ပၢင်ပွႆးဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈတဵမ် 72 ပီ ငဝ်ႈၸိုင်ႈလွႆတႆးလႅင်း မွပ်ႈယိုၼ်ႈသူးပၼ် ၸဝ်ႈပၢႆးမွၼ်းတႆး 3 ၵေႃႉ ။
ဝၼ်းၸိူဝ်ႉၸၢတ်ႈၸိုင်ႈတႆး ၸတ်းႁဵတ်းဝၼ်းတီႈ 07/02/2018 ႁူဝ်ပဝ်ႈၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး RCSS/SSA မွပ်ႈယိုၼ်ႈသူးရၢင်းဝလ်းလႄႈ ဝႂ်ယုၵ်ႉယွင်ႈၽူႈႁွင်ႉၽဵင်းၵႂၢမ်းပူၵ်းတိုၼ်ႇၸႂ်ႁၵ်ႉၶိူဝ်း၊ႁၵ်ႉ ၸိူဝ်ႉၸၢတ်ႈလႄႈ ပူၵ်းတိုၼ်ႇၵူၼ်းမိူင်းတႆး ႁႂ်ႈမီးၸႂ်ႁၵ်ႉၶိူဝ်းၾိင်ႈႁိတ်ႈႁွႆး။ ဢၼ်လႆႈႁပ်ႉသူးတႄႉပဵၼ်ၸၢႆးသၢႆမၢဝ်း၊ ၸၢႆးသႅင်ၸွမ်ၾႃႉလႄႈ ၸၢႆးႁၢၼ်လႅင်း ၸိူဝ်းၼႆႉ။
ၸၢႆးသႅင်ၸွမ်ၾႃႉ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ယိၼ်းၸူမ်းယႂ်ႇၼမ်ထိုင်ၽူႈယႂ်ႇၵူၼ်းလူင်ႁဝ်းဢၼ် ႁၼ်ထိုင်တၢင်းၶတ်းၸႂ်ႁဝ်းၶႃႈသေ မွပ်ႈယိုၼ်ႈပၼ်သူးၼႆႉ ပဵၼ်ဢၼ်ၸူမ်းသိူဝ်းလႄႈ မီးႁႅင်းၸႂ်တႄႉၶႃႈဢေႃႈ” ဝႃႈၼႆ။
ယူႇတီႈ RCSS သေ မွပ်ႈပၼ်သူး ၽူႈႁွင်ႉၽဵင်းၵႂၢမ်း ၵူၼ်းၸိုဝ်ႈသဵင်ယႂ်ႇၼႆႉ ပွၵ်ႈၵမ်းၼႆႉပဵၼ်ပွၵ်ႈၵမ်း 4 ယဝ်ႉဝႃႈၼႆ။
မိူဝ်ႈဝၼ်းတီႈ 08/12/2018 ပၢင်ပွႆးပီမႂ်ႇတႆး 2113 ၼီႈ ၼၼ်ႉၵေႃႈ ၸွမ်သိုၵ်းလူင်ယွတ်ႈသိုၵ်း ႁူဝ်ပဝ်ႈၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA မွပ်ႈယိုၼ်ႈသူးရၢင်းဝလ်းလႄႈ ဝႂ်ယုၵ်ႉယွင်ႈၽူႈၵတ်ႉၶႅၼ်ႇ မိူၼ်ၼင်ႇ ၼၢင်းၶမ်းၶိၼ်ႇ၊ ၼၢင်းမူဝ်မူဝ်ၶမ်းဢေး၊ ၼၢင်းသႃႇရႃႇ၊ ၼၢင်းသႅင်လိုၼ်းၶမ်း၊ ၼၢင်းၼူၼ်းသီလၢဝ်၊ ၸၢႆးသႅၼ်ႁၵ်ႉ၊ ၸၢႆးႁၢၼ်ၾႃ့ ၸိူဝ်းၼႆ့။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ