သင်ၶ 2 ၸဝ်ႈ ဢႃႇၵၼ်ႇတု မႃးလိုဝ်ႈသဝ်းတီႈတၢင်းၶဝ်ႈဢွၵ်ႇ ၵျွင်းသူၺ်ႇမူႉတေႃး ၸႄႈဝဵင်းတူၼ်ႈတီးၼၼ်ႉ ၺႃးၸုမ်း ဢမ်ႇႁူႉၸၵ်းပေႃႉထုပ်ႉၶႃႈႁႅမ် လႆႈမၢတ်ႇၸဵပ်းႁၢဝ်ႈႁႅင်းသေ လူႉလွၼ်ႇထင်တီႈ တင်းသွင်ၸဝ်ႈ ဝႃႈၼႆ။
ဝၼ်းတီႈ 25/02/2019 ယၢမ်းၵၢင်ၼႂ် ၽူႈၵွၼ်းဝတ်ႉသူၺ်ႇမူႉတေႃး လူင်းၶူဝ်လႆမႃး တေဢၢၼ်းၵႂႃႇတုင်းသွမ်းၼၼ်ႉ ထူပ်းႁၼ် သင်ၶ 2 ၸဝ်ႈ တီႈတၢင်းၶိုၼ်ႈလူင်း ဝတ်ႉသူၺ်ႇမူႉတေႃး ၸႄႈဝဵင်းတူၼ်းတီႈ ၸိုင်ႈတႆးပွတ်းၸၢၼ်း။
ၵဵဝ်ႇၵပ်းလွင်ႈၼႆႉ သိုဝ်ႇၶၢဝ်ႇ ၵၢမ်ႇပေႃးၸတၢႆး ဢွၵ်ႇဝႆႉဝႃႈ ၸဝ်ႈၵွၼ်းဝတ်ႉသူၺ်ႇမူႉတေႃး လႆႈၸႅင်ႈၵႂၢမ်း ထိုင်ႁူင်းပ လိၵ်ႈသေ ၽူႈမီးပုၼ်ႈၽွၼ်း ပလိၵ်ႈလၢႆလၢႆၾၢႆႇ လႆႈမႃးၵူတ်ႇထတ်းတူၺ်းဢွင်ႈတီႈ သင်ၶ 2 ၸဝ်ႈ လူႉလွၼ်ႇ ဝႆႉၼၼ်ႉ ဝႃႈၼႆ။
သင်ၶ 2 ၸဝ်ႈ ဢၼ်လူႉလွၼ်ႇၼၼ်ႉ ဢမ်ႇၸႂ်ႈသင်ၶၸဝ်ႈတီႈဝတ်ႉသူၺ်ႇမူႉတေႃး။ ပဵၼ်သင်ၶၸဝ်ႈ ဢႃႇၵၼ်ႇတု (ၶႅၵ်ႇ)။ မႃးႁဵတ်းသုမ်ႉ(ၵၢင်တဵၼ်ႉ) ၼွၼ်းတီႈၶူဝ်လႆ သဵၼ်ႈတၢင်းၶိုၼ်ႈလူင်း တီႈဝတ်ႉသူၺ်ႇမူႉတေႃး ၸဵမ်မိူဝ်ႈ ႁူဝ် လိူၼ်ၾႅပ်ႊၿိဝ်ႊရီႊၼႆႉမႃး ဝႃႈၼႆ။
ၶေႃႈမုလ်း – ၵၢမ်ႇပေႃးၸတၢႆး (Kanbawzatai)