လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP တိုၵ်းသူၼ်းႁႂ်ႈၵူၼ်းဝၢၼ်ႈ ၵူၼ်းမိူင်း ဢွၼ်ၵၼ်သႂ်ႇၸႂ်တၢင်ႇယိုၼ်ႈယွၼ်းႁဵတ်းဝႂ်တီႈလိၼ် ႁႂ်ႈၶိုတ်းတၼ်း ၸွမ်းၼင်ႇၶၢဝ်းယၢမ်းဢၼ်လူင်ပွင်ၸိုင်ႈမၵ်းမၼ်ႈဝႆႉ။ လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP ပဵၼ်ပႃးၽူႈၼင်ႈၸိုင်ႈၵေႃပွင်ၵၢၼ်ၽွမ်ႉႁူမ်ႈၸိုင်ႈတႆး CSSU တူၵ်ႇလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈမိူဝ်ႈဝၼ်းတီႈ 29/11/2018 ဝႃႈ ၵၢပ်ႈပၢၼ်ဝၢၼ်ႈမိူင်းမိူဝ်ႈလဵဝ်ၼႆႉ ပိူၼ်ႈဢဝ်ပၵ်းပိူင်ပဵၼ်ယႂ်ႇ ႁဝ်းတေသၢၼ်ၶတ်းပိူၼ်ႈၵေႃႈဢမ်ႇၸၢင်ႈၵွပ်ႈၼၼ်လႄႈ ၼင်ႇႁိုဝ်ႁဝ်းတေဢမ်ႇထူပ်းတၢင်းယၢပ်ႇမိူဝ်းၼႃႈၼၼ်ႉ ႁႂ်ႈ ႁဝ်း ၶႃႈႁဵတ်းၸွမ်းၼင်ႇဢၼ်ပၵ်းပိူင်လူင်ပွင်ၸိုင်ႈ တမ်းဝၢင်းဝႆႉၼၼ်ႉသေၵမ်း ၼင်ႇႁိုဝ်ႁဝ်းၶႃႈတေဢမ်ႇထူပ်းတၢင်းယၢပ်ႇ...

ၵေႃႇမတီႈႁူင်းႁဵၼ်း တူင်ႇၵူၼ်းတႆး လၢႆးၶႃႈ လူင်းၵူတ်ႇထတ်း တႃႇသိုဝ်ႉတီႈလိၼ် 14 ဢေႊၶိူဝ်ႊ ဝၢင်းၽႅၼ်ၵေႃႇသၢင်ႈ ႁူင်းႁဵၼ်း လႄႈ ယိုၼ်ႈမိုဝ်းတႃႇႁပ်ႉၸွႆႈတၢၼ်း ၼႂ်းၵၢၼ်ၵေႃႇသၢင်ႈ ဝႃႈၼႆ။ ဝၼ်းတီႈ 02/12/2018 ၵေႃႇမတီႇႁူင်းႁဵၼ်းတူင်ႇၵူၼ်းတႆး ဢွၼ်ၵၼ်လူင်းပိုၼ်ႉတီႈၵူတ်ႇထတ်း တီႈလိၼ်ၶွင် ၽူႈ တႅၼ်းသၽႃးၵူၼ်းမိူင်းၵေႃႉၵဝ်ႇ လုင်းၸၢႆးမူၼ်း ဢၼ်မီးဝႆႉတီႈပွၵ်ႉ 4 ၾၢႆႇၸၢၼ်းလၢႆးၶႃး ၸပ်းၾင်ႇၼမ်ႉတွင်း...

သိုၵ်း RCSS တင်း သိုၵ်း SSPP ယိုဝ်းၵၼ်လႄႈ ၵူၼ်းဝၢၼ်ႈပႅၼ်ႇဝႅၼ်ႈ မိူင်းၵိုင် 200 ပၢႆ ဢွၼ်ၵၼ်လႆႈပၢႆႈၽေးသိုၵ်း မႃးသွၼ်ႈဝႆႉတီႈ ဝတ်ႉမၢၵ်ႇၶီႈၼူၵ်ႉ(ဝတ်ႉထမ်မဝိႁႃရ) တေႃႇထိုင် ယၢမ်းလဵဝ်ပႆၸၢင်ႈပွၵ်ႈ ဝႃႈၼႆ။ ဝၼ်းတီႈ 30/11/2018 ယၢမ်းၵၢင်ၼႂ် သိုၵ်းတႆး RCSS တင်း SSPP ပဵၼ်တၢင်းတိုၵ်းၵၼ် တီႈႁိမ်းဝၢၼ်ႈပႅၼ်ႇဝႅၼ်ႈ...

ၵႃးတၢင်ႇဝူဝ်း လမ်းၼိုင်ႈ ၺႃးယိုဝ်း တီႈႁိမ်းဝၢၼ်ႈသၶၢၼ်းတႃႇ(စခန်းသား) ၼႂ်းၸႄႈဝဵင်းၵျွၵ်ႉမႄး ၵူၼ်းၸွမ်းၵႃး 2 ၵေႃႉလႄႈ ၵူၼ်းႁေႃႈၵႃး ၵေႃႉၼိုင်ႈ တိူဝ်ႉၺႃးမၢတ်ႇၸဵပ်း ဝႃႈၼႆ။ ဝၼ်းတီႈ 29/11/2018 ယၢမ်းၵၢင်ၶမ်ႈ 9 မူင်း ၵႃးတၢင်ႇဝူဝ်းလမ်းၼိုင်ႈ ဢၼ်လုၵ်ႉတၢင်းၼွင်ၶဵဝ် ၶိုၼ်ႈမႃးတၢင်း ၵျွၵ်ႉ မႄးၼၼ်ႉ ၺႃးၸုမ်းဢမ်ႇႁူႉၾၢႆႇ ယိုဝ်းတီႈႁိမ်းဝၢၼ်ႈသၶၢၼ်းတႃႇ ၸႄႈဝဵင်းၵျွၵ်ႉမႄး...

ၸုမ်းတူင်ႉၼိုင်တူင်ႇဝူင်းၵူၼ်း ၼမ်ႉၶမ်း 6 ၸုမ်း တႅမ်ႈလိၵ်ႈထိုင် ၸွမ်ၸိုင်ႈမိူင်းႁူမ်ႈတုမ် ႁႂ်ႈၵိုတ်းႁူင်းၸၢၵ်ႈႁဵတ်းၸေႈ ဢၼ်တႄႇပၼ်ႇၵၢၼ် ႁိမ်းၾင်ႇၼမ်ႉမၢဝ်း ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။ ဝၼ်းတီႈ 20/11/2018 ၸုမ်းတူင်ႉၼိုင်တူင်ႇဝူင်းၵူၼ်း ၼႂ်းၼမ်ႉၶမ်း 6 ၸုမ်း ဢွၼ်ၵၼ် တႅမ်ႈလိၵ်ႈသၢၼ်ၶတ်း လွင်ႈ ႁူင်းၸၢၵ်ႈႁဵတ်းၸေႈ တီႈၸွမ်ၸိုင်ႈလႄႈ သၽႃး။ ၼႂ်းလိူၼ်ၼူဝ်ႊဝႅမ်ႊၿိူဝ်ႊၼႆႉၵူၺ်း လႆႈတၢင်ႇလိၵ်ႈၸူး...

လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ ၽူႈၼင်ႈၸိုင်ႈၵေႃပွင်ၵၢၼ်ၽွမ်ႉႁူမ်ႈၸိုင်ႈတႆး CSSU တူၵ်ႇလၢတ်ႈဝႃႈ ပေႃးသိုၵ်းတႆးဢမ်ႇၽွမ်ႉၵၼ် ဢမ်ႇပၼ်လွင်ႈႁူမ်ႇလူမ်ႈၵူၼ်းမိူင်းလႆႈၸိုင် ၶိူဝ်းႁဝ်း ၸၢင်ႈဝၢႆးႁၢႆ။ ဝၼ်းတီႈ 29/11/2018 လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP ပဵၼ်ပႃးၽူႈၼင်ႈၸိုင်ႈ CSSU တူၵ်ႇလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ - ၼႂ်းဝူင်ႈဝၢင်ႈၼႆႉ ႁဝ်းလႆႈတႅမ်ႈလိၵ်ႈထိုင်တပ်ႉသိုၵ်းတႆး 2 တပ်ႉသိုၵ်း ၵဵဝ်ႇလူၺ်ႈပၼ်ႁႃဢၼ်ပဵၼ်ယူႇယၢမ်းလဵဝ်ၼႆႉ ႁႂ်ႈႁူဝ်ပဝ်ႈလူင်သွင် ၸဝ်ႈတူၺ်းႁၼ်...

သင်ၶၸဝ်ႈလႄႈ ၵူၼ်းၼုမ်ႇၽူႈသူၼ်ၸႂ်ႁၵ်ႉလိၵ်ႈလၢႆးႁူမ်ႈၵၼ်ၶူင်သၢင်ႈႁဵတ်းဢွၵ်ႇ Tai dictionary တႃႇႁႂ်ႈၸႂ်ႉတိုဝ်းလႆႈၼိူဝ်ဢွၼ်ႊလၢႆႊ Online လႄႈ ၶိုတ်းၸၼ်ႉလုမ်ႈၾႃႉ။   ၼႂ်းပီ 2018 ၼႆႉ သင်ၶၸဝ်ႈဢၼ်ႁဵၼ်းယူႇတီႈၸၼ်ႉၸွမ်မိူင်းထႆး၊ မိူင်းဢိၼ်ႊၻီႊယိူဝ်ႊ၊ ဝဵင်းလိူဝ်ႇ၊ တႃႈၵုင်ႈလႄႈၵူၼ်း   ၼုမ်ႇၸိူဝ်းဢၼ်ႁဵၼ်းယူႇၼႂ်းၸၼ်ႉၸွမ်ၸိူဝ်းၼႆႉ ႁူမ်ႈၵၼ်ၶူင်သၢင်ႈႁဵတ်းဢွၵ်ႇ Tai dictionary တႃႇၸႂ်ႉၼႂ်းၶွမ်းလႄႈ ၼႂ်းၾူၼ်း ၼိူဝ်ဢွၼ်ႊလၢႆႊ Online ပိူဝ်ႈႁႂ်ႈၶဝ်ႈၸႂ်ႉငၢႆႈလႆႈၶိုတ်းၵၢပ်ႈ ပၢၼ်ၼႆယဝ်ႉ။ ၸဝ်ႈၶူးဢိတ်ႉသရိယ...

ၸုမ်းၵပ်းသၢၼ်လွင်ႈၼၢင်းယိင်းတႆး SWAN ဢွၵ်ႇၽိုၼ်ႁၢႆးငၢၼ်း ၵၢၼ်တူင်ႉၼိုင် ၶၢဝ်းတၢင်း 16 ဝၼ်း ၼႂ်းဝၼ်း ထူၼ်ႈ 5 ၼႆႉ တူၵ်ႇတၵ်ႉလွင်ႈမၢႆမီႈ ၾိင်ႈမိူင်း ၸိူဝ်းၸႅၵ်ႇၽႄတေႃႇၼၢင်းယိင်းၼၼ်ႉ ႁႂ်ႈမူၼ်ႉမႄး ဢမ်ႇၼၼ် ပူတ်းထွၼ်ပႅတ်ႈ။ ဝၼ်းတီႈ 29/11/2018 ၸုမ်းၵပ်းသၢၼ်လွင်ႈၼၢင်းယိင်းတႆး “SWAN” ဢွၵ်ႇလိၵ်ႈပိုၼ်ၽၢဝ်ႇ လွင်ႈတူင်ႉၼိုင် ၶၢဝ်း တၢင်း...

ၸွမ်သိုၵ်းလူင် မိၼ်းဢွင်ႇလၢႆႇ၊ ၸွမ်သိုၵ်းလူင် ၵေႃႉၵဝ်ႇ တၢၼ်းသူၺ်ႇလႄႈ ၽူႈၼမ်းပျီႇတူႉၸိတ်ႉပဢူဝ်း ဢူးဢွင်ႇ ၶမ်းထီႇ (PNO) ႁူပ်ႉထူပ်းဢုပ်ႇၵၼ် တီႈၼေႇပျီႇတေႃႇ ဝႃႈၼႆ။ ဝၼ်းတီႈ 28/11/2018 ၽူႈၼမ်းၸုမ်းပျီႇတူႉၸိတ်ႉပဢူဝ်းဢူးဢွင်ႇၶမ်းထီႇ တင်းၽူႈၵွၼ်းသိုၵ်းသုင်သုတ်းမၢၼ်ႈ ၸွမ်သိုၵ်းလူင် မိၼ်းဢွင်ႇလၢႆႇ ႁူပ်ႉဢုပ်ႇၵၼ် ႁွင်ႈပယိၼ်ႉၼွင်ႇ ၼေႇပျီႇတေႃႇ။ လိူဝ်ၼၼ်ႉ ယူႇတီႈလုမ်းၽူႈၵွၼ်း သိုၵ်းသုင်သုတ်းမၢၼ်ႈ ပၢႆဢွၵ်ႇလိၵ်ႈပိုၼ်...

ဝၼ်းတီႈ 10 ၻီႊသႅမ်ႊပိူဝ်ႊ ဝၼ်းသုၼ်ႇလႆႈၵူၼ်းၸၢတ်ႈၸိုင်ႈလုမ်ႈၾႃႉၼၼ်ႉ ၾၢႆႇလိူမ်ႈလႆႇ(ၸီႇပိၼ်ႇ) ဝဵင်းတူၼ်ႈ တီး ဢမ်ႇပၼ်ၸုမ်းတူင်ႉၼိုင်ၸတ်းႁဵတ်းပၢင်ၵႅဝ်ႈမၢႆတွင်းဝၼ်းၼၼ်ႉ ၼႂ်းသူၼ်မွၵ်ႇၵၢင်ဝဵင်းတူၼ်ႈတီး။ ဝၼ်းတီႈ 16/11/2018 ယူႇတီႈ Human Right Educator Network တၢင်ႇလိၵ်ႈယိုၼ်ႈထိုင် တႃႇတေၸတ်းႁဵတ်းပၢင် ၵႅဝ်ႈ ဝၼ်းသုၼ်ႇလႆႈၵူၼ်း ၸၢတ်ႈၸိုင်ႈလုမ်ႈၾႃႉ တီႈၼႂ်းဝၢင်းသူၼ်မွၵ်ႇ ၵၢင်ဝဵင်း(ပူဝ်ႇၶျူပ်ႉဢွင်ႇသၢၼ်း ပန်းခြံ) တူၼ်ႈတီး...

ပၢင်ပွႆးႁပ်ႉတွၼ်ႈပီမႂ်ႇတႆး 2113 ၼီႈ ပီၼႆႉ ၵေႃလိၵ်ႈလၢႆးလႄႈၾိင်ႈငႄႈတႆး ၵဵင်းမႆႇ တေၸတ်းပၢင်ပွႆးပီမႂ်ႇတႆး ၵိုၼ်းၶွၼ်ႈ။ ပေႃးထိုင်မႃး ဝၼ်းတီႈ 06-08/12/2018 ယူႇတီႈၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းၵဵင်းမႆႇ ႁူမ်ႈလူၺ်ႈပီႈၼွင်ႉ တႆး ၼႂ်းၵဵင်းမႆႇ ဢွၼ်ၸတ်းႁဵတ်းပွႆး သူင်ႇသင်ႇပီၵဝ်ႇ ႁပ်ႉတွၼ်ႈပီမႂ်ႇတႆး 2113 ၼီႈ တီႈဝတ်ႉၵူႇတဝ်ႈ ဢိူင်ႇသီၽုမ်း ၸႄႈ ဝဵင်းၵဵင်းမႆႇ...

ပေႃႈမႄႈပီႈၼွင်ႉၸိူဝ်ႉၶိူဝ်းမႆႈၸႂ်ၸွမ်း ၵူၼ်းၼုမ်ႇ 6 ၵေႃႉ ဢၼ်ၺႃးၸုမ်းယိပ်းၵွင်ႈၵၢင်ႇ တီႉၺွပ်းႁွင်ႉၵႂႃႇ။ တုၵ်းယွၼ်း ႁႂ်ႈပွႆႇပၼ်တူဝ်ၶိုၼ်း ၽႂ်းၽႂ်း ဝႃႈၼႆ။ ဝၼ်းတီႈ 26/11/2018 ယၢမ်းၵၢင်ၶမ်ႈ မွၵ်ႈ 7 မူင်း ၵူၼ်းၼုမ်ႇ 6 ၵေႃႉ ၽွင်းတိုၵ်ႉၼင်ႈၵိၼ် တၢင်းၵိၼ် တီႈႁၢၼ်ႉၶၢႆ ၼမ်ႉၼဵင်ႈ တီႈ ပွၵ်ႉ...

တွၼ်ႈတႃႇမၢႆတွင်း ပီမႂ်ႇတႆး 2113 ၼီႈၼႆသေ ၵေႃလိၵ်ႈလၢႆး လႃႈသဵဝ်ႈ ၸတ်းပၢင်ၶႅင်ႇမၢၵ်ႇၼင် တႃႇၶၢဝ်းတၢင်း 14 ဝၼ်း ဝႃႈၼႆ။ ၵေႃလိၵ်ႈလၢႆးလႄႈ ၾိင်ႈငႄႈတႆး ၸႄႈဝဵင်းလႃႈသဵဝ်ႈ ဢွၼ်ႁူဝ်ၸတ်းႁဵတ်း ပၢင်လဵၼ်ႈမၢၵ်ႇၼင် တႃႇမၢႆတွင်း ပီမႂ်ႇတႆး 2113 ၼီႈ တီႈပၢင်ႇလဵၼ်ႈႁႅင်းမိူင်းႁူမ်ႈတုမ် ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ တႄႇဢဝ် ဝၼ်းတီႈ...

လူင်ပွင်ၸိုင်ႈမိူင်းထႆး ပိုၼ်ၽၢဝ်ႇဝႃႈ ႁႂ်ႈၵိုတ်းၵၢၼ်ၸႂ်ႉၶေႃႈၵႂၢမ်းဢၼ်ႁွင်ႉႁႅင်းၵၢၼ်ယၢၼ်မိူင်းဝႃႈ “ တၢင်ႇၻၢဝ်ႉ” ႁႂ်ႈႁႅင်း ၵၢၼ်မီးသုၼ်ႇၶဝ်ႈထိုင်ၶေႃႈမုလ်းၶၢဝ်ႇသၢၼ်ၽဵင်ႇပဵင်းၵၼ်တင်းၵူၼ်းထႆး ဝႃႈၼႆ။ ဝၼ်းတီႈ 27/11/2018 ၶၢဝ်ႇသူတ်ႇပိုၼ်ၽၢဝ်ႇဝႃႈ ၸၢႆးၽုတ်ႉထိၽူင်း ပုၼ်ႊၵၼ်ႊ ၽူႈမီးပုၼ်ႈၽွၼ်း ၾၢႆႇၶၢၼ်ပၢၵ်ႇလုမ်း ၽွင်းလူင်မိူင်းထႆး ပိုတ်ႇလၢတ်ႈဝႃႈ ဢုပ်ႇဢူဝ်းလႆႈၸႂ်ၵၼ်တႅပ်းတတ်းၼႂ်းပၢင်ၵုမ် ၸုမ်းၽွင်းလူင်ဢၼ်ၸတ်းၼႂ်းဝၼ်းတီႈ 26/11/2018 ၵဵဝ်ႇလူၺ်ႈလွင်ႈ ႁႂ်ႈၵိုတ်းၵၢၼ်ၸႂ်ႉၶေႃႈၵႂၢမ်း ဢၼ်ႁွင်ႉဝႃႈ ( ၵူၼ်းတၢင်ႇၻၢဝ်ႉ...

ၸုမ်းၵပ်းသၢၼ်လွင်ႈၼၢင်းယိင်းတႆး SWAN ဢွၵ်ႇၽိုၼ်ႁၢႆးငၢၼ်း ၵၢၼ်တူင်ႉၼိုင် ၶၢဝ်းတၢင်း 16 ဝၼ်းသေ တူၵ်ႇ တၵ်ႉဝႃႈ ၼၢင်းယိင်းတိုၵ်ႉပဵၼ်ယိူဝ်ႇ ၼႂ်းပၼ်ႁႃပတိၵ်ႈၶၢတ်ႈ၊ တိုၵ်ႉတူၵ်းပဵၼ်ၶိူင်ႈမိုဝ်းၵၢၼ်မိူင်းယူႇ ဝႃႈၼႆ။ ဝၼ်းတီႈ 27/11/2018 ၸုမ်းၵပ်းသၢၼ်လွင်ႈၼၢင်းယိင်းတႆး “သွၼ်း” ဢွၵ်ႇလိၵ်ႈပိုၼ်ၽၢဝ်ႇ လွင်ႈတူင်ႉၼိုင် ၶၢဝ်း တၢင်း 16 ဝၼ်းၼၼ်ႉ ပိူင်လူင်ႁၢႆးငၢၼ်းပႃးလွင်ႈၼႂ်းပၼ်ႁႃ ၵၢၼ်မိူင်း...