မိူဝ်ႈၼႆႉ ဝၼ်းတီႈ 11/3/2021 ယၢမ်းၵၢင်ၼႂ် ၵူၼ်းၼုမ်ႇ မူႇၸေႊ ၼႄၵၢင်ၸႂ် သၢၼ်ၶတ်းသိုၵ်းယိုတ်းဢႃႇၼႃႇ ၸိုင်ႈမိူင်း တီႈၵၢင်ဝဵင်း ၼႂ်းၸႄႈဝဵင်းမူႇၸေႊ ၸိုင်ႈ တႆး ၵူၼ်းၼုမ်ႇ  13 ၵေႃႉထုၵ်ႇပလိၵ်ႈသိုၵ်းမၢၼ်ႈ တီႉၺွပ်းသႂ်ႇၵႃးၵႂႃႇ ဝႃႈၼႆ။ ၵူၼ်းၼုမ်ႇ ၽူႈၶဝ်ႈႁူမ်ႈ ပၢင်ၼႄၵၢင်ၸႂ် ၵေႃႉၼိုင်ႈ လၢတ်ႈဝႃႈ - “ၵတ်းၵႃႈ...

ၵူၼ်းၼုမ်ႇဝဵင်းၵျွၵ်ႉမႄး ဢၼ်ၼႄၵၢင်ၸႂ် သၢၼ်ၶတ်း တေႃႇသိုၵ်း မၢၼ်ႈ ယိုတ်းဢႃႇၼႃႇ မိူဝ်ႈၼႆႉ ဝၼ်းတီႈ 10/3/2021 ၼၼ်ႉ ၺႃးသိုၵ်းလႄႈပလိၵ်ႈမၢၼ်ႈတီႉၺွပ်းၵႂႃႇ 2 ၵေႃႉ ယၢမ်းဝၢႆးဝၼ်း 3 မူင်း ပလိၵ်ႈ ၸင်ႇပွႆႇတူဝ်ပၼ်ၶိုၼ်း။ ၽူႈတူင်ႉၼိုင် ၼႂ်းၸုမ်းတူင်ႇဝူင်းတႆး ၵေႃႉၼိုင်ႈ လၢတ်ႈဝႃႈ - “ မိူဝ်ႈၼႆႉ...

ပၢင်ၼႄၵၢင်ၸႂ် တီႈဝဵင်းတူၼ်ႈတီးမိူဝ်ႈၼႆႉ ၵူၼ်းၼုမ်ႇ ထုၵ်ႇပလိၵ်ႈ သိုၵ်းမၢၼ်ႈတီႉၺွပ်းၵႂႃႇထႅင်ႈ 2 ၵေႃႉ တိူဝ်ႉၺႃးမၢၵ်ႇၵွင်ႈယၢင် မၢတ်ႇၸဵပ်း 1 ၵေႃႉ ။ မိူဝ်ႈၼႆႉ ဝၼ်းတီႈ 10/3/2021 ယၢမ်းၵၢင်ၼႂ် 9 မူင်း ၵူၼ်းၼုမ်ႇဝဵင်းတူၼ်ႈတီး ဢဝ်လၢႆးၵတ်းယဵၼ် ၼႄၵၢင်ၸႂ်သၢၼ်ၶတ်း သိုၵ်းယိုတ်းဢႃႇၼႃႇ လၢႆလၢႆတီႈ။ မိူဝ်ႈၼႆႉၵေႃႈၺႃးပလိၵ်ႈလႄႈ သိုၵ်းဢဝ်မၢၵ်ႇၵႂၼ်းၵႅတ်ႉသ်လႄႈၵွင်ႈမၢၵ်ႇယၢင်...

ၵူၼ်းၼုမ်ႇ ၼမ်ႉၶမ်း ႁူမ်ႈၵၼ် ယွၼ်းသူးတႆႈတဵၼ်း တိူင်ႇၵၢဝ်ႇထိုင် ၽူႈႁတ်းႁၢၼ် ၸိူဝ်းလူႉသဵင်ႈၵႂႃႇၽွင်းပၢင်ၼႄၵၢင်ၸႂ် သၢၼ်ၶတ်းတေႃႇ သိုၵ်းမၢၼ်ႈ ဝႃႈၼႆ။ ဝၼ်းတီႈ 9/3/2021 ယၢမ်းႁူဝ်ၶမ်ႈ မွၵ်ႈ 5 မူင်းၵူၼ်းၼုမ်ႇႁူမ်ႈၵၼ်သေ ၸတ်းႁဵတ်းပၢင်ယွၼ်းသူးပၼ် ၵူၼ်းမိူင်းၵူၼ်းၼုမ်ႇၽူႈႁတ်းႁၢၼ် ၸိူဝ်းလႆႈလူႉသဵင်ႈသၢႆၸႂ်ၵႂႃႇ ၼႂ်းပၢင် ၼႄၵၢင်ၸႂ် ပူၼ်ႉမႃးၸိူဝ်းၼၼ်ႉ။ ပၢင်ယွၼ်းသူးၸတ်းႁဵတ်း တီႈၵၢင်ဝဵင်းၼမ်ႉၶမ်း ၸိုင်ႈ...

ပၢင်ၼႄၵၢင်ၸႂ် တီႈသီႇပေႃႉ ပလိၵ်ႈ/သိုၵ်းမၢၼ်ႈ ႁၢမ်ႈႁႄႉဢမ်ႇပၼ် ၵူၼ်းမိူင်း/ ၵူၼ်းၼုမ်ႇ ဢွၵ်ႇၼႄၵၢင်ၸႂ် ပဵၼ်ဝၼ်း ႁႅၵ်ႈ ဝႃႈၼႆ။ မိူဝ်ႈၼႆႉ ဝၼ်းတီႈ 10/3/2021 ယၢမ်းၵၢင်ၼႂ် ၵူၼ်းမိူင်း/ ၵူၼ်းၼုမ်ႇ တီႈၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆး ပွတ်းႁွင်ႇ တေၶွၼ်ႈတုမ် ႁူမ်ႈၵၼ် ဢွၵ်ႇၼႄၵၢင်ၸႂ် သၢၼ်ၶတ်းတေႃႇသိုၵ်းမၢၼ်ႈ ယိုတ်းဢႃႇၼႃႇ...

ဝၼ်းမိူဝ်ႈၼႆႉ 9/3/2021 ယၢမ်းဝၢႆးဝၼ်း ၶွင်ႇသီႇဢဝ်ၶိုၼ်းၸိုင်ႈတႆး တပ်ႉသိုၵ်းၸိုင်ႈတႆး RCSS/SSA တင်း ၶွမ်ႊမတီႊတႅၼ်းတၢင်သၽႃးမိူင်းႁူမ်ႈတုမ် CRPH ႁူပ်ႉထူပ်းၵၼ် တင်းဢွၼ်ႊလၢႆႊ  လူၺ်ႈဢမ်ႇပဵၼ်တၢင်းၵၢၼ်။ ပၢင်ႁူပ်ႉထူပ်းဢုပ်ႇဢူဝ်းၵၼ်ၼၼ်ႉ ၸဝ်ႈသိုၵ်းလူင်ၸၢႆးငိုၼ်း ၽူႈၼမ်းၼႂ်း (2) ၶွင်ႇသီႇဢဝ်ၶိုၼ်းၸိုင်ႈတႆး RCSS/SSA ဢွၼ်ႁူဝ်သေ မီးၽူႈၶဝ်ၵေႃပွင်ၵၢၼ်ငဝ်ႈငုၼ်း ၸဝ်ႈသိုၵ်းၸၢႆးႁၢၼ်၊ ၸၢႆးလႅင်း ၶဝ်ႈႁူမ်ႈၸွမ်း။ ထႅင်ႈၾၢႆႇၼိုင်ႈသမ်ႉ ၽူႈၶဝ်ၵေႃပွင်ၵၢၼ်ငဝ်ႈငုၼ်း ပႃႇတီႇၼူၵ်ႉယုင်း...

ဝၼ်းတီႈ 8 လႄႈ 9/3/2021 ၶွင်ႇသီႇသိုၵ်းမၢၼ်ႈ သွၵ်ႈတဝ်ႁွင်ႈလုမ်းႁဵတ်းၵၢၼ်သိုဝ်ႇၶၢဝ်ႇ မၢၼ်ႈလၢႆလၢႆဢၼ် လႄႈပိုၼ်ၽၢဝ်ႇ ယိုတ်းပႅတ်ႈဝႂ်ဢၼုယၢတ်ႈႁဵတ်းၵၢၼ်ၶၢဝ်ႇလၢႆလၢႆႁွင်ႈၵၢၼ်ၶၢဝ်ႇမၢၼ်ႈ။ ၽွင်းၶၢဝ်းလူင်ပွင်ၸိုင်ႈတီႊမူဝ်ႊၶရေႊသီႊ 2 သိုပ်ႇ 2 ပၢၼ် ဢၼ်ၵူၼ်းမိူင်းလိူၵ်ႈတင်ႈၶိုၼ်ႈမႃးၽွင်းငမ်းၼၼ်ႉ ပၼ်တီႈယူႇသိုဝ်ႇၶၢဝ်ႇမီႇတီႇယႃႇပဵၼ်သင်ႉလၵ်းတီႈ 4 ၼႂ်းၵၢၼ်ပူၵ်းပွင်ဝၢၼ်ႈမိူင်း ဝႃႈၼႆသေတႃႉ ဝၼ်းတီႈ 8 ယၢမ်းဝၢႆးဝၼ်း ပလိၵ်ႈလႄႈသိုၵ်းၶဝ်ႈသွၵ်ႈလုမ်းသိုဝ်ႇၶၢဝ်ႇ မျၢၼ်ႇမႃႇၼၢဝ်း Myanmar...

မိူဝ်ႈၼႆႉဝၼ်းတီႈ 9/3/2021 သိုၵ်းလႄႈပလိၵ်ႈ ဢဝ်ဢဵၼ်ႁႅင်း ယႃႉၾုင် ၵူၼ်းၼႄၵၢင်ၸႂ်ယၢႆႈ တီႉၺွပ်းၵူၼ်းၼႄၵၢင်ၸႂ်ၵႂႃႇ 10 ပၢႆပႃးတင်း ၽူႈယိင်းၵေႃႉၼိုင်ႈ။ မိူဝ်ႈၼႆႉယၢမ်းၵၢင်ၼႂ် ၵၢင်ဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ ဢမ်ႇမီး ပၢင်ၼႄၵၢင်ၸႂ်သင်သေတႃႉ သိုၵ်းလႄႈပလိၵ်ႈ ဢဝ်ႁႅင်းၵူၼ်း ရူတ်ႉလၢႆလၢႆလမ်းပၼ်ႇလဵပ်ႈဝဵင်း။ၸွမ်းသဵၼ်ႈတႃႈသၢႆတၢင်း ဝဵင်းတူၼ်ႈတီး မၢင်တီႈမီး ပလိၵ်ႈပႂ်ႉဝႆႉသေ ယွၼ်းတူၺ်း ၾူၼ်း မိုဝ်း ထိုဝ်ၵူၼ်းမိူင်း။ ပေႃးႁၼ်ဢၼ်ထၢႆႇဝႆႉ၊...

ၾၢႆႇယေးငိုၼ်းၸိုင်ႈမိူင်း ၶွင်ႇသီႇသိုၵ်းမၢၼ်ႈ ဢွၵ်ႇလိၵ်ႈပိုၼ်ၽၢဝ်ႇႁႂ်ႈပိုတ်ႇယေးငိုၼ်းဝၼ်းတီႈ 8/3/2021 မိူဝ်ႈၼႆႉသေတႃႉ ယေးငိုၼ်းပႆႇႁတ်းပိုတ်ႇသေဢၼ်။ ဝၼ်းတီႈ 5/3/2021 ငဝ်ႈငုၼ်းယေးငိုၼ်းၸိုင်ႈမိူင်း မိူင်းမၢၼ်ႈ ဢွၵ်ႇလိၵ်ႈပိုၼ်ၽၢဝ်ႇၽိုၼ်ၼိုင်ႈဝႃႈ  ၼင်ႇႁိုဝ် ၵၢၼ်ပၢႆးမၢၵ်ႈမီး ၵၢၼ်​​တေႃႉသူင်ႇၶူဝ်းၵုၼ်ႇ တေမိူၼ်ၵဝ်ႇၶိုၼ်းၼၼ်ႉ ႁႂ်ႈဢွၼ်ၵၼ်ပိုတ်ႇယေးငိုၼ်းၶိုၼ်းၼႂ်းဝၼ်းတီႈ 8/3/2021 ။ သင်ဝႃႈဢမ်ႇပိုတ်ႇယေးငိုၼ်းၸွမ်းၼင်ႇၶေႃႈပူင်ၸိုင်တေဢဝ်လိူင်ႈႁႂ်ႈထိုင်တီႈဝႃႈၼႆ။ ၽူႈမီးပုၼ်ႈၽွၼ်း ၵူၼ်းႁဵတ်းၵၢၼ်ယေးငိုၼ်း ၵေႃႉၼိုင်ႈ တီႈတႃႈၶီႈလဵၵ်း လၢတ်ႈဝႃႈ - “ၸႂ်ႈၶႃႈဢေႃႈ...

မိူဝ်ႈၼႆႉ ဝၼ်းတီႈ 8/3/2021 ၵူၼ်းမိူင်း ၸႄႈဝဵင်းလွႆလႅမ်-ပၢင်လူင် ဢွၵ်ႇၼႄၵၢင်ၸႂ်သၢၼ်ၶတ်းသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း၊ ပလိၵ်ႈ/ သိုၵ်းမၢၼ်ႈ တီႉၺွပ်းၵူၼ်းမိူင်း ၼွၵ်ႈဝဵင်းၼႂ်းဝဵင်းတင်းမူတ်း 13 ၵေႃႉဝႃႈၼႆ။ ၵူၼ်းပိုၼ်ႉတီႈ လွႆလႅမ် လၢတ်ႈဝႃႈ - “ ၸႂ်ႈၶႃႈဢေႃႈ မိူဝ်ႈၼႆႉ ယၢမ်းၵၢင်ၼႂ် ၵူၼ်းမိူင်းလွႆလႅမ် ၺႃးတီႉ  3 ၵေႃႉ။...

ပၢင်ၼႄၵၢင်ၸႂ် တီႈမူႇၸေႊ မိူဝ်ႈၼႆႉ ပလိၵ်ႈ/ သိုၵ်းမၢၼ်ႈ  တႄႇၸႂ်ႉလၢႆးႁုၵ်ႉႁၢႆႉ ယိုဝ်းၵွင်ႈ မၢၵ်ႇယၢင် ပွႆႇမၢၵ်ႇၵႅတ်ႉသ် ၼမ်ႉတႃ တေႃႇ ၵူၼ်းမိူင်းၼႄၵၢင်ၸႂ်   ။ မိူဝ်ႈၼႆႉ ဝၼ်းတီႈ 8/3/2/2021 ယၢမ်းၵၢင်ၼႂ် ၵူၼ်းမိူင်းမူႇၸေႊ ႁူမ်ႈၵၼ်ၼႄၵၢင်ၸႂ် ထႅင်ႈ။ ဢဵၼ်ႁႅင်းၵူၼ်းမိူင်းမီးၼမ်လိူဝ်တၢင်ႇဝၼ်း။  ပလိၵ်ႈ/ သိုၵ်း မၢၼ်ႈ တႄႇၸႂ်ႉလၢႆးႁုၵ်ႉႁၢႆႉ...

တွၼ်ႈတႃႇ လၢႆးၵၢၼ်ႁဝ်းၶႃႈ ဝူင်ႈၼႆႉ ႁဝ်းၶႃႈ လိူၵ်ႈဝႆႉႁူဝ်ၶေႃႈ ဢၼ်ဝႃႈ CRPH ပဵၼ်ၸိူင်ႉႁိုဝ် မီးၸိူင်ႉႁိုဝ်ၼႆၼၼ်ႉ။ CRPH  Committee  Representing Pyidaungsu Hluttaw ၼႆႉ ၶွတ်ႇၽွတ်ႈမႃးမိူဝ်ႈလိူၼ်ၾႅပ်ႊၿိဝ်ႊရီႊ ဝၼ်းတီႈ 5 ၼၼ်ႉ ၾၢႆႇတႆး ႁဝ်းၶႃႈတႄႉ တေၸၢင်ႈႁွင်ႉဝႃႈ ၵေႃပွင် ၵၢၼ်တႅၼ်းတၢင်သၽႃးမိူင်းႁူမ်ႈတုမ်။ ၼင်ႇၶဝ်လၢတ်ႈတႄႉ...

ၽွင်းလူင်ၾၢႆႇငိုၼ်းတွင်း လႄႈၽူႈၶၢၼ်ပၢၵ်ႇ လူင်ပွင်ၸိုင်ႈမိူင်းတႆး ဢူးၸူဝ်းၺုၼ်ႉလုၼ်ႇ  ၺႃးတီႉတီႈတႃႈၵုင်ႈမိူဝ်ႈၶမ်ႈဝႃးဝၼ်းတီႈ 5/3/2021 ။ ပလိၵ်ႈလႄႈတပ်ႉသိုၵ်းႁူမ်ႈၵၼ်ၶဝ်ႈၵူတ်ႇထတ်းတီႈႁွင်ႈဢၼ်ၶဝ်ယူႇဝႆႉ တီႈတိုၵ်းဢၼ်ၼိုင်ႈၼႂ်းဝဵင်းတႃႈၵုင်ႈ၊ တီႉလႆႈပႃး ဢူးယႄးလၢႆႇ ႁူဝ်ပဝ်ႈပႃႇတီႇၼူၵ်ႉယုင်း NLD ၸႄႈဝဵင်းလွႆလႅမ်။ တင်ႈဢဝ်သိုၵ်းယိုတ်းဢႃႇၼႃႇမႃးၼႂ်းၶၢဝ်းတၢင်း လိူၼ်ပၢႆ 6 ဝၼ်းၼႆႉ ဢူးၸူဝ်းၺုၼ်ႉလုၼ်ႇၺႃးတီႉ  ပဵၼ်ၵမ်းတီႈ 3။ ဢူးၸူဝ်းၺုၼ်ႉလုၼ်ႇၼႆႉ  သိုၵ်းပိုၼ်ၽၢဝ်ႇတႃႇတီႉၺွပ်းမၼ်းၸၢႆးဝႆႉၸဵမ်မိူဝ်ႈၵၢင်လိူၼ်ၾႅပ်ႉပိဝ်ႊရီႊပူၼ်ႉမႃး။   ၽွင်းမၼ်းၸၢႆး သိူင်ႇတူဝ်သွၼ်ႈဝႆႉၼၼ်ႉမၼ်းၸၢႆးၵႆႉၵႆႉတႅမ်ႈတၢင်ႇတီႈၾဵတ်ႉသ်ပုၵ်ႉမၼ်းၵဵဝ်ႇၵပ်းလွင်ႈ ၶေႃႈပိုၼ်ၽၢဝ်ႇလူင်ပွင်ၸိုင်ႈမိူင်းတႆး၊ ၵဵဝ်ႇၵပ်းလွင်ႈ...

လိၵ်ႈဢၼ် ၸႂ်ႉၸိုဝ်ႈႁွင်ႈၵၢၼ်ၾၢႆႇၼွၵ်ႈမိူင်း RCSS ယိုၼ်ႈထိုင် တွၵ်ႊတိူဝ်ႊသႃႊသႃႊ ၵဵဝ်ႇၵပ်းလွင်ႈတေႁူမ်ႈမိုဝ်းၵၼ်ႁဵတ်းၵၢၼ်ၵႂႃႇၼၼ်ႉ ဢမ်ႇၸႂ်ႈၶေႃႈၸီႉသင်ႇ ႁူဝ်ပဝ်ႈ RCSS ၸွမ်သိုၵ်းလူင်ယွတ်ႈသိုၵ်း ဝႃႈၼႆ။ ဝၼ်းတီႈ 6/3/2021 မိူဝ်ႈၼႆႉမီးလိၵ်ႈၽိုၼ်ႈၼိုင်ႈ ယိုၼ်ႈထိုင် တွၵ်ႊတိူဝ်ႊသႃႊသႃႊ ၽူႈတႅၼ်းတၢင်မိူင်းမၢၼ်ႈ CRPH ၵဵဝ်ႇလူၺ်ႈၸၢတ်ႈၸိုင်ႈလုမ်ႈၾႃႉၵဵဝ်ႇၵပ်းလွင်ႈတႃႇသၢၼ်မိုဝ်းၵၼ်ႁဵတ်းၵၢၼ်ၵႂႃႇ။ တီႈၽိုၼ်လိၵ်ႈၼၼ်ႉ တွၵ်ႇဝႆႉမၢႆ (လူဝ်ႊၵူဝ်ႊ) ႁွင်ႈၵၢၼ်ၾၢႆႇၼွၵ်ႈမိူင်း ၶွင်ႇသီႇဢဝ်ၶိုၼ်းၸိုင်ႈတႆးတပ်ႉသိုၵ်းၸိုင်ႈတႆး RCSS/SSA...

မိူဝ်ႈၼႆႉ ဝၼ်းတီႈ 5/3/2021 ယၢမ်းၵၢင်ၼႂ် 9 မူင်း ထိုင် 11 မူင်း ၵၢင်ဝၼ်း ၵူၼ်းမိူင်း/ ၵူၼ်းၼုမ်ႇ ႁူမ်ႈၵၼ်ၼႄၵၢင်ၸႂ် သၢၼ်ၶတ်းတေႃႇသိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်း တီႈၼိူဝ်သဵၼ်ႈတၢင်းလူင် လႃႈသဵဝ်ႈ - သႅၼ်ဝီ ၸႄႈဝဵင်းလႃႈသဵဝ်ႈ ၸိုင်ႈတႆး ပွတ်းႁွင်ႇ ၽူႈၶဝ်ႈႁူမ်ႈ...