ဝၼ်းတီႈ 17/06/2025 တႄႇယၢမ်းၵၢင်ၼႂ် 9 မူင်း သိုၵ်းမၢၼ်ႈယိုတ်းမိူင်းတင်း ၸုမ်းႁူမ်ႈႁွမ်း သိုၵ်းၶၢင် ယိုဝ်းတိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၽႃၵၢၼ်ႉ ၸႄႈမိူင်းၶၢင် ၵူၼ်းပိုၼ်ႉတီႈဢွၼ် ၵၼ်မႆႈၸႂ် လွင်ႈႁူမ်ႇလူမ်ႈ။
သိုၵ်းမၢၼ်ႈ ႁူမ်ႈတင်းပျီႇတူႉၸိတ်ႉ ႁႅင်းသိုၵ်းမွၵ်ႈ 100 ထူဝ်းသိုၵ်းၶဝ်ႈ ႁိမ်းဝၢၼ်ႈမေႃႇၸီႇၸႃႇ (မော်စီစာ) သေ ပဵၼ်ပၢင်တိုၵ်းၵၼ်တင်း တပ်ႉသိုၵ်းၶၢင် KIA တင်း KPDF ႁၢဝ်ႈႁႅင်း။ မိူဝ်ႈပူၼ်ႉမႃး ဝၼ်းတီႈ 9-10 ၼၼ်ႉၵေႃႈ ပဵၼ်ပၢင်တိုၵ်းၵၼ်သေ သွင်ၾၢႆႇ မီးလွင်ႈမၢတ်ႇၸဵပ်းလူႉတၢႆ။
သၢႆသိုၵ်းမၢၼ်ႈၼႆႉ ၸဵမ်မိူဝ်ႈႁၢင်လိူၼ်မေႊၼၼ်ႉ ၶဝ်ထူဝ်းသိုၵ်းၶဝ်ႈၼႂ်းဢိူင်ႇလူင်ၶၢင်း ၸႄႈဝဵင်းၽႃၵၢၼ်ႉသေ ၽဝ်ႁိူၼ်းယေးလႄႈ ၶူဝ်းၶွင်ၵူၼ်းမိူင်း လူႉသုမ်းၸွမ်းလၢႆလင်။ တႄႇဢဝ်ဝၼ်းတီႈ 27 လိူၼ်မေႊ တေႃႇထိုင် ဝၼ်းတီႈ 17 လိူၼ်ၵျုၼ်ႊ ၶၢဝ်းတၢင်း 3 ဝူင်ႈၼႆႉ ၵူၼ်းမိူင်းၸႄႈဝဵင်းၽႃၵၢၼ်ႉ ၺႃးယိုဝ်းတၢႆ ဢမ်ႇယွမ်း 30 ၵေႃႉယဝ်ႉ – သိုဝ်ႇၶၢဝ်ႇ People’s Spring ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ