ၼၢင်းယိင်း ၵဝ်းလီ(ၵူဝ်ႊလီႊယိူဝ်ႊ) ဢၼ်မႃးဢႅဝ်ႇယဵမ်ႈ ၼႂ်းၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇၼၼ်ႉ လႆႈၸူမ် ၼမ်ႉတူႈၵႂႃႇ မိူဝ်ႈႁၢင်လိူၼ်ၼူဝ်ႊဝႅမ်ႊၿိူဝ်ႊၼၼ်ႉ တေႃႇထိုင်ယၢမ်းလဵဝ် ႁႃပႆႇထူပ်းႁၼ် သင်ၽႂ် ၵေႃႉလႂ် ထူပ်းႁၼ်ၸိုင် တေတွၼ်ႈပၼ်သူးငိုၼ်း 5 ႁဵင်ၻေႃႊလိူဝ်ႊ(USA) ဝႃႈၼႆ။ ၼၢင်းယိင်း ၵဝ်းလီ ၸိုဝ်ႈႁွင်ႉ Miss Houng Young Heo ဢႃယု...

ပလိၵ်ႈထႆး၊ သိုၵ်းထႆးလႄႈ ၾၢႆႇၽွင်းငမ်းၸွမ်းလႅၼ်လိၼ်ထုင်ႉသၢမ်ၸဵင်ႇၶမ်း ၾင်ႇမိူင်းထႆး ႁူမ်ႈၵၼ်လူင်းပိုၼ်ႉတီႈ ၵူတ်ႇထတ်းၸွမ်းလႅၼ်လိၼ်သေ ယိုတ်းလႆႈယႃႈမႃႉၼပ်ႉဢၢၼ်ႇႁူဝ်သႅၼ် တူဝ်တၢႆၵူၼ်းတေႃႉယႃႈ 1 ၵေႃႉ။ ႁၢင်လိူၼ်ၼူဝ်ႊၿႅမ်ႊၿိူဝ်ႊ 2018 မႃးၼႆႉသိုဝ်ႇၶၢဝ်ႇ MGR ပိုၼ်ၽၢဝ်ႇဝႃႈ - ၸဝ်ႈၼႃႈတီႈၽူႈမီးပုၼ်ႈၽွၼ်းထႆးႁူမ်ႈ ၵၼ်တင်းၾၢႆႇသိုၵ်းမိူင်းထႆး လူင်းပိုၼ်ႉတီႈ ၵူတ်ႇထတ်းၸွမ်းလႅၼ်လိၼ်သေ ထူပ်းႁၼ်ၵူၼ်းၵႃႉယႃႈလတ်းၽၢၼ်ႇမႃးလႄႈ လႆႈမီးလွင်ႈပိုတ်းယိုဝ်းၵၼ် ႁဵတ်းႁႂ်ႈမီးၵူၼ်းလႆႈလူႉတၢႆ 1 ၵေႃႉ...

ၸုမ်းတူင်ႉၼိုင်တူင်ႇဝူင်းၵူၼ်း ၸိုင်ႈတႆး ဢွၵ်ႇၶေႃႈပိုၼ်ၽၢဝ်ႇ တိုၵ်းသူၼ်း ႁႂ်ႈႁူဝ်ၼႃႈၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ႁူပ်ႉဢုပ်ႇၵၼ်လႄႈ ၵိုတ်းပၢင်တိုၵ်းၽႂ်းၽႂ်း ယွၼ်ႉ ၵူၼ်းမိူင်းလႆႈတူၵ်းပဵၼ်ယိူဝ်ႇ လူႉတၢႆ ႁၢႆလၢႆ ယွၼ်ႉပၢင်တိုၵ်းသိုၵ်း သိူဝ်တင်းၼမ်လၢႆ။ ဝၼ်းတီႈ 28-29/11/2018 တူဝ်တႅၼ်းၸုမ်းတူင်ႉၼိုင်တူင်ႇဝူင်းၵူၼ်းၼႂ်းၸိုင်ႈတႆး လၢႆလၢႆၸႄႈဝဵင်း ႁူဝ်ၵူၼ်း 100 ပၢႆ ႁူပ်ႉဢုပ်ႇၵၼ် တီႈႁူင်းႁႅမ်းတူၼ်ႈတီး ၼႂ်းၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။...

ပျီႇတူႉၸိတ်ႉမဵဝ်ႉမ ၼမ်ႉၶမ်း ဢၼ်ၵႂႃႇပၵ်းသဝ်းႁဵတ်းၵၢၼ်ပၢႆးမၢၵ်ႈမီး တၢင်းထုင်ႉသၢမ်ၸဵင်ႇၶမ်း ၵျိင်းသၢၼ်းၵျေႃႉ ဝဵင်းပၢင်ႇသၢႆး ၸႄႈဝဵင်းမူႇၸေႊၼၼ်ႉ ၺႃးၸုမ်းယိပ်းၵွင်ႈၵၢင်ႇ ၸုမ်းၼိုင်ႈၶဝ်ႈယိုဝ်းလႄႈ ၵူၼ်းၸုမ်းပျီႇတူႉ ၸိတ်ႉ တၢႆ 3 ၵေႃႉ မၢတ်ႇ 2 ၵေႃႉ။ ဝၼ်းတီႈ 02/12/2018 ယၢမ်းၵၢင်ၶမ်ႈ 9 မူင်းပၢႆ ပျီႇတူႉၸိတ်ႉမဵဝ်ႉမၼမ်ႉၶမ်း ဢၼ်တူၵ်းပုၼ်ႈၽွၼ်း ပႂ်ႉယၢမ်း...

ၽူႈတႅၼ်းသၽႃးၵူၼ်းမိူင်း ၸႄႈဝဵင်းသီႇပေႃႉ ၸၢႆးတၢၼ်ႉၸိၼ်ႇ တၢင်တူဝ်ၵူၼ်းမိူင်း ၵူၼ်းဝၢၼ်ႈတႃႈလူင် ၸႄႈဝဵင်း သီႇပေႃႉ ယိုၼ်ႈလိၵ်ႈ/ တၢင်ႇလိၵ်ႈထိုင် ဢူးဝိၼ်းမျိၼ်ႉ ၸွမ်ၸိုင်ႈမိူင်းႁူမ်ႈတုမ် တီႈၼေႇပျီႇတေႃႇ တုၵ်းယွၼ်းႁႂ်ႈၵိုတ်း ပႅတ်ႈ ၶူင်းၵၢၼ်သၢင်ႈၾၢႆ ၼႂ်းၼမ်ႉတူႈ ယွၼ်ႉဝႃႈ တေတုမ်ႉတိူဝ်ႉၵူၼ်းဝၢၼ်ႈ ၵူၼ်းသူၼ် ဝႃႈၼႆ။ ၸၢႆးထမ်းဢၢႆး ၽူႈပွင်ၵၢၼ် ၵေႃႁူမ်ႈသၢင်ႈၸဝ်ႈႁႆႈၸဝ်ႈၼႃး ၼႂ်းၸိုင်ႈတႆး လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ...

ဢိင်ၼိူဝ်သိုၵ်းၸၢဝ်းၶိူဝ်း ၸုမ်းယိပ်းၵွင်ႈၵၢင်ႇ ၼင်ႇၵၼ် ပိုတ်ႇပၢင်တိုၵ်းတေႃႇၵၼ်သေ ၵူၼ်းဝၢၼ်ႈၼႂ်းဢိူင်ႇၼႃးမၢၵ်ႇ ၶေႃ 795 ၵေႃႉ ဢွၼ်ၵၼ်ပၢႆႈသိုၵ်း မႃးမီးဝႆႉၼႂ်း ဝဵင်းသီႇပေႃႉ ဝႃႈၼႆ။ ႁူဝ်လိူၼ်ၻီႊသႅမ်ႊၿိူဝ်ႊၼႆႉမႃး ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်းၼင်ႇၵၼ် ပဵၼ်ပၢင်တိုၵ်း ၵၼ် တၢင်းဢိူင်ႇၼႃးမၢၵ်ႇၶေႃ ၼႂ်းၵႄႈဝၢၼ်ႈတူၼ်ႈၵႅင်း လႄႈ ဝၢၼ်ႈၶၢႆးႁဵဝ်း ၾၢႆႇတူၵ်းတၢင်းၵႃးၼမ်ႉလၼ်ႈ ၸႄႈဝဵင်း သီႇပႃႉ ၸိုင်ႈတႆးပွတ်းႁွင်ႇ။...

ၼႂ်းၸႄႈဝဵင်းၼမ်ႉတူႈ ၵူၼ်းဝၢၼ်ႈပၢင်ၵုတ်ႇ တင်း ဝၢၼ်ႈပၢင်သေႃႉ 200 ပၢႆ ၸိူဝ်းပၢႆႈၽေးသိုၵ်း မႃးသွၼ်ႈဝႆႉတီႈ ဝၢၼ်ႈဝတ်ႉဝိႁၢရ်မၢၼ်ႈၸၢမ် ၼၼ်ႉ ၶိုၼ်းဢွၼ်ၵၼ်ပွၵ်ႈၶိုၼ်းယေးၽႂ်သေတႃႉတိုၵ်ႉၵူဝ်ၽေးသိုၵ်းယူႇ ဝႃႈၼႆ။ ဝၼ်းတီႈ 30/11/2018 ၵူၼ်းဝၢၼ်ႈပၢင်ၵုတ်ႇ 141 ၵေႃႉ၊ ၵူၼ်းဝၢၼ်ႈပၢင်သေႃႉ 65 ၵေႃႉ ႁူမ်ႈတင်းမူတ်း 206 ၵေႃႉ ဢၼ် မႃး...

လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP တိုၵ်းသူၼ်းႁႂ်ႈၵူၼ်းဝၢၼ်ႈ ၵူၼ်းမိူင်း ဢွၼ်ၵၼ်သႂ်ႇၸႂ်တၢင်ႇယိုၼ်ႈယွၼ်းႁဵတ်းဝႂ်တီႈလိၼ် ႁႂ်ႈၶိုတ်းတၼ်း ၸွမ်းၼင်ႇၶၢဝ်းယၢမ်းဢၼ်လူင်ပွင်ၸိုင်ႈမၵ်းမၼ်ႈဝႆႉ။ လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP ပဵၼ်ပႃးၽူႈၼင်ႈၸိုင်ႈၵေႃပွင်ၵၢၼ်ၽွမ်ႉႁူမ်ႈၸိုင်ႈတႆး CSSU တူၵ်ႇလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈမိူဝ်ႈဝၼ်းတီႈ 29/11/2018 ဝႃႈ ၵၢပ်ႈပၢၼ်ဝၢၼ်ႈမိူင်းမိူဝ်ႈလဵဝ်ၼႆႉ ပိူၼ်ႈဢဝ်ပၵ်းပိူင်ပဵၼ်ယႂ်ႇ ႁဝ်းတေသၢၼ်ၶတ်းပိူၼ်ႈၵေႃႈဢမ်ႇၸၢင်ႈၵွပ်ႈၼၼ်လႄႈ ၼင်ႇႁိုဝ်ႁဝ်းတေဢမ်ႇထူပ်းတၢင်းယၢပ်ႇမိူဝ်းၼႃႈၼၼ်ႉ ႁႂ်ႈ ႁဝ်း ၶႃႈႁဵတ်းၸွမ်းၼင်ႇဢၼ်ပၵ်းပိူင်လူင်ပွင်ၸိုင်ႈ တမ်းဝၢင်းဝႆႉၼၼ်ႉသေၵမ်း ၼင်ႇႁိုဝ်ႁဝ်းၶႃႈတေဢမ်ႇထူပ်းတၢင်းယၢပ်ႇ...

ၵေႃႇမတီႈႁူင်းႁဵၼ်း တူင်ႇၵူၼ်းတႆး လၢႆးၶႃႈ လူင်းၵူတ်ႇထတ်း တႃႇသိုဝ်ႉတီႈလိၼ် 14 ဢေႊၶိူဝ်ႊ ဝၢင်းၽႅၼ်ၵေႃႇသၢင်ႈ ႁူင်းႁဵၼ်း လႄႈ ယိုၼ်ႈမိုဝ်းတႃႇႁပ်ႉၸွႆႈတၢၼ်း ၼႂ်းၵၢၼ်ၵေႃႇသၢင်ႈ ဝႃႈၼႆ။ ဝၼ်းတီႈ 02/12/2018 ၵေႃႇမတီႇႁူင်းႁဵၼ်းတူင်ႇၵူၼ်းတႆး ဢွၼ်ၵၼ်လူင်းပိုၼ်ႉတီႈၵူတ်ႇထတ်း တီႈလိၼ်ၶွင် ၽူႈ တႅၼ်းသၽႃးၵူၼ်းမိူင်းၵေႃႉၵဝ်ႇ လုင်းၸၢႆးမူၼ်း ဢၼ်မီးဝႆႉတီႈပွၵ်ႉ 4 ၾၢႆႇၸၢၼ်းလၢႆးၶႃး ၸပ်းၾင်ႇၼမ်ႉတွင်း...

သိုၵ်း RCSS တင်း သိုၵ်း SSPP ယိုဝ်းၵၼ်လႄႈ ၵူၼ်းဝၢၼ်ႈပႅၼ်ႇဝႅၼ်ႈ မိူင်းၵိုင် 200 ပၢႆ ဢွၼ်ၵၼ်လႆႈပၢႆႈၽေးသိုၵ်း မႃးသွၼ်ႈဝႆႉတီႈ ဝတ်ႉမၢၵ်ႇၶီႈၼူၵ်ႉ(ဝတ်ႉထမ်မဝိႁႃရ) တေႃႇထိုင် ယၢမ်းလဵဝ်ပႆၸၢင်ႈပွၵ်ႈ ဝႃႈၼႆ။ ဝၼ်းတီႈ 30/11/2018 ယၢမ်းၵၢင်ၼႂ် သိုၵ်းတႆး RCSS တင်း SSPP ပဵၼ်တၢင်းတိုၵ်းၵၼ် တီႈႁိမ်းဝၢၼ်ႈပႅၼ်ႇဝႅၼ်ႈ...

ၵႃးတၢင်ႇဝူဝ်း လမ်းၼိုင်ႈ ၺႃးယိုဝ်း တီႈႁိမ်းဝၢၼ်ႈသၶၢၼ်းတႃႇ(စခန်းသား) ၼႂ်းၸႄႈဝဵင်းၵျွၵ်ႉမႄး ၵူၼ်းၸွမ်းၵႃး 2 ၵေႃႉလႄႈ ၵူၼ်းႁေႃႈၵႃး ၵေႃႉၼိုင်ႈ တိူဝ်ႉၺႃးမၢတ်ႇၸဵပ်း ဝႃႈၼႆ။ ဝၼ်းတီႈ 29/11/2018 ယၢမ်းၵၢင်ၶမ်ႈ 9 မူင်း ၵႃးတၢင်ႇဝူဝ်းလမ်းၼိုင်ႈ ဢၼ်လုၵ်ႉတၢင်းၼွင်ၶဵဝ် ၶိုၼ်ႈမႃးတၢင်း ၵျွၵ်ႉ မႄးၼၼ်ႉ ၺႃးၸုမ်းဢမ်ႇႁူႉၾၢႆႇ ယိုဝ်းတီႈႁိမ်းဝၢၼ်ႈသၶၢၼ်းတႃႇ ၸႄႈဝဵင်းၵျွၵ်ႉမႄး...

ၸုမ်းတူင်ႉၼိုင်တူင်ႇဝူင်းၵူၼ်း ၼမ်ႉၶမ်း 6 ၸုမ်း တႅမ်ႈလိၵ်ႈထိုင် ၸွမ်ၸိုင်ႈမိူင်းႁူမ်ႈတုမ် ႁႂ်ႈၵိုတ်းႁူင်းၸၢၵ်ႈႁဵတ်းၸေႈ ဢၼ်တႄႇပၼ်ႇၵၢၼ် ႁိမ်းၾင်ႇၼမ်ႉမၢဝ်း ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။ ဝၼ်းတီႈ 20/11/2018 ၸုမ်းတူင်ႉၼိုင်တူင်ႇဝူင်းၵူၼ်း ၼႂ်းၼမ်ႉၶမ်း 6 ၸုမ်း ဢွၼ်ၵၼ် တႅမ်ႈလိၵ်ႈသၢၼ်ၶတ်း လွင်ႈ ႁူင်းၸၢၵ်ႈႁဵတ်းၸေႈ တီႈၸွမ်ၸိုင်ႈလႄႈ သၽႃး။ ၼႂ်းလိူၼ်ၼူဝ်ႊဝႅမ်ႊၿိူဝ်ႊၼႆႉၵူၺ်း လႆႈတၢင်ႇလိၵ်ႈၸူး...

လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ ၽူႈၼင်ႈၸိုင်ႈၵေႃပွင်ၵၢၼ်ၽွမ်ႉႁူမ်ႈၸိုင်ႈတႆး CSSU တူၵ်ႇလၢတ်ႈဝႃႈ ပေႃးသိုၵ်းတႆးဢမ်ႇၽွမ်ႉၵၼ် ဢမ်ႇပၼ်လွင်ႈႁူမ်ႇလူမ်ႈၵူၼ်းမိူင်းလႆႈၸိုင် ၶိူဝ်းႁဝ်း ၸၢင်ႈဝၢႆးႁၢႆ။ ဝၼ်းတီႈ 29/11/2018 လုင်းၸၢႆးဢၢႆႈပဝ်း ႁူဝ်ပဝ်ႈပႃႇတီႇသိူဝ်ၽိူၵ်ႇ SNDP ပဵၼ်ပႃးၽူႈၼင်ႈၸိုင်ႈ CSSU တူၵ်ႇလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ - ၼႂ်းဝူင်ႈဝၢင်ႈၼႆႉ ႁဝ်းလႆႈတႅမ်ႈလိၵ်ႈထိုင်တပ်ႉသိုၵ်းတႆး 2 တပ်ႉသိုၵ်း ၵဵဝ်ႇလူၺ်ႈပၼ်ႁႃဢၼ်ပဵၼ်ယူႇယၢမ်းလဵဝ်ၼႆႉ ႁႂ်ႈႁူဝ်ပဝ်ႈလူင်သွင် ၸဝ်ႈတူၺ်းႁၼ်...

သင်ၶၸဝ်ႈလႄႈ ၵူၼ်းၼုမ်ႇၽူႈသူၼ်ၸႂ်ႁၵ်ႉလိၵ်ႈလၢႆးႁူမ်ႈၵၼ်ၶူင်သၢင်ႈႁဵတ်းဢွၵ်ႇ Tai dictionary တႃႇႁႂ်ႈၸႂ်ႉတိုဝ်းလႆႈၼိူဝ်ဢွၼ်ႊလၢႆႊ Online လႄႈ ၶိုတ်းၸၼ်ႉလုမ်ႈၾႃႉ။   ၼႂ်းပီ 2018 ၼႆႉ သင်ၶၸဝ်ႈဢၼ်ႁဵၼ်းယူႇတီႈၸၼ်ႉၸွမ်မိူင်းထႆး၊ မိူင်းဢိၼ်ႊၻီႊယိူဝ်ႊ၊ ဝဵင်းလိူဝ်ႇ၊ တႃႈၵုင်ႈလႄႈၵူၼ်း   ၼုမ်ႇၸိူဝ်းဢၼ်ႁဵၼ်းယူႇၼႂ်းၸၼ်ႉၸွမ်ၸိူဝ်းၼႆႉ ႁူမ်ႈၵၼ်ၶူင်သၢင်ႈႁဵတ်းဢွၵ်ႇ Tai dictionary တႃႇၸႂ်ႉၼႂ်းၶွမ်းလႄႈ ၼႂ်းၾူၼ်း ၼိူဝ်ဢွၼ်ႊလၢႆႊ Online ပိူဝ်ႈႁႂ်ႈၶဝ်ႈၸႂ်ႉငၢႆႈလႆႈၶိုတ်းၵၢပ်ႈ ပၢၼ်ၼႆယဝ်ႉ။ ၸဝ်ႈၶူးဢိတ်ႉသရိယ...

ၸုမ်းၵပ်းသၢၼ်လွင်ႈၼၢင်းယိင်းတႆး SWAN ဢွၵ်ႇၽိုၼ်ႁၢႆးငၢၼ်း ၵၢၼ်တူင်ႉၼိုင် ၶၢဝ်းတၢင်း 16 ဝၼ်း ၼႂ်းဝၼ်း ထူၼ်ႈ 5 ၼႆႉ တူၵ်ႇတၵ်ႉလွင်ႈမၢႆမီႈ ၾိင်ႈမိူင်း ၸိူဝ်းၸႅၵ်ႇၽႄတေႃႇၼၢင်းယိင်းၼၼ်ႉ ႁႂ်ႈမူၼ်ႉမႄး ဢမ်ႇၼၼ် ပူတ်းထွၼ်ပႅတ်ႈ။ ဝၼ်းတီႈ 29/11/2018 ၸုမ်းၵပ်းသၢၼ်လွင်ႈၼၢင်းယိင်းတႆး “SWAN” ဢွၵ်ႇလိၵ်ႈပိုၼ်ၽၢဝ်ႇ လွင်ႈတူင်ႉၼိုင် ၶၢဝ်း တၢင်း...