ၸွမ်သိုၵ်းလူင်ယွတ်ႈသိုၵ်း ႁူဝ်ပဝ်ႈလူင် RCSS/SSA ဢိၵ်ႇၽူႈယႂ်ႇၵူၼ်းလူင်ထႆး ႁူမ်ႈၵၼ်တၢင်ႇထီး (ထၢတ်ႈၸွမ်သႅင်) ၵွင်းမူး၊ ၵျွင်းလႄႈ သိမ်ႇ တီႈၵျွင်းပဵင်းလူင် မီးၽူႈယႂ်ႇၵူၼ်းလူင်ၼႂ်းထႆး၊တႆးဢိၵ်ႇၵူၼ်းဝၢၼ်ႈၵူၼ်းမိူင်းၶဝ်ႈႁူမ်ႈၼပ့်ႁဵင် ။
ဝၼ်းတီႈ 24/04/2019 ၶၢဝ်းပွႆးသၢင်ႇလွင်းဝၢၼ်ႈပဵင်းလူင်ၼႆ့ ၸွမ်သိုၵ်းလူင်ယွတ်ႈသိုၵ်း ႁူဝ်ပဝ်ႈလူင် ၶွင်ႇသီႇ ဢဝ် ၶိုၼ်းၸိုင်ႈတႆး/ တပ့်သိုၵ်းၸိုင်ႈတႆး RCSS/SSA ၊ ၽူႈၵွၼ်းၸႄႈဝဵင်း ၸႄႈဝဵင်း ဝဵင်းႁႅင် ၸႄႈတွၼ်ႈၵဵင်းမႆႇ ၸိုင်ႈထႆး။ ၽူႈယႂ်ႇၵူၼ်းလူင်ၾၢႆႇသိုၵ်း၊ ၾၢႆႇပလိၵ်ႈ၊ ၵူၼ်းလူင်ၼႂ်းဢိူင်ႇဝၢၼ်ႈ ဢိၵ်ႇၵူၼ်းဝၢၼ်ႈၵူၼ်း မိူင်းၶဝ်ႈ ႁူမ်ႈပၢင်ပွႆးတၢင်ႇထီးၵွင်းမူး ၼပ့်ဢၢၼ်ႇႁူဝ်ႁဵင်။
ၸၢႆးသႅၼ်ႁၵ့်တႆး လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ၼႂ်းပၢင်ပွႆးသၢင်ႇလွင်းပဵင်းလူင်ပီၼႆ့ တေလႆႈဝႃႈ မီးလွင်ႈလၢၵ်ႇလၢႆး ယွၼ့်ဝႃႈမီးပႃးပၢင်တၢင်ႇထီးၵွင်းမူး၊ထီးၵျွင်းလႄႈ သိမ်ႇ တီႈၵျွင်းပဵင်းလူင် မီးၽူႈယႂ်ႇၵူၼ်းလူင်းၾၢႆႇထႆးလႄႈ ၾၢႆႇတႆးမႃးပဵၼ် ငဝ်ႈမၼ်းသေႁူမ်ႈၵၼ်တၢင်ႇထီး ၵူၼ်းဝၢၼ်ႈၵူၼ်းမိူင်းၵေႃႈ ဢွၼ်ၵၼ်ႁူမ်ႁူမ်ၸူမ်းၸူမ်းၶဝ်ႈႁူမ်ႈၼမ်တႄ့တႄ့” ဝႃႈၼႆ။
တီႈဝတ့်ၵျွင်းပဵင်းလူင်ၼႆ့ လိူဝ် သေမီးပၢင်တၢင်ႇထီးထၢတ်ႈၵွင်းမူး၊ ၵျွင်းလႄႈ သိမ်ႇယဝ့် မီးပႃးပၢင်ပွႆးသၢင်ႇလွင်း တင်ႈ ဢဝ်ဝၼ်းတီႈ 21- 25 မီးပၢင်မူၼ်ႈသိူဝ်းတွႆႇတိုင်ႈ မီးၽူႈႁွင့်ၵႂၢမ်းတႆးမိူၼ်ၼင်ႇၸၢႆးလွမ့်ဝုၼ်း၊ ၸၢႆးႁၢၼ်လႅင်း၊ ၼၢင်းႁွမ် ၼူၼ်းလႄႈ ၼၢင်းၼွင့်ၼူၼ်းၸိူဝ်းၼႆ့မႃးမူၼ်ႈၸႂ်ပၼ်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ