ၼၢင်းယိင်း ၶူဝ်ႊရီႊယိူဝ်ႊ Ms. Young Hee Heo ဢၼ်မႃးဢႅဝ်ႇၼႂ်းၸႄႈဝဵင်းသီႇပေႃႉ၊ လူင်းလဵၼ်ႈၼမ်ႉသေ ၸူမ်ၵႂႃႇၼႂ်းၼမ်ႉတူႈ မိူဝ်ႈဝၼ်းတီႈ 23 လိူၼ်ၼူဝ်ႊဝႅမ်ႊၿိူဝ်ႊ 2018 ၼၼ်ႉ ၵူၼ်းတၢင်းၼွင်ႈတၢင်းလင် မၼ်းၼၢင်း ၶိုၼ်း မႃးၸွမ်းၶႆႈသွၵ်ႈႁႃတူဝ်တၢႆမၼ်းၼၢင်းၵေႃႈ တေႃႇထိုင်ယၢမ်းလဵဝ် ပႆႇထူပ်းႁၼ် ဝႃႈၼႆ။
ဝၼ်းတီႈ 26/01/-04/02/2019 ယူႇတီႈၸုမ်းၸွႆႈထႅမ်မိူင်းမၢၼ်ႈ တင်း လၢႆလၢႆၸုမ်း ၼႂ်း ၸႄႈဝဵင်းသီႇပေႃႉ ႁူမ်ႈၵၼ် သေ လူင်းလမ်သွၵ်ႈႁႃထႅင်ႈ ပွၵ်ႈၵမ်း 2 ၼႂ်းၼမ်ႉတူႈ ၸႄႈဝဵင်းသီႇပေႃႉ ၸႄႈတွၼ်ႈ ၵျွၵ်ႉမႄး ၸိုင်ႈတႆး ပွတ်းႁွင်ႇ။ ဢွၼ်ၵၼ်ၸႂ်ႉၶၢဝ်းယၢမ်း ႁိုင် 10 ဝၼ်းသေ လမ်ၼမ်ႉသွၵ်ႈႁႃၵေႃႈ ဢမ်ႇႁၼ်။
ၽူႈမီးပုၼ်ႈၽွၼ်း ၸွႆႈထႅမ် ၼႂ်းၵၢၼ်လမ်ၼမ်ႉ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ ယူႇတီႈၸုမ်းလမ်ၼမ်ႉၶဝ် ဢွၼ်လူင်းႁႃးမႃး မီးၶၢဝ်းတၢင်း 10 ယဝ်ႉ ဢမ်ႇႁၼ်ၶႃႈ။ ၸဝ်ႈဝၢၼ်ႈ/ ၸဝ်ႈမိူင်း ၸဝ်ႈပႂ်ႉႁူၺ်ႈပႂ်ႉလွႆ ၸွမ်းၼင်ႇ ၾိင်ႈ ၵူၼ်းပိုၼ်ႉတီႈယုမ်ႇယမ်ၼၼ်ႉၵေႃႈ ဢွၼ်ၵၼ်တၢင်ႇၽိုၼ်ၶူး သေ တိူင်ႇၵၢဝ်ႇယွၼ်းယူႇၶႃႈ။ လိူဝ်ၼၼ်ႉ ၽူႈမီးပုၼ်ႈ ၽွၼ်းၶဝ် လႆႈလူင်းလမ်ၼမ်ႉ ၼိုင်ႈဝၼ်းလႂ် ဢမ်ႇယွမ်း 5 ၸူဝ်ႈမူင်းၶႃႈ။ တႃႇၶၢဝ်းတၢင်း 10 ဝၼ်းလုမ်းလုမ်း ဢမ်ႇ ထူပ်းႁၼ်ၶႃႈ” ဝႃႈၼႆ။
ၵၢၼ်လမ်ၼမ်ႉလူင်းႁႃတူဝ် ၼၢင်းၶူဝ်ႊရီႊယိူဝ်ႊ ပွၵ်ႈၵမ်းၼႆႉ ၸႂ်ႉၶၢဝ်းယၢမ်း မွၵ်ႈ 10 ဝၼ်းသေႁႃ ဝႃႈၼႆ။
Ms. Houng Young Heo ဢႃယု 40 ပီပၢႆၼႆႉ ပဵၼ်ၵူၼ်းမိူင်းၶူဝ်ႊရီႊယိူဝ်ႊၸၢၼ်း မႃးဢႅဝ်ႇယဵမ်ႈ ဝဵင်းသီႇပေႃႉ၊ လူင်း လဵၼ်ႈၼမ်ႉ တူႈသေ လႆႈၸူမ်ၼမ်ႉၵႂႃႇ မိူဝ်ႈဝၼ်းတီႈ 23/11/2018 တေႃႇထိုင်ယၢမ်းလဵဝ် ဢမ်ႇႁၼ်တူဝ်တၢႆလိပ်း ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ