ၵေႃလိၵ်ႈလၢႆးလႄႈ ၾိင်ႈငႄႈတႆး ၵူႈၸႄႈဝဵင်း ၼႂ်းၸိုင်ႈတႆးပွတ်းႁွင်ႇ ႁူပ်ႉထူပ်းဢုပ်ႇဢူဝ်းၵၼ် တႃႇႁၢင်ႈႁႅၼ်းၸတ်း ႁဵတ်းပၢင်ပွႆးႁပ်ႉတွၼ်ႈပီမႂ်ႇတႆး 2113 ၼီႈ ဢၼ်တေထိုင်မႃးၼႆႉ ဝႃႈၼႆ။ ဝၼ်းတီႈ 18/09/2018 ယၢမ်းဝၢႆးဝၼ်း 1 မူင်း ထိုင် 4 မူင်း ငဝ်ႈငုၼ်းၵေႃလိၵ်ႈလၢႆးလႄႈၾိင်ႈငႄႈတႆး မိူင်းတႆးပတ်း ပိုၼ်ႉ တင်း ၵေႃလိၵ်ႈလၢႆး ၸႄႈဝဵင်းလႃႈသဵဝ်ႈ...

ၼၢင်းၶိၼ်ႇထႃးယီႇ ၽူႈတႅၼ်းသၽႃးၸႄႈမိူင်း ဝဵင်းသႅၼ်ဝီ တၢင်ႇၸူး လွင်ႈပၼ်ႁႃလူင် ၼႂ်းမိူင်းတႆးပွတ်းႁွင်ႇ လွင်ႈ ၵၢၼ်တေႃႇလွင်းလႄႈ ႁၢၼ်ႉၵဵမ်း ၼင်ႇႁိုဝ် တေမွတ်ႇႁၢႆၵိုတ်းပႅတ်ႈၼၼ်ႉ ႁႂ်ႈလူင်ပွင်ၸိုင်ႈၶပ်းၶိုင်ၵႂႃႇ ဝႃႈၼႆ။ ဝၼ်းတီႈ 19/09/2018 ပၢင်ၵုမ်သၽႃးမိူင်းတႆး ၵမ်းတီႈ 2 ပွၵ်ႈထူၼ်ႈ 11 ဝၼ်းထူၼ်ႈ 3 ဢၼ်ၸတ်းႁဵတ်းတီႈ လုမ်း သၽႃးၸႄႈမိူင်းတႆး...

ၶွမ်ႊပၼီႊလွႆသၢမ်သုမ် ဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇ ၶိုၼ်ႈၵႃႈၾႆးၾႃႉ 1 ၼူၺ်ႇ( 1 Unit) လႂ် 85 ပျႃးၼၼ်ႉ ယူႇတီႈၵူၼ်းဝၢၼ်ႈၵူၼ်းမိူင်း လႆႈဢွၼ်ၵၼ်သၢၼ်ၶတ်းတႅမ်ႈလိၵ်ႈတၢင်ႇၸူး ၽွင်းလူင်ၾၢႆႇၾႆးၾႃႉ မိူင်းတႆးလႄႈ လႆႈလူတ်းပၼ်ၶိုၼ်းၶၼ်ၵဝ်ႇၼိုင်ႈၼူၺ်ႇလႂ် 35 ပျႃး မိူၼ်ၵဝ်ႇၶိုၼ်း။ မိူဝ်ႈၼႆႉ ဝၼ်းတီႈ 20/09/2018 ၶွမ်ႊပၼီႊလွႆသၢမ်သုမ် ဢွၵ်ႇဝႂ်ၵႃႈၾႆးၾႃႉ ပၼ်ၵူၼ်းမိူင်းသၢတ်ႉ...

ၸၢႆးလိၼ်းမႅတ်ႈ ၽူႈတႅၼ်းသၽႃးၸႄႈမိူင်း မိူင်းသူႈ ႁၢင်ႈႁႅၼ်း လွင်ႈၼၢင်းမူဝ်ႁွမ် ၵူၼ်းမိူင်းၼမ်ႉၶမ်း တၢင်ႇလၢတ်ႈ ၼႂ်း ပၢင်ၵုမ်သၽႃးမိူင်းတႆးၼၼ်ႉ ယူႇတီႈႁူဝ်ပဝ်ႈသၽႃးမိူင်းတႆး ပႆႇႁပ်ႉ ဝႃႈၼႆ။ ဝၼ်းတီႈ 19/09/2018 ပၢင်ၵုမ်သၽႃးမိူင်းတႆး ၵမ်းတီႈ 2 ပွၵ်ႈထူၼ်ႈ 11 ဝၼ်းထူၼ်ႈ 3 ဢၼ်ၸတ်းႁဵတ်းတီႈ လုမ်းသၽႃးၸႄႈမိူင်းတႆး ဝဵင်းလူင်တူၼ်ႈတီး ၸိုင်ႈတႆး...

ၾူၼ်သိုပ်ႇတူၵ်းႁႅင်း ၼမ်ႉသၢႆၵေႃႈမီးငဝ်းလၢႆးၸၢင်ႈထူမ်ႈထႅင်ႈလႄႈ ၸဝ်ႈၼႃႈတီႈသွင်ႇၾင်ႇ ၸိုင်ႈမိူင်း ၾၢႆႇတၢင်းဝဵင်းမႄႈသၢႆမိူင်းထႆး လႄႈၾၢႆႇတၢင်းတႃႈၶီႈလဵၵ်း ၾၢင်ႉတိူၼ်ၵူၼ်းယူႇၾင်ႇၼမ်ႉသၢပ်ႇၼမ်ႉ ၾင်ႇႁိုၵ်းႁႂ်ႈၶၢႆႉၶူဝ်းၶိုၼ်ႈတီႈသုင်။ ဝၼ်းတီႈ 18/09/2018 ၾူၼ်လူင်တူၵ်းႁႅင်းလၢႆပိုၼ်ႉတီႈ ႁဵတ်းႁႂ်ႈၼမ်ႉသၢႆၼွင်းလူၼ်ႉၾင်ႇ လႆၶဝ်ႈထူမ်ႈဢိူင်ႇဝၢၼ်ႈသွင် ၾင်ႇ တႆး - ထႆး ။ ၾၢႆႇၸဝ်ႈၼႃႈတီႈထႆးလႄႈ ၾၢႆႇၵဵဝ်ႇၶွင်ႈႁူမ်ႈပၵ်းတႃႇပႂ်ႉတူၺ်းလႄႈ ၾၢင်ႉၵူၼ်းဝၢၼ်ႈၵူၼ်းမိူင်းပေႃႈၵႃႉမႄႈၵႃႉၾၢႆႇမႄႈသၢႆ/ ၾၢႆႇတႃႈလေႃႉ တႃႈၶီႈလဵၵ်း ႁႂ်ႈဝႆႉၾၢင်ႉသတိ တေႃႉၶူဝ်းၶိုၼ်ႈတီႈသုင်။ ပေႃးထိုင်မႃး...

လုၵ်ႈႁဵၼ်းၸၼ်ႉသိပ်း ဢၼ်တူၵ်းၶွၵ်ႈဝႆႉ ၼႂ်းမိူင်းတႆးပတ်းပိုၼ်ႉ တင်းမူတ်း မီး 34 ၵေႃႉ ၼႂ်းၼၼ်ႉ တႃႇ 16 ၵေႃႉ တေလႆႈတိုဝ်ႉတၢင်းၶဝ်ႈတွပ်ႇလိၵ်ႈယူႇၼႆ ယူႇတီႈၽွင်းလူင်ၾၢႆႇတူင်ႇဝူင်းၵူၼ်း တွပ်ႇလၢတ်ႈၼႂ်းသၽႃးမိူင်းတႆး ၼင်ႇၼႆ။ ဝၼ်းတီႈ 18/09/2018 ၸၢႆးမဵဝ်းမိၼ်ႉ ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈတင်ႈမၢႆ 2 ၸႄႈဝဵင်းမိူင်းၼၢႆး တွင်ႈ ထၢမ် ၼႂ်းပၢင်ၵုမ်သၽႃးမိူင်းတႆး...

ၵူၼ်းဝၢၼ်ႈၵူၼ်းမိူင်းလၢႆလၢႆဝၢၼ်ႈ ၼႂ်းၸႄႈဝဵင်းၵူတ်ႉၶၢႆ ဢဵၼ်ႁႅင်း 100 ပၢႆ ႁူမ်ႈၵၼ်ၼႄမိၵ်ႈမၢႆ သၢၼ်ၶတ်းပၢင်တေႃႇ   လွင်းဢွၼ်ၵၼ်ၵႂႃႇယႃႉႁႅမ်လႅဝ်ပႅတ်ႈၶိူင်ႈလဵၼ်ႈၵဵမ်းသ်တူႈပႃ။ ဝၼ်းတီႈ 16/09/2018 ၵူၼ်းဝၢၼ်ႈ ၵူၼ်းမိူင်းလၢႆဝၢၼ်ႈဢဵၼ်ႁႅင်း 100 ပၢႆ ဢွၼ်ၵၼ်ၵႂႃႇယႃႉပႅတ်ႈ ပၢင်တေႃႇပၢင်လွင်း တူႈၵဵမ်းသ်ပႃ ဢၼ်မီးၼႂ်းဝဵင်းၵူတ်ႉၶၢႆလၢႆလၢႆတီႈ ဢၼ်မီးၼႂ်းၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။ ၸၢႆးလႅဝ်းၸတ်ႉ ႁူဝ်ၼႃႈၵူၼ်းၼုမ်ႇမိူင်းယူႉ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “...

လုမ်းတြႃးၵဵင်းတုင် ပၼ်တၢမ်ႇတၢႆ ၸၢႆးသႅင်(ႁွင်ႉ) ဢၢႆႈပီး တင်း မွင်ႇသူဝ်းလုၼ်ႇ ဢၼ်ၵၼ်ႉၸၼ် ဢွၼ်ႇယိင်း ၸၼ်ႉသိပ်းယဝ်ႉ ႁႅမ်တၢႆ ၽဝ်မွတ်ႇငိူၼ်ႈပႅတ်ႈ ဝႃႈၼႆ။ ဝၼ်းတီႈ 17/09/2018 ၵႅမ်ၽူႈတတ်းသိၼ်ြတႃး ၸႄႈတွၼ်ႈၵဵင်းတုင် ပၼ်တၢမ်ႇတၢႆ ၸၢႆးသႅင်(ႁွင်ႉ) ၸၢႆးပီး တင်း ဢၢႆႈသူဝ်းလုၼ်ႇ ၶဝ်သွင်ၵေႃႉ တီႈလုမ်းတြႃးဝဵင်းၵဵင်းတုင် ယွၼ်ႉၶဝ်သွင်ၵေႃႉ ၵၼ်ႉၸၼ်ဢွၼ်ႇ...

ၸုမ်းၾိင်ႈငႄႈ/ၾိင်ႈထုင်း ပွႆးႁူင်းၾႆးမိၼ် ၸႄႈမိူင်းတႆး ပိုၼ်ၽၢဝ်ႇပဵၼ်တၢင်းၵၢၼ်ဝႃႈ ပၢင်ပွႆးႁူင်းၾႆးမိၼ် လိူၼ် သိပ်းသွင်မူၼ်း တီႈတူၼ်ႈတီးၼႆႉ တႅပ်းတတ်း တေၸတ်းႁဵတ်း တႃႇ 9 ဝၼ်း ဝႃႈၼႆ။ မိူဝ်ႈဢွၼ်တၢင်းမီးၶၢဝ်ႇဢွၵ်ႇမႃးဝႃႈ ဝဵင်းတူၼ်ႈတီးတေဢမ်ႇမီးပွႆးပွႆႇႁူင်းၾႆးမိၼ်/ လိူၼ် 12 ၼႆသေတႃႉ ယၢမ်း လဵဝ် ၶွမ်ႊမတီႊတႅပ်းတတ်းဝႃႈ တေၸတ်းႁဵတ်း ၼႂ်းဝၼ်းတီႈ 15-22/11/2018...

ၵူၼ်းမိူင်းမၢၼ်ႈ၊ မိူင်းတႆး ဢၼ်ၵႂႃႇႁဵတ်းၵၢၼ်ၼႂ်းမိူင်းထႆး ၸိူဝ်းဢမ်ႇၶဝ်ႈပၵ်းပိူင်ၵူၼ်းႁဵတ်းၵၢၼ်ၼၼ်ႉ ထုၵ်ႇပလိၵ်ႈ ထႆး တီႉၺွပ်းသူင်ႇတူဝ်ပွၵ်ႈတၢင်း လႅၼ်လိၼ်တႆး - ထႆး တၢင်းၸႄႈဝဵင်းတႃႈၶီႈလဵၵ်း မီးၵႂႃႇ 850 ပၢႆယဝ်ႉ ဝႃႈၼႆ။ တႄႇဢဝ် ဝၼ်းတီႈ 1 လိူၼ်ၵျႅၼ်ႊၼိဝ်ႊရီႊ ထိုင် ဝၼ်းတီႈ 17 လိူၼ်သႅပ်ႊထႅမ်ႊၿိူဝ်ႊ ၼႂ်းပီ 2018...

ၸွမ်းသိုၵ်းလူင် ယွတ်ႈသိုၵ်း ႁူဝ်ပဝ်ႈၶွင်ႇသီႇဢဝ်ၶိုၼ်းၸိုင်ႈတႆး ဢွၵ်ႇငဝ်းႁၢင်ႈသဵင်ဢွၼ်ႊလၢႆႊ ၵမ်းသိုဝ်ႈသေ တူၵ်ႇလၢတ်ႈဝႃႈ ၸၢဝ်းၶိူဝ်းၼင်ႇၵၼ် တိုၵ်းၵၼ်ၼႆႉ ဢမ်ႇမီးၽွၼ်းလီသင် တူၵ်းလွၵ်းၽူႈၶဵၼ်ၵူၺ်း ဝႃႈၼႆ။ ဝၼ်းတီႈ 17/09/2018 ၸွမ်သိုၵ်းလူင် ယွတ်ႈသိုၵ်းတူၵ်ႇလၢတ်ႈတီႈလၢႆးၵၢၼ် မႄးႁၵ်ႉၽွမ်ႉၸွႆႈ ပွႆႇငဝ်းႁၢင်ႈသဵင်ၵမ်းသိုဝ်ႈတီႈ Facebook တႆးလွတ်ႈလႅဝ်း တင်ႈတႄႇၵၢင်ဝၼ်း12 မူင်းတေႃႇထိုင်ဝၢႆးဝၼ်း 2 မူင်းပၢႆ။ တူၵ်ႇလၢတ်ႈငဝ်းလၢႆးလုမ်ႈ ၾႃႉ၊...

ၵူၼ်းၼုမ်ႇ ၸၢဝ်းတႆး တင်း ၸၢဝ်းလွႆ(တဢၢင်း) 4 ၵေႃႉ ၵႂႃႇႁဵတ်းၵၢၼ်တၢင်းမိူင်းမၢဝ်း ၾၢႆႇမိူင်းၶႄႇသေ ပွၵ်ႈမႃးၶိုၼ်းတၢင်း ႁူဝ်ၼွင် - ၼမ်ႉပၢၼ်းၼၼ်ႉ ႁၢႆတူဝ်ၵႂႃႇ မိူဝ်ႈၵၢင်လိူၼ်ဢေႃႊၵတ်ႊသ်ၼၼ်ႉ ထိုင်ယၢမ်း လဵဝ်ပႆႇႁၼ် ပေႃႈမႄႈပီႈ ၼွင်ႉၸိူဝ်ႉၶိူဝ်းတၢင်းလင် ပဵၼ်ဢၼ်မႆႈၸႂ် ဝႃႈၼႆ။ ၵူၼ်းၼုမ်ႇ 4 ၵေႃႉ ဢၼ်ႁၢႆတူဝ်ၵႂႃႇၼၼ်ႉ ပဵၼ်ၸၢႆးဢၢႆႈယွၼ်း...

ႁႅင်းၵၢၼ်ယၢၼ်မိူင်းတႆး ၼႂ်းဝဵင်းၵဵင်းမႆႇ ႁူမ်ႈၵၼ်ၸတ်းပၢင်ယွၼ်းသူး ႁႂ်ႈတပ်ႉသိုၵ်း TNLA ပွႆႇပၼ်တူဝ်ၼၢင်းမူဝ်ႁွမ်ဝႆးဝႆး။ ဝၼ်းတီႈ 17/09/2018 ၵေႃႁူမ်ႈသၢင်ႈၸိူဝ်ႉၸၢတ်ႈတႆး ဢွၼ်ႁူဝ်ၼမ်းၼႃႈပီႈၼွင်ႉတႆး ၼႂ်းၵဵင်းမႆႇသေ ၸတ်းပၢင်ယွၼ်းသူးႁႂ်ႈတပ်ႉသိုၵ်းတဢၢင်း TNLA ပွႆႇပၼ်တူဝ်ၼၢင်းမူဝ်ႁွမ်ဝႆးဝႆး။ ၸၢႆးသၢႆဝၼ်း ၽူႈၼင်ႈၸိုင်ႈ ၵေႃႈႁူမ်ႈသၢင်ႈၸိူဝ်ႉၸၢတ်ႈတႆး လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈ ဝႃႈ- “ ပေႃးႁဝ်းတေၸတ်းယႂ်ႇၸတ်းလူင်ၵေႃႈ တေလႆႈယွၼ်းၶႂၢင်ႉတီႈ ၸဝ်ႈၼႃႈတီႈပလိၵ်ႈ ၶၢဝ်းယၢမ်းမၼ်း သမ်ႉဢမ်ႇတၼ်းယဝ်ႉလႄႈ ႁဝ်းၶႃႈၸင်ႇ...

ၸဝ်ႈႁႆႈ/ၸဝ်ႈၼႃး ၼႂ်းၸိုင်ႈတႆးပွတ်းဢွၵ်ႇၶူင်း ႁူပ်ႉထူပ်း ဢုပ်ႇဢူဝ်း ႁႃလွၵ်းလၢႆး တႃႇတၢင်ႇယွၼ်းၶိုၼ်းတီႈလိၼ် လႄႈ ဝႂ်ၽိုၼ်မိူၼ်တီႈလိၼ် ပိူင် 7 (ပုံစံ ၇) လႄႈ ပိူင် 105 ၸိူဝ်းၼႆႉ တီႈဝဵင်းၵဵင်းတုင်။ ဝၼ်းတီႈ 15-17/09/2018 ယူႇတီႈၸုမ်းမဵတ်ႉတႃႇၾွၼ်ႊတေႊသိၼ်ႊ ဢွၼ်ႁူဝ်သေ ၸတ်းႁဵတ်း ပၢင်ႁူပ်ႉထူပ်း ၸဝ်ႈႁႆႈ/ၼႃး ၼႂ်းၸိုင်ႈတႆးပွတ်းဢွၵ်ႇၶူင်း...

ၼႂ်းၸိုင်ႈတႆးပွတ်းၵၢင် ပွတ်းၸၢၼ်းလၢႆလၢႆဝဵင်း လူမ်းလူင်ၶဝ်ႈၽတ်ႉတူၼ်းမႆႉလူင် သဝ်ၾႆးႁၵ်း ပႃးၸဵမ်ၼႂ်းၸႄႈ ဝဵင်းတူၼ်ႈတီး ဝဵင်းၶူဝ်လမ် ၸိူဝ်းၼႆႉ။ ဝၼ်းတီႈ 17/09/2018 တင်ႈတႄႇဝၢႆးဝၼ်းတေႃႇ ၵၢင်ၶမ်ႈ လူမ်းလူင်ၶဝ်ႈၽတ်ႉဝဵင်း တၢင်ႉယၢၼ်း၊ တူၼ်ႈတီး၊ ၶူဝ်လမ်၊ မိူင်းၼၢႆး၊ လၢင်းၶိူဝ်းလႄႈ မိူင်းပၼ်ႇ ၸိူဝ်းၼႆႉ။ ဝၼ်းတီႈ 17/09/2018 ယၢမ်းႁူဝ်ၶမ်ႈမွၵ်ႈ 5:45 မူင်းၼၼ်ႉ လူမ်းလူင်...