Friday, March 29, 2024

ၽူႈယႂ်ႇၵူၼ်းလူင်တႆး ၵမ်ႈၽွင်ႈၵႂႃႇၶဝ်ႈႁူမ်ႈ ဝၼ်းယၢင်း KNU လုၵ်ႉၽိုၼ်ႉ

Must read

ၸုမ်း KNU ၸတ်းႁဵတ်းဝၼ်းၸိူဝ်ႉၸၢတ်ႈယၢင်း လုၵ်ႉၽိုၼ်ႉ တီႈငဝ်ႈငုၼ်း KNU လႅၼ်လိၼ်ထႆး – ယၢင်း မီးတူဝ် တႅၼ်းၸုမ်းယိပ်းၵွင်ႈၵၢင်ႇ လႄႈ ၽူႈၼမ်းၼႂ်းသိုၵ်း RCSS လႄႈ ၽူႈယႂ်ႇၵူၼ်းလူင်တႆးၵမ်ႈၽွင်ႈ ၶဝ်ႈႁူမ်ႈပၼ်ႁႅင်း တင်းၼမ်လၢႆ။

Photo by – NMG/ ၼႂ်းဝၼ်းလုၵ်ႉၽိုၼ်ႉၸိူဝ်ႉၸၢတ်ႈယၢင်း ၶွပ်ႈတဵမ် 70 ပီ

ဝၼ်းတီႈ 31/01/2019 ယူႇတီႈၸုမ်းႁူမ်ႈတုမ်ၸိူဝ်ႉၸၢတ်ႈယၢင်း KNU ဢွၼ်ႁူဝ်သေ ၸတ်းႁဵတ်းဝၼ်းလုၵ်ႉၽိုၼ်ႉ ၶွပ်ႈတဵမ် 70 ပီ တီႈငဝ်ႈငုၼ်း KNU ၵေႃႇတူးလေး လႅၼ်လိၼ်ထႆး – ယၢင်း၊ ပၢင်ၵႅဝ်ႈၼၼ်ႉ ၵႅမ်ႁူဝ်ပဝ်ႈ (1) RCSS/SSA ၸွမ်သိုၵ်း ၸၢႆးယီႈ လႄႈ ၸဝ်ႈသိုၵ်းလူင်ဢွင်ႇမျႃႉ၊ ၸဝ်ႈၶိုၼ်းသႂ် ၽူႈၸတ်းၵၢၼ် လုမ်း PI ၶဝ်ၸဝ်ႈၵႂႃႇၶဝ်ႈႁူမ်ႈ ဝႃႈၼႆ။

- Subscription -

ၸဝ်ႈၶိုၼ်းသႂ် ၸႂ်ယဵၼ် လၢတ်ႈတီႈၽူႈတွႆႇႁွၵ်ႈ ဝႃႈ” လၢႆးလုၵ်ႉ ၽိုၼ်ႉယၢင်းၼႆႉ မၼ်းပဵၼ်ပုၼ်ႈတႃႇယၢင်းၵူၺ်း ၵမ်ႈၼမ်ႁဝ်းထၢင်ႇၸိူင်ႉၼႆ။ ယၢင်းၼႆႉ မၼ်းယိူင်းဢၢၼ်းဢဝ်ဢီႈသင်လႃႇ။ ယိူင်းဢၢၼ်းတႃႇတေလႆႈတီႊမူဝ်ႊ ၶရေႊသီႇဢိူဝ်ႈ၊ ယိူင်းဢၢၼ်း တႃႇတေလႆႈ မိူင်းႁူမ်ႈတုမ်ၾႅတ်ႊၻရႄႊဢိူဝ်ႈ ၸဵမ်မိူဝ်ႈပၢၼ် ႁူဝ်ပဝ်ႈလူင် ဢၼ် လပ်းတႃလိုမ်းမိူင်းၵႂႃႇၸိူဝ်းၼၼ်ႉယဝ်ႉ” ဝႃႈၼႆ။

တီႈၼႂ်းပၢင်ပွႆးဝၼ်းလုၵ်ႉၽိုၼ်ႉ ၸိူဝ်ႉၸၢတ်ႈယၢင်း KNU ၶွပ်ႈတဵမ် 70 ပီၼၼ်ႉ ယူႇတီႈၸုမ်းယိပ်းၵွင်ႈၵၢင်ႇဢၼ်လႆႈ မွၵ်ႇထိုင်သေ ဢၼ်ၵႂႃႇၶဝ်ႈႁူမ်ႈပၼ်ႁႅင်းၵေႃႈမီးတင်းၼမ်။ မၢင်ၸုမ်းသူင်ႇၽိုၼ်လိၵ်ႈယိုၼ်ႈထိုင်ပၼ်ႁႅင်းၵေႃႈမီး ဝႃႈၼႆ။

ၸဝ်ႈၶိုၼ်းသႂ် သိုပ်ႇလၢတ်ႈဝႃႈ “ ဢၼ်ယၢင်းႁဵတ်းသၢင်ႈယူႇၼႆႉ ၸၢဝ်းၶိူဝ်းၵေႃႈ ႁပ်ႉတိုဝ်းၸွမ်း ပႃးၸဵမ်မၢၼ်ႈၵေႃႈ ႁပ်ႉတိုဝ်းၸွမ်း ႁဝ်းလူဝ်ႇဢဝ်တီႊမူဝ်ႊၶရေႊသီႊဢိူဝ်ႈ ၾႅတ်ႊၻရေႊဢိူဝ်ႈ မၼ်းပဵၼ်လၢႆးလုၵ်ႉ ၽိုၼ်ႉၶွင်ၵူၼ်းၵူႈ ၸၢဝ်းၶိူဝ်းယဝ်ႉ” ဝႃႈၼႆ။

KNU ၼႆႉ ပဵၼ်ၸုမ်းဢၼ်လူင်းလၢႆးမိုဝ်း ၵိုတ်းတိုၵ်းပတ်းပိုၼ်ႉတူဝ်ႈမိူင်း NCA ၸုမ်းၼိုင်ႈ။ လိူဝ်ၼၼ်ႉ ပဵၼ်ႁူဝ်ပဝ်ႈ ၸုမ်းဢုပ်ႇဢူဝ်းၵၢၼ်မိူင်း (PPST) ၸုမ်းသႅၼ်းၽူႈၼမ်းၸုမ်းယိပ်းၵွင်ႈၵၢင်ႇ လုၵ်ႉၽိုၼ်ႉ EAOs ၸုမ်းလူင်းလၢႆးမိုဝ်း NCA ဝႃႈၼႆ။

ၸုမ်းယၢင်းၼႆႉ ပေႃးဝႃႈ မိူင်းႁူမ်ႈတုမ် ဢဝ်ၵွၼ်းၶေႃ 1948 ယဝ်ႉဢမ်ႇႁိုင် ၶဝ်ႈထိူၼ်ႇတႄႇၵၢၼ်လုၵ်ႉၽိုၼ်ႉ 1949။ ၽူႈဢွၼ်ႁူဝ်ၽွင်းၼၼ်ႉ ပဵၼ်ၸေႃးပဢူးၵျီး။ ၵတ်ႉၶႅၼ်ႇၵၢၼ်သိုၵ်း ၼႂ်းတပ်ႉဢိင်းၵလဵတ်ႈသေ တႄႇဢွၼ်ယၢင်း ယိပ်းၵွင်ႈလႄႈ လႆႈဝႃႈ ၸေႃးပဢူးၵျီးပဵၼ်ပေႃႈၶွင်ၵၢၼ်လုၵ်ႉၽိုၼ်ႉယၢင်းၽိူၵ်ႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း