ၵႃးလူင် 22 လေႃႉ တင်း ၵႃးပႃႊၵျရူဝ်ႊ(Pajero) ၽႃႇၵၼ် ႁိမ်းဝၢၼ်ႈပၢင်တိုင် ၸႄႈဝဵင်းၵျွၵ်ႉမႄး၊ ယွၼ်ႉႁေႃႈရူတ်ႉဝႆး ဢမ်ႇၵုမ်းလႆႈႁႅင်းရူတ်ႉ ဝႃႈၼႆ။
ဝၼ်းတီႈ 25/02/2019 ယၢမ်းၵၢင်ၶမ်ႈမွၵ်ႈ 7:30 မူင်းၼၼ်ႉ ရူတ်ႉၵႃးပႃႊၵျရူဝ်ႊဢၼ်လုၵ်ႉတၢင်းၵျွၵ်ႉမႄး တေမႃး ၼွင်ပိင် ႁေႃႈမႃးၽႂ်းၼႃႇသေ ၽႃႇၺႃးရူတ်ႉၵႃးလူင် 22 လေႃႉလမ်းၼိုင်ႈ။ ၽႃႇၵၼ် တီႈၼိူဝ်သဵၼ်ႈတၢင်းလူင်မိူင်းႁူမ်ႈတုမ် ႁိမ်းဝၢၼ်ႈပၢင်တိုင် ဢိူင်ႇၼွင်ပိင် ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ ၵူၼ်းႁေႃႈရူတ်ႉၵႃးပႃႊၵျရူဝ်ႊ လႆႈမၢတ်ႇ ၸဵပ်းသေ သူင်ႇယူတ်းယႃတူဝ် တီႈႁူင်းယႃၵျွၵ်ႉမႄး ဝႃႈၼႆ။
ၵူၼ်းႁေႃႈၵႃးပႃႊၵျရူဝ်ႊ ဢၼ်လႆႈမၢတ်ႇၸဵပ်းပဵၼ် ဢူးၼၼ်ႇတႃႇမိၼ်း ယူႇတီႈၸုမ်းၸွႆႈထႅမ်တူင်ႇဝူင်းၵူၼ်း ၵျွၵ်ႉမႄး လႆႈဢဝ်တူဝ်သူင်ႇႁူင်းယႃ ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈႁူင်းပလိၵ်ႈ ၼွင်ပိင် လႆႈဢဝ်လိူင်ႈတီႈဢူးၼၼ်ႇတႃႇမိၼ်း ၵူၼ်းႁေႃႈၵႃးပႃႊၵျရူဝ်ႊ လူၺ်ႈ တၢင်းၽိတ်းႁေႃႈၵႃး ဢမ်ႇၸွမ်းပိူင် ဝႃႈၼႆ။
ၶေႃႈမုလ်း – မျၢၼ်ႇမႃႇဢလိၼ်း/ Myanmaalinn
