တီႇယေႊၵူဝ်ႊ ၵျူဝ်ႊတႃႊ ၽူႈလဵၼ်ႈမၢၵ်ႇၼင်ၸိုဝ်ႈလိုဝ်းလင် ၼႂ်းၸုမ်းမၢၵ်ႇၼင် လီႊပႃႊပူႊၼၼ်ႉ ပဵၼ်ၽေးၵိုင်ႉၵၢင်ႉရူတ်ႉပိၼ်ႈသေ လႆႈလူႉတၢႆၵႂႃႇ ဝႃႈၼႆ။ မိူဝ်ႈဝၼ်းတီႈ 03/07/2025 ၼႆႉ တီႇယေႊၵူဝ်ႊ ၵျူဝ်ႊတႃႊ ဢႃယု 28 ပီတင်း ၼွင်ႉၸၢႆးမၼ်း သေႊပႃႊ ဢႃယု 26 ပီ ႁူပ်ႉၽေးၵိုင်ႉၵၢင်ႉ ရူတ်ႉၵႃးပိၼ်ႈၶွမ်ႈ ၼိူဝ်သဵၼ်ႈတၢင်းဝႆး...

ၵူၼ်းပၢႆႈၽေးသိုၵ်း 70 ပၢႆ ဢၼ်ပၢႆႈၽေးႁွတ်ႈဝႆႉ တီႈပွၵ်ႉ 5 ၼႂ်းဝဵင်းၵႃလီႉ ၸိုင်ႈတႆးပွတ်းၸၢၼ်းၼႆႉ ယၢမ်းလဵဝ် ထူပ်းတၢင်းယၢပ်ႇလွင်ႈၾႆးတႆႈ၊ ၸွမ်းသုမ်ႉ ၸွမ်းသဵၼ်ႈတၢင်းၸိူဝ်းၼႆႉၵေႃႈ ၾႆးတႆႈဢမ်ႇမီးၵုမ်ႇထူၼ်ႈလႄႈ ၵမ်ႈၽွင်ႈလႆႈယူႇလပ်းသိင်ႇဝႆႉၸိူင်ႉၼၼ်ၵေႃႈမီး။ ၽူႈၶဝ်ႈႁူမ်ႈၸွႆႈထႅမ် ၵူၼ်းပၢႆႈၽေး ၼႂ်းဝဵင်းၵႃလီႉ လၢတ်ႈတီႈၽူႈတွႆႇႁွၵ်ႈဝႃႈ -“မိူဝ်ႈလဵဝ်ၾႆးၼႂ်းဝၢၼ်ႈ ၶဝ်ၼၼ်ႉ မၼ်းပႆႇမီး၊ မီးဝႆႉၾႆးၼႂ်းႁိူၼ်းသေ လႅင်းဝႆႉၵူၺ်း။ မိူဝ်ႈလဵဝ်တႄႉ သူဝ်ႊလႃႊ...

ဝၼ်းတီႈ 04/07/2025 ၼႆႉ လုမ်းၽွင်းတၢင်မိူင်းၶႄႇ ဢၼ်ပၵ်းသဝ်းဝႆႉ ၼႂ်းမိူင်းထႆး ၸွႆႈထႅမ်လႆႈၸၢႆးၸိူင်း ၸိုဝ်ႈလိုဝ်း ၼႂ်းမိူင်းၶႄႇၵေႃႉၼိုင်ႈ ၸိုဝ်ႈ “ၵျွင်ႊ” (Zhong) ၵေႃႉဢၼ်မႃးထိုင်ဝၢင်းႁိူဝ်းမိၼ် ၻွၼ်းမိူင်း ၸိုင်ႈထႆးယဝ်ႉ ၺႃးလွၵ်ႇလႅၼ်ႁႂ်ႈၶၢမ်ႈလႅၼ်လိၼ်ထႆး ၶဝ်ႈၵႂႃႇၼႂ်းမိူင်းမၢၼ်ႈ ပိူဝ်ႈတႃႇထၢႆႇႁၢင်ႈသႂ်ႇၼႃႈ သိူဝ်ႈပပ်ႉမႅၵ်ႇၵသိၼ်း ဝႃႈၼႆ။ မိူဝ်ႈဝၼ်းတီႈ 13/06/2025 ပူၼ်ႉမႃးၼၼ်ႉ ၸၢႆးၸိူင်းၵေႃႉၺႃးလႅၼ်ၵႂႃႇၼႂ်းမိူင်းမၢၼ်ႈၼၼ်ႉ ႁွင်ႉ...

ၸဵမ်မိူဝ်ႈၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ယိုတ်းဢႃႇၼႃႇၸိုင်ႈမိူင်းသေ တီႉၺွပ်းတေႃႇဢွင်ႇ သၢၼ်းၸူႉၵျီႇမႃး ၶၢဝ်းတၢင်း 4 ပီပၢႆ၊ ထိုင်မိူဝ်ႈလဵဝ် ၽႂ်ပႆႇၵပ်းသိုပ်ႇလႆႈမၼ်းၼၢင်း ၵမ်းသိုဝ်ႈ ၊ တေႃႇၼင်ႇ လုၵ်ႈၸၢႆးဢွၵ်ႇဢွၵ်ႇမၼ်း ယင်းဢမ်ႇၵပ်းသိုပ်ႇၸူးလႆႈ။ ၶၢဝ်ႇမၼ်းၼၢင်းတႄႉ လိုဝ်းယူႇၼိူဝ်သူဝ်ႊသျႄႊမီႊတီႊယိူဝ်ႊ လၢႆသႅၼ်းလၢႆပိူင်။ ၶၢဝ်ႇလိုဝ်းပႃးဝႃႈ ပၢႆးတူဝ်ပၢႆးၸႂ်မၼ်းၼၢင်း ဢမ်ႇၶႅမ်ႉ၊ ၼိုင်ႈဝၼ်းၵိၼ်ၶဝ်ႈ 2 ၸေႃႉၵူၺ်း ၼႆၵေႃႈဝႃႈ။ တေႃႇဢွင်ႇသၢၼ်းၸူႉၵျီႇၼႆႉ...

မိူဝ်ႈၼႆႉ ဝၼ်းတီႈ 04/07/2025 ၾူၼ်တူၵ်းၸွမ်းထုင်ႉသၼ်လွႆလႄႈ ႁဵတ်းႁႂ်ႈၼမ်ႉသၢႆၼွင်းၶိုၼ်ႈ လႆထူမ်ႈၼႂ်းဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇသေ ႁဵတ်းႁႂ်ႈၵူၼ်းမိူင်းထူပ်းတၢင်းယၢပ်ႇၽိုတ်ႇ တုမ်ႉတိူဝ်ႉၵၢၼ်ပၢႆးမၢၵ်ႈမီးလႄႈ လွင်ႈၵႂႃႇမႃးႁႃၵိၼ်လဵင်ႉတွင်ႉ။ ၵူၼ်းပိုၼ်ႉတီႈ ဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ မိူဝ်ႈၼႆႉ ၼမ်ႉၶိုၼ်ႈထႅင်ႈ။ ၶိုၼ်ႈၸွမ်းပွၵ်ႉပုင်းထုၼ်၊ သၼ်သၢႆး၊ တႃႈလေႃႉ ၸိူဝ်းၼႆႉ ၼမ်ႉၶိုၼ်ႈယူႇတိၵ်းတိၵ်းယဝ်ႉၶႃႈ။ တီႈၶူဝ်ၶၢမ်ႈလႅၼ်လိၼ်ႁိမ်းၵၢတ်ႇတႃႈလေႃႉၼၼ်ႉၵေႃႈ ၼမ်ႉၶိုၼ်ႈ။ ၼမ်ႉၼႆႉ...

ႁွင်ႈၵၢၼ် ၾၢႆႇၶူၼ်ႉၶႂႃႉၵၢင်ႁၢဝ်လႄႈလိူၼ်လၢဝ် မိူင်းထႆး NARIT (ၼႃႊရိတ်ႉ) ပိုၼ်ၽၢဝ်ႇဝႃႈ ဝၼ်းတီႈ 04/07/2025 မိူဝ်ႈၼႆႉပဵၼ်ဝၼ်းဢၼ်လူၵ်ႈလုမ်ႈၾႃႉလႄႈ ၵၢင်ဝၼ်း ယူႇႁၢင်ႇၵႆၵၼ်သုတ်းၼႂ်းႁွပ်ႈပီ ဝႃႈၼႆ။ ဝၼ်းမိူဝ်ႈၼႆႉ လႅတ်ႇဢွၵ်ႇၶၢဝ်းယၢမ်းၵၢင်ၼႂ် 5 မူင်း 55 မိၼိတ်ႉသေ ၵၢင်ဝၼ်းတူၵ်း ႁူဝ်ၶမ်ႈ 6 မူင်း 49 မိၼိတ်ႉ(ၶၢဝ်းယၢမ်းမိူင်းထႆး)။ တေမႅၼ်ႈၵၢင်ၼႂ်...

ဝၼ်းတီႈ 04/07/2025 ႁွင်ႈၵၢၼ် ၾၢႆႇၸွႆႈထႅမ်ပူၵ်းပွင် တူင်ႇဝူင်းၵူၼ်းၸိုင်ႈထႆး ၸႄႈတွၼ်ႈၵဵင်းႁၢႆး လႆႈလဵပ်ႈႁဵၼ်းငဝ်းလၢႆး ႁူဝ်ၼမ်ႉသၢႆ (တီႈတႄႇလႆၶဝ်ႈလႅၼ်လိၼ်) သေ ပိုၼ်ၽၢဝ်ႇဢွၵ်ႇမႃးဝႃႈ - ဢိင်ၼိူဝ် ၾူၼ်တူၵ်းႁႅင်းတၢင်းမိူင်းတႆးသေ ၼမ်ႉသၢႆၸၢင်ႈၼွင်းလူၼ်ႉၾင်ႇ။ ၵွပ်ႈၼႆလႄႈ ဢၼ်လီမႆႈၸႂ်ၼႆႉ ပဵၼ်ၾင်ႇၾၢႆႇထႆး ပဵၼ်ၼႂ်းပွၵ်ႉသၢႆလူမ်းၵျွႆး မူႇ 1 ဢိူင်ႇဝဵင်းၽၢင်းၶမ်း၊ ပွၵ်ႉၵေႃႇသၢႆး မူႇ 7...

ဝၼ်းတီႈ 03/07/2025 ယၢမ်းႁူဝ်ၶမ်ႈ ၾူၼ်တူၵ်းႁၢဝ်ႈႁႅင်းသေ ၼမ်ႉၼွင်းလူၼ်ႉ ၾၢႆၵိုင်ႉၵၢင်ႉၵူၼ်ႇပင်း လုပ်ႇထူမ်ႈသႂ်ႇဝၢၼ်ႈပွင်ႊပွင်ႊလႄႈ ဝၢၼ်ႈသျီး ၵူၼ်းမိူင်းလႆလွင်ႈၵႂႃႇၸွမ်းၼမ်ႉ 3 ၵေႃႉသေ ၸူမ်ၼမ်ႉတၢႆ တီႈဝဵင်းလၢဝ်ႇၵၢႆး (လဝ်ႉၵႆႇ) ၼႂ်းၼႃႈတီႈသိုၵ်းၵဝ်ႈၵၢင်ႉၵုမ်းၵမ် ၸိုင်ႈတႆးပွတ်းႁွင်ႇ။ ၵူၼ်းမိူင်းၸိူဝ်း လွင်ႈၵႂႃႇၸွမ်းၼမ်ႉသၢမ်ၵေႃႉၼၼ်ႉ ပဵၼ်သွင်ၵေႃႉၽူဝ်မေးလႄႈ လုၵ်ႈဢွၼ်ႇသႅၼ်း ဢႃယုမွၵ်ႈ 8 ၶူပ်ႇ ၵေႃႉၼိုင်ႈ လွင်ႈပႃးၵႂႃႇၸွမ်းၼမ်ႉၸႅဝ်ႈၵူၺ်းဢမ်ႇၵႃး...

ဝၼ်းတီႈ 02-04/07/2025 ၼႆႉ ပၢင်ၵုမ်ၶွမ်ႊမတီႊလႅၼ်လိၼ်မိူင်းထႆး - မိူင်းမၢၼ်ႈ (RBC) ပွၵ်ႈၵမ်း (37) မီးတူဝ်တႅၼ်းသိုၵ်းမၢၼ်ႈလႄႈ တပ်ႉသိုၵ်းႁေႃၶမ်းမိူင်းထႆး ၶဝ်ႈႁူမ်ႈဢုပ်ႇ ဢူဝ်းၵႂႃႇၸွမ်း တႃႇၶၢဝ်းတၢင်းသၢမ်ဝၼ်း တီႈဝဵင်းၵဵင်းမႂ်ႇ ၸိုင်ႈထႆး။ ၼႂ်းပၢင်ၵုမ်ၼၼ်ႉ ဢုပ်ႇဢူဝ်းၵၼ်ၵႂႃႇ ၵဵဝ်ႇၵပ်းၵၢၼ်ႁူမ်ႇလူမ်ႈ၊ ပၼ်ႁႃလိူင်ႈၵျႃးၽႅၼ်ႉ ၵၢၼ်လွၵ်ႇလႅၼ် ၵိၼ်ငိုၼ်းၼိူဝ်ဢွၼ်ႊလၢႆႊ၊ ပၼ်ႁႃၵႄးၼမ်ႉၵူၵ်း၊ ၼမ်ႉမႄႈသၢႆ ၸိူဝ်းၼႆႉ။...

ဝၼ်းတီႈ 02/07/2025 သိုၵ်းမၢၼ်ႈပိုၼ်ၽၢဝ်ႇ ယုၵ်ႉယွင်ႈမွပ်ႈပၼ်ၸၼ်ႉ ၼၢင်းၸိူင်းလႄႈ ၼၢင်းယိင်း ၸိုဝ်ႈလိုဝ်းၼႂ်းမိူင်းႁူမ်ႈတုမ် တႃႇ 153 ၵေႃႉ ပဵၼ်ၼၢင်းယိင်းႁတ်းႁၢၼ်လႄႈ ၵတ်ႉၶႅၼ်ႇၼႂ်းၸိုင်ႈမိူင်း တီႈဝဵင်းၼေႇပျီႇတေႃႇ မိူင်းမၢၼ်ႈထုင်ႉပဵင်း။ ၼႂ်းၼၢင်းယိင်းၸိူဝ်းၼၼ်ႉ ၶဝ်ႈပႃးဝႆႉ တေႃႇၸေႃးမျႃႉရႃႇၸႃႇလိၼ်း ႁူဝ်ပဝ်ႈ ပႃႇတီႇလွတ်ႈလႅဝ်းမိူင်းရၶႅင်ႇ (ALP) ၊ ၵႅမ်ႁူဝ်ပဝ်ႈ တပ်ႉသိုၵ်းလွတ်ႈလႅဝ်းၸိူဝ်ႉၸၢတ်ႈယၢင်းၽိူၵ်ႇ (ၶွင်ႇသီႇၶၵ်ႉၵၢၼ်ငမ်းယဵၼ်) KNLA...

သိုဝ်ႇၶၢဝ်ႇၼႂ်းမိူင်းထႆး ပိုၼ်ၽၢဝ်ႇဢွၵ်ႇမႃးဝႃႈ ၸဝ်ႈၼႃႈတီႈထႆး ၵူတ်ႇထတ်းတီႉၺွပ်းလႆႈ ၵူၼ်းႁဵတ်းၵၢၼ် လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊၵျႃးၽႅၼ်ႉ 17 တီႈဝဵင်းၵဵင်းမႂ်ႇ ၸိုင်ႈထႆး ပဵၼ်ႁႅင်းၵၢၼ်မၢၼ်ႈ 2 ၵေႃႉလႄႈ ၵူၼ်းမိူင်းၶႄႇ 15 ၵေႃႉ။ ဝၼ်းတီႈ 01/07/2025 ပူၼ်ႉမႃးၼႆႉ ၸဝ်ႈၼႃႈတီႈပလိၵ်ႈထႆး လၢႆႁွင်ႈၵၢၼ် ၶဝ်ႈၵူတ်ႇထတ်းႁိူၼ်းလင်ၼိုင်ႈ ၼႂ်းၸႄႈဝဵင်းႁၢင်လူင်း ၸႄႈတွၼ်ႈၵဵင်းမႂ်ႇ တီႉၺွပ်းလႆႈၵူၼ်းႁဵတ်းၵၢၼ် ၵျႃးၽႅၼ်ႉ...

ႁိူဝ်းတၢင်ႇၵူၼ်း လမ်းၼိုင်ႈ ပိၼ်ႈငူပ်ႉၸူမ်ၵႂႃႇ ႁိမ်းၵုၼ်ပႃႊလီႊ မိူင်းဢိၼ်ႊတူဝ်ႊၼီႊသိူဝ်ႊ မီးၵူၼ်းလူႉတၢႆ 4 ၵေႃႉ ႁၢႆဝႆႉထႅင်ႈ 38 ၵေႃႉ။ ႁိူဝ်းတၢင်ႇၵူၼ်းၼၼ်ႉ ပိၼ်ႈငူပ်ႉၸူမ်ၵႂႃႇ ၼႂ်းဝၼ်းတီႈ 02/07/2025 ယၢမ်းၵၢင်ၶိုၼ်း ႁိမ်းၵုၼ်ႁၢတ်ႇသၢႆးပႃႊလီႊ၊ ၼိူဝ်ႁိူဝ်းၼၼ်ႉ မီးၵူၼ်းပႃးၵႂႃႇၸွမ်း 65 ၵေႃႉ၊ ဝၢႆးႁိူဝ်းပိၼ်ႈယဝ်ႉ ၽူႈမီးပုၼ်ႈၽွၼ်းၶဝ် ၸွႆႈလႆႈၵူၼ်း 23...

ၼုမ်ႇၸၢႆးၼုမ်ႇယိင်းဢွၼ်ႇ သႅၼ်းပၢၼ်သိၵ်းႁိၵ်းၼႆႉ ပဵၼ်ၽွင်းလူဝ်ႇလဵပ်ႈႁဵၼ်းလွင်ႈၵူၼ်း ၵူႈလွင်ႈလွင်ႈ တူင်ႇဝူင်းၵူၼ်းၵေႃႈ ယုၵ်ႉယွင်ႈဢဝ်မုၼ်ဝႆႉဝႃႈ ၼေႃႇတႅၼ်းၶိူဝ်းမိူဝ်းၼႃႈ ၼႆဝႆႉ။ ၵွပ်ႈၼႆ ယူႇတီႈ ၼုမ်ႇ ယိင်းၸၢႆး ၼေႃႇတႅၼ်းၶိူဝ်းၵေႃႈဢွၼ်ၵၼ်မီး ယိူင်းဢၢၼ်း၊ မီးတၢင်းမုင်ႈမွင်းဝႆႉ တွၼ်ႈတႃႇ မိူဝ်းၼႃႈ ၸၢတ်ႈပၢၼ်ၸဝ်ႈၵဝ်ႇၽႂ်မၼ်း။ ပေႃးပဵၼ်ဝဵင်းယႂ်ႇဝဵင်းလူင် ယင်းမီးတိုဝ်ႉတၢင်းႁႃတၢင်းႁူႉသႂ်ႇတူဝ်ယူႇ။ ပေႃးပဵၼ်ပိုၼ်ႉတီႈ ဝၢၼ်ႈၼွၵ်ႈ ၼႃးပၢင်ႇ တီႈဢၼ်ယၢၼ်ၵႆဝဵင်း၊ သမ်ႉထူပ်းၽေးသိုၵ်း ...

မိူဝ်ႈၼႆႉ ဝၼ်းတီႈ 03/07/2025 ယၢမ်းၵၢင်ၶိုၼ်း 12 မူင်း တေႃႇၵၢင်ၼႂ်ၸဝ်ႉမိူင်းၸမ်လႅင်း ၾူၼ်တူၵ်းႁႅင်း ၸွမ်းလႅၼ်လိၼ်တႆး - ၶႄႇ မႄႈၼမ်ႉယၢင်းလႄႈ မႄႈၼမ်ႉၵူၺ်း ၼွင်းႁႅင်း ထူမ်ႈၸွမ်းသဵၼ်ႈတၢင်းပွၵ်ႉယွမ်ႇ ၼႂ်းဝၢၼ်ႈလွၼ်ဢိၼ်ႇ ႁိမ်းၽၵ်းတူၵျိၼ်ႊသၢၼ်ႊၵျေႃႉ (သၢမ်ၸဵင်ႇၶမ်း) ၼႂ်းဝဵင်းပၢင်ႇသၢႆး ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။ ၸွမ်းလႅၼ်လိၼ်တႆး - ၶႄႇၼႆႉ မီးသၢႆၵႄးၼမ်ႉယၢင်း၊...

မိူင်းဢၼ်ဢမ်ႇၵတ်းယဵၼ်ၼိမ်တဵင်ႈၼႆႉ ၵူၼ်းမိူင်းဢမ်ႇၸၢင်ႈႁႃသဵၼ်ႈတၢင်းၶိုၼ်ႈယႂ်ႇ။ ၵူၼ်းမိူင်းၵွတ်းၽၢၼ် ငိုၼ်းၶမ်းၵူၺ်းဢမ်ႇၵႃး ၵွတ်းၽၢၼ်ပႃးတၢင်းႁူႉ။ လိုၼ်းလၢႆးဝၢႆးမႃးယဵၼ်းပဵၼ်မိူင်းဢၼ်တူၵ်းတႅမ်ႇသေပိူၼ်ႈ ၼႂ်းလုမ်ႈၾႃႉ။ မိူၼ်ၼင်ႇ မိူင်းတႆး ပႃးၸဵမ်လၢႆမိူင်းၼႂ်းမိူင်းႁူမ်ႈတုမ် ယၢမ်းလဵဝ် ၵူၼ်းမိူင်းသဵၼ်ႈတၢင်းတိူၵ်ႈတၼ်ဝႆႉ။ လဵၵ်ႉယႂ်ႇၼုမ်ႇထဝ်ႈ လႆႈၵူဝ်သိုၵ်းသိူဝ်။ မၢင်ၸိူဝ်းၵေႃႈ ၶမ်ယူႇၼႂ်းၵႄႈယႃႈမဝ်းၵမ်။ ၸိူဝ်းဢၼ် သူင်လဵၼ်ႈၵဵမ်းဢွၼ်ႊလၢႆႊ သလွတ်ႊၵဵမ်း Slots game သေ ၾိင်ႈယၢမ်ႈလူႉၵေႃႈ မီးတင်းၼမ်။ ပၢၼ်ဢၢႆႊထီႊ IT...