Thursday, March 28, 2024

ပလိၵ်ႈထႆး တီ့ၺွပ်းလႆႈၸၢႆးတႆး ၼႂ်းတူတ်ႈတၢမ်ႇၵႃ့ယႃႈမႃ့

Must read

ၸဝ်ႈၼႃႈတီႈပလိၵ်ႈၽူႈမီးပုၼ်ႈၽွၼ်း ႁူမ်ႈၵၼ်လူင်းပိုၼ့်တီႈသေ ၵူတ်ႇထတ်းတီ့ၺွပ်း ၸၢႆးၶမ်း ၼႂ်းတူတ်ႈတၢမ်ႇ ၵဵဝ်ႇၶွင်ႈယႃႈမဝ်းၵမ်။

 Thai police catch related person drugs
Photo by CM News/ပလိၵ်ႈထႆး တီ့ၺွပ်းလႆႈၸၢႆးတႆး ၼႂ်းတူတ်ႈတၢမ်ႇၵႃ့ယႃႈမႃ့

ဝၼ်းတီႈ 08/04/2019 သိုဝ်ႇၶၢဝ်ႇ CM News ပိုၼ်ၽၢဝ်ႇဝႃႈ – ၸဝ်ႈၼႃႈတီႈပလိၵ်ႈ ႁူင်းပလိၵ်ႈၶျႆႊပရႃႊၵၢၼ်ႊ ႁူမ်ႈၵၼ်လူင်းပိုၼ့်တီႈ ၵူတ်ႇထတ်းတီ့ၺွပ်းၸၢႆးၶမ်း လုင်းသေႃး ဢႃယု 37 ပီ တီႈဢိူင်ႇသီႊၻူင်ႊယဵၼ်ႊ ၸႄႈဝဵင်း ၶျႆႊပရႃႊၵၢၼ်ႊ ၸႄႈတွၼ်ႈၵဵင်းမႆႇ ၸိုင်ႈထႆး မၼ်းၸၢႆးၺႃးတီ့ၺွပ်းၼႂ်းတူတ်ႈတၢမ်ႇ ၵဵဝ်ႇၶွင်ႈယႃႈမဝ်းၵမ် ။  ၸဝ်ႈၼႃႈတီႈၵူတ်ႇထတ်းယိုတ်းလႆႈယႃႈမႃ့ 106 မဵတ့် ။

- Subscription -

ၸဝ်ႈၼႃႈတီႈလၢတ်ႈဝႃႈ – “ ၸၢႆးၶမ်းၼႆ့ ပဵၼ်ၵူၼ်းဢဝ်ယႃႈမဝ်းၵမ်ၼႆ့ၶၢႆပၼ်ႁႅင်းၵၢၼ်ၼႂ်းမူႇဝၢၼ်ႈၼွင်ထဵၼ်ႊၻမ်ႊ လႄႈ ႁႅင်းၵၢၼ်ဢၼ်ႁဵတ်းၵၢၼ်ၸွမ်းဝၢၼ်ႈ ႁိမ်းႁွမ်းၸိူဝ်းၼႆ့ ” ဝႃႈၼႆ။

ၸဝ်ႈၼႃႈတီႈ ၸင်ႇတီ့ၺွပ်းတူဝ်ၸၢႆးၶမ်း သူင်ႇႁူင်းပလိၵ်ႈၶျႆႊပရႃႊၵၢၼ်ႊ ပၼ်တူတ်ႈတၢမ်ႇၵႂႃႇ ၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်းမီးၼၼ့်ဝႃႈၼႆ။

မိူင်းထႆးၼႆ့ တမ်းဝၢင်းမၢႆမီႈၶဵင်ႈၶႅင်ၵဵဝ်ၵပ်း ၵၢၼ်သူႇသမ်းတေႃ့တၢင်ႇ ၵႃ့ၶၢႆယႃႈမဝ်းၵမ်မႃး ၼႅၼ်ႈၼႅၼ်ႈ ၼႃၼႃသေတႃ့ ၵူၼ်းၵႃ့ ယႃႈၾိၼ်ႇယႃႈမႃ့ ၵေႃႈၸဝ်ႈၼႃႈတီႈတီ့ၺွပ်းလႆႈယူႇၵူႈဝၼ်း၊ ၼႄးဝႃႈလုၵ့်မိူင်းႁိမ်းႁွမ်း သေတေႃ့ ၶဝ်ႈမိူင်းထႆးၼႆတႃႇသေႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း