ႇၵၢႆး။

- Subscription -

ဢူးယႅၼ်ႇယႅၼ်ႇ ၽူႈၶၢၼ်ပၢၵ်ႇ ၸုမ်းသိုၵ်း MNDAA လၢတ်ႈတီႈၽူႈတွႆႇႁွၵ်ႈဝႃႈ – “ ၾၢႆႇသိုၵ်းမၢၼ်ႈၶဝ်ၼႆႉ လေႃႇတိုၵ်း တႄႇဢဝ်ဝၼ်းတီႈ 2 ထိုင် ဝၼ်းထိ 5 ဢေႃႈ။ပၢင်တိုၵ်းၼႆႉ ပဵၼ်မွၵ်ႈ 3 တီႈၼႆႉယဝ်ႉ။ သိုၵ်းမၢၼ်ႈတင်းၸုမ်းသိုၵ်း ၵဝ်ႈၵၢင်ႉၼႆႉ တိုၼ်းၶဵင်ႈၶႅင်ၵၼ်မႃး ၸဵမ်မိူဝ်ႈ 2015 ပုၼ်ႉ ထိုင်မိူဝ်ႈလဵဝ်ၵေႃႈ ဢမ်ႇပႆႇယွမ်းၵၼ်သေဢိတ်းၶႃႈ။ မိူဝ်ႈၼႃႈၵေႃႈ လႅပ်ႈတေၶဵင်ႈၶႅင်ၵၼ်ၵႂႃႇၵူၺ်းယဝ်ႉ” – ဝႃႈၼႆ။

ပၢင်တိုၵ်း ၼႆႉပဵၼ်ၼႂ်းဝဵင်းလၢဝ်ႇၵၢႆး၊ ႁူဝ်ပၢင်ႇ၊ သႅၼ်ဝီ ၶၢဝ်းတၢင်း 4 ဝၼ်းၼႆႉ ၾၢႆႇသိုၵ်းမၢၼ်ႈ တၢႆ 20 ပၢႆသေ ၾၢႆႇ သိုၵ်းၵဝ်ႈၵၢင်ႉ တၢႆ ၵေႃႉၼိုင်ႈလႄႈ မၢတ်ႇၸဵပ်းၵေႃႉၼိုင်ႈ ။ ၾၢႆႇသိုၵ်းၵဝ်ႈၵၢင်ႉ ယိုတ်း လႆႈပႃး မၢၵ်ႇၵွင်ႈၸိုၼ်းယၢမ်း ၶွင်သိုၵ်းမၢၼ်ႈတင်းၼမ်ၼႆယဝ်ႉ။

ဝၼ်းတပ်ႉသိုၵ်းမၢၼ်ႈၼၼ်ႉ ၾၢႆႇသိုၵ်းမၢၼ်ႈ ပိုၼ်ၽၢဝ်ႇၵိုတ်းတိုၵ်း ဝႆႉတႃႇၼိုင်ႈပီ  တွၼ်ႈတႃႇပၢင်လိူၵ်ႈတင်ႈဢၼ်ၶဝ်တေဢွၼ်ၼမ်းၸတ်းႁဵတ်းၼၼ်ႉတေဢွင်ႇမၢၼ် ဝႃႈၼႆသေတႃႉ ထိုင်မိူဝ်ႈလဵဝ် တိုၵ်ႉသိုပ်ႇႁႅၼ်းသိုၵ်းလေႃႇတိုၵ်း ၸုမ်းယိပ်းၵွင်ႈၵၢင်ႇၸၢဝ်းၶိူဝ်းယူႇၶိူဝ်းယႂ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း