ပူၼ်ႉမႃး ၵၢင်လိူၼ်သႅပ်ႊထႅမ်ႊပိူဝ်ႊ ပျီႇတူႉၸိတ်ႉပဢူဝ်း PNO  တႂ်ႈသိုၵ်းမၢၼ်ႈယိုတ်းမိူင်း လၢတ်ႈဝႃႈ  ယိုတ်းၵုမ်းလႆႈၶိုၼ်း ၼႃႈတီႈ ၸုမ်းလုၵ်ႉၽိုၼ်ႉၶဝ်ၵုမ်းဝႆႉ ၼႂ်းၸႄႈဝဵင်းပၢင်လွင်း ၼႆသေတႃႉ  ဝၢႆးၼၼ်ႉ ၼႂ်းလိူၼ် ဢွၵ်ႊထူဝ်ႊပိူဝ်ႊ ၼႆႉမႃး ပၢင်တိုၵ်း ၼႂ်းၵႄႈ သိုၵ်းမၢၼ်ႈလႄႈ ၸုမ်းလုၵ်ႉၽိုၼ်ႉ ပဵၼ်ၶိုၼ်း တၢင်းဝၢၼ်ႈၵေႃမႆႉသၢင်း ၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ၼႆယဝ်ႉ...

ၼႂ်းဝၼ်းတီႈ 8/10/2025 ယၢမ်းတဵင်ႈၶိုၼ်း သိုၵ်းမၢၼ်ႈပွႆႇမၢၵ်ႇသႂ်ႇ တီႈဝၢၼ်ႈၼမ်ႉမင်း ၼႂ်းၵႄႈ ဝဵင်းၵျွၵ်ႉမႄး တင်း ဝဵင်းမိူင်းငေႃႉ ၸိုင်ႈတႆးပွတ်းႁွင်ႇ၊ မၢၵ်ႇတႅၵ်ႇတိူဝ်ႉၶူဝ်ၼမ်ႉမင်း လူႉၵွႆ ဝႃႈၼႆ။ ဝၢၼ်ႈၼမ်ႉမင်းၼႆႉ မီးၾၢႆႇႁွင်ႇဝဵင်းၵျွၵ်ႉမႄး မွၵ်ႈ 12 လၵ်း မီးၼိူဝ်သဵၼ်ႈတၢင်းၵႂႃႇဝဵင်းမိူင်းငေႃႉ ၼႃႈတီႈသိုၵ်းတဢၢင်း TNLA တူင်ႉၼိုင်ၵုမ်းၵမ်ဝႆႉ။ ၵူၼ်းဝၢၼ်ႈၼမ်ႉမင်း ဢၼ်ပၢႆႈၽေးမႃးယူႇသဝ်းဝႆႉတီႈ 11လၵ်းၼၼ်ႉ...

ၼႂ်းဝူင်ႈၼႆႉ သိုၵ်းမၢၼ်ႈယိုတ်းမိူင်း ႁူမ်ႈတင်းပျီႇတူႉၸိတ်ႉပဢူဝ်း PNO သေ ယိုဝ်းတိုၵ်းၵၼ်တင်း သိုၵ်းယၢင်းလႅင် ၸုမ်းၽွမ်ႉႁူမ်ႈ လုၵ်ႉၽိုၼ်ႉ ႁိမ်းဝၢၼ်ႈၵေႃမႆႉသၢင်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း။ ၼႂ်းဝၼ်းတီႈ 7/10/2025 သိုၵ်းမၢၼ်ႈတင်း ပျီႇတူႉၸိတ်ႉပဢူဝ်း ထႅမ်ႁႅင်းသိုၵ်းတူင်ႉၼိုင် တီႈလႅၼ်လိၼ် ပၢင်လွင်း - ၾၢႆၶုၼ်သေ ပဵၼ်ပၢင်တိုၵ်းၵၼ်တင်း ၸုမ်းလုၵ်ႉၽိုၼ်ႉ၊ ၼႂ်းဝၼ်းတီႈ 8/10/2025...

ဝၢႆးလင် သိုၵ်းမၢၼ်ႈ ယိုတ်းၵုမ်း  လႆႈၶိုၼ်းၸႄႈဝဵင်းၵျွၵ်ႉမႄးတီႈ သိုၵ်းတဢၢင်းယဝ်ႉ ဢမ်ႇႁိုင် သိုၵ်းမၢၼ်ႈ ၵိုင်ႉၵၢင်ႉၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းၵၢင်ဝဵင်းၼမ်ႉတူႈ ၸိုင်ႈတႆးပွတ်းႁွင်ႇ ႁဵတ်းႁႂ်ႈၵူၼ်းမိူင်း မႆႈၸႂ်လွင်ႈႁူမ်ႇလူမ်ႈ ငိူင်ႉပၢႆႈ ဝႃႈၼႆ ။ တႄႇဝၼ်းတီႈ 7/10/2025 ၼႆႉမႃးၵူၼ်းမိူင်းဝဵင်းၼမ်ႉတူႈ 200 ပၢႆ   မႆႈၸႂ်လွင်ႈႁူမ်ႇလူမ်ႈ ဢွၼ်ၵၼ်ငိူင်ႉပၢႆႈ ၵူဝ်သိုၵ်းမၢၼ်ႈမႃးပွႆႇမၢၵ်ႇထႅင်ႈ။  ယွၼ်ႉပိူဝ်ႈၼႂ်းၶၢဝ်းတၢင်း...

သိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇ တီႈဝဵင်းမိူင်းငေႃႉ မိူင်းလူင် ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ   ၵူၼ်းမိူင်းတၢႆ 10 ပၢႆ  ၼႂ်းၼၼ်ႉ ပႃးလုၵ်ႈဢွၼ်ႇ ဢႃယု 2 ၶူပ်ႇ ။ မိူၼ်ၼႆႉ ဝၼ်းတီႈ 8/10/2025  ယၢမ်းၵၢင်ၼႂ် 11 မူင်းပၢႆၼႆႉ ႁိူဝ်းမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇၼႂ်းပွၵ်ႉတႃႈလူင် ဝဵင်းမိူင်းငေႃႉ ထႅင်ႈ 2...

မိူဝ်ႈၼႆႉ ဝၼ်းတီႈ 7 လိူၼ်ဢွၵ်ႊထူဝ်ႊပိူဝ်ႊ ယၢမ်းၵၢင်ၼႂ်ၸဝ်ႉ 6 မူင်းၶိုင်ႈ ႁိူဝ်းမိၼ် (Jet Fighter) ၶွင်သိုၵ်းမၢၼ်ႈယိုတ်းမိူင်း ပွႆႇမၢၵ်ႇသႂ်ႇ ၼႂ်းဝဵင်းၼမ်ႉတူႈထႅင်ႈပွၵ်ႈၵမ်း 3 ၸိုင်ႈတႆးပွတ်းႁွင်ႇ။ မၢၵ်ႇတူၵ်းတႅၵ်ႇသႂ်ႇ ဝတ်ႉပူၵ်ႉပႃႇယူင်ႇ ႁူင်းၵေႃႇၵၢႆႇၸိူဝ်းမီးၼႂ်းဝၢင်းဝတ်ႉၼၼ်ႉ လူႉၵွႆၵႂႃႇတင်းသဵင်ႈ။ ၵူၼ်းတႄႉ ပၢႆႈၽေးသိုၵ်းဝႆႉယဝ်ႉလႄႈ   ဢမ်ႇမီးၽႂ်မၢတ်ႇၸဵပ်းလူႉတၢႆၼႆ ၵူၼ်းမိူင်းပိုၼ်ႉတီႈဝဵင်းၼမ်ႉတူႈလၢတ်ႈၼႄတီႈၽူႈတွႆႇႁွၵ်ႈၼင်ႇၼႆ။ “သင်ၶၸိူဝ်းယူႇတီႈဝတ်ႉၼၼ်ႉ ဢွၼ်ၵၼ်ငိူင်ႉဢွၵ်ႇဝႆႉ ၸဵမ်မိူဝ်ႈသိုၵ်းမၢၼ်ႈယိုတ်းမိူင်းမႃးပွႆႇမၢၵ်ႇ...

မိူဝ်ႈၼႆႉ ဝၼ်းတီႈ 6 တႄႇယၢမ်းၵၢင်ၼႂ် 7 မူင်းၶိုင်ႈ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ် (Jet Fighter) ပွႆႇမၢၵ်ႇသႂ်ႇ ၼႂ်းဝဵင်းၼမ်ႉတူႈ လႄႈ ဝဵင်းသီႇပေႃႉ ၼႃႈတီႈသိုၵ်းတဢၢင်းၵုမ်းၵမ်ၸူဝ်ႈၶၢဝ်း ဝၢႆးလင်ပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 ပွၵ်ႈၵမ်းသွင် ၸိုင်ႈတႆး ပွတ်းႁွင်ႇ။ ၶၢဝ်းယၢမ်းၵၢင်ၼႂ်ၸဝ်ႉ ၼႂ်းဝၼ်းဢွၵ်ႇဝႃႇ တႄႇမွၵ်ႈ 7 မူင်းၶိုင်ႈ...

မိူဝ်ႈၼႆႉဝၼ်းတီႈ 4/10/2025 ယၢမ်းၵၢင်ဝၼ်းတဵင်ႈ ႁိူဝ်းမိၼ်သိုၵ်းမၢၼ်ႈပွႆႇမၢၵ်ႇသႂ်ႇတီႈဝၢၼ်ႈၸႄႈတူၼ်ႈႁုင်း ၸႄႈဝဵင်းၼမ်ႉသၼ်ႇ ၸိုင်ႈတႆးပွတ်းႁွင်ႇ တူဝ်ႇမၢတ်ႇၵူၼ်းမိူင်း လုၵ်ႈဢွၼ်ႇ တၢႆ 2 ၵေႃႉ မၢတ်ႇၸဵပ်း 9 ၵေႃႉ။ လွင်ႈၼႆႉ ႁွင်ႈၵၢၼ်ၾၢႆႇပွင်ႇၶၢဝ်ႇ PSLF/TNLA ပိုၼ်ၽၢဝ်ႇမိူဝ်ႈယၢမ်းဝၢႆးဝၼ်းၼႆႉဝႃႈ - ပဵၼ်ႁိူဝ်းမိၼ်ၵျႅတ်ႊၾၢႆႊတႃႊ ပွႆႇမၢၵ်ႇသႅၼ်း 250 ပွၼ်ႊ 2 လုၵ်ႈ။...

မိူဝ်ႈၼႆႉ 4/10/2025 ယၢမ်းၵၢင်ၼႂ်ႁိမ်း 8 မူင်း ႁိူဝ်းမိၼ် သိုၵ်းမၢၼ်ႈ မိၼ်ဝၢႆႈ ပွႆႇမၢၵ်ႇသႂ်ႇ ၼႂ်းၸႄႈဝဵင်းသီႇပေႃႉ မၢၵ်ႇလူင်တူၵ်းသႂ်ႇ တၢင်းပွတ်းဝၢၼ်ႈဢုမ်ႇမူႉ တင်း တၢင်းၵႂႃႇၼမ်ႉတူၵ်းႁူးၼွႆႉ ၸိူဝ်းၼႆႉထႅင်ႈ။ ၵူၼ်းသီႇပေႃႉ ၵေႃႉၼိုင်ႈလၢတ်ႈတီႈ ၸုမ်းၶၢဝ်ႇၽူႈတွႆႇႁွၵ်ႈဝႃႈ - “သိုၵ်းမၢၼ်ႈမႃးပွႆႇမၢၵ်ႇသႂ်ႇ ႁိမ်းဢုမ်ႇမူႉလုၵ်ႈၼိုင်ႈ တၢင်းပွတ်းဝၢၼ်ႈၵေႃႇတၢၼ်ႇ တၢင်းၶိုၼ်ႈၵႂႃႇမိူဝ်း ၼမ်ႉႁူးၼွႆႉ ၼၼ်ႉလုၵ်ႈၼိုင်ႈဢေႃႈ။...

မိူဝ်ႈဝႃး ဝၼ်းတီႈ 2/10/2025 ယၢမ်းၵၢင်ၶမ်ႈ 10 မူင်းပၢႆ သိုၵ်းမၢၼ်ႈယိုတ်းမိူင်း ၸႂ်ႉတိုဝ်းႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ႁိမ်းတူဝ်းၵဵၵ်ႉ ၾၢႆႇတူၵ်းဝဵင်းသီႇပေႃႉ ၸိုင်ႈတႆးပွတ်းႁွင်ႇ။ မၢၵ်ႇႁိူဝ်းမိၼ်တိုၵ်း သိုၵ်းမၢၼ်ႈယိုတ်းမိူင်းၵႂႃႇတူၵ်းတိူဝ်ႉသႂ်ႇ ႁူင်းႁႅမ်း ၵုမုတြႃႇ ၼႂ်းပွၵ်ႉၸၢမ်ၽိူၵ်ႇ ႁိမ်းႁွမ်းၼၼ်ႉ ဢမ်ႇမီးႁိူၼ်းယေး ၵူၼ်းမိူင်း ယူႇသဝ်းဝႆႉၼႆ ၵူၼ်းမိူင်းပိုၼ်ႉတီႈဝဵင်းသီႇပေႃႉ လၢတ်ႈၼႄၼင်ႇၼႆ။ “တၢင်းၼၼ်ႉဢမ်ႇမီးႁိူၼ်းၵူၼ်းယူႇဝႆႉလႄႈ ဢမ်ႇမီးၵူၼ်းတိူဝ်ႉမၢတ်ႇၸဵပ်းၸွမ်းသေၵေႃႉၼင်ႇၵဝ်ႇ။ ၼႂ်းဝဵင်းၼႆႉ...

မိူဝ်ႈၼႆႉ ဝၼ်းတီႈ 2 /10/2025 ယၢမ်းၵၢင်ၼႂ် 7 မူင်းပၢႆ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႅၼ်း 500   ပွင်ႊ တူၵ်းသႂ်ႇႁိူၼ်းယေး ၵူၼ်းမိူင်း ပွၵ်ႉ 8 ဝဵင်းၼမ်ႉတူႈ တီႈဢၼ်မီးၵူၼ်းပၢႆႈၽေးသိုၵ်း၊ မီးလွင်ႈမၢတ်ႇၸဵပ်းလူႉတၢႆၼမ်။ တီႈဢၼ်မၢၵ်ႇလူင်တူၵ်းသႂ်ႇၼၼ်ႉမီးၵူၼ်းမိူင်းၸိူဝ်း လုၵ်ႉတၢင်းဝဵင်းၵျွၵ်ႉမႄး ပၢႆႈၽေးပၢင်တိုၵ်း မႃးသွၼ်ႈ ယူႇသဝ်းဝႆႉၸွမ်းၸူဝ်ႈၶၢဝ်း ၊...

မိူဝ်ႈၼႆႉ ဝၼ်းတီႈ 01/10/2025 ယၢမ်းဝၢႆးဝၼ်း သိုၵ်းမၢၼ်ႈ ၶဝ်ႈယိုဝ်းသိုၵ်းတဢၢင်း TNLA ၼႂ်းဝဵင်းၵျွၵ်ႉမႄးသေ ၶဝ်ႈပုတ်ႈဢဝ်တီႈယူႇတႅၼ်းဝႆႉၶိုၼ်း- ထၢႆႇႁၢင်ႈတူင်ႉ ၶႅပ်းႁၢင်ႈလွင်ႈၵူၼ်းၸိူဝ်းၵမ်ႉထႅမ်ၶဝ်ပႂ်ႉႁပ်ႉတွၼ်ႈမူၼ်ႈမူၼ်ႈသိူဝ်းသိူဝ်းသေ ပိုၼ်ၽႄႈတၢင်းသိုဝ်ႇၼႅင်ႈသၢၼ်လၢႆလၢႆတၢင်း ၼႄၾၢင်ႁၢင်ႈၶဝ်ၶိုၼ်းၵုမ်းဝဵင်းၵျွၵ်ႉမႄးယဝ်ႉ။ သိုၵ်းမၢၼ်ႈၼႆႉ လုၵ်ႉတၢင်းဝၢၼ်ႈၶူဝ်မုင်း ၶဝ်ႈၵႂႃႇထိုင်ပၢႆႉတၢင်းၶဝ်ႈဝဵင်းၵျွၵ်ႉမႄးသေ သိုပ်ႇၶဝ်ႈၵႂႃႇပၵ်းတပ်ႉပၢင်သဝ်းထိုင် ၼႂ်းဝဵင်းၵျွၵ်ႉမႄးၶိုၼ်း။ သိုၵ်းတဢၢင်း (TNLA) တႄႉ လုၵ်ႉတၢင်းတူဝ်းၵဵၵ်ႉဝဵင်းၵျွၵ်ႉမႄး ဢွၵ်ႇၵႂႃႇတၢင်းဝဵင်းသီႇပေႃႉဝႆႉလႄႈ ၵူၼ်းဝၢၼ်ႈၸိူဝ်းယူႇသဝ်းဝႆႉ ၵႄႈၵၢင်ဝဵင်းၵျွၵ်ႉမႄး- သီႇပေႃႉ...

မိူဝ်ႈၼႆႉ ဝၼ်းတီႈ 1 လိူၼ်ဢွၵ်ႇထူဝ်ႊပိူဝ်ႊ သိုၵ်းမၢၼ်ႈ ၸတ်းသၢႆသိုၵ်း သိုပ်ႇမုင်ႈၼႃႈၶဝ်ႈလူမ်ႇတိုၵ်း သိုၵ်းတဢၢင်း (TNLA) ၸိူဝ်း တူင်ႉၼိုင်ယူႇသဝ်းဝႆႉယူႇၼႂ်းဝဵင်းၵျွၵ်ႉမႄးၼၼ်ႉသေ တင်းသွင်ၾၢႆႇပဵၼ်ပၢင်တိုၵ်းၵၼ်ဝႆႉႁၢဝ်ႈႁႅင်းလႄႈ ၵူၼ်းမိူင်းပိုၼ်ႉတီႈဢမ်ႇပႆႇ ၸၢင်ႈပွၵ်ႈယူႇၶိုၼ်းႁိူၼ်းၽႂ်မၼ်းႁႂ်ႈလွတ်ႈၽေး၊ ဢမ်ႇၸၢင်ႈႁဵတ်းၵၢၼ်ႁႃၵိၼ်လဵင်ႉတွင်ႉလီငၢမ်း၊ ၶူဝ်းၶွင်ၵိၼ်ယႅမ်ႉၵေႃႈႁႃသိုဝ်ႉ ယၢပ်ႇ ၼႆယဝ်ႉ။ ၵူၼ်းမိူင်းၼႂ်းဝဵင်းၵျွၵ်ႉမႄး လႄႈ ၸိူဝ်းယူႇၸွမ်းဝၢၼ်ႈသၢပ်ႇဝဵင်းၵျွၵ်ႉမႄး ဢွၼ်ၵၼ်လႆႈငိူင်ႉဝႄႈပၢင်တိုၵ်းသေ ၵႂႃႇယူႇသဝ်းဝႆႉ ဢွင်ႈတီႈလွတ်ႈၽေးမၢၵ်ႇၵွင်ႈ တီႈႁၢင်ႇၵႆပိုၼ်ႉတီႈပဵၼ်ပၢင်တိုၵ်းၼၼ်ႉၸူဝ်ႈၶၢဝ်းသေ...

ဝၢႆးလင် ၸုမ်းလုၵ်ႉၽိုၼ်ႉထွႆဢွၵ်ႇ  ဝဵင်းၾၢႆၶုၼ်ယဝ်ႉ သိုၵ်းမၢၼ်ႈႁူမ်ႈပျီႇတူႉၸိတ်ႉ ၶဝ်ႈပၵ်းတပ်ႉ ၼႂ်းဝၢၼ်ႈသေ ၸႂ်ႉၵူၼ်းပၢႆႈၽေးသိုၵ်း ၸိူဝ်းပၢႆႈသွၼ်ႈယူႇဝႆႉၸွမ်း ဝဵင်းပၢင်လွင်း ၊ ယွင်ႁူၺ်ႈ ၊ သီႇသႅင်ႇ  ဢွၼ်ၵၼ်ပွၵ်ႈယူႇႁိူၼ်းယေးၽႂ်မၼ်းၶိုၼ်း ။ ယၢမ်းလဵဝ် ၵူၼ်ႈပၢႆႈၽေးသိုၵ်းဢွၼ်ၵၼ်ပွၵ်ႈမိူဝ်းၶိုၼ်းႁိူၼ်းယေးၽႂ်မၼ်းယဝ်ႉသေတႃႉ  ယွၼ်ႉဢမ်ႇမီး ၸုမ်းလႂ်မႃးၽဵဝ်ႈပၼ်မၢၵ်ႇမႅင်းဢၼ်ၵိုတ်းၶင်ႉဝႆႉၽွင်းပၢင်တိုၵ်းၼၼ်ႉလႄႈ  ႁဵတ်းႁႂ်ႈၵူၼ်းပၢႆႈၽေးသိုၵ်း ပွၵ်ႈၶိုၼ်းႁိူၼ်းယေး ယဵပ်ႇၺႃးမၢၵ်ႇ  ။ ၼႂ်းဝၼ်းတီႈ 12/9/2025 ၵူၼ်းဝၢၼ်ႈၼႃးႁီး...

မိူဝ်ႈၼႆႉ ဝၼ်းတီႈ 1 လိူၼ်ဢွၵ်ႇထူဝ်ႊပိူဝ်ႊ ယၢမ်းၵၢင်ဝၼ်း 11 မူင်း သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၾၢႆႇဝၼ်းတူၵ်း ဝဵင်းမိူင်းၵုတ်ႈ တီႈပွၵ်ႉ ႁူဝ်ၼမ်ႉ (ရေထွက်ကြီး) တိူဝ်ႉၺႃးၵူၼ်းမိူင်း မၢတ်ႇၸဵပ်းၸွမ်း 2 ၵေႃႉ (တၢႆၵေႃႉၼိုင်ႈ မၢတ်ႇၸဵပ်းၵေႃႉၼိုင်ႈ) ၼႆယဝ်ႉ။ ၵူၼ်းမိူင်းပိုၼ်ႉတီႈ ဝဵင်းမိူင်းၵုတ်ႈလၢတ်ႈၼႄဝႃႈ...