Thursday, March 28, 2024

တူဝ်တႅၼ်းလူင်ပွင်ၸိုင်ႈ တင်း ၶွင်ႇသီႇဢဝ်ၶိုၼ်းၸိုင်ႈတႆး ၸတ်းပၢင်သႅပ်းၸႅင်ႈတီႈလွႆတႆးလႅင်း

Must read

ၸဝ်ႈသိုၵ်းလူင်ၸၢႆးငိုၼ်း ၽူႈၼမ်းၼႂ်း 2 လႄႈ ၽူႈၶၢၼ်ပၢၵ်ႇ ၶွင်ႇသီႇဢဝ်ၶိုၼ်းၸိုင်ႈတႆး တင်း တူဝ်တႅၼ်းၶွင်ႊ သီႊ ငမ်းယဵၼ် ၶွင်လူင်ပွင်ၸိုင်ႈ ဢူးလႃႉမွင်ႇသူၺ်ႇ ႁူမ်ႈၵၼ် ၸတ်းႁဵတ်းပၢင် သပ်းၸႅင်ႈၶၢဝ်ႇ တီႈ ငဝ်ႈၸိုင်ႈလွႆတႆးလႅင်း ၼႂ်းတိုဝ်ႉတၢင်းပၢင်ပွႆးဝၼ်းၸိူဝ်ႉၸၢတ်ႈၸိုင်ႈတႆး။

Photo by – Sai Ngern Pai Pern/ ပၢင်သပ်းၸႅင်ႈၶၢဝ်ႇ တီႈလွႆတႆးလႅင်း ၸဝ်ႈသိုၵ်းလူင် ၸႆၢးငိုၼ်း RCSS လႄႈ ဢူးလႃႉမွင်ႇသူၺ်ႇ တူဝ်တႅၼ်းလွင်ပွင်ၸိုင်ႈမၢၼ်ႈ

ဝၼ်းတီႈ 7/2/2019 ဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈတဵမ် 72 ပီ ၶွင်ႇသီႇဢဝ်ၶိုၼ်းၸိုင်ႈတႆး ၸတ်းႁဵတ်းပၢင်ၵႅဝ်ႈ တီႈငဝ်ႈၸိုင်ႈလွႆတႆးလႅင်း။ ပၢင်ၵႅဝ်ႈၼၼ်ႉ မီးၶႅၵ်ႇၼွၵ်ႈမိူင်းၼႂ်းမိူင်းၶဝ်ႈႁူမ်ႈ ပႃးၸဵမ်တူဝ်တႅၼ်းလူင်ပွင်ၸိုင်ႈ ဢၼ် ပဵၼ်ၶွင်ႊသီႊငမ်းယဵၼ် PC ဢူးဢွင်ႇၸူဝ်း တင်း ဢူးလႃႉမွင်ႇသူၺ်ႇၶဝ်ႈႁူမ်ႈ။

- Subscription -

တီႈပၢင်သပ်းၸႅင်ႈၶၢဝ်ႇၼၼ်ႉ ၸဝ်ႈသိုၵ်းလူင်ၸၢႆးငိုၼ်း တွပ်ႇလၢတ်ႈတီႈ ၸုမ်းၶၢဝ်ႇၽူႈတွႆႇႁွၵ်ႈ ဝႃႈ – ဢၼ်တင်းၸၢဝ်းၶိူဝ်းႁဝ်း ပဵၼ်ပၼ်ႁႃမႃးၼႆႉ မၼ်းပဵၼ်ယွၼ်ႉသင် ၸဵမ်ၸိူဝ်းၼႆႉ မၼ်းလူဝ်ႇႁႃလၢႆး မၼ်းသေ ၵႄႈ၊ လူဝ်ႇႁႃငဝ်ႈႁၢၵ်ႈတူၼ်ႈတေႃမၼ်း။ မိူဝ်ႈၵူႈပွၵ်ႈႁဝ်းၶႃႈဢမ်ႇမီးပၼ်ႁႃသင်လူး တိုၵ်ႉမီးမႃးပၢၼ်ၼႆႉ ၵူၺ်း။ ပဵၼ်ပယေႃးၵတင်းၼွၵ်ႈႁႃႉ၊ ပိူၼ်ႈမႃးသေႉမႃးသေႃႇ မႃးယူင်းႁႃႉ ဢမ်ႇၼၼ်ၵေႃႈ ႁဝ်းဢမ်ႇပေႃးမေႃႁဵတ်း ၵေႃႉၵၼ်ႁႃႉ ၸဵမ်ၸိူဝ်းၼႆႉ ၵမ်းလိုၼ်းသုတ်းမႃး ႁဝ်းၵေႃႈဢမ်ႇၸၢင်ႈၽၢတ်ႇၵၼ် ယူႇၸွမ်းၵၼ်ယူႇၶႃႈလူး မၼ်းတေလႆႈၶိုၼ်းဢုပ်ႇၵၼ်။ ယူႇတီႈၸိူဝ်ႉၸၢတ်ႈတႆးႁဝ်းတင်းသဵင်ႈ တေၶိုၼ်းႁႃလၢႆးမၼ်းသေ သၢင်ႈၼႂ်းၵႄႈႁဝ်း ၸမ်ယဝ်ႉၸမ်ထႅင်ႈ ယႃႇပေႁႂ်ႈမၼ်းႁၢင်ႇၼၼ်ႉ ႁဝ်းၶႃႈတေလႆႈၸႂ်ႉလၢႆးၼၼ်ႉၵူၺ်း။

ၵဵဝ်ႇၵပ်း သိုၵ်းလူင်ပွင်ၸိုင်ႈမၢၼ်ႈ တမ်းၶိတ်ႇသဵၼ်ႈတၢႆ ဝၼ်းတီႈ 12/2/2019 ႁႂ်ႈပဵၼ်ဝၼ်းလိုၼ်းသုတ်း သေ ႁဵတ်းၸွမ်းၶေႃႈၾၢင်ႉ သိုၵ်းလူင်ပွင်ၸိုင်ႈဢၼ်ဝႃႈၼၼ်ႉ ၸဝ်ႈသိုၵ်းလူင်ၸၢႆးငိုၼ်းလၢတ်ႈထႅင်ႈၼင်ႇၼႆ။

– “ဢၼ်ၼႆႉတႄႉ မၼ်းမီးတီႈတၢင်းၶဝ် ႁဝ်းၶႃႈဢမ်ႇၸၢင်ႈဝႃႈ။ ၵူၺ်းၵႃႈ သင်မၼ်းၵိူတ်ႇၶိုၼ်ႈမႃး ႁဝ်းၶႃႈ ၵေႃႈႁၢင်ႈႁႅၼ်းဝႆႉတႃႇတေႁပ်ႉ။ ႁဝ်းႁၢင်ႈႁႅၼ်းဝႆႉလၢႆၾၢႆႇ မၼ်းဢမ်ႇၸၢင်ႈလၢမ်းလႆႈ တေႃႈလဵဝ်ၼႆႉ ႁဝ်းၶႃႈပႂ်ႉတူၺ်း ၶဝ်ၶိတ်ႇသဵၼ်ႈတၢႆ ပၼ်ဝၼ်းတီႈ 12 ။ ပွင်ႇဝႃႈ ၶဝ်တိုၵ်းသူၼ်းႁႃႉ၊ တုၵ်းယွၼ်းႁႃႉ။ ၵူၺ်းၵႃႈလွင်ႈၼႆႉ ႁဝ်းၶႃႈတေ ပႂ်ႉတူၺ်း ၶၢဝ်းယၢမ်ၶဝ်းတေလၢတ်ႈၵႂၢမ်းၼၼ်ႉၵူၺ်း“။

ဝၼ်းၸိူဝ်ႉၸၢတ်ႈၸိုင်ႈတႆးၼႆႉ ဢၼ်လူင်ပွင်ၸိုင်ႈ သူင်ႇတူဝ်တႅၼ်းၶိုၼ်ႈထိုင်လွႆတႆးလႅင်းၼႆႉ ပေႃးပႃးပီၼႆႉ မီး 2 ပီ။

မိူဝ်ႈပီၵၢႆ ၵေႃႈ ဢူးဢွင်ႇၸူဝ်း လူဢၢၼ်ႇၽိုၼ်လိၵ်ႈ ဢၼ်လူင်ပွင်ၸိုင်ႈသူင်ႇမႃး၊ ပီၼႆႉၵေႃႈ ဢၢၼ်ႇၼႄ ၸိူင်ႉၼၼ်ၼင်ႇၵဝ်ႇ။

ဢၼ်ဢူးလႃႉမွင်ႇသူၺ်ႇ လၢတ်ႈၵႂႃႇ တီႈပၢင်သပ်းၸႅင်ႈၶၢဝ်ႇၼၼ်ႉတႄႉ – “ႁဝ်းၶႃႈႁူပ်ႉၵၼ် မိူဝ်ႈၵၢင်လိူၼ်ၵျႅၼ်ႊၼိဝ်ႊရီႊ ၼၼ်ႉ ၶိုင်ဝႆႉ ဢၢၼ်းႁႂ်ႈ RCSS တင်းလူင်ပွင်ၸိုင်ႈ တင်းတပ်ႉသိုၵ်း ႁူပ်ႉၵၼ်။ ဢိင်ၼိူဝ်ငဝ်းလၢႆးၵူႈလွင်ႈလွင်ႈသေ ဢမ်ႇပဵၼ်ႁူပ်ႉ။ ဢၼ်ႁဝ်းၶႃႈမႃးၵမ်းၼႆႉ ပေႃးထိုင်မႃး ဝၼ်းမိူင်းႁူမ်ႈတုမ် ဝၵ်ႉဢဝ်တိုဝ်ႉတၢင်းၼၼ်ႉသေ ႁႂ်ႈလႆႈႁူပ်ႉဢုပ်ႇၵၼ် ၵႄႈလိတ်ႈပၼ်ႁႃ ဢၼ်ၶွင်ႉၶမ်ၵၼ်ဝႆႉ ၸိူဝ်းၼၼ်ႉ၊ ပႃးၸဵမ် ယၢင်း KNU ႁႂ်ႈလႆႈႁူပ်ႉၵၼ်” – ဝႃႈၼႆ။

ဝၼ်းၸိူဝ်ႉၸၢတ်ႈၸိုင်ႈတႆး ၼႆႉ ပဵၼ်ဝၼ်းတႄႇသၼ်ႇထေႇ မိူင်းႁူမ်ႈတုမ် ဢၼ်တႆး ယၢင်း ၶျၢင်း ၶၢင် တင်း မၢၼ်ႈ ယူႇႁူမ်ႈၵၼ်ယူႇယၢမ်းလဵဝ်။ သင်ဢမ်ႇမီး ဝၼ်းၸိူဝ်ႉၸၢတ်ႈၸိုင်ႈတႆး တိုၼ်းဢမ်ႇမီး ဝၼ်းလူင်းလၢႆးမိုဝ်း လိၵ်ႈႁူမ်ႈ မၢႆ ပၢင်လူင်။ ပေႃးဢမ်ႇမီးလိၵ်ႈႁူမ်ႈမၢႆ ပၢင်လူင်ၵေႃႈ မိူင်းႁူမ်ႈတုမ်ၵေႃႈ ၸၢင်ႈပဵၼ်ၵႂႃႇတၢင်ႇလၢႆး။ မိူင်းတႆးၵေႃႈ ယူဝ် ၶႄး ဢမ်ႇမိူၼ်ငဝ်းလၢႆးယၢမ်းလဵဝ်။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း