ဝၢႆးလင် သိုၵ်းမၢၼ်ႈတင်း သိုၵ်းၵဝ်ႈၵၢင်ႉ လႆႈၶေႃႈတူၵ်းလူင်း ၵိုတ်းသိုၵ်းယဝ်ႉ လူင်ပွင်ၸိုင်ႈမိူင်းၶႄႇ ပိုတ်ႇ ပၼ်သဵၼ်ႈတၢင်း ၵၢၼ်တေႃႉသူင်ႇ ၼမ်ႉမၼ်းၸိူဝ်ႉၾႆးလႄႈ ၶူဝ်း ၵုၼ်ႇၵူႈၸိူဝ်းၸိူဝ်း ၸွမ်းလႅၼ်လိၼ် တိတ်းၸပ်းၼႃႈလိၼ်ၶိုၵ်ႉတွၼ်း မၢႆ 4 တပ်ႉသိုၵ်းမိူင်းလႃး NDAA လႄႈ တပ်ႉသိုၵ်းၵဝ်ႈၵၢင်ႉ MNDAA သေတႃႉ ၼႂ်းၼႃႈလိၼ်သိုၵ်းဝႃႉ UWSA...

ၵူၼ်းမိူင်းဝဵင်းၼမ်ႉလၼ်ႈ ၸိုင်ႈတႆးပွတ်းႁွင်ႇ ဢၼ်ပၢႆႈၽေးသိုၵ်းမႃးယူႇဝႆႉ တီႈဝဵင်းမိူင်းၼၢႆး ၸိုင်ႈတႆးပွတ်းၸၢၼ်းၼၼ်ႉ ယၢမ်းလဵဝ်တွပ်ႇလိၵ်ႈယဝ်ႉလီငၢမ်း ၊ တၢင်းဝၢၼ်ႈၵိူတ်ႇ မိူင်းၼွၼ်းၵေႃႈ ငဝ်းလၢႆးပၢင်တိုၵ်းယဵၼ်ဝႆႉလႄႈ ဢွၼ်ၵၼ်ပွၵ်ႈၶိုၼ်း ႁိူၼ်းယေးၽႂ်မၼ်း။ ဢိင်ၼိူဝ်ပၢင်တိုၵ်း ၽႅၼ်ယၼ်ႇသိုၵ်း 1027 သေ ႁၢင်ပီ ပီၵၢႆ 2024 ၼႆႉ ပၢင်တိုၵ်းၼႂ်းၵႄႈ သိုၵ်းၶႄႇၵဝ်ႈၵၢင်ႉ MNDAA လႄႈ သိုၵ်းမၢၼ်ႈ...

မၢၵ်ႇလူင် တူၵ်းတႅၵ်ႇ ၼႂ်းတပ်ႉသိုၵ်းမၢၼ်ႈ 354 ဢၼ်ပၵ်းဝႆႉတီႈ ဝၢၼ်ႈတွင်းၶမ်း ၼႂ်းၸႄႈဝဵင်းၼွင်ၶဵဝ် ႁဵတ်းႁႂ်ႈသဵင်မၢၵ်ႇတႅၵ်ႇ လင်မေႃးလၢႆလၢႆၵမ်းသေ ထုၵ်ႇၾႆးလုၵ်ႉမႆႈႁၢဝ်ႈႁႅင်း ဝႃႈၼႆ။ ဝၼ်းတီႈ 25/02/2025 ယၢမ်းၵၢင်ၼႂ် သိုၵ်းတဢၢင်း TNLA ႁၢင်းႁႅၼ်း လေႃႇတိုၵ်း တပ်ႉသိုၵ်းမၢၼ်ႈ ငဝ်ႈငုၼ်းၾၢႆႇၵုမ်းၵမ်ယၼ်ႇသိုၵ်း ၶိူင်ႈၵွင်ႈလူင် မၢႆ 902 ဢၼ်ပၵ်းဝႆႉ တီႈဝၢၼ်ႈတွင်းၶမ်း...

ဝၢႆးလင်သိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းမႃးၼႆႉ ပၢင်တိုၵ်းၸွတ်ႇတူဝ်ႈၸိုင်ႈမိူင်း ၵူၼ်းမိူင်းလႆႈပၢႆႈလႆႈတၢႆ ၊ ၾၢႆႇၽူႈၼမ်းသိုၵ်းမၢၼ်ႈတႄႉလၢတ်ႈဝႃႈ ပဵၼ်ပၢင်တိုၵ်းဢၼ်ၵူၼ်းမိူင်းၵမ်ႉထႅမ်ႁၼ်လီၸွမ်းၶဝ် လႄႈထိုဝ်ဝႃႈပဵၼ်ပၢင်တိုၵ်းဢၼ်ၽဵင်ႇပဵင်းပဵၼ်ထမ်း ဝႃႈၼႆ။ ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ လၢတ်ႈၵႂႃႇတီႈပၢင်ပွႆးလူင်းပၢင်သွၼ် ၽူႈမီးၸၼ်ႉ တီႈဝဵင်းပႃႉထူး ၸႄႉဝဵင်းလွၵ်ႉၸွၵ်ႇ မိူဝ်ႈဝၼ်းတီႈ 21/02/2025 ၼၼ်ႉၼင်ႇၼႆ။  ယွၼ်ႉပိူဝ်ႈၵူၼ်းမိူင်းပတ်းပိုၼ်ႉမိူင်းႁူမ်ႈတုမ် ႁူမ်ၸူမ်းၵမ်ႉထႅမ်ၸွမ်းသိုၵ်းမၢၼ်ႈလႄႈ ပၢင်တိုၵ်းဢၼ်ပဵၼ်ထမ်းၼႆႉ တေသိုပ်ႇၸတ်းၵႂႃႇထႅင်ႈမိူဝ်းၼႃႈတေႃႇပေႃးလႆႈၶိုၼ်း လွင်ႈငမ်းယဵၼ် ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇလၢတ်ႈၼင်ႇၼႆ။ တင်ႈတႄႇသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း ၵူၼ်းမိူင်းဢမ်ႇလႆႈၸႂ် ဢမ်ႇႁၼ်လီၸွမ်းသိုၵ်းမၢၼ်ႈလႄႈ ၼႄၵၢင်ၸႂ်သၢၼ်ၶတ်းၸဝ်ႈဢႃႇၼႃႇသိုၵ်း- လူၺ်ႈလၢႆးၵတ်းၵတ်းယဵၼ်ယဵၼ်။...

တႄႇႁၢင်လိူၼ် ၾႅပ်ႊပိဝ်ႊရီႊ ၼႆႉမႃး ၵၢင်ႉၵႄႇ ၼႂ်းဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း လူင်းၵဵပ်း သဵၼ်ႈမၢႆၵူၼ်း ၼႂ်းပွၵ်ႉထႅင်ႈပဵၼ် ပွၵ်ႈၵမ်းသွင် ဝႃႈတႃႇႁူႉသဵၼ်ႈမၢႆၵူၼ်း တႃႇၸတ်း ပၢင်လိူၵ်ႈတင်ႈ ၼႆသေတႃႉ မႅၼ်ႈၽွင်းသိုၵ်းမၢၼ်ႈ ၵဵပ်းၵူၼ်းမိူင်းႁၢပ်ႇၵၢၼ်သိုၵ်းလႄႈႁဵတ်းႁႂ်ႈၵူၼ်းမိူင်းတူၵ်းၸႂ်  မႆႈၸႂ်ဝႃႈၼႆ ။ မိူဝ်ႈၼႆႉ 24 /2/2025 ယၢမ်းၵၢင်ဝၼ်း  1 မူင်း ႁွင်ႈၵၢၼ်ၾၢႆႇၽွင်းငမ်းၵူႈလွင်ႈလွင်ႈ...

သိုၵ်းမၢၼ်ႈတင်း သိုၵ်းတဢၢင်း သိုပ်ႇပဵၼ်ပၢင်တိုၵ်းၵၼ်ထႅင်ႈႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ် ၾၢႆႇသိုၵ်း မၢၼ်ႈ ၸႂ်ႉပႃးမၢၵ်ႇၵွင်ႉငူၼ်ႉထၢတ်ႈယိုဝ်းၸွႆႈ ဝႃႈၼႆ။   ဝၼ်းတီႈ 23/02/2025 ယၢမ်းဝၢႆးဝၼ်း 1 မူင်းၶိုင်ႈ သိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ပဵၼ် ပၢင်တိုၵ်းၵၼ် တၢင်းဝၢၼ်ႈတွင်ႇၶျေႇ (တောင်ရှည်ရွာ) လႄႈ မၢၼ်ႈမေႃႇ (မန်မော်)...

ၶမ်ႈၶိုၼ်းဝၼ်းတီႈ 21/02/2025 ၼၼ်ႉသိုၵ်းမၢၼ်ႈဢဝ်ၶိူင်ႈမိၼ် ပွႆႇမၢၵ်ႇသႂ်ႇတီႈဝၢၼ်ႈ -မၢၼ်ႈသႃႇ ၸႄႈဝဵင်းမၢၼ်ႈၸေႊ ဢၼ်မီးတီႈလႅၼ်လိၼ် တႆး-ၶၢင်၊ တိူဝ်ႉသႂ်ႇၵူၼ်းဝၢၼ်ႈ ၼၢင်းယိင်းတၢႆၵေႃႉၼိုင်ႈ လုၵ်ႈဢွၼ်ႇတၢႆၵေႃႉၼိုင်ႈ။ ၵူၼ်းပိုၼ်ႉတီႈလၢတ်ႈဝႃႈ-“သိုၵ်းမၢၼ်ႈဢဝ်ၶိူင်ႈမိၼ်သႅၼ်း Y12 ပိုတ်းယိုဝ်း မၢၵ်ႇလူင် 12 လုၵ်ႈ။ ႁိူၼ်းယေးၵူၼ်းမိူင်း ၵွႆ 3 လင် ။ လုၵ်ႈဢွၼ်ႇယိင်း 8 ၶူပ်ႇၵေႃႉၼိုင်ႈလႄႈ...

သိုၵ်းမၢၼ်ႈဢဝ်ၶိူင်ႈမိၼ် သႅၼ်း ၵျႅတ်ႉၾၢႆႊတိူဝ်ႊ မႃးပွႆႇမၢၵ်ႇလူင်းသႂ်ႇ ၸႄႈဝဵင်းမိူင်းမိတ်ႈၸိုင်ႈတႆးပွတ်းႁွင်ႇ ပဵၼ်မၢၵ်ႇလူင်သႅၼ်း 500 ပွၼ်ႊသ် ႁဵတ်းႁႂ်ႈၵူၼ်းမိူင်းတၢႆ 3 ၵေႃႉမၢတ်ႇၸဵပ်း 7 ၵေႃႉ ။ ဝၼ်းတီႈ 20/02/2025 ယၢမ်းၵၢင်ၶမ်ႈ 8 မူင်းၶိုင်ႈ သိုၵ်းမၢၼ်ႈဢဝ်ၶိူင်ႈမိၼ်မႃးပွႆႇမၢၵ်ႇသႂ်ႇဝဵင်းမိူင်းမိတ်ႈ တီႈဢၼ်သိုၵ်းတဢၢင်း TNLA ပိုၼ်ၽၢဝ်ႇယိုတ်းလႆႈဝႆႉၼၼ်ႉ။ မၢၵ်ႇတူၵ်းသႂ်ႇတီႈဝၢၼ်ႈ ဝႄးပွင်း...

ဝၢႆးသိုၵ်းမၢၼ်ႈတင်း သိုၵ်းတဢၢင်း ႁူပ်ႉထူပ်းဢုပ်ႇဢူဝ်းၵၼ် တီႈမိူင်းၶႄႇ မိူဝ်ႈၵၢင်လိူၼ်ၼႆႉယဝ်ႉ ၾၢႆႇသိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း မႃးပွႆႇမၢၵ်ႇတီႈဝဵင်းၼွင်ၶဵဝ် တိူဝ်ႉၺႃးၵူၼ်းမိူင်းလူႉတၢႆ 3 ၵေႃႉ မၢတ်ႇၸဵပ်း 4 ၵေႃႉ။ ဝၼ်းတီႈ 19/02/2025 ယၢမ်းၵၢင်ၶမ်ႈ 8 မူင်းပၢႆ ဢမ်ႇပဵၼ်ပၢင်တိုၵ်းသင် ၾၢႆႇသိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း (Jet Fighter) မႃးပွႆႇမၢၵ်ႇ...

ၵူၼ်းပၢႆႈၽေးသိုၵ်း ၸႄႈဝဵင်းယွင်ႁူၺ်ႈ  300 ပၢႆ လူဝ်ႇတင်းၸွႆႈထႅမ် ၶဝ်ႈၼမ်ႉ တင်းၵိၼ်   ။ ၽႅၼ်ယၼ်ႇသိုၵ်း 1111  မိူဝ်ႈပီ 2023 ၼၼ်ႉ သိုၵ်းမၢၼ်ႈတင်း ၸုမ်းလုၵ်ႉၽိုၼ်ႉ ယိုဝ်းတိုၵ်းၵၼ် တီႈဝဵင်းလွႆၶေႃ ႁၢဝ်ႈႁႅင်း  ၵူၼ်းမိူင်း လႆႈဢွၼ်ၵၼ်ငိူင်ႉပၢႆႈၽေးသိုၵ်း ၵႂႃႇသွၼ်ႈယူႇ ၼႂ်းၸႄႈဝဵင်း ယွင်ႁူၺ်ႈ  ။ ယၢမ်းလဵဝ် ႁူဝ်ၼပ်ႉၵူၼ်းပၢႆႈၽေးသိုၵ်း...

မိူဝ်ႈၼႆႉ ဝၼ်းတီႈ 19/02/2025 ယၢမ်းၵၢင်ၼႂ် တပ်ႉသိုၵ်းၵဝ်ႈၵၢင်ႉ MNDAA တႄႇတင်ႈလၢၼ်ႇၵူတ်ႇထတ်း ဝႂ်ၶွၼ်ႇရူတ်ႉၵႃး တီႈႁိမ်းႁူဝ်ၶူဝ်ၼမ်ႉတူႈ ၼႂ်းၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ။ ၵႃးၸိူဝ်းၺႃးၵူတ်ႇထတ်းၼႆႉ ပဵၼ်ၵႃးၸိူဝ်းတေၵႂႃႇ လႃႈသဵဝ်ႈ၊ သႅၼ်ဝီ၊ ၵူတ်ႉၶၢႆ၊ ၵုၼ်လူင်၊ ႁူဝ်ပၢင်ႇ၊ လဝ်ႉၵႆႇ (လၢဝ်ႇ ၵၢႆး)လႄႈ ၼႂ်းၼႃႈတီႈပွတ်းႁွင်ႇ ဢၼ်ၸုမ်းသိုၵ်းဢူၺ်းလီသၢမ်ၸုမ်း ၵုမ်းၵမ်ဝႆႉၼၼ်ႉသေ...

သိုၵ်းမၢၼ်ႈ ယိုတ်းမိူင်းတင်း တပ်ႉသိုၵ်းၵႅတ်ႇၶႄ ၸိူဝ်ႉၸၢတ်ႈယၢင်းလႅင် KNDF ႁူမ်ႈတင်း PDF သေ သိုပ်ႇပဵၼ်ပၢင်တိုၵ်းၵၼ်ထႅင်ႈ ႁၢဝ်ႈႁႅင်း တီႈဝဵင်းမိူင်းပၢႆး ၸိုင်ႈတႆးပွတ်းၸၢၼ်း။ တႄႇႁူဝ်လိူၼ်ၾႅပ်ႊပိဝ်ႊရီႊၼႆႉမႃး  သိုၵ်းၵႅတ်ႇၶႄ ၸိူဝ်ႉၸၢတ်ႈယၢင်းလႅင် KNDF ႁူမ်ႈတင်း PDF  ပိုတ်းယိုဝ်းတိုၵ်းတေႃးၵၼ်တင်းသိုၵ်းမၢၼ်ႈ ၶမယ 422   ၾၢႆႇဢွၵ်ႇဝဵင်းမိူင်းပၢႆးႁၢဝ်ႈႁႅင်း၊  ၾၢႆႇတင်း သိုၵ်းမၢၼ်ႈ ၸႂ်ႉၶိူင်ႈမိၼ်...

သိုၵ်းၵႅတ်ႇၶႄၵူၼ်းမိူင်း ၼႂ်းပိုၼ်ႉတီႈ လၢတ်ႈဝႃႈ - ၼႂ်းႁူဝ်ပီ 2025 ၼႆႉ သိုၵ်းမၢၼ်ႈ ၸႂ်ႉၵူၼ်းၶီႇၸွင်ႈမိၼ် (Paramotor) သေ ပွႆႇမၢၵ်ႇၼႂ်းတိူင်းတႃႈၵုင်ႈ၊ တိူင်းၸႄႈၵႅင်း ၊ တိူင်းမၵူၺ်းလႄႈ တိူင်းပႃႇၵိူဝ် ၸိူဝ်းၼႆႉ ဝႃႈၼႆ။ လိူၼ်ၾႅပ်ႊပိဝ်ႊရီႊၼႆႉၵူၺ်း ၼႂ်းတိူင်းၸႄႈၵႅင်းၼၼ်ႉ သိုၵ်းမၢၼ်ႈၸႂ်ႉ ၵူၼ်းၶီႇၸွင်ႈမိၼ်သေ ပွႆႇမၢၵ်ႇၼႂ်းၸႄႈဝဵင်း ၵၼီႇ 2...

ယိူင်းဢၢၼ်း တႃႇၵိုတ်းပၢင်တိုၵ်း မိူင်းယူႊၶရဵၼ်ႊၼႆသေ ၼႂ်းၶၢဝ်းတၢင်းဢမ်ႇပေႃးႁိုင်သင်ၼႆႉ မိူင်းရတ်ႉသျႃးတင်း ဢမေႊရိၵၼ်ႊ တေၸတ်းပၢင်ဢုပ်ႇဢူဝ်းၵၼ် တီႈမိူင်းသေႃႇတီႇဢႃႇရေးပီယိူဝ်း ဝႃႈၼႆ။   တႃႇၶဝ်ႈႁူမ်ႈ ပၢင်ဢုပ်ႇဢူဝ်းၼၼ်ႉ ယွၼ်ႉဢမ်ႇမီးလွင်ႈၽိတ်ႈမွၵ်ႇမႃးလႄႈ ယူႇတီႈ မိူင်းယူႊၶရဵၼ်း တေဢမ်ႇသူင်ႇတူဝ်တႅၼ်းၵႂႃႇၶဝ်ႈႁူမ်ႈ။ လိူဝ်ၼၼ်ႉ ၶေႃႈတူၵ်းလူင်း ဢၼ်ဢမ်ႇပႃးၵၢင်ၸႂ်မိူင်းယူႊၶရဵၼ်းလႄႈ ဢမ်ႇယွမ်းႁပ်ႉလႆႈ - ၸွမ်ၸိုင်ႈ မိူင်းယူႊၶရဵၼ်း ၸီႊလႅၼ်ႊၸၵီး (Zealand...

ၽွင်းမိူင်းၶႄႇ မိပ်ႇဢီးႁႂ်ႈသိုၵ်းတဢၢင်း TNLA  လႄႈ သိုၵ်းမၢၼ်ႈ ႁူပ်ႉထူပ်းဢုပ်ႇဢူဝ်းၵၼ် ၽွင်းတူဝ်တႅၼ်းတင်းသွင် ၸုမ်းႁွတ်ႈထိုင်ဝႆႉတီႈဝဵင်းလူင်ၶုၼ်ႊမိင်ႊ မိူင်းၶႄႇၼၼ်ႉ တႃႇဢုပ်ႇဢူဝ်းလွင်ႈၵိုတ်းတိုၵ်းၵၼ် ၼႆယူႇၼၼ်ႉ သိုၵ်းမၢၼ်ႈဢဝ်ၶိူင်ႈမိၼ်မႃးပွႆႇမၢၵ်ႇသႂ်ႇတီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ၵူၼ်းမိူင်းလႆႈယၢပ်ႇၸႂ်ၸွမ်း။ ဝၼ်းတီႈ 15/2/2025 သိုၵ်းမၢၼ်ႈ လုၵ်ႉတၢင်း တပ်ႉၶမယ - 406 ဝၢၼ်ႈတွင်းၶမ်းလႄႈ ၶမယ 354 သေ ပွႆႇမၢၵ်ႇလူင်...