လုင်းၸၢႆးဢၢႆႈပဝ်းႁူဝ်ပဝ်ႈ ပႃႇတီႇသိူဝ်ၽိူၵ်ႇလၢတ်ႈဝႃႈ SNDP တူဝ်ႈတၼ်းတေၶဝ်ႈၶႅင်ႇ ပၢင်လိူၵ်ႈတင်ႈပီ 2020 ၵူႈတီႈၼႂ်းၸိုင်ႈတႆး ဝႃႈၼႆ။
ဝၼ်းတီႈ 22/01/2019 လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP တူၵ်ႇလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ ၼႂ်းပၢင်လိူၵ်ႈတင်ႈပီ 2020 တေမႃးၼႆ့ တေႁႂ်ႈၽူႈတႅၼ်းၶဝ်ႈၶႅင်ႇၵူႈတီႈၼႂ်းၸိုင်ႈတႆး။
“ ႁဝ်းမီးပႃႇတီႇဝႆ့ယဝ့်ၼႃႇ ပၢင်လိူၵ်ႈတင်ႈ2020 တေမႃးၼႆ့ ၵႃႈတေလႆႈၶဝ်ႈၶႅင်ႇၵႂႃႇ၊ ႁဝ်းတႄ့ၶႂ်ႈႁူမ်ႈတင်းပႃႇတီႇ ႁူဝ်သိူဝ်ယူႇ ၵူၺ်းၵႃႈပိူၼ်ႈဢမ်ႇႁူမ်ႈႁဝ်းလူး တေလႆႈႁဵတ်းႁိုဝ် ၊ ႁဝ်းၵေႃႈတေသူင်ႇၽူႈတႅၼ်းႁဝ်းၶဝ်ႈၶႅင်ႇယဝ့်၊ လွင်ႈဝႃႈတေမႅင်ႇၼႃႈတီႈၵၼ်သေလူင်းၶႅင်ႇၼၼ့်တႄ့ တေတူၺ်းငဝ်းလၢႆးသေႁူပ့်ဢုပ်ႇၵုမ်ၵၼ်ၵႂႃႇ ” ဝႃႈၼႆ။
မိူဝ်ႈပၢင်လိူၵ်ႈတင်ႈသွမ်ႈ 1 April 2017 ၼၼ့် ပႃႇတီႇႁူဝ်သိူဝ်ၶဝ်ႈၶႅင်ႇပေႉ 6 တီႈၼင်ႈ။ မိူဝ်ႈပၢင်လိူၵ်ႈတင်ႈပတ်း ပိုၼ်ႉတူဝ်ႈမိူင်း 8 November 2015 ၼၼ်ႉသမ်ႉ ပႃႇတီႇႁူဝ်သိူဝ် လႆႈတီႈၼင်ႈဝႆႉ 40 တီႈၼင်ႈ ပႃႇတီႇသိူဝ် ၽိူၵ်ႇပေ့ 1 တီႈၼင်ႈ။
