သိုၵ်းမၢၼ်ႈ ၵူတ်ႇထတ်းတီႉလႆႈ မႆႉသၵ်း ဢမ်ႇမီးၸဝ်ႈၼမ်ႉၼၵ်း 10 တၼ်ႊပၢႆ တီႈ(ထိူၼ်ႇႁၢမ်ႈယႃႉ/ သစ်တော ကြိုးဝိုင်း) ဝၢၼ်ႈမိူင်းၵၢင် ၸႄႈဝဵင်းမိူင်းတူၼ်။
ဝၼ်းတီႈ 05/04/2019 သိုၵ်းလူင်ပွင်ၸိုင်ႈမၢၼ်ႈ ပႃႈတႂ်ႈသိုၵ်းပိဝ်ႇႁႃႇမိူင်းတူၼ် ဢဝ်မႆႉသၵ်းသိၵ်ႈ ၸိူဝ်းတီႉလႆႈၼၼ်ႉ မွပ်ႈယိုၼ်ႈပၼ်ၾၢႆႇၸဝ်ႈၼႃႈတီႈပႃႇမႆႉ ႁႂ်ႈသိုပ်ႇၸတ်းၵၢၼ်ၵႂႃႇ။ မႆႉသၵ်းဢၼ်သိုၵ်းတီႉလႆႈၼႆႉ တီႉလႆႈမိူဝ်ႈဝၼ်းတီႈ 29/03/2019 ၼၼ်ႉ ဝႃႈၼႆ။
ဢူးၽူဝ်းၶဵဝ် ၾၢႆႇပႃႇမႆႉ ၸႄႈဝဵင်းမိူင်းတူၼ် လၢတ်ႈတီႈသိုဝ်ႇၶၢဝ်ႇ DVB ဝႃႈ “ ဢၼ်တီႉၺွပ်းလႆႈတႄႉ မိူဝ်ႈဝၼ်းတီႈ 29 လိူၼ်မၢတ်ႉၶျ်ပူၼ်ႉ ယွၼ်ႉၶဝ်တၢင်ႇမႃတေႃႉမႃးသေ မႃးႁွတ်ႈထိုင်မွပ်ႈပၼ်တီႈၾၢႆႇၸဝ်ႈၼႃႈတီႈၾၢႆႇပႃႇမႆႉ မိူဝ်းဝၼ်း တီႈ 5 လိူၼ်ၼႆႉ” ဝႃႈၼႆ။
သိုၵ်းမၢၼ်ႈယင်းလၢတ်ႈဝႃႈ ၼင်ႇႁိုဝ် တေဢမ်ႇမီးၵၢၼ်လၵ်ႉတတ်းမႆႉ ၼႂ်းၸႄႈတွၼ်ႈမိူင်းသၢတ်ႇၼၼ်ႉ သင်ဝႃႈ ၵူၼ်း ပိုၼ်ႉတီႈ ပွင်ႇၶၢဝ်ႇ ၸူးသိုၵ်းမၢၼ်ႈၸိုင် ယူႇတီႈသိုၵ်းမၢၼ်ႈ တေလူင်းၵူတ်ႇထတ်း ၵႂၢတ်ႇလၢင်ႉ တီႉၺွပ်း ၵူၼ်းလၵ်ႉ တတ်းမႆႉ ဝႃႈၼႆ။
ၵဵဝ်ႇၵပ်းလူၺ်ႈလွင်ႈၼႆႉ မႆႉဢၼ်တီႉၺွပ်းလႆႈ တီႈပႃႇထိူၼ်ႇႁၢမ်ႈယႃႉဝၢၼ်ႈမိူင်းၵၢင် ၸႄႈဝဵင်းမိူင်းတူၼ်ၼၼ်ႉသေ ယူႇတီႈၾၢႆႇပႃႇမႆႉ လႆႈပိုတ်ႇလိူင်ႈဝႆႉ ၸွမ်းၼင်ႇပၵ်းပိူင်ဝၢၼ်ႈမိူင်းမီးၼၼ်ႉ ဝႃႈၼႆ။
ၶေႃႈမုလ်း – DVB
