ဝၼ်းတီႈ 17/05/2019 ယၢမ်းၵၢင်ၼႂ် 7:45 မူင်း မႄႈထဝ်ႈၶမ်း ဢႃယု 86 ပီ ၵေႃႉပဵၼ်မႄႈ ၸွမ်သိုၵ်းလူင်ယွတ်ႈသိုၵ်း ႁူဝ်ပဝ်ႈၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/SSA) လႆႈလူႉသဵင်ႈသုတ်းမုၼ်ၵႂႃႇ တီႈႁိူၼ်းၵဵင်းမႆႇ ၸိုင်ႈထႆး။ ၸၢႆးတႆးထိူၼ်ႇ လုၵ်ႈၼွင်ႉပွင်ႈပၢႆ ၸွမ်သိုၵ်းလူင် ယွတ်ႈသိုၵ်း လၢတ်ႈတီႈၽူႈတွႆႇႁွၵ်ႈဝႃႈ “ ပဵၼ်တၢင်းပဵၼ်ပွတ်ႇ/ တၢင်းပဵၼ်...

လူင်ပွင်ၸိုင်ႈမိူင်းၶႄႇ လူတ်းၶၢဝ်းယၢမ်း ပိုတ်ႇၽၵ်ႇတူမိူင်းၶဝ်ႈဢွၵ်ႇ ဝူင်ႈၵၢင်မူႇၸေႊ- မိူင်းမၢဝ်း။ ဝၼ်းတီႈ 14/05/2019 ၼၼ်ႉ ယူႇတီႈတၢင်းၾၢႆႇမိူင်းၶႄႇ ဢွၵ်ႇလိၵ်ႈပိုၼ်ၽၢဝ်ႇတႅမ်ႈဝႆႉ လိၵ်ႈၶႄႇတင်းလိၵ်ႈမၢၼ်ႈဝႃႈ ၽၵ်းတူၵၢၼ်ၵႃႉၶၢႆၵုၼ် ၶဝ်ႈ/ဢွၵ်ႇ မူႇၸေႊ - မိူင်းမၢဝ်း (တႆး - ၶႄႇ) တၢင်းၸိုင်ႈတႆးပွတ်းႁွင်ႇၼၼ်ႉ တေပိၵ်ႉၸဝ်ႉလိူဝ် မိူဝ်ႈၵူႈပွၵ်ႈ။ လိူဝ်ၼၼ်ႉ ၵႃးတၢင်ႇၵုၼ်ႇၵမ်ႈၼမ် တေႁႂ်ႈၵႂႃႇၶဝ်ႈတၢင်းသၢမ်ၸဵင်ႇၶမ်း(ၵျိၼ်းသၢၼ်းၵျေႃႉ)...

ၶၢဝ်းမႆႈပီၼႆႉ ၼမ်ႉသၢႆႁႅင်ႈ ၵူၼ်းလၵ်ႉၶဝ်ႈမိူင်းထႆး၊ ၵူၼ်းလၵ်ႉၵႃႉယႃႈမဝ်းၵမ်ၸိူဝ်းၼႆႉ လၵ်ႉၶၢမ်ႈမႄႈၼမ်ႉသၢႆ ၼမ် လိူဝ်ၵူႈၶၢဝ်းလႄႈ ၾၢႆႇထႆးၶဵင်ႈၶႅင်လွင်ႈႁူမ်ႇလူမ်ႈ တီႉၺွပ်းပိုတ်းယိုဝ်း ၵူၼ်းၵႃႉယႃႈ လၢႆလၢႆၵမ်း။ တင်ႈတႄႇၶၢဝ်းပွႆးသွၼ်းၼမ်ႉမႃး ၸဝ်ႈၼႃႈတီႈၾၢႆႇထႆး တိူဝ်းၶဵင်ႈၶႅင်ၵူတ်ႇထတ်းၵူၼ်းၶဝ်ႈ - ၵူၼ်းဢွၵ်ႇလႅၼ်လိၼ်တႆး - ထႆး မႄႈသၢႆ - တႃႈၶီႈလဵၵ်း မႃးလိူဝ်ၵဝ်ႇ။ ၵႆႉတီႉၺွပ်းၵူၼ်းလၵ်ႉၶဝ်ႈမိူင်းထႆး ဢမ်ႇပဵၼ်တၢင်းၵၢၼ် ၵႆႉလႆႈပဵၼ်ပၢင်တိုၵ်းၸွမ်းၵူၼ်းၵႃႉယႃႈ...

ၸဝ်ႈမုၼ်ယႂ်ႇၶုၼ်ႁေႃၶမ်းတူၼ်မႂ်ႇမိူင်းထႆး  ပွႆႇပၼ်ၵူၼ်းတူၵ်းၶွၵ်ႈ မိူင်းထႆးပတ်းပိုၼ်ႉသၢမ်မိုၼ်ႇၵေႃႉပၢႆ  ပႃးတင်းၵူၼ်းၼွၵ်ႈမိူင်း လႄႈ ႁႅင်းၵၢၼ်ယၢၼ်မိူင်းၽွင်ႈ တင်းၼမ်။ မႆတွင်း ၸဝ်ႈမုၼ်ယႂ်ႇၶုၼ်ႁေႃၶမ်း တူၼ်မႂ်ႇလႆႈၶိုၼ်ႈႁေႃသေ  ႁွင်ႈၵၢၼ်ၾၢႆႇပွင်ႇၶၢဝ်ႇ  ၼႂ်းဝၢင်းႁေႃ ပိုၼ်ၽၢဝ်ႇဝႃႈ တင်ႈဢဝ်ဝၼ်းတီႈ 4 လိူၼ်မေႊ 2019 ၼႆႉ  ပွႆႇပၼ်ၵူၼ်း တူၵ်းၶွၵ်ႈ ၼႂ်းၸိုင်ႈထႆး တႃႇ သၢမ်မိုၼ်ႇၵေႃႉပၢႆ။ ၵူၼ်းၸိူဝ်းလႆႈႁပ်ႉမဵတ်ႉတႃႇၸဝ်ႈသေ ဢွၵ်ႇၶွၵ်ႈၸိူဝ်းၼၼ်ႉပဵၼ် ၵူၼ်းတူၵ်းၶွၵ်ႈဢၼ်...

ၶွမ်ႊပၼီႊႁပ်ႉမဝ်ၵဵပ်းယုၵ်းယၵ်း ဝဵင်းမူႇၸေႊ ဢမ်ႇႁဵတ်းၵၢၼ် ၵူၼ်းမိူင်းႁူပ်ႉတၢင်းယၢပ်ႇလႄႈ ၽွင်းလူင်ၾၢႆႇလိူမ်ႈလႆႇ ၸႄႈမိူင်းတႆး ဢွၵ်ႇလိၵ်ႈႁႂ်ႈၶွမ်ႊပၼီႊဢွင်ႇၵရုၼႃႇ ဢၼ်ႁပ်ႉမဝ် ၵဵပ်းယုၵ်းယၵ်း ၵဵပ်းၶွၼ်ႇယုၵ်းယၵ်း မီးလွင်ႈယူပ်ႈ ယွမ်းလႄႈ ႁႂ်ႈၶိုၼ်းမွပ်ႈပၼ်ၶိုၼ်း ၼႃႈၵၢၼ်ၸူး လူင်ပွင်ၸိုင်ႈ ဝႃႈၼႆ။ ၵူၼ်းမိူင်းမူႇၸေႊ ဢမ်ႇႁၢၼ်ႉၸႂ် ၶွမ်ႊပၼီႊဢွင်ႇၵရုၼႃႇ ဢၼ်ပဵၼ်ၶွမ်ႊပၼီႊသုၼ်ႇတူဝ်သေ ႁပ်ႉမဝ် ၵဵပ်းယုၵ်းယၵ်း ၸွမ်းပွၵ်ႉ/ ယွမ်ႇ ၼႂ်းၸႄႈဝဵင်းမူႇၸေႊ...

မိူင်းတႆးပွတ်းႁွင်ႇ တီႈဝဵင်းမူႇၸေႊ ပွၵ်ႉၸွၼ်ႊၸူဝ်ႇၼၼ်ႉ ႁွင်ႈၶၢတ်ႈ 2 လင် ၵူၼ်းၶၢတ်ႈယူႇမီး 12 မေႃႈၶဝ်ႈၺႃးၽေး ၾႆးမႆႈ ၵႃႈၶၼ်လူႉသုမ်းၵႂႃႇၸွမ်းၾႆး ၼပ်ႉဢၢၼ်ႇႁူဝ်သိပ်းသႅၼ်ပျႃး။ ဝၼ်းတီႈ 15/05/2019 ယၢမ်းဝၢႆးဝၼ်း မွၵ်ႈ 2 မူင်း ၾႆးမႆႈႁိူၼ်းလုင်းၸၢမ်ႇၺဵင်း လၢမ်းမႆႈပႃးႁိူၼ်းလုင်းၶမ်းထႅၵ်ႉ ဢၼ် တိတ်းၸပ်းၵၼ် တီႈပွၵ်ႉၸွၼ်ႊၸူဝ်ႇ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ...

ၵူၼ်းမိူင်းၼႂ်းၸႄႈတွၼ်ႈတူၼ်ႈတီး 200 ၵေႃႉပၢႆ ၺႃးႁူၺ်းၶွၼ်ႈတုမ် ၵမ်ႉထႅမ်တပ်ႉသိုၵ်းလူင်ပွင်ၸိုင်ႈ ႁႂ်ႈသိုပ်ႇႁၵ်ႉသႃ မႅတ်ႇပႅင်း ပိူင်ငဝ်ႈပိုင်းမိူင်း 2008 တုၵ်းယွၼ်း ႁႂ်ႈမူၼ်ႉမႄး ၼႂ်းၶေႃႈမၢႆမီႈမတ်ႉတႃ (261) ၸွမ်းၼင်ႇပိူင်မီးၼၼ်ႉ ဝႃႈၼႆ။ ဝၼ်းတီႈ 15/05/2019 ယူႇတီႈသုၼ်ၵၢၼ်ၾၢႆႇႁူမ်ႇလူမ်ႈၸိူဝ်ႉၸၢတ်ႈသေ ဢွၼ်ႁူဝ် ၵူၼ်းၼႂ်းပိုၼ်ႉတီႈ ၸႄႈဝဵင်းတူၼ်ႈတီး ဢဵၼ်ႁႅင်း မွၵ်ႈ 200 ၵေႃႉ...

ၸုမ်းပျီႇတူႉၸိတ်ႉမဵဝ်ႉမႃႉ ၼမ်ႉၶမ်း( သိုၵ်းၵူၼ်းမိူင်း)ၼၼ်ႉ ပေႃႉထုပ်ႉၵူၼ်းမိူင်းၵေႃႉၼိုင်ႈသေ ယူႇတီႈၽူႈယႂ်ႇၵူၼ်းလူင် ႁွင်ႉမႃး ဢုပ်ႇဢူဝ်း ၼင်ႇႁိုဝ် တေဢမ်ႇသိုပ်ႇပဵၼ်ထႅင်ႈၼၼ်ႉ ႁႂ်ႈပၼ်ၵႂၢမ်းမၼ်ႈသေ တင်း 2 ၾၢႆႇ ပဵၼ်ဢၼ်ႁၢၼ်ႉၸႂ် တေႃႇၵၼ်ၵႂႃႇ။ ဝၼ်းတီႈ 11/05/2019 ယၢမ်းၵၢင်ၶမ်ႈ 7 မူင်းၶိုင်ႈ ပျီႇတူႉၸိတ်ႉမဵဝ်ႉမႃႉ ၼမ်ႉၶမ်း ၸိုဝ်ႈႁွင်ႉ မွင်ႇယၢၼ်ႇဢွင်ႇ ပေႃႉထုပ်ႉ...

မႄႈၼမ်ႉသၢႆ လႅၼ်ၶႅၼ်ႈ မိူင်းတႆး တင်း မိူင်းထႆး ႁႅင်ႈယွမ်းလူင်းလိူဝ်ၵူႈပီ ယွၼ်ႉတၢင်းၾင်ႇမိူင်းထႆး တပ်ႉၼမ်ႉသၢႆ ၵႅတ်ႇၶဝ်ႈ တူင်ႈႁႆႈတူင်းၼႃး ဝႃႈၼႆ။ တႄႇဢဝ် ႁူဝ်လိူၼ်မေႊၼႆႉမႃး မႆႈႁႅင်းသေ ၼမ်ႉသၢႆ ဢၼ်လႆလူင်းၼႂ်းၵႄႈ လႅၼ်လိၼ်တႆး - ထႆး (တႃႈၶီႈလဵၵ်း - မႄႈသၢႆ) ၼၼ်ႉ ႁႅင်ႈယွမ်းလူင်း ထိုင်တီႈဢမ်ႇမီးၼမ်ႉလႆ...

ၸုမ်းၵႃႈၼူၵ်ႉၵႃႈတူဝ်းၵူၼ်းၼုမ်ႇတႆး (Shan Youth Organization) ၵႃႈၼူၵ်ႉတူဝ်း တီႈၽရထၢတ်ႈၵၢတ်ႇၵူႇသေ တိူင်ႇၵၢဝ်ႇႁႂ်ႈ တပ်ႉသိုၵ်းတႆး 2 ၸုမ်းၵိုတ်းယိုဝ်းၵၼ်ယဝ်ႉ ၽွမ်ႉသဵင်ပဵၼ်ဢၼ်ၼိုင်ႈ ဢၼ်လဵဝ်ၵၼ်။ ဝၼ်းတီႈ 12/05/2019 ၸုမ်းၵူၼ်းၼုမ်ႇတႆး SYO ဢွၼ်ႁူဝ်ၵူၼ်းၼုမ်ႇလၢႆလၢႆတီႈသေ ႁူမ်ႈၼႄတၢင်းၵႃႈၼူၵ်ႉတူဝ်း ယိၼ်း ၸူမ်းၸွမ်းဢၼ်တပ်ႉသိုၵ်းတႆး 2 ၸုမ်း လႆႈႁူမ်ႈၵၼ်ပိုၼ်ၽၢဝ်ႇ ၵိုတ်းယိုဝ်းၵၼ်။ လႆႈဢဝ်ၼူၵ်ႉၵိၼ်ႇၼရီႇ...

ပီႈၼွင်ႉတႆး ႁႅင်းၵၢၼ်ယၢၼ်မိူင်း တီႈၵဵင်းမႆႇၵေႃႉၼိုင်ႈ ပဵၼ်လူမ်းငၢၼ်းၸၼ် ၽွင်းၵႂႃႇႁႃပႃသေ ထိုင်တီႈၸူမ်ၼမ်ႉတၢႆ။ ဝၼ်းတီႈ 13/05/2019 ၼၼ်ႉ ၸၢႆးယႃႇ ဢႃယု 42 ပီ ပဵၼ်ပီႈၼွင်ႉတႆး ဢၼ်ယူႇသဝ်း ႁဵတ်းၵၢၼ်တီႈၵဵင်းမႆႇ ၊ ၸူမ်ၼမ်ႉတၢႆ ၽွင်းၵႂႃႇဢဝ်ပႃၼႂ်းၼမ်ႉႁွင်ႈ ဢၼ်မီးၼႂ်း ၸႄႈဝဵင်းသၼ်သၢႆး ၸႄႈတွၼ်ႈၵဵင်းမႆႇ ၸိုင်ႈထႆး။ ၵူၼ်းဝၢၼ်ႈႁၼ်တူဝ်တၢႆမၼ်းၸၢႆးသေ သူင်ႇၶၢဝ်ႇၸူး...

ပၢင်ဢုပ်ႇဢူဝ်းငူပ်ႉငီႉ ၵဵဝ်ႇၵပ်း ႁုၼ်ႇႁၢင်ႈ ၸွမ်သိုၵ်းဢွင်ႇသၢၼ်း ဢၼ်ပၵ်းဝႆႉတီႈၼႂ်းသူၼ်မွၵ်ႇ ၵၢင်ဝဵင်းလွႆၶေႃ ၸႄႈမိူင်း ယၢင်းလႅင်ၼၼ်ႉ ဢမ်ႇပဵၼ်ၵၢၼ်သေ လႆႈဢဝ်ပၢင်ၵုမ်တႅၵ်ႇယၢႆႈပႅတ်ႈ တႃႇပူတ်းထွၼ်ၶၢႆႉၵႂႃႇပၵ်း တၢင်ႇတီႈၵေႃႈ ၸွမ်ၽွင်း လူင် မိူင်းယၢင်းလႅင်ဢမ်ႇၽွမ်ႉၸွမ်း ဝႃႈၼႆ။ ဝၼ်းတီႈ 14/05/2019 ယၢမ်းၵၢင်ၼႂ် 10 မူင်း ဢူးဢႄႇလ်ၽွင်းသူဝ်ႇ(ဦးအယ်လ်ဖောင်းရှို) ၸွမ်ၽွင်းလူင်ၸႄႈမိူင်းယၢင်း လႅင် မွၵ်ႇလၢတ်ႈၶေႃႈၵႂၢမ်း...

ၼႃႈလိၼ်ၶိုၵ်ႉတွၼ်းမၢႆ (4) ႁိုဝ် တပ်ႉသိုၵ်းမိူင်းလႃး တေၸတ်းႁဵတ်းပၢင်ပွႆးယွင်ႈယေႃးဝၼ်းဢဝ်ငမ်းယဵၼ် ၶွပ်ႈတဵမ် 30 ပီ။ ပၢင်ပွႆးဝၼ်း တပ်ႉသိုၵ်းမိူင်းလႃး NDAA ဢဝ်ငမ်းယဵၼ် ၶွပ်ႈတဵမ် 30 ပီ တေၸတ်းႁဵတ်းတီႈ ဝဵင်းမိူင်းလႃး ၼႃႈလိၼ် ၶိုၵ်ႉတွၼ်းမၢႆ 4 ၸိုင်ႈတႆးပွတ်းဢွၵ်ႇၶူင်း။ တေမွၵ်ႇထိုင် ၾၢႆႇလူင်ပွင်ၸိုင်ႈ၊ တပ်ႉမ တေႃႇ၊...

ၵႃးႁပ်ႉၸၢင်ႈတၢင်ႇၵူၼ်း လမ်းၼိုင်ႈ ပိၼ်ႈတူၵ်းတၢင်း ၼိူဝ်သဵၼ်ႈတၢင်း လူင်မိူင်းႁူမ်ႈတုမ် တႃႈၶီႈလဵၵ်း - ၵဵင်းတုင်လႄႈ တူၼ်ႈတီး ၵူၼ်းမႃးၸွမ်းၵႃး တင်းမူတ်း 8 ၵေႃႉ ပႃးၵူၼ်းႁေႃႈ လူႉတၢႆၵႂႃႇ 5 ၵေႃႉ မၢတ်ႇၸဵပ်း 3 ၵေႃႉ။ ဝၼ်းတီႈ 12/05/2019 ယၢမ်းၵၢင်ၼႂ် 6 မူင်း...

ၸွမ်သိုၵ်းလူင် ယွတ်ႈသိုၵ်း ၽူႈၼမ်းၾၢႆႇဢွၼ်ႁူဝ်ၶၵ်ႉၵၢၼ်လွင်ႈငမ်းယဵၼ် ၸုမ်းၸၢဝ်းၶိူဝ်းလူင်းလၢႆးမိုဝ်းၵိုတ်းတိုၵ်း PPST  လၢတ်ႈဝႃႈ လူင်းလၢႆးမိုဝ်းၵိုတ်းတိုၵ်း NCA ၶွပ်ႈတဵမ် 3 ပီယဝ်ႉသေတႃႉ ဢမ်ႇႁၼ်ၶိုၼ်ႈယႂ်ႇမႂ်ႇသုင်ၶိုပ်ႈၼႃႈၶိုၼ်ႈသင်ႉသင်  ဝႃႈၼႆ။ ၸွမ်သိုၵ်းလူင်ယွတ်ႈသိုၵ်း လၢတ်ႈၶေႃႈၵႂၢမ်းပိုတ်ႇပၢင်ၵုမ်ၽူႈၼမ်းၸိၵ်းၸွမ် ၸုမ်းၸၢဝ်းၶိူဝ်း ၸိူဝ်းလူင်းလၢႆးမိုဝ်းၵိုတ်းတိုၵ်း 10 ၸုမ်း NCA –S EAO ၵမ်းထူၼ်ႈ 4 ၸတ်းႁဵတ်းၼႂ်းဝၼ်းတီႈ...