ၽွင်းပၢင်တိုၵ်း ဢိတ်ႉသ်ရေႊတင်း ဢီႊရၢၼ်ႊ ၶဵင်ႈၶႅင်ၵၼ်ႁၢဝ်ႈႁႅင်းယူႇၼႆႉ ၾၢႆႇတပ်ႉသိုၵ်းမိူင်း ဢိတ်ႉသ်ရေႊ IDF ပိုၼ်ၽၢဝ်ႇဢွၵ်ႇမႃးဝႃႈ ယိုဝ်းတၢႆလႆႈ ႁူဝ်ၼႃႈ ၾၢႆႇၵၢၼ်သိုၵ်းသုင်သုတ်း မိူင်းဢီႊရၢၼ်ႊယဝ်ႉ ဝႃႈၼႆ။

ပၢင်တိုၵ်း ၼႂ်းၶၢဝ်းတၢင်း 5 ဝၼ်းၼႆႉၵူၺ်း ယူႇတီႈ မိူင်းဢိတ်ႉသ်ရေႊ ယိုဝ်းတိုၵ်းလႄႈ ႁူဝ်ၼႃႈ ၾၢႆႇၵုမ်းသိုၵ်းသုင်သုတ်း 2 ၵေႃႉ မိူင်းဢီႊရၢၼ်ႊ လူႉတၢႆ။

မိူဝ်ႈဝၼ်းတီႈ 13/06/2025 ယၢမ်းၵၢင်ၼႂ် မိူင်းဢိတ်ႉသ်ရေႊ တႄႇယိုဝ်းတိုၵ်း မိူင်းဢီႊရၢၼ်ႊမႃး ႁၢဝ်ႈႁႅင်း၊ ၽွင်းၼၼ်ႉ ၽူႈၵွၼ်သိုၵ်းသုင်သုတ်း မိူင်းဢီႊရၢၼ်ႊ လူႉတၢႆ။ ဝၢႆးၼၼ်ႉ ၾၢႆႇမိူင်းဢီႊရၢၼ်ႊ လႆႈဢဝ်သျမၢၼ်ႊၼီႊ ႁပ်ႉပဵၼ်ႁူဝ်ၼႃႈ ၽူႈၵွၼ်းသိုၵ်း တႅၼ်းတၢင်။

ၼႂ်းဝၼ်းတီႈ 17 ၼႆႉ ဢိတ်ႉသ်ရေႊ ၸႂ်ႉၶိူင်ႈမိၼ်တပ်ႉလူမ်း ယိုဝ်းတိုၵ်းၵၢင်ဝဵင်းတႁီႊရၢၼ်ႊ ၼႂ်းမိူင်းဢီႊရၢၼ်ႊ ႁၢဝ်ႈႁႅင်း၊ ၽွင်းၼၼ်ႉ သျမၢၼ်ႊၼီႊ ၵေႃႉႁပ်ႉပုၼ်ႈၽွၼ်း ပဵၼ် ၽူႈမီးၸၼ်ႉ ၾၢႆႇၵွၼ်းသိုၵ်း လူႉတၢႆၵႂႃႇထႅင်ႈၼႆ IDF တပ်ႉသိုၵ်းမိူင်းဢိတ်ႉသ်ရေႊ ပိုၼ်ၽၢဝ်ႇပဵၼ်တၢင်းၵၢၼ် ဝႆႉၼင်ႇၼႆ။

ဢၢင်ႈဢိင် – theguardian