ပလိၵ်ႈမၢၼ်ႈတီႈၵဵတ်ႉ/လၢၼ်ႇမၢၵ်ႇယၢင်း တီႉလႆႈမၢၵ်ႇၵွင်ႈ တီႈၸၢဝ်းထႆး ၵေႃႉၼိုင်ႈ 638 လုၵ်ႈ ဝႃႈၼႆ။
ဝၼ်းတီႈ 22/6/2019 ယၢမ်းၵၢင်ၶမ်ႈ မွၵ်ႈ 6 မူင်းၶိုင်ႈၼၼ်ႉ ပလိၵ်ႈတီႈၵဵတ်ႉမၢၵ်ႇယၢင်း တီႉလႆႈမၢၵ်ႇၵွင်ႈ 638 တီႈၵူၼ်း ၸၢဝ်းထႆး ၸိုဝ်ႈႁွင်ႉ (ၸၢႆး)ဢႃးၼွႆႉၶျူၼ်း ဢႃယု 23 ပီ တီႈၵဵတ်ႉမၢၵ်ႇယၢင်း သဵၼ်ႈတၢင်း မိူင်းလဵၼ်း – တႃႈၶီႈလဵၵ်း ၼႂ်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း။
မၼ်းၸၢႆးဢဝ် မၢၵ်ႇၵွင်ႈၸိူဝ်းၼႆႉ သႂ်ႇၼႂ်းထူင်ပိူဝ်ႉၸေးၶီႇရူတ်ႉၶိူင်ႈ လုၵ်ႉတၢင်းမိူင်းလဵၼ်းတေမႃးတၢင်း တႃႈၶီႈလဵၵ်း။
တေႃႈလဵဝ် ယူႇတီႈပလိၵ်ႈၽူႈမီးပုၼ်ႈၽွၼ်းၶဝ် ၵုမ်းၶင်တူဝ်မၼ်းၸၢႆးဝႆႉသေ တိုၵ်ႉထဵတ်ႈထၢမ် ဝႆႉတီႈႁူင်းပလိၵ်ႈ ၸႄႈ ဝဵင်းတႃႈၶီႈလဵၵ်းဝႆႉယူႇ။
ပူၼ်ႉမႃး မိူဝ်ႈဝၼ်းတီႈ 20 လိူၼ်ၵျုၼ်ႊၼႆႉၵေႃႈ တီႉလႆႈမၢၵ်ႇၵွင်ႈ ႁိမ်း 400 လုၵ်ႈ တီႈၸၢႆးသၢမ်ပႅၼ်ႈၵဵတ်ႉမၢၵ်ႇယၢင်း ၸႄႈဝဵင်းတႃႈၶီႈလဵၵ်း ၼင်ႇၵဝ်ႇ။ မၼ်းၸၢႆးလၢတ်ႈဝႃႈ ဢဝ်မၢၵ်ႇၵွင်ႈၸိူဝ်းၼႆႉ တၢင်းၾၢႆႇမႄႈသၢႆမႃး ဝႃႈၼႆ။
