ပေႃႈမႄႈပီႈၼွင်ႉၸိူဝ်ႉၶိူဝ်းမႆႈၸႂ်ၸွမ်း ၵူၼ်းၼုမ်ႇ 6 ၵေႃႉ ဢၼ်ၺႃးၸုမ်းယိပ်းၵွင်ႈၵၢင်ႇ တီႉၺွပ်းႁွင်ႉၵႂႃႇ။ တုၵ်းယွၼ်း ႁႂ်ႈပွႆႇပၼ်တူဝ်ၶိုၼ်း ၽႂ်းၽႂ်း ဝႃႈၼႆ။ ဝၼ်းတီႈ 26/11/2018 ယၢမ်းၵၢင်ၶမ်ႈ မွၵ်ႈ 7 မူင်း ၵူၼ်းၼုမ်ႇ 6 ၵေႃႉ ၽွင်းတိုၵ်ႉၼင်ႈၵိၼ် တၢင်းၵိၼ် တီႈႁၢၼ်ႉၶၢႆ ၼမ်ႉၼဵင်ႈ တီႈ ပွၵ်ႉ...

တွၼ်ႈတႃႇမၢႆတွင်း ပီမႂ်ႇတႆး 2113 ၼီႈၼႆသေ ၵေႃလိၵ်ႈလၢႆး လႃႈသဵဝ်ႈ ၸတ်းပၢင်ၶႅင်ႇမၢၵ်ႇၼင် တႃႇၶၢဝ်းတၢင်း 14 ဝၼ်း ဝႃႈၼႆ။ ၵေႃလိၵ်ႈလၢႆးလႄႈ ၾိင်ႈငႄႈတႆး ၸႄႈဝဵင်းလႃႈသဵဝ်ႈ ဢွၼ်ႁူဝ်ၸတ်းႁဵတ်း ပၢင်လဵၼ်ႈမၢၵ်ႇၼင် တႃႇမၢႆတွင်း ပီမႂ်ႇတႆး 2113 ၼီႈ တီႈပၢင်ႇလဵၼ်ႈႁႅင်းမိူင်းႁူမ်ႈတုမ် ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ တႄႇဢဝ် ဝၼ်းတီႈ...

လူင်ပွင်ၸိုင်ႈမိူင်းထႆး ပိုၼ်ၽၢဝ်ႇဝႃႈ ႁႂ်ႈၵိုတ်းၵၢၼ်ၸႂ်ႉၶေႃႈၵႂၢမ်းဢၼ်ႁွင်ႉႁႅင်းၵၢၼ်ယၢၼ်မိူင်းဝႃႈ “ တၢင်ႇၻၢဝ်ႉ” ႁႂ်ႈႁႅင်း ၵၢၼ်မီးသုၼ်ႇၶဝ်ႈထိုင်ၶေႃႈမုလ်းၶၢဝ်ႇသၢၼ်ၽဵင်ႇပဵင်းၵၼ်တင်းၵူၼ်းထႆး ဝႃႈၼႆ။ ဝၼ်းတီႈ 27/11/2018 ၶၢဝ်ႇသူတ်ႇပိုၼ်ၽၢဝ်ႇဝႃႈ ၸၢႆးၽုတ်ႉထိၽူင်း ပုၼ်ႊၵၼ်ႊ ၽူႈမီးပုၼ်ႈၽွၼ်း ၾၢႆႇၶၢၼ်ပၢၵ်ႇလုမ်း ၽွင်းလူင်မိူင်းထႆး ပိုတ်ႇလၢတ်ႈဝႃႈ ဢုပ်ႇဢူဝ်းလႆႈၸႂ်ၵၼ်တႅပ်းတတ်းၼႂ်းပၢင်ၵုမ် ၸုမ်းၽွင်းလူင်ဢၼ်ၸတ်းၼႂ်းဝၼ်းတီႈ 26/11/2018 ၵဵဝ်ႇလူၺ်ႈလွင်ႈ ႁႂ်ႈၵိုတ်းၵၢၼ်ၸႂ်ႉၶေႃႈၵႂၢမ်း ဢၼ်ႁွင်ႉဝႃႈ ( ၵူၼ်းတၢင်ႇၻၢဝ်ႉ...

ၸုမ်းၵပ်းသၢၼ်လွင်ႈၼၢင်းယိင်းတႆး SWAN ဢွၵ်ႇၽိုၼ်ႁၢႆးငၢၼ်း ၵၢၼ်တူင်ႉၼိုင် ၶၢဝ်းတၢင်း 16 ဝၼ်းသေ တူၵ်ႇ တၵ်ႉဝႃႈ ၼၢင်းယိင်းတိုၵ်ႉပဵၼ်ယိူဝ်ႇ ၼႂ်းပၼ်ႁႃပတိၵ်ႈၶၢတ်ႈ၊ တိုၵ်ႉတူၵ်းပဵၼ်ၶိူင်ႈမိုဝ်းၵၢၼ်မိူင်းယူႇ ဝႃႈၼႆ။ ဝၼ်းတီႈ 27/11/2018 ၸုမ်းၵပ်းသၢၼ်လွင်ႈၼၢင်းယိင်းတႆး “သွၼ်း” ဢွၵ်ႇလိၵ်ႈပိုၼ်ၽၢဝ်ႇ လွင်ႈတူင်ႉၼိုင် ၶၢဝ်း တၢင်း 16 ဝၼ်းၼၼ်ႉ ပိူင်လူင်ႁၢႆးငၢၼ်းပႃးလွင်ႈၼႂ်းပၼ်ႁႃ ၵၢၼ်မိူင်း...

ၸဝ်ႈၼႃႈတီႈထႆးၼႂ်းၸႄႈတွၼ်ႈ ၵဵင်းႁၢႆးမိူင်းထႆးတွၼ်ႈၼိူဝ် ႁူမ်ႈၵၼ်ဢဝ်ႁူမ်ႇလူမ်ႈပွတ်းတွၼ်ႈ သၢမ်ၸဵင်ႇၶမ်း တင်းထုင်ႉသၢပ်ႇၼမ်ႉၶွင် ပိူဝ်ႈႁႄႉၵင်ႈလွင်ႈဢမ်ႇၼိမ်သဝ်းၼႂ်းပိုၼ်ႉတီႈ။ ဝၼ်းတီႈ 23/11/2018 ၸၢႆးပရႃႊသူင်ႊ လႃႉဢွၼ်ႇ ၽူႈၵွၼ်းၸႄႈဝဵင်းၵဵင်းသႅၼ်၊ သိုၵ်းဢိၵ်ႇၸဝ်ႈၼႃႈတီႈႁူမ်ႈဢဵၼ်ႁႅင်း 90 ပၢႆ ဢွၼ်ၵၼ်လူင်းပိုၼ်ႉတီႈ ၵူတ်ႇထတ်းလွင်ႈၼိမ်သဝ်း တီႉၺွပ်းလႆႈ ၽူႈၵဵဝ်ႇၶွင်ႈယႃႈမဝ်းၵမ် 3 ၵေႃႉ၊ ယိုတ်းလႆႈ ၾူၼ်း 1 ၶိူင်ႈလႄႈငိုၼ်း 40,620...

ပၼ်ႁႃၼႂ်းၸိုင်ႈတႆးပွတ်းႁွင်ႇ ဢၼ်တပ်ႉသိုၵ်းတႆး 2 တပ်ႉသိုၵ်း တုမ်ႉတိူဝ်ႉပိုတ်းယိုဝ်းၵၼ် ႁႂ်ႈၵူၼ်းမိူင်းပေႃးလူႉ ပေႃးသုမ်းၼၼ်ႉ ဢမ်ႇထုၵ်ႇလီပဵၼ်လႄႈ ပႃႇတီႇႁူဝ်သိူဝ် SNLD တႅမ်ႈလိၵ်ႈတုၵ်းယွၼ်းထိုင် ႁူဝ်ပဝ်ႈတင်းသွင် ၾၢႆႇႁႂ်ႈဢုပ်ႇဢူဝ်းၵၼ် ၵႄႈလိတ်ႈပၼ်ႁႃ ၽႂ်းၽႂ်း ဝႃႈၼႆ။ ဝၼ်းတီႈ 26/11/2018 ယူႇတီႈပႃႇတီႇႁူဝ်သိူဝ် SNLD တႅမ်ႈလိၵ်ႈတုၵ်းယွၼ်းထိုင် ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈ RCSS...

ၸုမ်းၽူႈလူင်ႉလႅၼ်ႇၾၢႆႇသၢင်ႈႁူင်းၾႆးမိၼ် ႁွင်ႈၵၢၼ်ၾၢႆႇၶူၼ်ႉၶႂႃႉၶူဝ်းၵဝ်ႇၵႄႇလႄႈ ႁူင်းၼႄပိုၼ်း ႁွင်ႈၵၢၼ်ၽွင်း လူင်ၾၢႆႇၾိင်ႈငႄႈလႄႈသႃသၼႃ လူင်ပွင်ၸိုင်ႈမိူင်းတႆး တေႁူမ်ႈၵၼ် ဢဝ်ပွႆးႁူင်းၾႆးမိၼ် တီႈတူၼ်ႈတီး တၢင်ႇသဵၼ်ႈ ၸိုဝ်ႈ ႁႂ်ႈၶဝ်ႈၼႂ်း သဵၼ်ႈမၢႆၵိုၵ်းပိုၼ်းလုမ်ႈၾႃႉ UNESCO ဝႃႈၼႆ။ ပွႆးလိူၼ် 12 မူၼ်း (ပွႆးပွႆႇႁူင်းၾႆးမိၼ်) တီႈဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း ပီၼႆႉ တႄႇၸတ်းႁဵတ်း မႃးမိူဝ်ႈ ဝၼ်းတီႈ...

ဢိင်ၼိူဝ်သိုၵ်းတႆး 2 ၸုမ်းယိုဝ်းၵၼ်သေ ၵူၼ်းဝၢၼ်ႈၼႃးလေႃႉ ဢိူင်ႇၸႄႈၶၢၼ် ၸႄႈဝဵင်းသီႇပေႃႉ ၸိူဝ်းလႆႈ ပၢႆႈၵႂႃႇသွၼ်ႈဝႆႉ တီႈဝၢၼ်ႈၸႄႈၶၢၼ် 200 ပၢႆၼၼ်ႉ တေႃႈလဵဝ် ၶိုၼ်းဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း ၶိုၼ်းယဝ်ႉ။ ဝၼ်းတီႈ 26/11/2018 ယၢမ်းႁူဝ်ၶမ်ႈ 5 မူင်း ၵူၼ်းဝၢၼ်ႈၼႃးလေႃႉ ဢွၼ်ၵၼ်ပၢႆႈၽေးသိုၵ်း ၵႂႃႇသွၼ်ႈဝႆႉ တီႈဝတ်ႉ ဝိႁၢရ်ဝၢၼ်ႈၸႄႈၶၢၼ် ၸႄႈဝဵင်းသီႇပေႃႉ...

ပၢင်ႁူပ်ႉထူပ်း ၵၢၼ်သၢင်ႈႁူမ်ႈမိုဝ်း လွင်ႈၵၢၼ်ႁဵၼ်းႁူႉ ပိုၼ်ၽႄႈသႃသၼႃပုတ်ႉထ လႄႈ လွင်ႈၾိင်ႈထုင်း 4 ၸႄႈ မိူင်း ႁူပ်ႉဢုပ်ႇၵၼ် တီႈဝဵင်းၵဵင်းၶွင် ၼႂ်းၸိုင်ႈထႆး ပဵၼ်ပွၵ်ႈၵမ်းသွင် မီးၽူႈၶဝ်ႈႁူမ်ႈ 50 ပၢႆ။ ဝၼ်းတီႈ 25-26/11/2018 ယၢမ်းၵၢင်ၼႂ် 9 မူင်း ထိုင် 5 မူင်း ႁူဝ်ၶမ်ႈ...

သိုၵ်းထႆးလႄႈ ၸုမ်းတေႃႉယႃႈ ပိုတ်းယိုဝ်းၵၼ် ၼႂ်းၸႄႈတွၼ်ႈၵဵင်းႁၢႆး - ႁိမ်းလႅၼ်လိၼ်တႆး ၸႄႈတွၼ်ႈတႃႈၶီႈလဵၵ်း ၾၢႆႇၵူၼ်းတေႃႉယႃႈတၢႆ 5 ၵေႃႉ ယိုတ်းလႆႈယႃႈမႃႉၼပ်ႉလၢၼ်ႉမဵတ်ႉ။ ဝၼ်းတီႈ 25/11/2018 သိုဝ်ႇၶၢဝ်ႇ Workpoint ပိုၼ်ၽၢဝ်ႇဝႃႈ - ၸဝ်ႈၼႃႈတီႈသိုၵ်းထႆး လႆႈႁူႉၶၢဝ်ႇဝႃႈ တေမီးလွင်ႈတေႃႉသူင်ႇယႃႈၶဝ်ႈမိူင်းထႆးၼႆသေ လႆႈႁူမ်ႈဢဵၼ်ႁႅင်းၵၼ် ၵႂႃႇပႂ်ႉၵူတ်ႇထတ်း။ ၽွင်းၼၼ်ႉ မီးၵူၼ်းၸၢႆးမွၵ်ႈ 7...

ၵူၼ်ႈဝၢၼ်ႈပုင်းလူင် ၸႄႈဝဵင်းၵျွၵ်ႉမႄး ၺႃးၸုမ်းယိပ်းၵွင်ႈၵၢင်ႇ ၸုမ်းၼိုင်ႈတီႉၺွပ်းၵႂႃႇ တေႃႇထိုင် ယၢမ်းလဵဝ် ပႆႇပွႆႇ တူဝ် ပီႈၼွင်ႉၸိူဝ်ႉၶိူဝ်း လုၵ်ႈလၢင်းၼၢင်းမေးပဵၼ်ဢၼ်တူၵ်းၼမ်ႉတႃ မႆႈၸႂ်ၸွမ်း။ ဝၼ်းတီႈ 25/11/2018 ယၢမ်းၵၢင်ၶိုၼ်း 11:30 မူင်း လုင်းဢေႃးပႃႇ ဢႃယု မွၵ်ႈ 50 ပီပၢႆ ၵူၼ်းဝၢၼ်ႈပုင်းလူင် ပွၵ်ႉဝၢၼ်ႈ မႂ်ႇ ၵိင်ႇၽႄမိူင်းငေႃႉ...

ၵူၼ်းမိူင်းတႆး ပွတ်းႁွင်ႇလၢႆၸႄႈဝဵင်း ထုၵ်ႇၸုမ်းပႃႇတီႇသၢင်ႇသီႈၶၢၼ်းႁွင်ႉ ၵႂႃႇႁူမ်ႈၸုမ်းသိုၵ်းၵဝ်ႇသေ ၵမ်ႉထႅမ်တပ်ႉ သိုၵ်းလူင်ပွင်ၸိုင်ႈမၢၼ်ႈ တီႈဝဵင်းလႃႈသဵဝ်ႈ ႁူဝ်ၵူၼ်း ႁဵင်ပၢႆ။ ဝၼ်းတီႈ 25/11/2018 ယၢမ်းၵၢင်ၼႂ် 9 မူင်း ၵူၼ်းမိူင်း လႃႈသဵဝ်ႈ၊ မိူင်းယႆ၊ သႅၼ်ဝီ၊ ၼွင်ၶဵဝ်၊ ၵျွၵ်ႉမႄး၊ သီႇပေႃႉ၊ ၵူတ်ႉၶၢႆ လႄႈ ဢိၵ်ႇထႅင်ႈ လၢႆလၢႆၸႄႈဝဵင်း...

ၾႆးမႆႈပုမ်ႇ/ၵွင်ၶဝ်ႈၵူၼ်းမိူင်းလၢႆးၶႃႈ 2 ပုမ်ႇ ၵဵဝ်ႇလူၺ်ႈလွင်ႈၼႆႉ ပဵၼ်ယွၼ်ႉသင် ၽႂ်ၵေႃႉလႂ် ၽဝ်ဢၼ်ဝႃႈၼၼ်ႉ ပႆႇႁူႉ ႁူဝ်ယွႆႈမၼ်း ဝႃႈၼႆ။ ဝၼ်းတီႈ 22/11/2018 ယၢမ်းၵၢင်ၼႂ် 10 မူင်းပၢႆၼၼ်ႉ ၾႆးမႆႈပုမ်ႇၶဝ်ႈ ၼႃးလုင်းၸေႃးၵ လႄႈ ပႃႈၶႆႇ ၵူၼ်းဝၢၼ်ႈၼမ်ႉ တူၵ်း ဢိူင်ႇၼမ်ႉတူၵ်း ၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း။...

ၸဝ်ႈၼႃႈတီႈပလိၵ်ႈ ဝဵင်းၵဵင်းမႆႇႁူမ်ႈၵၼ်ၸွမ်းႁႃတူဝ် ၸၢႆးၵေႃးယ ဢၼ်ထၢင်ႇထိူမ်ဝႃႈ ပဵၼ်ၵူၼ်းၶႃႈႁႅမ်မေးၸဝ်ႈၵဝ်ႇတီႈ  ၵဵင်းမႆႇ ၸိုင်ႈထႆး။ ဝၼ်းတီႈ 20/11/2018 သိုဝ်ႇၶၢဝ်ႇၵဵင်းမႆႇပိုၼ်ၽၢဝ်ႇဝႃႈ ၸဝ်ႈၼႃႈတီႈၾၢႆႇၽွင်းငမ်း၊ ၾၢႆႇပလိၵ်ႈႁူမ်ႈၵၼ် လူင်းပိုၼ်ႉတီႈ ၸွမ်းႁႃတူဝ်ၸၢႆးၵေႃးယ ဢၼ်ထုၵ်ႇၼႄးဝႃႈၶႃႈႁႅမ်မေးၼၢင်းမၼ်းၸၢႆးတၢႆတီႈမႄႈရိမ်း ဝဵင်းၵဵင်းမႆႇ ၸိုင်ႈထႆး ၶၢတ်ႈလၢမ်းဝႃႈ ပၢႆႈၶဝ်ႈၵႂႃႇတၢင်းၼႂ်းထိူၼ်ႇလွႆသုထဵပ်ႈဝႃႈၼႆ။ ၽွင်းၶဝ်ႈၵႂႃႇၵူတ်ႇထတ်းၼၼ်ႉၸဝ်ႈၼႃႈတီႈထူပ်းႁၼ်ႁွႆးတိၼ်၊ ႁွႆးၸူႉတုမ်ၾႆးႁုင်ၵိၼ်ၶဝ်ႈၽၵ်း၊ မီးၶဝ်ႈသွႆးဢေႃႇတေႃႇ၊ ၶဝ်ႈသၢၼ်ၸိူဝ်းၼႆႉ ၊ယူႇတီႈၸဝ်ႈၼႃႈတီႈပလိၵ်ႈသေ တေၶတ်းၸႂ် ၸွမ်းႁႃတူဝ်မၼ်းၸၢႆးတေႃႇပေႃးထူပ်းႁၼ်ၼႆယဝ်ႉ။ ၸၢႆးပိူင်း...

ပီႈၼွင်ႉတႆး ၵဵင်းမႆႇ ႁူမ်ႈၵၼ်သေ တေၶဝ်ႈႁူမ်ႈပႆၼႄၾၢင်ႁၢင်ႈမိၵ်ႈမၢႆ ၾိင်ႈႁိတ်ႈႁွႆးတႆး တင်း ၼူၵ်ႉတူဝ်း ၼႂ်းဝၼ်း လိူၼ် 12 မူၼ်း လႄႈ ပွႆႇမွၵ်ႇပွႆႇတဵၼ်း လွင်ႈၸွမ်းမႄႈၼမ်ႉပိင်း “ ပွႆးလွႆးၵရႃႇထူင်း” ဝႃႈၼႆ။ မိူဝ်ႈၼႆႉ ဝၼ်းတီႈ 23/11/2018 ယၢမ်းၵၢင်ၶမ်ႈ 6 မူင်း ယူႇတီႈၶွင်ႇသီႇၸၢဝ်းၶိူဝ်းတႆး ၵဵင်းမႆႇ...