ႁွင်ႈၵၢၼ် ၾၢႆႇၶူၼ်ႉၶႂႃႉၵၢင်ႁၢဝ်လႄႈလိူၼ်လၢဝ် မိူင်းထႆး NARIT (ၼႃႊရိတ်ႉ) ပိုၼ်ၽၢဝ်ႇဝႃႈ ဝၼ်းတီႈ 04/07/2025 မိူဝ်ႈၼႆႉပဵၼ်ဝၼ်းဢၼ်လူၵ်ႈလုမ်ႈၾႃႉလႄႈ ၵၢင်ဝၼ်း ယူႇႁၢင်ႇၵႆၵၼ်သုတ်းၼႂ်းႁွပ်ႈပီ ဝႃႈၼႆ။
ဝၼ်းမိူဝ်ႈၼႆႉ လႅတ်ႇဢွၵ်ႇၶၢဝ်းယၢမ်းၵၢင်ၼႂ် 5 မူင်း 55 မိၼိတ်ႉသေ ၵၢင်ဝၼ်းတူၵ်း ႁူဝ်ၶမ်ႈ 6 မူင်း 49 မိၼိတ်ႉ(ၶၢဝ်းယၢမ်းမိူင်းထႆး)။ တေမႅၼ်ႈၵၢင်ၼႂ် 5 မူင်း 25 မိၼိတ်ႉလႄႈ ႁူဝ်ၶမ်ႈ 6 မူင်း 19 မိၼိတ်ႉ (ၶၢဝ်းယၢမ်းမိူင်းတႆး)။
လုမ်ႈၾႃႉမိူင်းၵူၼ်း တေယၢၼ်ၵႆၵၼ်တင်းလုၵ်ႈတႃဝၼ်း 152 လၢၼ်ႉ ၵီႊလူဝ်ႊမီႊတႃႊ (152,087,738 km)။
ဝႃႈၼၼ်သေတႃႉၵေႃႈ တေဢမ်ႇမီးၽွၼ်းယွၼ်ႈတေႃႇ ၶၢဝ်းယၢမ်းဢုတု ၶၢဝ်းမႆႈ ၶၢဝ်းၵတ်း ဝႃႈၼႆ။
ဝၼ်းတီႈ 21/06/2025 ၼႆႉသမ်ႉ ဢိင်ၼိူဝ် လုမ်ႈၾႃႉ ဢၼ်ပၼ်ႇလဵပ်ႈၵၢင်ဝၼ်းၼၼ်ႉ ပၼ်ႇလဵပ်ႈလုၵ်ႉ ၸဵင်ႇတႂ်ႈ ပၼ်ႇၶိုၼ်ႈၸဵင်ႇတၢင်းၼိူဝ်သေလႄႈ ၼႂ်းဝၼ်းၼၼ်ႉပဵၼ်ဝၼ်း ဢၼ်ၶၢဝ်းယၢမ်းၵၢင်ဝၼ်းယၢဝ်းသုတ်း ၼႂ်းႁွပ်ႈပီ – NARIT ပိုၼ်ၽၢဝ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ