ႁႅင်းၵၢၼ်မိူင်းႁူမ်ႈတုမ် ဢၼ်ၵႂႃႇႁဵတ်းၵၢၼ် ၼႂ်းမိူင်းထႆးၼၼ်ႉ ဢွၼ်ၵၼ်ပွၵ်ႈသူႇၸႂ်းႁိူၼ်းယေးၽႂ်မၼ်း ၼႂ်းၽွင်းၶၢဝ်း သွၼ်းၼမ်ႉ/ သၢင်းၵျၢၼ်ႇၼႆႉ ၼႂ်းၶၢဝ်းတၢင်း 5 ဝၼ်းၵူၺ်း မီးၵႂႃႇႁူဝ်ၵူၼ်း 1 သႅၼ်ပၢႆယဝ်ႉ။ ယူႇတီႈလူင်ပွင်ၸိုင်ႈထႆး ပၼ်ၶႂၢင်ႉႁႅင်းၵၢၼ် ဢၼ်ၵႂႃႇႁဵတ်းၵၢၼ်ၼႂ်းမိူင်းထႆး ပွၵ်ႈႁိူၼ်းယေးၽႂ်မၼ်း ၼႂ်းၶၢဝ်းသွၼ်း ၼမ်ႉ လိူၼ်ႁႃႈ သၢင်းၵျၢၼ်ႇၼႆႉ တႄႇဢဝ်ဝၼ်းတီႈ 5-30/04/2019 တႃႇၶၢဝ်းတၢင်း 25...

ဝၼ်းတီႈ 01/04/2019 တေႃႇထိုင် ဝၼ်းတီႈ 31/07/2019 ၶၢဝ်းတၢင်း 4 လိူၼ်ၼႆ့ လူင်ပွင်ၸိုင်ႈ မိူင်းထႆးပိုၼ် ၽၢဝ်ႇ ၽိတ်ႈမွၵ်ႇၸူဝ်းဢဝ်ၵူၼ်းဝၢၼ်ႈၵူၼ်းမိူင်းၼႂ်းမိူင်းထႆး ႁူမ်ႈၵၼ်ၼုင်ႈသိူဝ်ႈလိူင် တႃႇႁူမ်ၸူမ်းလႄႈ ၼႄ လွင်ႈ ႁၵ့်ပႅင်းၼပ့်ယမ်ၸဝ်ႈမုၼ်ယႂ်ႇၶုၼ်ႁေႃၶမ်းထႆး တူၼ်ထူၼ်ႈ 10 ၼႂ်းတိုဝ့်တၢင်းၸဝ်ႈၶိုၼ်ႈၼင်ႈႁေႃ။ ၽူႈတူင့်ၼိုင်တူင်ႇဝူင်းၵူၼ်းၵေႃႈ တိုၵ်းသူၼ်းႁႂ်ႈပီႈၼွင့်ႁႅင်းၵၢၼ်တႆး ႁူမ်ႈၵၼ်သႂ်ႇသိူဝ်ႈသီလိူင်တႃႇၼႄၾၢင်ႁၢင်ႈ ၼပ့်ယမ်ၸဝ်ႈႁေႃၶမ်းထႆး ဝႃႈၼႆ။ ၸၢႆးသႅင်မိူင်း...

ပႃႇတီႇၽွမ်ႉႁူမ်ႈ မွၼ်း (ပႃႇတီႇမႂ်ႇ ဢၼ်ပႃႇတီႇမွၼ်း 2 ဢၼ်ႁူမ်ႈၵၼ်ၶွတ်ႇၽွတ်ႈဝႆႉၼၼ်ႉ) ယွၼ်းဢၼုယၢတ်ႈၵေႃႇတင်ႈပႃႇတီႇ ပဵၼ်တၢင်းၵၢၼ် ၸဵမ်မိူဝ်ႈ ႁၢင်ပီ 2018 ပီၵၢႆ ပုၼ်ႉသေတႃႉ ၶွမ်ႊမသျိၼ်ႊ ပၢင်လိူၵ်ႈတင်ႈ မိူင်းႁူမ်ႈတုမ် ဢမ်ႇပႆႇပွင်ႇၶၢဝ်ႇ / ပၼ်ဢၼုယၢတ်ႈလူင်းမႃးလႄႈ ယူႇတီႈပႃႇတီႇ တႃႇသိုပ်ႇႁဵတ်းၵၢၼ်ယၢပ်ႇၽိုတ်ႇ၊ ၵၢၼ်ဢမ်ႇၶိုပ်ႈၼႃႈ ဝႃႈၼႆ။ ၼၢႆႇၸၢၼ်ႇတိၼ်ႇ ၵႅမ်ၽူႈၼမ်းၼႂ်း...

ပီ 2018 ဢၼ်ယဝ်ႉမႃးၼႆႉ မိူင်းတႆးပွတ်းႁွင်ႇ ပဵၼ်သုၼ်  တီႈပၢင်တိုၵ်းတႄႇပဵၼ်သေ ပၢင်တိုၵ်းၸၢဝ်းၶိူဝ်းတေႃႇၸၢဝ်းၶိူဝ်းပိုတ်းယိုဝ်းၵၼ်ၼႆႉ ႁၢဝ်ႈႁႅင်း ႁိုင်ၼၢၼ်းလိူဝ် ပၢင်တိုၵ်း ၼႂ်းၵႄႈၸၢဝ်းၶိူဝ်းလႄႈ သိုၵ်းလူင်ပွင်ၸိုင်ႈ ဝႃႈၼႆ။ MIPS ဢိၼ်ႊသတီႊၵျုတ်ႉ မၢၼ်ႈ ၵဵဝ်ႇၵပ်းလွင်ႈႁူမ်ႇလူမ်ႈလႄႈ လွင်ႈငမ်းယဵၼ်ၼႆႉ ပိုၼ်ၽၢဝ်ႇၵပ်း သိုပ်ႇ ပပ်ႉႁၢႆးငၢၼ်းလွင်ႈငမ်းယဵၼ် ပီ 2018  တီႈႁူင်းႁဵၼ်း Melia ...

ၸုမ်းယၢင်း KNU လႄႈ သုၼ်ၵၢၼ်ငမ်းယဵၼ်လႄႈလွင်ႈၸမ်ၸႂ်ၸိူဝ်ႉၸၢတ်ႈ NRPC တေႁူပ်ႉထူပ်း ၵၼ်တီႈလုမ်း NRPC တီႈၼေႇပီႇတေႃႇ။ ဢၼ်တေၵႂႃႇႁူပ်ႉထူပ်းဢုပ်ႇဢူဝ်းတင်း NRPC လူၺ်ႈဢမ်ႇပဵၼ် တၢင်းၵၢၼ် ၼႂ်းဝၼ်းတီႈ 11/4/2019  ၼႆႉပဵၼ် ၽူႈၼမ်းၼႂ်းလူင် KNU ၽတူဝ်ႇၸေႃးတႃႇတူဝ်ႇမူး ဢွၼ်ႁူဝ် ၊ ၽူႈၼမ်း ၼႂ်း 2 ၽတူဝ်ႇၸေႃးလႃႉထုၼ်း၊...

ၵႃးႁပ်ႉၸၢင်ႈတၢင်ႇၵူၼ်း (ရူတ်ႉတူႈ၊ မၢၼ်ႇလူင်ႇဢွၼ်ႇ) လုၵ်ႉတၢင်းတႃႈၶီႈလဵၵ်း တေၵႂႃႇတူၼ်ႈတီးၼၼ်ႉ ပိၼ်ႈၶႂမ်ႈတူၵ်း တၢင်းၼႂ်းၵႄႈၵဵင်းတုင် - မိူင်းပဵင်း ၵူၼ်းၶီႇမႃးၸွမ်းၼႂ်းၵႃး မၢတ်ႇၸဵပ်းၼိုင်ႈၵေႃႉ ဝႃႈၼႆ။ ပဵၼ်ရူတ်ႉတူႈ “လွႆၼမ်ႉၶူင်း” ပိၼ်ႈတီႈႁိမ်းဝၢၼ်ႈၼွင်ႉၶဵဝ်သဵၼ်ႈတၢင်း ၵဵင်းတုင်- တူၼ်ႈတီး ၼႂ်းၸႄႈဝဵင်းမိူင်းပဵင်း မိူဝ်ႈ ဝၼ်းတီႈ 08/04/2019 ယၢမ်းၵၢင်ၼႂ် ။ ၵူၼ်းၵဵင်းတုင် ပီႈၼွင်ႉၸမ်ၸႂ် ၵူၼ်းဢၼ်ၶီႇၵႃးလမ်းၼၼ်ႉ...

ၽူႈမီးပုၼ်ႈၽွၼ်းတီႈသူၼ်လူင် National Park လႄႈ ၽူႈလူင်ႉလႅၼ်ႇပၢႆးသၢႆႈ တီႈမိူင်း ၾလေႃႇရီႇတႃႇ (Florida) ၸႂ်ႉပၢႆးသၢႆႈဢၼ်ၶိုတ်းၵၢပ်ႈပၢၼ်သေ ႁူမ်ႈၵၼ်တိၺွပ်း ငူးလိူမ်မႄႈမၢၼ်း ၼႂ်းသူၼ်လိုဝ်ႈသဝ်း။ ငူးလိူမ်ႈတူဝ်ၼၼ်ႉ ၸဝ်ႈၼႃႈတီႈႁူမ်ႈၵၼ်ဝၢင်းၽႅၼ်သေတိလႆႈမိူဝ်ႈဝၼ်းတီႈ 5/4/2019 ။  လူၺ်ႈဢဝ်ၶိူင်ႈသၢႆလူမ်း Radio Transmitters သႂ်ဝႆႉတီႈငူးတူဝ်ပေႃႈသေ ပွႆႇပၼ်ၶိုၼ်း။ ဝၢႆးၼၼ်ႉဢွၼ်ၵၼ်ပႂ်ႉတိသၢႆလူမ်း ငွႆးၸွမ်းလင်ငူးပေႃႈသေ လိုၼ်းသုတ်းၸင်ႇတိလႆႈငူလိူမ် တူဝ်မႄႈမၢၼ်း...

ပၢင်တိုၵ်းတပ်ႉသိုၵ်းမိူင်းရၶႅင်ႇလႄႈ တပ်ႉသိုၵ်းလူင်ပွင်ၸိုင်ႈမၢၼ်ႈပိုတ်းယိုဝ်းၵၼ်ႁိုင်ၼၢၼ်းၶိူဝ်းယႂ်း။ ႁဵတ်းႁႂ်ႈၵူၼ်းမိူင်းရၶႅင်ႇ ပၢႆႈၽေးသိုၵ်း ယၢၼ်ႁိူၼ်းယေးတီႈယူႇမီး သၢမ်မိုၼ်ႇပၢႆယဝ်ႉဝႃႈၼႆ။ တင်ႈဢဝ်လိူၼ်ၵျၼ်ႊၼိဝ်ႊရီႊပီ 2019 ၼႆႉမႃး ပၢင်တိုၵ်းပဵၼ်ၼႂ်းမိူင်းရၶႅင်ႇၶိူဝ်းယႂ်းႁိုင်ၼၢၼ်းလႄႈ ၵူၼ်းမိူင်းလႆႈပၢႆႈယၢၼ်ႁိူၼ်းယေး။  ဢၼ်လႆႈလုတၢႆမၢတ်ႇၸဵပ်းၸွမ်းပၢင်တိုၵ်းၵေႃႈမီး။ မိူဝ်ႈဝၼ်းတီႈ 6 လိူၼ်ဢေႊပရိူဝ်ႊၼႆႉ ၵူၼ်းပၢႆႈၽေးသိုၵ်း 4000 ပၢႆၶိုၼ်းပွၵ်ႈယူႇ ဝၢၼ်ႈၽႂ် ႁိူၼ်းမၼ်း ၽွင်ႈ ယဝ်ႉလႄႈ ၵိုတ်းႁူဝ်ၵူၼ်း 27000 ၵေႃႉ ပႆႇၸၢင်ႈပွၵ်ႈႁိူၼ်းၶိုၼ်းၼႆ...

ၶွမ်ႊမတီႊသုင်သုတ်းၵဵဝ်ႇလူၺ်ႈလွင်ႈႁူမ်ႇလူမ်ႈၸိူဝ်ႉၸၢတ်ႈ ၸိုင်ႈမိူင်းဢီႇရၼ်ႇ ပိုၼ်ၽၢဝ်ႇဝႃႈ လူင်ပွင်ၸိုင်ႈမိူင်းဢမေႇရိၵၼ်ႇ၊ တပ်ႉသိုၵ်းဢမေႇရိၵၼ်ႇ  ငဝ်ႈငုၼ်းသိုၵ်းဝၼ်းၵၢင်လႄႈ ၸုမ်းသိုၵ်းဢူၺ်းလီမၼ်း ၸိူဝ်းမီးတွၼ်ႈဝၼ်းတူၵ်းၵုၼ်ဢေႊသျိူဝ်ႊးၸိူဝ်းၼႆႉ မၵ်းမၼ်ႈပဵၼ်ၸုမ်းၵေႃႇၵၢၼ်ႁၢႆႉ ဝႃႈၼႆ။ ၸိုင်ႈမိူင်းဢီႇရၼ်ႇ  ပိုၼ်ၽၢဝ်ႇၼႂ်းၽိုၼ်ၶၢဝ်ႇၸိုင်ႈမိူင်းၶဝ် ပဵၼ်တၢင်းၵၢၼ် မိူဝ်ႈဝၼ်းတီႈ 8/4/2019 ။ ၼႂ်းၼၼ်ႉပႃးဝႆႉဝႃႈ တပ်ႉသိုၵ်းဢိသ်ႉလမ်ႊ (သိုၵ်းလုၵ်ႉၽိုၼ်ႉ) ဢီႇရၼ်ႇ သႂ်ႇႁႅင်းတိုၵ်းလိုပ်ႈ ၽဵဝ်ႈမူၺ်ႉ ၸုမ်းၵေႃႇၵၢၼ်ႁၢႆႉ ဢၼ်မီးတွၼ်ႈဝၼ်းတူၵ်း ၵုၼ်ဢေႊသျိူဝ်ႊ၊...

ၸုမ်းၵူၼ်းၼုမ်ႇတႆး ဝဵင်းလၢႆးၶႃႈ ဢွၼ်ၵၼ်ပူၵ်းပၢႆႉ ၸိုဝ်ႈသဵင်တီႈၶုမ်ၵုတ်းၸဝ်ႈၾႃႉလူင် ၸဝ်ႈၼုမ်ႇ ဝဵင်းလၢႆးၶႃႈ၊ ပၢႆႉ ၼၼ်ႉ တႅမ်ႈဝႆႉလိၵ်ႈ 3 ၽႃသႃ လိၵ်ႈတႆး၊ လိၵ်ႈဢိင်းၵလဵတ်ႈလႄႈ လိၵ်ႈမၢၼ်ႈ ဝႃႈၼႆ။ မိူဝ်ႈၼႆႉ ဝၼ်းတီႈ 09/04/2019 ယၢမ်းဝၢႆးဝၼ်း 1 မူင်း ၸုမ်းၵူၼ်းၼုမ်ႇတႆး ႁူမ်ႈၵၼ် ပူၵ်းပၢႆႉ တီႈၶုမ်ၸဝ်ႈၾႃႉလူင်...

ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉ ၸွမ်းဝတ်ႉဝႃးၽႃသိူဝ်ႇ ၼႂ်းၸႄႈဝဵင်းသီႇပေႃႉ ၼပ်ႉႁူဝ်ႁဵင်မၼ်းၼၼ်ႉ တေႃႈလဵဝ် ဢွၼ်ပွၵ်ႈႁိူၼ်းယေးၵၼ်ၽႂ်မၼ်းမူတ်းယဝ်ႉ ဝႃႈၼႆ။ မိူဝ်ႈၼႆႉ ဝၼ်းတီႈ 09/04/2019 ယၢမ်းၵၢင်ၼႂ် မွၵ်ႈ 9 မူင်း ၵူၼ်းဝၢၼ်ႈလွႆမွၵ်ႇ ဢိူင်ႇၵုင်းသေႃႉ ႁူဝ်ၵူၼ်း 51 ၵေႃႉ ဢၼ် သွၼ်ႈဝႆႉတီႈ သိုင်ႇလုင်းလႃႉၽူၼ်း တီႈဝၢၼ်ႈၼႃးလွႆ ၸႄႈဝဵင်းသီႇပေႃႉ...

သိုၵ်းမၢၼ်ႈ ၵူတ်ႇထတ်းတီႉလႆႈ မႆႉသၵ်း ဢမ်ႇမီးၸဝ်ႈၼမ်ႉၼၵ်း 10 တၼ်ႊပၢႆ တီႈ(ထိူၼ်ႇႁၢမ်ႈယႃႉ/ သစ်တော ကြိုးဝိုင်း) ဝၢၼ်ႈမိူင်းၵၢင် ၸႄႈဝဵင်းမိူင်းတူၼ်။ ဝၼ်းတီႈ 05/04/2019 သိုၵ်းလူင်ပွင်ၸိုင်ႈမၢၼ်ႈ ပႃႈတႂ်ႈသိုၵ်းပိဝ်ႇႁႃႇမိူင်းတူၼ် ဢဝ်မႆႉသၵ်းသိၵ်ႈ ၸိူဝ်းတီႉလႆႈၼၼ်ႉ မွပ်ႈယိုၼ်ႈပၼ်ၾၢႆႇၸဝ်ႈၼႃႈတီႈပႃႇမႆႉ ႁႂ်ႈသိုပ်ႇၸတ်းၵၢၼ်ၵႂႃႇ။ မႆႉသၵ်းဢၼ်သိုၵ်းတီႉလႆႈၼႆႉ တီႉလႆႈမိူဝ်ႈဝၼ်းတီႈ 29/03/2019 ၼၼ်ႉ ဝႃႈၼႆ။ ဢူးၽူဝ်းၶဵဝ် ၾၢႆႇပႃႇမႆႉ...

ၸဝ်ႈၼႃႈတီႈပလိၵ်ႈၽူႈမီးပုၼ်ႈၽွၼ်း ႁူမ်ႈၵၼ်လူင်းပိုၼ့်တီႈသေ ၵူတ်ႇထတ်းတီ့ၺွပ်း ၸၢႆးၶမ်း ၼႂ်းတူတ်ႈတၢမ်ႇ ၵဵဝ်ႇၶွင်ႈယႃႈမဝ်းၵမ်။ ဝၼ်းတီႈ 08/04/2019 သိုဝ်ႇၶၢဝ်ႇ CM News ပိုၼ်ၽၢဝ်ႇဝႃႈ - ၸဝ်ႈၼႃႈတီႈပလိၵ်ႈ ႁူင်းပလိၵ်ႈၶျႆႊပရႃႊၵၢၼ်ႊ ႁူမ်ႈၵၼ်လူင်းပိုၼ့်တီႈ ၵူတ်ႇထတ်းတီ့ၺွပ်းၸၢႆးၶမ်း လုင်းသေႃး ဢႃယု 37 ပီ တီႈဢိူင်ႇသီႊၻူင်ႊယဵၼ်ႊ ၸႄႈဝဵင်း ၶျႆႊပရႃႊၵၢၼ်ႊ ၸႄႈတွၼ်ႈၵဵင်းမႆႇ...

မၢၵ်ႇတႅၵ်ႇၼႂ်းဝၢင်းႁိူၼ်းပူႇၵႄႇမၢၼ်ႈၸၢမ် ၸေႈဝဵင်းၼမ်ႉတူႈ ၸၢၵ်ႇမၢၵ်ႇတိူဝ်ႉၺႃး ၸဝ်ႈၼင်ႈၵျႂင်း တူၼ်ၼိုင်ႈ လႄႈ လႆႈသူင်ႇတူဝ်ယူတ်းယႃတီႈႁူင်းယႃလႃႈသဵဝ်ႈ။ ဝၼ်းတီႈ 8/4/2019  ယၢမ်းႁူဝ်ၶမ်ႈမီးၵူၼ်းဢမ်ႇႁူႉၸၵ်းဢဝ်မၢၵ်ႇမႃးထိုမ်ႈသႂ်ႇၼႂ်းဝၢင်းႁိူၼ်း လုင်းၽူဝ်းထွင်ႇ ပူႇၵႄႇဝၢၼ်ႈ မၢၼ်ႈၸၢမ် ဢိူင်ႇမိူင်းမု ၸေႈဝဵင်းၼမ်ႉတူႈ ။ ၽွင်းသင်ၶၸဝ်ႈ ၶီႇလူတ်ႉၶိူင်ႈလတ်းၼႃႈႁိူၼ်းပူႇၵႄႇၼၼ်ႉမၢၵ်ႇတႅၵ်ႇ ၸၢၵ်ႇမၢၵ်ႇတိူဝ်ႉမႅၼ်ႈလင်သင်ၶၸဝ်ႈ တူၼ်ၼိုင်ႈလႆႈမၢတ်ႇၸဵပ်း။ ၽူႈယိင်းဢႃႇယု 30 ပၢႆၵူၼ်းမၢၼ်ႈၸၢမ်လၢတ်ႈတီႈၽူႈတွႆႇႁွၵ်ႈဝႃႈ-  “ပဵၼ်ၽႂ်မႃးထိုမ်ႈဝႆႉတႄႉဢမ်ႇႁူႉ။ သမ်ႉတႅၵ်ႇမႅၼ်ႈမိူဝ်ႈ ၸဝ်ႈသြႃႇ...

ၵူၼ်းမိူင်း ႁိမ်း 2 ႁဵင် ႁူမ်ႈၵၼ်ပႆတၢင်းၼႄၵၢင်ၸႂ် တီႈၼႂ်းၵၢင်ဝဵင်းပၢင်လွင်း တုၵ်းယွၼ်းႁႂ်ႈၵိုတ်း ၶူင်းၵၢၼ် ႁူင်းၸၢၵ်ႈ ထၢၼ်ႇႁိၼ်လႄႈ ၵၢၼ်ၶုတ်းထၢၼ်ႇႁိၼ် တီႈသီႇၵိပ်ႇ ဝႃႈၼႆ။ ဝၼ်းတီႈ 05/04/2019 ယၢမ်းၵၢင်ၼႂ် 9 မူင်း ထိုင် 3 မူင်းဝၢႆးဝၼ်း ၵူၼ်းမိူင်း ပွတ်းၸႄႈဝဵင်းလွႆၶေႃ၊ ၼွင်ႁၢႆးယႃႈ၊ တူၼ်ႈတီး၊...