ၵေႃပွင်ၵၢၼ်ၽွမ့်ႁူမ်ႈၸိုင်ႈတႆးCSSU တေၸတ်းပၢင်ၵုမ်လူင် တေႁူပ့်ဢုပ်ႇၵၼ် ၼႂ်းႁူဝ်လိူၼ်ၼႃႈ တႃႇဝၢင်းၽႅၼ် မွပ်ႈတၼ်းႁဵင်း ၽူႈၼင်ႈၸိုင်ႈၵေႃ့မႂ်ႇ။ ႁူဝ်လိူၼ်မၢတ့်ၶျ် 2019 တေမႃးၼႆ့ ၵေႃပွင်ၵၢၼ်ၽွမ့်ႁူမ်ႈၸိုင်ႈတႆး CSSU တေႁူပ့်ထူပ်းဢုပ်ႇဢူဝ်းၵၼ် တီႈဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း တႃႇၶၢႆ့လၢႆႈၽူႈၼင်ႈၸိုင်ႈၵေႃ့မႂ်ႇလႄႈ ဝၢင်းၽႅၼ်ၼႃႈၵၢၼ်မိူဝ်းၼႃႈ။ လုင်းၸၢႆးဢၢႆႈပဝ်း ၽူႈၼင်ႈၸိုင်ႈ CSSU လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ - “ မိူဝ်ႈလဵဝ်ႁဝ်းလႆႈသူင်ႇလိၵ်ႈထိုင် ၽူႈၶဝ်ႈၸုမ်း CSSU...

ပၢင်ပွႆးမႁႃသတိပထၢၼ်ႇ ပၢင်ၵုမ်လူင်ၺီႇလႃႇၶၢမ်ႇ သင်ၶၸဝ်ႈ ၼႂ်းၸိုင်ႈတႆး ၵမ်ႈထူၼ်ႈ 53 ၸတ်းႁဵတ်းတီႈတိူၵ်ႈ ၵမ်မထၢၼ်းၸွမ်ၸႅင်ႈ ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း တႄႇၸတ်းႁဵတ်းပၢင်ၵုမ်ဝၼ်းမိူဝ်ႈၼႆႉ မီးသင် ၶၸဝ်ႈလႄႈ ၵူၼ်းမိူင်းၶဝ်ႈႁူမ်ႈတင်းၼမ်လၢႆ။ ပၢင်ၵုမ်ဝၼ်းမိူဝ်ႈၼႆႉ ပီႈၼွင်ႉၼမ်ႉၸၢင်ၵေႃႈ မႃးယွၼ်းႁႂ်ႈငဝ်ႈငုၼ်းမၵ်းမၼ်ႈပၼ်လႆႈပဵၼ်တိူၵ်ႈၵမ်မထၢၼ်းလႄႈ ၸင်ႇလႆႈပဵၼ်တိူၵ်ႈၵမ်မထၢၼ်းၼႂ်းမိူင်းတႆး 35 တိူၵ်ႈ ဝႃႈၼႆ။ ပၢင်ၵုမ် ၵမ်မထၢၼ်းသင်ၶၸဝ်ႈ ၺီႇလႃႇၶၢမ်ႇ တီႈၵဵင်းတုင်ၼႆႉ ဢၼ်တႄႇၸတ်းႁဵတ်း...

ၵူၼ်းမိူင်း၊ ပႃႇတီႇလႄႈ ၽူႈတႅၼ်းပႃႇတီႇ ၼႂ်းၸႄႈဝဵင်းမၢၼ်ႈပဵင်း ၸိုင်ႈတႆးပွတ်းႁွင်ႇ ႁူမ်ႈၵၼ်သေ ၼႄၵၢင်ၸႂ် ၵမ်ႉ ထႅမ် တွၼ်ႈတႃႇတေမူၼ်ႉမႄးပိူင်ငဝ်ႈပိုင်းမိူင်း 2008 ဝႃႈၼႆ။ ဝၼ်းတီႈ 27/02/2019 ၵူၼ်းဝၢၼ်ႈငႃးဢူဝ်း(ငါးအိုး) ၸႄႈဝဵင်းမၢၼ်ႈပဵင်း ၸိုင်ႈတႆးပွတ်းႁွင်ႇ ႁူဝ်ၵူၼ်း ႁိမ်း 500 ၵေႃႉ လိူဝ်ၼၼ်ႉ ၽူႈမီးဢႃႇၼႃႇ ၼႂ်းပႃႇတီႇၼူၵ်ႉယုင်းလႄႈ ၽူႈတႅၼ်းပႃႇတီႇ...

ၵူၼ်းသိုၵ်းမၢၼ်ႈ (ၵဝ်ႇ) ၵေႃႉၼိုင်ႈ ၺႃးယိုဝ်းတၢႆ ၼႂ်းၵၢင်ဝဵင်းၵျွၵ်ႉမႄး၊ ပဵၼ်ၼမ်ႉမိုဝ်းၽႂ် ၸုမ်းလႂ် ယိုဝ်းဢၼ် ဝႃႈၼၼ်ႉ ပႆႇႁူႉ။ ဝၼ်းတီႈ 27/02/2019 ယၢမ်းၵၢင်ၶမ်ႈမွၵ်ႈ 7 မူင်းပၢႆၼၼ်ႉ ဢူးယႄးလိၼ်းဢွင်ႇ ၸၼ်ႉၶုၼ်သိုၵ်းလူင် (ၵူၼ်းသိုၵ်း ၵဝ်ႇ) ၺႃးၵူၼ်းဢမ်ႇႁူႉၾၢႆႇ ယိုဝ်းတၢႆ ႁိမ်းၵျွင်းပလီႇ ၵၢင်ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ဝႃႈၼႆ။ ဢူးတိၼ်ႇမွင်ႇတဵင်း...

ၵူၼ်းမိူင်း 300 ပၢႆ လႆႈဢွၼ်ၵၼ်ပၢႆႈၽေးသိုၵ်း ယွၼ်ႉပၢင်တိုၵ်းၼႂ်းၵႄႈၸုမ်းဢူၺ်းလီပွတ်းႁွင်ႇလႄႈ RCSS ပဵၼ်တီႈ ႁိမ်းမၢၼ်ႈလီႈ ၼႂ်းၵႄႈၸႄႈဝဵင်းသီႇပေႃႉ တင်း ၼမ်ႉတူႈ။ ပၢင်တိုၵ်းၼႆႉ တႄႇပဵၼ် ဝၼ်းတီႈ 26/02/2019 ယၢမ်းၵၢင်ၶမ်ႈ တေႃႇထိုင် ဝၼ်းတီႈ 27/02/2019 ယၢမ်းၵၢင်ၼႂ် ၵူၼ်း ဝၢၼ်ႈ 300 ပၢႆႈ လႆႈဢွၼ်ၵၼ်ၽူင်ႉပၢႆႈဢွၵ်ႇမႃး...

ၸၢႆးတႆး ႁဵတ်းၵၢၼ်မိူင်းထႆးဝဵင်းၵဵင်းမႆႇ ၶဝ်ႈၶႄၵူၼ်းၽိတ်းၵၼ်သေ ထုၵ်ႇၺႃးပေႃ့ထုပ့်ထိုင်တီႈလႆႈလူ့တၢႆ တီႈၵဵင်းမႆႇ ၸိုင်ႈထႆး။ ဝၼ်းတီႈ26/02/2019 သိုဝ်ႇၶၢဝ်ႇထႆး Khaosod ပိုၼ်ၽၢဝ်ႇဝႃႈ - ၸဝ်ႈၼႃႈတီႈႁူင်းပလိၵ်ႈၸၢင့်ၽိူၵ်ႇ လႆႈႁပ့်ၸႅင်ႈဝႃႈ မီးၵူၼ်းၼုမ်ႇတႆး - ထႆးၽိတ်းမေႃးၵၼ် တီႈႁူင်းလိုဝ်ႈသဝ်း ၼႂ်းဢိူင်ႇၸၢင့်မွႆႈ ၸႄႈဝဵင်းမိူင်း ၸႄႈတွၼ်ႈၵဵင်းမႆႇ ။ ႁႅင်းၵၢၼ်တႆးၸိုဝ်ႈႁွင့် ၸၢႆးၸၢႆး လုင်းၶမ်း ဢႃယု...

ႁွင်ႈၵၢၼ်ၾၢႆႇႁႅင်းၵၢၼ် လူင်ပွင်ၸိုင်ႈမိူင်းထႆး ပိုၼ်ၽၢဝ်ႇၾၢင့်ထိုင်ပေႃႈလဵင့်ၼၢႆးၸၢင်ႈလႄႈ ႁႅင်းၵၢၼ်ယၢၼ်မိူင်း ႁႂ်ႈဝႆ့ၾၢင့်သတိ ၵူဝ်ၺႃးၵူၼ်းလွၵ်ႇလႅၼ်ႁႂ်ႈႁဵတ်းဝတ်းဝႂ်မႂ်ႇ။ ႁူဝ်လိူၼ်ၾႅပ်ႊပိဝ်ႊရီႊ 2019 မႃးၼႆ့ ႁွင်ႈၵၢၼ်ၾၢႆႇႁႅင်းၵၢၼ် ဝဵင်းၵဵင်းမႆႇ ပိုၼ်ၽၢဝ်ႇဝႃႈမိူဝ်ႈလဵဝ်ၼႆ့ဢမ်ႇပႆႇမီးပိူင် ႁဵတ်းပၼ်ဝတ်းဝႂ်မႂ်ႇ ဝႃႈၼႆ။ ၸၢႆးသူမ်ၶျၢႆး မေႃႊရၵူတ်ႊသီႊဝၼ်ႊ ၸတ်းႁႃၵၢၼ်ၵဵင်းမႆႇ လၢတ်ႈဝႃႈ - “ ပေႃႈလဵင့်ၼၢႆးၸၢင်ႈလႄႈ ႁႅင်းၵၢၼ်ယၢၼ်မိူင်းလၢႆၵေႃ့ မႃးၸႅင်ႈတီႈတၢင်းႁွင်ႈၵၢၼ်ႁဝ်းၶႃႈဝႃႈ မီးၵူၼ်းလၢတ်ႈတီႈၶဝ်ဝႃႈ ပိူၼ်ႈႁဵတ်းပၼ်ဝတ်းမႂ်ႇၼႆသေ ၸူဝ်းၵၼ်ၵႂႃႇႁဵတ်း။...

ၵႃးလူင် 22 လေႃႉ တင်း ၵႃးပႃႊၵျရူဝ်ႊ(Pajero) ၽႃႇၵၼ် ႁိမ်းဝၢၼ်ႈပၢင်တိုင် ၸႄႈဝဵင်းၵျွၵ်ႉမႄး၊ ယွၼ်ႉႁေႃႈရူတ်ႉဝႆး ဢမ်ႇၵုမ်းလႆႈႁႅင်းရူတ်ႉ ဝႃႈၼႆ။ ဝၼ်းတီႈ 25/02/2019 ယၢမ်းၵၢင်ၶမ်ႈမွၵ်ႈ 7:30 မူင်းၼၼ်ႉ ရူတ်ႉၵႃးပႃႊၵျရူဝ်ႊဢၼ်လုၵ်ႉတၢင်းၵျွၵ်ႉမႄး တေမႃး ၼွင်ပိင် ႁေႃႈမႃးၽႂ်းၼႃႇသေ ၽႃႇၺႃးရူတ်ႉၵႃးလူင် 22 လေႃႉလမ်းၼိုင်ႈ။ ၽႃႇၵၼ် တီႈၼိူဝ်သဵၼ်ႈတၢင်းလူင်မိူင်းႁူမ်ႈတုမ်...

ၸၢႆးၸၢႆးၶမ်းလႅင် မေႃၵႂၢမ်းလႄႈ ၸၢႆးၸိူင်း ၸိုဝ်ႈသဵင်ယႂ်ႇ ၸၢဝ်းတႆး ၸတ်းပၢင်ပိုတ်ႇတီႈလဵၼ်ႈပၼ်လုၵ်ႈဢွၼ်ႇလႄႈ လူႇ ငိုၼ်းၸွႆႈထႅမ် တီႈႁူင်းႁဵၼ်းၸၼ်ႉသုင် မၢႆ 1 ၸႄႈဝဵင်းတူၼ်ႈတီး ဝႃႈၼႆ။ ဝၼ်းတီႈ 18/02/2019 ယၢမ်းၵၢင်ဝၼ်း 12:30 မူင်း ၽူႈႁွင်ႉၵႂၢမ်း ၸၢႆးၸၢႆးၶမ်းလႅင် မႃးပိုတ်ႇပၼ် တီႈလဵၼ်ႈလုၵ်ႈဢွၼ်ႇ ႁူင်းႁဵၼ်းလႄႈ လူႇငိုၼ်းၸွႆႈထႅမ် ႁူင်းႁဵၼ်းမၢႆၼိုင်ႈ...

သင်ၶ 2 ၸဝ်ႈ ဢႃႇၵၼ်ႇတု မႃးလိုဝ်ႈသဝ်းတီႈတၢင်းၶဝ်ႈဢွၵ်ႇ ၵျွင်းသူၺ်ႇမူႉတေႃး ၸႄႈဝဵင်းတူၼ်ႈတီးၼၼ်ႉ ၺႃးၸုမ်း ဢမ်ႇႁူႉၸၵ်းပေႃႉထုပ်ႉၶႃႈႁႅမ် လႆႈမၢတ်ႇၸဵပ်းႁၢဝ်ႈႁႅင်းသေ လူႉလွၼ်ႇထင်တီႈ တင်းသွင်ၸဝ်ႈ ဝႃႈၼႆ။ ဝၼ်းတီႈ 25/02/2019 ယၢမ်းၵၢင်ၼႂ် ၽူႈၵွၼ်းဝတ်ႉသူၺ်ႇမူႉတေႃး လူင်းၶူဝ်လႆမႃး တေဢၢၼ်းၵႂႃႇတုင်းသွမ်းၼၼ်ႉ ထူပ်းႁၼ် သင်ၶ 2 ၸဝ်ႈ တီႈတၢင်းၶိုၼ်ႈလူင်း ဝတ်ႉသူၺ်ႇမူႉတေႃး...

ၸဝ်ႈပေႃႈသိလ်ထမ်းဝုၼ်းၸုမ့် ယေႃးတူဝ်မဵတ့်တႃထမ်းတြႃးတီႈမိူင်း Singapore ၼႂ်းတိုဝ့်တၢင်းၵေႃႇတင်ႈ ဝတ့်တႆးၶွပ်ႈတဵမ် 10 ပီ။ ဝၼ်းတီႈ 26/02/2019 ၶၢဝ်းယၢမ်းၵၢင်ၶမ်ႈ 7 မူင်း ၸဝ်ႈပေႃႈသိလ်ထမ်းဝုၼ်းၸုမ့်လႄႈ ၸဝ်ႈတူၼ်ၶူးလူင် Dr.ၶမ်းမၢႆထမ်မသႃမိ တေမဵတ့်တႃထမ်း တီႈႁူင်းႁေႃး Big Box Level 3/1, Venture Avenue, Singapore ႁႂ်ႈပဵၼ်တီႈမၢႆတွင်းၵေႃႇတင်ႈဝတ့်တႆး...

တူဝ်တႅၼ်းလူင်ပွင်ၸိုင်ႈမိူင်းမၢၼ်ႈလႄႈ မိူင်းၶႄႇ ဢုပ်ႇဢူဝ်းလွင်ႈၵၢၼ်ပၢႆးမၢၵ်ႈမီး သွင်မိူင်း ပဵၼ်ပွၵ်ႈၵမ်းသွင် ၼႂ်း ၼၼ်ႉ ဢုပ်ႇဢူဝ်းလွင်ႈၶူင်းၵၢၼ်တႃႇတေသၢင်ႈတၢင်းရူတ်ႉၾႆး လုၵ်ႉဝဵင်းလိူဝ်ႇ(မၼ်းတလေး) ထိုင်မိူင်းမၢဝ်းၸိုင်ႈ မိူင်းၶႄႇ။ ပၢင်ဢုပ်ႇဢူဝ်းၼႆႉ ၸတ်းႁဵတ်း တီႈဝဵင်းၶုၼ်းမိင် ၸိုင်ႈမိူင်းၶႄႇ မိူဝ်ႈဝၼ်းတီႈ 22/02/2019 ပူၼ်ႉမႃးၼႆႉ။ ဢုပ်ႇဢူဝ်း ၵၼ် လၢႆလၢႆလွင်ႈ မိူၼ်ၼင်ႇ ၶူင်းၵၢၼ်မႂ်ႇ ပၢႆးမၢၵ်ႈ မီးတီႈဝဵင်းတႃႈၵုင်ႈ၊...

ၸုမ်းဢူၺ်းလီပွတ်းႁွင်ႇ တင်း ၶွမ်ႊမသျိၼ်ႊလွင်ႈငမ်းယဵၼ် ႁူပ်ႉၵၼ် တီႈဝဵင်းၶုၼ်းမိင် ၸိုင်ႈမိူင်းၶႄႇ ဝႃႈၼႆ။ ဝၼ်းတီႈ 25/02/2019 ယၢမ်းၵၢင်ၼႂ် 10 မူင်း ထိုင် 3 မူင်းဝၢႆးဝၼ်း ၸုမ်းၶၢင် KIA၊ ၸုမ်းၵူဝ်းၵၢင်ႉ MNDAA၊ ၸုမ်း ရၶႅင်ႇ AA လႄႈ ၸုမ်းတဢၢင်း TNLA...

သွင်ၽူဝ်မေးၽိတ်းမေႃးၵၼ်သေ ၵေႃႉပဵၼ်လုၵ်ႈၸၢႆး ၶဝ်ႈႁၢမ်ႈ၊ ပေႃႈမဝ်းလဝ်ႈလိူဝ်ႁႅင်း ဢဝ်မိတ်ႈတႅင်းသႂ်ႇ တီႈပုမ် လုၵ်ႈၸၢႆး လႆႈလူႉတၢႆၵႂႃႇ ဝႃႈၼႆ။ ဝၼ်းတီႈ 24/02/2019 ယၢမ်းၵၢင်ၶမ်ႈ မွၵ်ႈ 8 မူင်း လုင်းဢွၼ်ႇၵႅဝ်ႈ ဢႃယု 63 ပီ ၽိတ်းမေႃးၵၼ်တင်း ၵေႃႉပဵၼ် မေး ၼၢင်း မၼ်းၼၢင်းႁွင် တီႈႁိူၼ်း...

ႁွင်ႈၵၢၼ်ၾၢႆႇပၢႆးယူႇလီမိူင်းထႆး ပိုၼ်ၽၢဝ်ႇပၼ်ၾၢင့်ထိုင်ၵူၼ်းဝၢၼ်ႈၵူၼ်းမိူင်း ႁႂ်ႈဢွၼ်ၵၼ်ၾၢင့် လွင်ႈတၢင်းပဵၼ် ၶႆႈဝတ်းယႂ်ႇ(တူၵ့်ၵူၺ်း) ႁႂ်ႈငိူင့်ဝႄႈၵၢၼ်ယူႇၼႂ်းၵႄႈၵူၼ်းၼမ်လႄႈ ႁႂ်ႈလုမ်းလႃးပၢႆးယူႇလီႁႂ်ႈၵႅၼ်ႇၶႅင်ယူႇတႃႇသေႇ ။ ႁွင်ႈၵၢၼ်ၾၢႆႇပၢႆးယူႇလီ လူင်ပွင်ၸိုင်ႈမိူင်းထႆး ပိုၼ်ၽၢဝ်ႇပၼ်ၾၢင့်ထိုင်ၵူၼ်းမိူင်းဝႃႈ ၼႂ်းၶၢဝ်းတၢင်းဝၼ်းတီႈ 01/01 /2019- 21/02/2019 ပူၼ့်မႃးၼႆ့ ႁူပ့်ထူပ်းႁၼ်ၵူၼ်းၸပ်းတၢင်းပဵၼ်ၶႆႈဝတ်းယႂ်ႇ 46,648 ၵေႃ့ ဢၼ်လူ့တၢႆၵႂႃႇမီး 4 ၵေႃ့ တေလႆႈဝႃႈမီးၵူၼ်းၸပ်းတၢင်းပဵၼ်ၼမ်တိူဝ်းလိူဝ်ၵူႈပီပူၼ့်မႃး ဝႃႈၼႆ ။ တၢင်းပဵၼ်ၶႆႈဝတ်းယႂ်ႇၼႆ့...