ဝၼ်းတီႈ 17/06/2025 ပူၼ်ႉမႃးၼႆႉ Salween Institute ၶပ်ႉၶိုင်သေ တေၸတ်းႁဵတ်းပၢင်ဢုပ်ႇၵုမ်ၵၢၼ်မိူင်း တီႈၵဵင်းမႂ်ႇ၊ တေဢုပ်ႇၵုမ်လွင်ႈပၢင်လိူၵ်ႈတင်ႈ ဢၼ် SAC ဢၢင်ႈၸတ်းႁဵတ်း ၼႂ်းႁၢင်ပီ 2025 လႄႈ လွင်ႈ JCB - Joint Coordination Body။ တၢမ်တူဝ် ၸိူဝ်းႁူဝ်ၼႃႈ SNLD တေဢွၼ်ႁူဝ်သပ်းလႅင်းၼႆ...

ၵွပ်ႈသင် MTA လႆႈယွမ်းၵၢၼ်ႉဝၢင်းၶိူင်ႈပၼ်ၸုမ်းသိုၵ်းမၢၼ်ႈ ၶႂၢၵ်ႈမိူင်းၵႂႃႇပႅတ်ႈ၊ လိုၼ်းသုတ်းမၼ်းၼၼ်ႉ ၽႂ်ၵေႃႈတႅပ်းတတ်း တႃႇတေဝၢင်းၶိူင်ႈၶဝ်ႈၸူးမၢၼ်ႈၶႂၢၵ်ႈမိူင်း?။ ၶေႃႈထၢမ်ၸိူဝ်းၼႆႉ လိူဝ်သေ ၶုၼ်သႃႇ၊ ၶုၼ်သႅင်၊ ၾႃႉလင်ၶဝ် 3 ၵေႃႉလႄႈ ၸုမ်းၸိူဝ်းဢမၢတ်ႈၽွင်းမိူင်း ၵူၼ်းယူႇႁိမ်းၸမ်ၸႂ်ၶဝ် 3-4 ၵေႃႉၼၼ်ႉ ၽႂ်ၵေႃႈ တေဢမ်ႇတွပ်ႇၵႄႈလႆႈ ဢၼ်ထုၵ်ႇမၼ်းသေၵေႃႉ လႃးလႃးယဝ်ႉ။ ၵူၺ်းၵႃႈ ဢိင်ၼိူဝ်လွင်ႈႁူႉၽွင်ႈ ဢမ်ႇႁူႉၽွင်ႈ၊ လႆႈငိၼ်းၼမ်ငိၼ်ၵေႇၼၼ်ႉသေ...

ႁဵတ်းၵၢၼ်မိူင်းၵၢၼ်သိုၵ်းၵၢၼ်မၢၵ်ႈမီးသူၼ်းတုမ် ၵႃႈပဵၼ်လွင်ႈၵၢၼ် ဢၼ်ၶႄႉၶႅင်ႇတေႃႇသူႈႁိမ် ၸိင်းဢဝ်ပေႉပုၼ်ႈၵၼ်ၼႆႉ တိုၼ်းတေဢမ်ႇမီးလွင်ႈဝႃႈ ၽႂ်ဢမ်ႇပေႉၽႂ် ဢမ်ႇ ၵၢၼ်ႉၽႂ် ၵၼ် ၼႆၼၼ်ႉလႃႈ။ တၵ်းတေမီးလွင်ႈ ‘ပေႉ’ ဢမ်ႇၼၼ် လွင်ႈ ‘ၵၢၼ်ႉ’ ဢမ်ႇၼၼ် ပေႃးပိူၼ်ႈ ပေႉၵေႃႈႁဝ်းၵၢၼ်ႉ၊ ပေႃးႁဝ်းပေႉၵေႃႈ ပိူၼ်ႈၵၢၼ်ႉ။ ပေႃးႁဵတ်းလႆႈ ႁႂ်ႈပိူၼ်ႈယွမ်းၵၢၼ်ႉၵေႃႈ...

ၼႂ်းဝူင်ႈဝၢင်ႈၼႆႉ လႆႈႁၼ်ၸုမ်းပလွင်ႈ TNLA ပိုၼ်ၽၢဝ်ႇဝႃႈ ၵူၼ်းယူႇၼႂ်းၼႃႈတီႈၶဝ်ၵုမ်းၵမ်ၼႆႉ တေလႆႈႁဵတ်းမၢႆၾၢင် ဢၼ်ၸုမ်းၶဝ်ဢွၵ်ႇပၼ်ၼႆလႄႈ တႆးတင်းတၢင်ႇၸၢဝ်းၶိူဝ်း ၸိူဝ်းဢမ်ႇၸႂ်ႈပလွင်ႈၼၼ်ႉ ဢွၼ်မႆႈၸႂ်၊ ၵႃႈၶၼ်တႄႉၵေႃႈ ဢမ်ႇယႂ်ႇ၊ သႂ်ႇသႂ်ႇတေမိူၼ်ႁဝ်းမၵ်းမၼ်ႈပလွင်ႈ ပဵၼ်လူင်ပွင်ၸိုင်ႈမိူင်းႁဝ်းယဝ်ႉႁိုဝ်ၼႆ ယိၼ်းယုပ်းၽၢၼ်ႈၼၼ်ႉယိုင်။ တီႈတႄႉၵေႃႈ ၼႂ်းမိူင်းတႆးၼႆႉ ၵွၼ်ႇပလွင်ႈ ပႆႇၸႂ်ႉႁဵတ်း ဝႃႉ၊ မိူင်းလႃး၊ ၵဝ်ႈၵၢင်ႉ၊ ၶၢင် ၸိူဝ်းၼႆႉ ပေႃးၸႂ်ႉႁဵတ်းမၢႆၾၢင်ၶဝ်မႃးဢွၼ်တၢင်းယဝ်ႉ။ ၸုမ်းလႂ်ၵေႃႈၶႂ်ႈၼႄဝႃႈ...

ဝၼ်းတီႈ 22/06/2025 ၶၢဝ်းယၢမ်းမိူင်းဢီႊရၢၼ်ႊ ၵၢင်ၼႂ် 2 မူင်းပၢႆ 10 မိၼိတ်ႉၼၼ်ႉ မိူင်းဢမေႊရိၵၼ်ႊ ၸႂ်ႉၶိူင်ႈမိၼ် B-2 သေ ပွႆႇမၢၵ်ႇသႂ်ႇ ၼႂ်းဢွင်ႈတီႈၶူၼ်ႉၶႂႃႉ ၵဵဝ်ႇၵပ်းပၢႆးသၢႆႊ ၼိဝ်ႊၶလီႊယိူဝ်ႊ ၼႂ်းမိူင်းဢီႊရၢၼ်ႊ။ ၶိူင်ႈမိၼ်ဢမေႊရိၵၼ်ႊၼၼ်ႉ ပွႆႇမၢၵ်ႇသႂ်ႇ 2 လုၵ်ႈ ဢၼ်မီးၼမ်ႉၼၵ်းပွၼ်ႊ 3 မိုၼ်ႇ။...

ၽွင်းမိူဝ်ႈသွင်ၸိုင်ႈမိူင်း မီးလွင်ႈၶဵင်ႈၶႅင်ၵၼ်ၸွမ်းလႅၼ်လိၼ်ယူႇၼႆႉ ၸွမ်ၽွင်းလူင် မိူင်းၵမ်ႇပူးၶျႃး (ၵမ်ႊပေႃႊတီႊယိူဝ်ႊ) လၢတ်ႈၵႂႃႇ မိူဝ်ႈဝၼ်းတီႈ 23/06/2025 ၼႆႉဝႃႈ တေၵိုတ်းလိုဝ်ႈပႅတ်ႈ ၵၢၼ်တေႃႉတၢင်ႇၼမ်ႉမၼ်းၸိူဝ်ႉၾႆးလႄႈ ႁႅင်းထၢတ်ႈသၽႃႇဝ တၢင်းမိူင်းထႆးတင်းမူတ်းယဝ်ႉ ဝႃႈၼႆ။ ယွၼ်ႉသွင်ၸိုင်ႈမိူင်း ထဵင်မေႃးၵၼ်လွင်ႈပိုၼ်ႉတီႈသေ ၵူၼ်းသိုၵ်း မိူင်းၵမ်ႇပူးၶျႃး လူႉတၢႆ 1 ၵေႃႉ၊ ဝၢႆးလင်ၼၼ်ႉ လွင်ႈၶဵင်ႈၶႅင် ၼႂ်းၵႄႈၵၢင်သွင်ၸိုင်ႈမိူင်း တိူဝ်းၶိုၼ်ႈသုင်မႃး။ ၸွမ်ၽွင်းလူင်...

ပၢင်လိူၵ်ႈတင်ႈ ဢၼ်သိုၵ်းမၢၼ်ႈ တေၸတ်းႁဵတ်းၼႂ်းႁၢင်ပီ 2025 ဢမ်ႇၼၼ် ႁူဝ်ပီ 2026 ၼႆႉ တေဢမ်ႇႁႂ်ႈၵူၼ်းမိူင်းတႅမ်ႈလူင်းၶိတ်ႇပၼ် ပႃႇတီႇလႂ်ပႃႇတီႇၼၼ်ႉ ၼႂ်းမၢင်ၸေႈယဝ်ႉ ႁူဝ်ပဝ်ႈ ၶွမ်ႊမသျိၼ်ႊၵၢၼ်လိူၵ်ႈတင်ႈ ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၼၼ်ႉ တႅပ်းတတ်းၵႂႃႇဝႃႈ တေၸႂ်ႉတိုဝ်းၶိူင်ႈၸၢၵ်ႈ ႁႂ်ႈပဵၼ်တၢင်းၵမ်ႉယၼ်ၵႂႃႇ ၼႆယဝ်ႉ။ မိူဝ်ႈဝၼ်းတီႈ 20/06/2025 ၼၼ်ႉ ႁူဝ်ပဝ်ႈ ၶွမ်ႊမသျိၼ်ႊၵၢၼ်လိူၵ်ႈတင်ႈ တႂ်ႈဢႃႇၼႃႇသိုၵ်းမၢၼ်ႈ ဢူးၵူဝ်ႇၵူဝ်ႇ...

ၼင်ႇႁိုဝ် တေၵႄႈလိတ်ႈလႆႈပၼ်ႁႃၵၢၼ်မိူင်း မိူင်းႁူမ်ႈတုမ် ဢၼ်ပဵၼ်ယူႇယၢမ်းလဵဝ်ၼႆႉ သင်ဢမ်ႇမီးၸုမ်း ယူႇၵႄႈၵၢင် ၸွႆႈၶပ်းၶိုင်ပၼ်ၸိုင် ပိူဝ်ႈတႃႇဢုပ်ႇဢူဝ်းၵၼ်လႆႈၼႆႉ တေဢမ်ႇငၢႆႈၼႆ ႁူဝ်ပဝ်ႈ တပ်ႉသိုၵ်းလွတ်ႈလႅဝ်းၸိူဝ်ႉ ၸၢတ်ႈပဢူဝ်း (PNLO) ၸဝ်ႈသိုၵ်းလူင် ၶုၼ်ႇဢူၵ်ႉၵႃႇ မွၵ်ႇလၢတ်ႈတီႈသိုဝ်ႇၶၢဝ်ႇဝႆႉ ၼႆယဝ်ႉ။ ပိူဝ်ႈတႃႇ တေဢုပ်ႇဢူဝ်းၵႄႈလိတ်ႈလႆႈ ပၼ်ႁႃၵၢၼ်မိူင်း ၵၢၼ်သိုၵ်း ၼႂ်းမိူင်းႁူမ်ႈတုမ်ၼႆႉ ထုၵ်ႇလီႁဵတ်းသၢင်ႈၵႂႃႇ ၸွမ်းၼင်ႇလူင်ပွင်ၸိုင်ႈ မိူင်းၶႄႇ၊...

ဝၼ်းတီႈ 19/06/2025 သိုၵ်းမၢၼ်ႈ ပိုၼ်ၽၢဝ်ႇလႅၵ်ႈလၢႆႈ ပၵ်းပိူင်မၢႆမီႈ ၶွမ်ႊမသျိၼ်ႊၵၢၼ်လိူၵ်ႈတင်ႈ မိူင်းႁူမ်ႈတုမ် ပိူဝ်ႈတႃႇႁႂ်ႈၶႃႈႁၢပ်ႇၵၢၼ်ၶုၼ်ၵူႈၵေႃႉ ၶိုၼ်ႈပဵၼ်လႆႈထိုင် တၼ်းႁဵင်းႁူဝ်ပဝ်ႈ ၵၢၼ်ပိၼ်ႇလႅၵ်ႈ ပၵ်းပိူင်မၢႆမီႈပၢင်လိူၵ်ႈ တင်ႈၼႆႉ မီးၵႂႃႇၵမ်းထီႉသၢမ်ယဝ်ႉ။ ပၵ်းပိူင်မၢႆမီႈ ပၢင်လိူၵ်ႈတင်ႈမိူင်းႁူမ်ႈတုမ် ဢၼ်သိုၵ်းမၢၼ်ႈ ပိၼ်ႇလႅၵ်ႈပွၵ်ႈၼႆႉ ပဵၼ်ၼႂ်းၶၵ်ႉတွၼ်ႈ မတ်ႉတႃ 14 ၵၼ် 10 ၵိင်ႇၽႄ (ဂ)...

လုမ်းၽွင်းတၢင် မိူင်းဢမေႊရိၵၼ်ႊ၊ မိူင်း UK လႄႈ ၼေႃႊဝုၺ်ႊ ဢွၵ်ႇလိၵ်ႈပိုၼ်ၽၢဝ်ႇ တုၵ်းယွၼ်းသိုၵ်းမၢၼ်ႈ ႁႂ်ႈပွႆႇပၼ်တေႃႇဢွင်ႇသၢၼ်းသူႉၵျီႇလႄႈ ၵူၼ်းမိူင်း ၸိူဝ်းၺႃးတီႉၺွပ်းဝႆႉ လူၺ်ႈဢမ်ႇပဵၼ်ထမ်းတြႃးၼၼ်ႉ ဝႃႈၼႆ။ ဝၼ်းတီႈ 19/06/2025 ၼႆႉ ပဵၼ်ဝၼ်းၵိူတ်ႇ တေႃႇဢွင်ႇသၢၼ်းသူႉၵျီႇ ဢႃယုၶွပ်ႈတဵမ် 80 ပီ။ ၼႂ်းၶေႃႈပိုၼ်ၽၢဝ်ႇ လုမ်းၽွင်းတၢင်ဢမေႊရိၵၼ်ႊၼၼ်ႉ တႅမ်ႈဝႆႉဝႃႈ ၽဝၸူဝ်ႈပၢၼ်လႄႈ...

ၼႂ်းလိူၼ်ၼႃႈတေမႂ်ႇၼႆႉ ၸုမ်းသိုၵ်းယိုတ်းမိူင်း တေမီးလွင်ႈပိၼ်ႇလႅၵ်ႈယႂ်ႇယႂ်ႇလူင်လူင်၊ ဢဝ်ၸဵမ်ၸိုဝ်ႈသဵင် တေႃႇထိုင်တၼ်းႁဵင်းၸၼ်ႉၶုၼ်ၽွင်းလူင်လႄႈ ႁွင်ႈၵၢၼ်ၶိုဝ်းယမ်လႂ် ၸိူဝ်းၼႆႉ တေမႄးပူၶိုၼ်းမူတ်း ငိၼ်းဝႃႈၼႆလႄႈ ၸိူဝ်းၶုၼ်ၽွင်းတၢင် ၵမ်ႈၽွင်ႈၵေႃႈ ဢွၼ်တိုၼ်ႇတဵၼ်ႈသူၼ်ၸႂ်လူင် လၢင်ဝႆႉယဝ်ႉ။ ၸိူဝ်းၶိုပ်ႈႁူႉလၢမ်းႁၼ်ၸွမ်း လွၵ်းလဵၼ်ႈၸုမ်းသိုၵ်းတႄႉ ဢမ်ႇယုမ်ႇဝႃႈ တေမီးလွင်ႈလၢၵ်ႇလၢႆလူင် လၢင်။ ၼမ်ၼႃႇၵေႃႈ တေလုၵ်ႉတီႈ SAC လႅၵ်ႈႁဵတ်းၶိုၼ်း ၶွင်ႇသီႇၾၢႆႇၵႅတ်ႇၶႄလႄႈ ၾၢႆႇႁူမ်ႇလူမ်ႈၸိုင်ႈမိူင်း ဢၼ်ၶဝ်ႁွင်ႉဝႃႈ...

MTA ၸုမ်းၶုၼ်သႃႇၶၢမ်ႇယွမ်းတူဝ် ဝၢင်းၶိူင်ႈၶဝ်ႈၸူးၸုမ်းသိုၵ်းမၢၼ်ႈ ၶႂၢၵ်ႈမိူင်းၵႂႃႇၸိူင်ႉၼၼ်ၼႆႉပႅၵ်ႉ သမ်ႉၽူႈႁၵ်ႉၸၢတ်ႈတင်းလၢႆ ဢွၼ်ၵၼ်ဝႃႈလီသေးလၢႆႁႅင်းဢၼ်ယႂ်ႇလူင်ၼမ်ၼႃၼၼ်ႉၼႆသေတႃႉၵေႃႈ ထႅင်ႈၽၢႆႇ ႞ တၢင်း ႞ ၼႆႉ ပဵၼ်ဢၼ်လီတႃႇၵၢၼ်မိူင်းတႆးပိူင် ႞ ၵေႃႈ ဝႃႈလႆႈယဝ်ႉ။ ၵႃႈပူၼ်ႉမႃးၶၢဝ်းတၢင်း 10 ပီပၢႆၼႆႉ ႁဵတ်းဢီႈသင်ၵေႃႈ ၵုမ်ႇဢဝ်သဵၼ်ႈတၢင်းမၼ်းတိူၵ်ႈတၼ်ပႅတ်ႈတိၵ်း တိၵ်းၼၼ်ႉ ပဵၼ်ဢၼ်မီးႁူးဢွၵ်ႇဢဝ်သဵၼ်ႈတၢင်းပိုတ်ႇပၢင်ႇၵႂႃႇၼႆၵေႃႈ ဝႃႈလႆႈၵမ်းလဵဝ်ယဝ်ႉ။ ၵႃႈပူၼ်ႉမႃးၼႆႉ ဢဝ်ၸိုဝ်ႈၼဝ်ႈယႃႈမဝ်းၵမ်သုမ်ႇတဵင်မုင်းငမ်းမႃး ၼိူဝ်ၵၢၼ်ၸိူဝ်ႉၸၢတ်ႈႁဝ်းသေ...

တပ်ႉသိုၵ်းၼႆႉ တိုၼ်းတေဢမ်ႇလႆႈၶဝ်ႈပႃးၼႂ်းၵၢၼ်မိူင်း၊ တပ်ႉသိုၵ်းၼႆႉ တေလႆႈၵႅတ်ႇၶႄႁႄႉၵင်ႈမၢၼ်ႈမိူင်းပိူင်လဵဝ်ၵူၺ်း။ ဢဝ်ၸဵမ်ၵၢၼ်မၢၵ်ႈမီးလႄႈ ၼႃႈၵၢၼ်ပိူင်ၵူၼ်းတင်းသဵင်ႈ တေဢမ်ႇလႆႈၶဝ်ႈၵႅဝ်ပႃးၸွမ်း။ တပ်ႉသိုၵ်းဢမ်ႇၵႃး ပႃးၸဵမ်ၸုမ်းယိပ်းၵွင်ႈၵၢင်ႇတင်းသဵင်ႈၼႆႉ တၵ်းလႆႈယူႇတႂ်ႈၵုမ်းၸတ်း လူင်ပွင်ၸိုင်ႈၽၵ်းၵႃႇ ဢၼ်ၵူၼ်းမိူင်း ႁူမ်ႈလိူၵ်ႈတင်ႈလူၺ်ႈ လၢႆးတၢင်းတီႊမူဝ်ႊၶရေႊၸီႊၼၼ်ႉ မိူၼ်ၵၼ်။ ဢၼ်ၼႆႉပဵၼ်ၶေႃႈၵၢင်ၸႂ် ၸုမ်းၸၢဝ်းၶတ်းၶၢၼ်ႉလုၵ်ႉၽိုၼ်ႉၶဝ် ႁူမ်ႈလႆႈၸႂ်တူၵ်းလူင်းၵၼ်ဝႆႉ ပိူဝ်ႈတႃႇ တမ်းပဵၼ်လၵ်းၼမ်းမိူင်းႁူမ်ႈတုမ်မႂ်ႇ ဝႃႈၼႆယဝ်ႉ။ မိူဝ်ႈၸင်ႇတႄႇၵၢၼ်လုၵ်ႉၽိုၼ်ႉတႄႉ PDF ၸိူဝ်းယူႇတႂ်ႈ NUG လႄႈ ၸိူဝ်းၸုၵ်းၸင်ႈႁင်းၵူၺ်းၶဝ်ၼၼ်ႉ...

ဝၼ်းတီႈ 11/06/2025 ယၢမ်းၵၢင်ၼႂ်ၼႆႉ ၸုမ်းၶႃႈႁၢပ်ႇၵၢၼ် ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၵုမ်းၵမ်ၼၼ်ႉ ၸၢမ်းၸႂ်ႉတိုဝ်း ၶိူင်ႈၸၢၵ်ႈပၼ်ၶႅပ်းၵၢင်ၸႂ် ၼိူဝ်ဢွၼ်ႊလၢႆႊ (MEVM) တီႈႁွင်ႈပၢင်ၵုမ် လုမ်းၶႃႈႁၢပ်ႇၵၢၼ်ၸႄႈမိူင်းတႆး တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ ၼႂ်းပၢင်ၸၢမ်းၸႂ်ႉတူၺ်း ၸၢၵ်ႈပၼ်ၶႅပ်းၵၢင်ၸႂ် ၼိူဝ်ဢွၼ်ႊလၢႆးၼၼ်ႉ မီးၸွမ်ၽွင်းလူင်မိူင်းတႆး ဢူးဢွင်ႇဢွင်ႇ၊ ၽူႈၵွၼ်းတိူင်းသိုၵ်းပွတ်းဢွၵ်ႇ ၸွမ်ႁၢၼ် ၸေႃႇမိၼ်းလတ်ႉလႄႈ ၶႃႈႁၢပ်ႇၵၢၼ် ၼႂ်းၸုမ်းၶွမ်ႊမသျိၼ်ႊၵၢၼ်လိူၵ်ႈတင်ႈမိူင်းႁူမ်ႈတုမ် ၶဝ်ႈႁူမ်ႈၸွမ်းၵႂႃႇ ၼႆယဝ်ႉ။ ၼင်ႇႁိုဝ်...

ၶွမ်ႊမသျိၼ်ႊၵၢၼ်လိူၵ်ႈတင်ႈ မိူင်းႁူမ်ႈတုမ် UEC တႂ်ႈသိုၵ်းမၢၼ်ႈယိုတ်းမိူင်း လၢတ်ႈဝႃႈ - ၼွၵ်ႈလိူဝ်ၼႃႈတီႈဢၼ်ႁႄႉႁၢမ်ႈဝႆႉ ၸွမ်းၼင်ႇငဝ်းလၢႆးၼၼ်ႉ ၼႂ်းတိူင်းလႄႈၸႄႈမိူင်းၵူႈတီႈ တေ ၸတ်းႁဵတ်းပၢင်လိူၵ်ႈတင်ႈၵႂႃႇ ဝႃႈၼႆ။ ပၢင်လိူၵ်ႈတင်ႈၼႆႉ တေၸႂ်ႉၵႂႃႇၸွမ်း ပိူင် FPTP တင်း ပိူင် PR ။ ပိူင် FPTP ၼႆႉ မီးတီႈပွင်ႇဝႃႈ  ၽူႈတႅၼ်းၵေႃႉလႂ်...