ၸုမ်းယၢင်း KNU လႄႈ သုၼ်ၵၢၼ်ငမ်းယဵၼ်လႄႈလွင်ႈၸမ်ၸႂ်ၸိူဝ်ႉၸၢတ်ႈ NRPC တေႁူပ်ႉထူပ်း ၵၼ်တီႈလုမ်း NRPC တီႈၼေႇပီႇတေႃႇ။
ဢၼ်တေၵႂႃႇႁူပ်ႉထူပ်းဢုပ်ႇဢူဝ်းတင်း NRPC လူၺ်ႈဢမ်ႇပဵၼ် တၢင်းၵၢၼ် ၼႂ်းဝၼ်းတီႈ 11/4/2019 ၼႆႉပဵၼ် ၽူႈၼမ်းၼႂ်းလူင် KNU ၽတူဝ်ႇၸေႃးတႃႇတူဝ်ႇမူး ဢွၼ်ႁူဝ် ၊ ၽူႈၼမ်း ၼႂ်း 2 ၽတူဝ်ႇၸေႃးလႃႉထုၼ်း၊ ၽူႈၶဝ်ႈၶွမ်ႊမတီႊငဝ်ႈငုၼ်း ၽတူဝ်ႇၸေႃးသႄးၵေး ၊ ၽူႈဢွၼ်ႁူဝ်ၾၢႆႇ ဢုပ်ႇဢူဝ်းတင်းတပ်ႉသိုၵ်း ၵႅမ်ၸွမ်ႁၢၼ် ၸေႃးတႃႇမလႃႇတေႃး လႄႈ ၸဝ်ႈႁၢၼ် ၸေႃးတႃႇမူႇလႃႇ ၶဝ်ၸိူဝ်ႈၼႆႉ။
ယူႇတီႈ KNU သေတေၼမ်းဢုပ်ႇတီႈပၢင်ႁူပ်ႉထူပ်းၼၼ်ႉတႄႉ ပဵၼ်လွင်ႈ KNU လႆႈၵိုတ်းလိုဝ်ႈ တႃႇၶဝ်ႈ ပႃးဢုပ်ႇဢူဝ်းပဵၼ်တၢင်းၵၢၼ်၊ ယူႇတေ KNU သေတေႁဵတ်းသၢင်ႈ ၵဵဝ်ႇၵပ်းလွင်ႈငမ်းယဵၼ် ၵႂႃႇထႅင်ႈ တၢင်းၼႃႈ ၸိူင်ႉႁိုဝ် ၸဵမ်ၸိူဝ်းၼႆႉ ဝႃႈၼႆ။
လိူဝ်ၼၼ်ႉ ၼင်ႇႁိုဝ်တေၵႄႈလိတ်ႈပၼ်ႁႃဢၼ်လႆႈထဵင်မေႃးၵၼ် ပဵၼ်ပတိၵ်ႈၶၢတ်ႈၵၼ် ၼႂ်းၼႃႈလိၼ် သိုၵ်းၼၼ်ႉ လွင်ႈတၢင်းငဝ်ႈငႃႇမၼ်းပဵၼ်သင် ၼင်ႇႁိုဝ်တေလႆႈႁူႉၼၼ်ႉ KNU လႆႈတုၵ်းယွၼ်းဝႆႉ တေႁူပ်ႉဢုပ်ႇၵၼ် တင်းၾၢႆႇတူဝ်တႅၼ်းတပ်ႉသိုပ်းတပ်ႉမတေႃႇမၢၼ်ႈၼႂ်းဝၼ်းတီႈ 12/04/2019 ဝႃႈၼႆ။
ၶေႃႈမုလ်း- karen national union headquarters
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ