သင်ၶၸဝ်ႈလႄႈ ၵူၼ်းမိူင်းပၼ်ႇ ႁူမ်ႈၵၼ်ၵေႃႇသၢင်ႈ “ၵွင်းမူးယွၼ်းသူးတဵမ်ထူၼ်ႈ” တီႈၼွင်ၼၢင်းယေႈသႅင်ၵေႃႇ ၸႄႈ ဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။
ဝၼ်းတီႈ 20/01/2019 ၼႂ်းဝၼ်းလိူၼ်ၵမ်မူၼ်း ပီႈၼွင်ႉၵူၼ်းမိူင်းပၼ်ႇ ႁဵတ်းၵုသူလ်တႃႇၼၸွမ်းၵၼ် ႁူမ်ႈၵၼ် တေႃႉဢုတ်ႇ၊ တေႃႉသၢႆး တႃႇၵေႃႇသၢင်ႈၵွင်းမူးယွၼ်းသူးတဵမ်ထူၼ်ႈ တီႈၼႂ်းၵၢင်ၼွင် ၼၢင်းယေႈသႅင်ၵေႃႇ ဢိူင်ႇ ၼွင်ႁီး ၸႄႈဝဵင်းမိူင်းပၼ်ႇ။
ၸၢႆးၼွင်ႉ ၵူၼ်းမိူင်းပၼ်ႇ လၢတ်ႈတီႈၽူႈတွႆႇႁွၵ်ႈဝႃႈ “ ၵွင်းမူးယွၼ်းသူးတဵမ်ထူၼ်ႈၼႆ ၸဝ်ႈပေႃႈသိလ်ထမ်းဝုၼ်း ၸုမ်ႉ ဢွၼ်ၵေႃႇသၢင်ႈမႃးၶႃႈ။ ႁဝ်းၶႃႈ လႆႈဝၢင်းမၢၵ်ႇဢုတ်ႇငိုၼ်း/ မၢၵ်ႇဢုတ်ႇၶမ်း မိူဝ်ႈလိူၼ်ၸဵင် မႂ်ႇၼိုင်ႈၶမ်ႈ။ တေႃႈ လဵဝ်တႄႉ မီးပီႈၼွင်ႉၵူၼ်းမိူင်းႁဝ်းၶႃႈ ႁူမ်ႈၵၼ် တေႃႉသၢႆး၊ မၢၵ်ႇဢုတ်ႇ ၶိူင်ႈၵေႃႇသၢင်ႈ၊ ဢွၼ်ၵၼ်တေႃႉၶဝ်ႈၵႂႃႇ ၶႂ်ႈဝႃႈမီးၵူႈဝၼ်းၶႃႈယဝ်ႉ။ ယွၼ်ႉဝႃႈ သဵၼ်ႈတၢင်းရူတ်ႉၵႃးၵေႃႈဢမ်ႇထိုင် လႆႈၸႂ်ႉႁႅင်းၵူၼ်းသေ တေႃႉၶဝ်ႈဢဝ်ၵူၺ်း ၶႃႈ” ဝႃႈၼႆ။
ပေႃႈၾႃႉမႄႈမိူင်း ၵူၼ်းမိူင်းပၼ်ႇၵေႃႉၼိုင်ႈ လၢတ်ႈဝႃႈ“ တႃႇတေၵေႃႇသၢင်ႈၵွင်းမူး တေႃႇပေႃးႁႂ်ႈယဝ်ႉတူဝ်ႈလီငၢမ်း ၼႆႉ လၢမ်းၶၢတ်ႈဝႆႉ တေသဵင်ႈငိုၼ်း မွၵ်ႈ 400 – 500 သႅၼ်ပျႃး ယွၼ်ႉၼၼ်လႄႈ တိုၵ်ႉလႆႈႁပ်ႉငိုၼ်းလူႇတၢၼ်းယူႇ” ဝႃႈၼႆ။
ၵွင်းမူးယွၼ်းသူးတဵမ်ထူၼ်ႈ ဢၼ်ၸဝ်ႈၶူးဝႃးဝုၼ်းၸုမ်ႉ ဢွၼ်ႁူဝ်တႄႇၵေႃႇမႃးၼႆႉ တေဢၢၼ်းသၢင်ႈယဝ်ႉ ၵွၼ်ႇ လိူၼ်သီႇမူၼ်း။ တေဢၢၼ်းတၢင်ႇထီးထၢတ်ႈ ဝၼ်းလိူၼ်သီႇမူၼ်း ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ