ၵူၼ်းၼုမ်ႇဝဵင်းၵျွၵ်ႉမႄး ဢၼ်ၼႄၵၢင်ၸႂ် သၢၼ်ၶတ်း တေႃႇသိုၵ်း မၢၼ်ႈ ယိုတ်းဢႃႇၼႃႇ မိူဝ်ႈၼႆႉ ဝၼ်းတီႈ 10/3/2021 ၼၼ်ႉ ၺႃးသိုၵ်းလႄႈပလိၵ်ႈမၢၼ်ႈတီႉၺွပ်းၵႂႃႇ 2 ၵေႃႉ ယၢမ်းဝၢႆးဝၼ်း 3 မူင်း ပလိၵ်ႈ ၸင်ႇပွႆႇတူဝ်ပၼ်ၶိုၼ်း။
ၽူႈတူင်ႉၼိုင် ၼႂ်းၸုမ်းတူင်ႇဝူင်းတႆး ၵေႃႉၼိုင်ႈ လၢတ်ႈဝႃႈ – “ မိူဝ်ႈၼႆႉ ယၢမ်းဝၢႆးဝၼ်း 3 မူင်းပၢႆ ၵူၼ်းၼုမ်ႇ သွင်ၵေႃႉ ဢၼ်ၺႃးတီႉၵႂႃႇ မိူဝ်ႈၵၢင်ၼႂ်ၼၼ်ႉ ပွႆႇဢွၵ်ႇ မႃးၶိုၼ်းယဝ်ႉၶႃႈ။ ယူႇတီႈၽူႈတူင်ႉၼိုင်ၼႂ်းတူင်ႇဝူင်းၵူၼ်းလႄႈ ၽူႈယႂ်ႇၵူၼ်းလူင် လႆႈၵႂႃႇ ဢုပ်ႇဢူဝ်းငူပ်ႉငီႉသေ ဢဝ်ၵူၼ်းၼုမ်ႇသွင်ၵေႃႉၼၼ်ႉ ဢွၵ်ႇမႃးၶိုၼ်းယဝ်ႉ”- ဝႃႈၼႆ။
ၼႃႈလိၼ်ၸုမ်းယိပ်းၵွင်ႈၵၢင်ႇလၢႆလၢႆၸုမ်းတူင်ႉၼိုင်ယူႇသဝ်းၼမ် ဝဵင်းၵျွၵ်ႉမႄးၼႆႉ ၵူၼ်းမိူင်းၽွမ်ႉၸႂ်ၽဵင်ႇပဵင်းၵၼ်ၼႄၵၢင်ၸႂ်သၢၼ်ၶတ်းသိုၵ်းမၢၼ်ႈၵူႈဝၼ်း။ ၵူၺ်းၵႃႈပလိၵ်ႈမၢၼ်ႈၸင်ႇႁႃဢဝ်မၢၵ်ႇၵႅတ်ႉသ်ပွႆႇသႂ်ႇ၊ ဢဝ်ဢဵၼ်ႁႅင်းၶဝ်ႈယႃႉၾုင်ၵူၼ်းၼႄၵၢင်ၸႂ် ယၢႆႈမိူဝ်ႈၼႆႉၵူၺ်း။
ယွၼ်ႉပိူဝ်ႈပၢင်တိုၵ်းၼႂ်းၵႄႈၸုမ်းယိပ်းၵွင်ႈၵၢင်ႇၸၢဝ်းၶိူဝ်းၼင်ႇၵၼ်လႄႈ တီႈဝဵင်းၵျွၵ်ႉမႄးၼႆႉၵူၼ်းပၢႆႈၽေးသိုၵ်းယင်းပႆႇၸၢင်ႈပွၵ်ႈၶိုၼ်းႁိူၼ်း တိုၵ်ႉမီးယူႇၵမ်ႉၽွင်ႈ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ