ၾူၼ်လူမ်းတူၵ်းႁႅင်း တီႈဝဵင်းလူင်ၵုင်းထဵပ်ႈ လႄႈၼမ်ႉထူမ်ႈၶူင်ႇႁိူဝ်းမိၼ်တွၼ်းမိူင်း ႁဵတ်းႁႂ်ႈ သၢႆၵၢၼ်မိၼ် 18 ထဵဝ်ႉ ဢမ်ႇၸၢင်ႈၶိုၼ်ႈလူင်း ။
ဝၼ်းတီႈ 25 /04/2019 ယၢမ်းၵၢင်ဝၼ်း 1 မူင်းပၢႆပၢႆ ၾူၼ်လူမ်းတူၵ်းႁႅင်းလႄႈၼမ်ႉထူမ်ႈၶူင်ႇႁိူဝ်းမိၼ် တွၼ်းမိူင်း။ ႁဵတ်းႁႂ်ႈၶိူင်ႈမိၼ်ဢမ်ႇၸၢင်ႈၶိုၼ်ႈလူင်းတႃႇ 1 ၸူဝ်ႈမူင်း ၶၢဝ်းတၢင်း 2 မူင်းထိုင် 3 မူင်း။ ယွၼ်ႉပိူဝ်ႈၸဝ်ႈၼႃႈတီႈ လႆႈပတ်းၽဵဝ်ႈဢဝ်ၼမ်ႉဢွၵ်ႇ။ ၵူၼ်းဢွၵ်ႇတၢင်း မွၵ်ႈ 3000 ၵေႃႉၶၢင်ႉၶမ်တီႈၶူင်ႇႁိူဝ်းမိၼ်။
ၸဝ်ႈၼႃႈတီႈၾၢႆႇတေႃႉသူင်ႇတၢင်းၵၢၼ်မိၼ်လႆႈသူင်ႇၶၢဝ်ႇၸူးလုမ်ႈၾႃႉၵူႈၸိုင်ႈမိူင်းဝႃႈ ဢမ်ႇႁႂ်ႈၶိူင်ႈမိၼ်မႃးလူင်းတီႈၶူင်ႇႁိူဝ်းမိၼ် တွၼ်းမိူင်း။ ၸိူဝ်းဢၼ်လႆႈဢွၵ်ႇၶၢဝ်းတၢင်းမႃး ယူႇၼၼ်ႉၵေႃႈႁႂ်ႈၵႂႃႇလူင်းတီႈၶူင်ႇႁိူဝ်းမိၼ်တၢင်ႇဢၼ် မိူၼ်ၼင်ႇ တႃႈႁိူဝ်းသူးဝၼႃးၽုမ်း၊ ဢူႇတၽဝ်း၊ ၽိသၼုလူၵ်ႉ ၸိူဝ်းၼႆႉဝႃႈၼႆ။ ၵူၺ်းၵႃႈၼႂ်းၶၢဝ်းယၢမ်း ဝၢႆးဝၼ်း 3 မူင်းတႄႉ ၶိူင်ႈမိၼ်ၶိုၼ်ႈလူင်းလႆႈၼင်ႇပိူင်ၵဝ်ႇယဝ်ႉဝႃႈၼႆ။
ႁွင်ႈၵၢၼ်ၾၢႆႇၶူၼ်ႉလွင်ႈၾိင်ႈၾႃႉ မိူင်းထႆး ယင်းလႆႈပိုၼ်ၽၢဝ်ႇဝႆႉဝႃႈၼႂ်းၶၢဝ်းတၢင်း ဝၼ်းတီႈ 26 ထိုင် 28 ၵေႃႈၾူၼ်လူင်လူမ်းလူင်တေၸၢင်ႈတူၵ်းထႅင်ႈလႄႈ ႁႂ်ႈလႆႈၾၢင်ႉၵၼ်ဝႆႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ